CHICKEN FACTORY (馬鞍山廣場)

营业中

休息中

網上訂餐外賣自取話可以取餐，去到都仲要等多15分鐘，繁忙時間理解的，當等到外賣攞到返屋企打開先發現俾漏野，海南雞拼餃子米線冇咗餃子，又唔想拎番咁多袋返去舖頭問佢攞返幾隻餃子㗎，所以最終都係硬食！下次都係要每盒打開check清楚先好離開免得要行多次！不過頭先鋪頭好爆所以冇咁做！

馬鞍山公司第一次叫美團外賣，在咁多市店同事選了這chicken factory ，真是千揀萬揀揀著個爛燈盞，因共四袋外賣，外送公司回覆要分两位車手送到，同事點了全是海南鷄湯米線，瓶装的洛神花茶，首先，海南鷄好油冇乜肉！應該一早斬定一份份出餐時再淋熱湯，或微波爐叮過！所以縮哂水！出晒油！米線煮到過哂龍成團米線粢飯咁！難食！洛神花茶太酸！完全冇洛神花茶果種甘酸味！又冇製造日期同飲用日期標貼，我飲了一啖已經冇飲！唯一可以讚嘅就為個湯比較熱同埋正常D！冇下次！

垃圾公司，叫左2人餐，無細雞，只有加30蚊要大雞，雞皮唔脆，雞肉又嚡熠熠，我地3個人叫2人餐，本身想加份海南雞飯，佢又話賣晒，咁唯有加份炸雞，結果炸雞係凍既，我哋係堂食，佢比晒啲即棄餐具我，三個人比得兩份餐具，問佢拎多隻碗仔，佢話要加錢，未試過堂食拎個碗仔要錢，野食難食態度又差，唔會有下次😡

今日唔想出門，經網上外賣平台又嗌外賣啦，第一次食呢間，叫左2個Set都係百里香烤雞半隻 $60.3一盒要咖哩汁，油飯及焗薯另一盒走汁，烤雜菜及焗薯烤雞唔錯，烤雜菜乾身，唔係白灼，幾好食勁多焗薯，食薯仔都飽

有次見到呢間新開的餐廳係網上平台自取有6折，好奇買來一試，估吾到有驚喜。半份鷄都超大份，多到可以兩個人食。呢個百里香烤鷄香味撲鼻，肉汁鮮嫩，就連配菜的薯仔都焗得好香好juicy。美中不足係烤菜比較乾身，如果轉其他蔬菜應該好好多。飲品係冷泡茶，都有誠意。呢個餐大約$50，超值

下午5:50分時間，好多餐廳都轉左做晚巿。但chicken factory 仍然有下午茶，37蚊要左一個迷你蘑菇飯、炸雞同一支飲品。味道同LFC差唔多，但勝在咁平。但餐廳行奉自助形式，由點餐、攞餐飲品和收搭垃圾都是自己。要人招呼就唔好黎食😂

我試咗啲海南雞飯外賣🍚，有啲餐機，可以自己點餐，然後等住號碼拎外賣，亦都可以請職員幫手點。間店嘅座位唔多，裝修好簡單，我等外賣嗰陣見到有幾個打工仔喺度堂食。我揀咗外賣，海南雞好好食，🍗🍚 味道鮮香，雞肉嫩滑，飯粒香口，真係超正呀！🤤👌 但送嗰碗湯就一般般，有啲味精嘅感覺。我特登加咗$5揀雞髀嘅部份，所以好豐盛同埋無骨。

Chicken Factory 係連鎖店，係好多地方都開咗分店。主打係賣雞，各種各樣既雞，燒雞，口水雞，海南雞，炸雞，總之乜野雞都有。- 至尊海南雞 (半隻) 份量足，肉質都算滑，唔鞋，無骨啖啖肉。有齊3種醬汁，薑蓉，甜豉油，辣醬，可以隨意點醬。醃蘿蔔都好好食，可以當配菜。如果唔想食飯，都有其他選擇，可以揀雜菜，焗薯，方便戒殿粉人仕。Chicken Factory 價錢相宜，質素都ok，不過全部都係雞。平日想食得簡單啲，都係一個好選擇。

見咁多人話呢間啲海南