CHICKEN FACTORY (華心商場)

营业中

休息中

在華心商場覓食，見到“雞廠”門外的餐牌多姿多彩，除了招牌海南雞、炸雞，還有人參雞湯飯，忍不住要進去醫肚。這裏以快餐自助形式，先購票付款，等叫號取餐。座位簡潔，午飯時間有很多學生和上班族用餐。點了人參雞湯飯套餐$59，有泡菜附送，可以另加飲品或小食，見到有碗仔翅加$12，是我最愛的小食，碗仔翅雖說是港式食物，但配韓國菜其實也很普遍。人參雞湯有半隻小雞，份量算很多了，別忘記湯底用料還有糯米飯、紅棗、杞子、人參，全都能吃，人參雞湯熱辣辣的上桌，聞著香濃的人參味，真的是冬日補身首選。吃完半隻雞已經超飽肚，白飯真的吃不完，下次要點少飯。有泡菜拌飯，微微酸辣，吃得比平時更多呢！碗仔翅十分推介，要試！用料非常充足，木耳、蛋花、肉絲等配料滿滿的一小碗，其實份量也不少。吃著碗仔翅，每口都爽口酸香，麻油、醋、胡椒粉拌勻令香味揮發更好，醒神開胃！有人參雞湯和碗仔翅，飲品也不用加了，喝得整個人暖呼呼的，抵食又養生。見到有很多街坊來買外賣，都點招牌海南雞，說最抵食又好味，下次要來試試。

午飯時間在華心商場隨便逛，看到chicken factory的午餐，價錢很經濟實惠，以快餐形式點菜付款，然後快速取餐，很適合趕時間的上班族，原來這裏是出名吃烤雞和海南雞的。點了無骨海南雞湯米線，轉麻辣湯，麻辣味道恰到好處，不會過於辛辣。米線滑嫩，軟硬度適中。海南雞有驚喜，雞肉鮮嫩多汁又無骨，入口嫩滑，附上薑蓉鹹度適中，配海南雞吃很好味！有醃蘿蔔當配菜，微微酸甜又爽口，非常開胃。另加一瓶凍咖啡，味道又不錯啊！濃淡得宜，喝到茶的香氣，奶味又不會太濃。整頓午飯只需半小時，夠快又好吃，性價比高，上班族絕對要試試，打算把它當飯堂了。

我買韓式烤雞餐，攞完外賣返到公司打開嚟食，點解無咗個醬嘅，咁我打返開個app睇下個醬係咪無得跟餐啦，咁我見到有嘅咪打返去問囉，咁佢叫我過去攞返，過到去舖頭同佢講我攞返個醬，點知佢同我講半隻雞係無嘅，我就話個app寫住係有，佢死都話無，咁我話我頭先打嚟你唔講，我行返嚟你先話無，我叫佢你自己開個app睇，佢好笑到叫我開比佢睇，我又無帶電話過去，我咪話我呃你一個醬咩，你自己開嚟睇啦，你而家係到嘥緊我時間，最尾佢咪死死氣比返我，好老實我唔係想為咗個少少嘢同你嘈，但你個app同張單都有寫住配韓式甜辣醬囉…

問海南雞餃子米線可唔可以淨餃子，直接話唔得乜ok咯，比左份齋餃子比我，仲嘴硬話講過，d餃子仲爛碎夾唔起。比餐具要加錢點係點唔出聲自己去惠康買速凍餃子叮好過去泥間嘢

1200響起 午餐的鐘聲，打工仔們又要四出搵美食今次我黎到 粉嶺華心邨內的chicken factory 是我們做gym的福音美食首先這裡有停車場而且出入口上落好方便很容易搵到這間餐廳午餐時間一開始很少人，大約1230左右就會超多學生，所以早黎容易有位坐肉質豐富，配菜又好食，都只需要$45 真係打工仔美食

雖然我只是全自助，自己門外點完餐自己坐入去等嘢食，全自助員工係當你透明，而呢間嘢嘅員工除咗全程當客人透明亦連少少丁點基本禮貌都完全沒有，所謂嘅皇牌及食物，其實只係全部整定用微波爐加熱俾你。一直想試下呢間嘢，真係一次就夠，保證你堂食完唔會係感覺舒服地離開，去一次當交智商稅同埋呢間嘢請啲員工只會坐喺度，你入得去唔好諗住會有人理會你嘅存在整體來講，如果你係叫烤雞，你當自己去便利店或超市，然後自己送入微波爐加熱嘅質素啦！唔好諗住會有人理會你，呢間嘢兩年前已經想試下，終於去過一次，永久唔會再幫襯

餐廳附近都有大家樂大快活, 要食嘢大把選擇。但今日忽然想食海南雞飯, 本住雞飯主題嘅餐廳應該好食過佢哋, 就去幫襯咗chicken factory。幫襯過呢間餐廳幾次, 烤雞又買過, 海南雞飯又食過。今日晏晏地, 諗住食個迷你海南雞飯套餐當lunch, 價錢$29, 包飲品。我想食啲蔬菜, 加12蚊買咗個焗雜菜。但係嚟到個海南雞飯只有黑豉油淋喺面。我唔係海南人, 又唔係馬來西亞人/新加坡人, 喺我認知裏面, 冇試過食海南雞飯冇嗰碟辣醬。問廚房個阿姐, 佢話係食午餐個海南雞飯先有辣醬, 如要要畀$5。吓? 黑豉油辣醬同蒜蓉唔係海南雞嘅基本醬料咩? 哦! 呢間主打海南雞同焗雞嘅餐廳, 下午茶版嘅海南雞飯要加$5先可以有辣醬, 我真係第一次見識, 仲有咩好講? 唔係我唔捨得使錢, 我$12加個焗菜on top of $29嘅餐都冇嫌貴, 但係呢間餐廳嘅做法令我太失望。話分兩頭, 雞係滑嘅; 以我目測厚度如果有1.5 cm, 實際雞肉嘅厚度有0.5cm-1cm, 雞皮加雞油係我自己揀唔食啫; 焗蔬菜都幾香牛油味, 係鹹咗少少。飲品不過不失, 点咗紅菜頭XX汁,冇貨就飲咗樽溝出嚟嘅檸水。環境方面

本身對雞既要求都唔算高 但只吃滑雞既我 見到個海南雞飯圖 都深深比佢吸引左 甘就試下啦 雞呢 就都算滑 味道都其實還可以 不過其實就唔好諗住要好有水準 呢個價錢都值得一試 間中吃快靚正

下午茶係幾抵食既!! 好似2:30 開始。炸雞好正 海南雞飯真係都好抵食仲可以轉黃油飯! 有三款樽裝茶選擇。個酸辣麵就真係麻麻, 配既炸雞好食, 但係個湯係得個辣字無咩特別, 都無鮮味。我食過佢全隻雞, 抵最少兩個人食先食到! 其實吾點醬都好夠味, 加餸一流但係如果外賣自取你加錢配小食, 就記得走之前逐樣check 。 因為我已經試過兩次一加小食, 佢就執少左野俾我打電話去, 完全無道歉, 仲要行返去拎 (如果住得遠都幾麻煩)! 希望d 阿姐吾好成日執少野啦, 去得外賣自取其實都係趕時間貪夠快夠方便!

Chicken factory 之前係南昌食過一次唔錯。今次見開到呢屋企附近，梗係要去試吓。海南雞飯套餐包飯加湯和嘢飲。醬汁嘅味道唔錯，不過雞嘅肉質有啲老，並唔係入口滑嫩。湯係蘿蔔雞湯，清清地而且雞味濃。烤雞套餐可選兩款配菜（雜菜/油飯/蘑菇飯/薯仔），雞有兩款汁配搭（菇菌汁/叻哩汁），雞嘅份量大約有半隻到。整體份量都正常，而且好吃。

每晚放工頭仲痕埋究竟食咩好🤔Chicken factory 就為一眾粉嶺人帶來其中一樣好選擇！😃✨舖頭當中最eye catching嘅莫過於 $50 半隻👑🐔皇牌烤雞餐！哩次嘅食評係我已經翻兜第二次寫嘅，就證明我係覺得幾掂，平過大X活價錢比到咁嘅份量係相當唔錯！除咗半隻雞外，仲可以係🐓烤雜菜/🥔烤薯/🍚雞油飯中任揀兩款，免費跟冷泡茶🍵/罐裝汽水🥤，如果想飲豆漿🥛都只係加$2。🐔雞食落去嫩滑唔柴，醃料都適中唔過鹹👍🏻。我今次配咗牛肝菌汁，有啲似傢俬舖陣磨菇忌廉汁再多啲忌廉陣味，個醬比起隻雞唔突出。烤雜菜🥦有青豆同菇，的確係烤得好香同食得出有一粒一粒鹽嘅鹹。🥔烤薯係我喜歡嘅，因為係連皮烤夠曬original ，但如果無咗陣薯仔皮嘅澀味會更加好！

新年嚟開呢頭第一次幫襯但下午茶份量好少買咗兩份炸雞下午茶原來佢得6粒🤦🏼‍♂️🤦🏼‍♂️🤦🏼‍♂️ ！ 新年嚟開呢頭第一次幫襯但下午茶份量好少買咗兩份炸雞下午茶原來佢得6粒🤦🏼‍♂️🤦🏼‍♂️🤦🏼‍♂️ ！ 😂

開左一段時間去試下佢既雞，全部都係雞，呢個下午茶$49，已包括加十二蚊多一杯焗薯，好抵食。😋😋😋😋😋😋整個餐都一般般，最好食就係焗薯，好多舊，好香。

平時華心商場己經似個死城，特別最近地面街市重裝，餐廳少之有少，人流亦變得更少。不過，岩岩開業嘅韓樂為商場帶來人流，商場變得熱鬧。本身想食韓樂LUNCH，但見到人龍，就轉戰隔離間Chicken Factory。當日我成為店內第一位客人，由於同隔離韓樂人流太大對比，所以抱住試伏嘅心情入去😂。自助機點餐後，等左幾分鐘就可以領餐。店內嘅餐具全部都係即用即棄，感覺唔環保，但衞生。 半隻燒雞配焗薯蔬菜、咖喱汁 $50本以為汁係另上，點知已經淋左係雞上面，由於汁好鹹，如果比我再揀，寧願乜汁都唔要。燒雞已經放左一段時間，雞皮唔脆，肉質好淋，無牙都食到。焗薯熱辣辣，有牛油同黑椒香，屋企人好中意食。蔬菜好鹹😥，而且重孜然味，個人覺得調味太重手。半隻燒雞配焗薯雞飯、麻辣汁 $50麻辣汁就係口水雞味，唔算好辣，不過偏鹹。家人話個淡黃色雞飯同白飯差唔多，唔太覺有雞味。總結，以價錢黎講真心抵，$50有半隻燒雞、兩個配菜同餐飲，餐飲仲可以揀冷泡茶，我揀左洛神花茶，少少酸幾好飲。食哂成個餐好夠飽，岩哂需要多蛋白質嘅我😏。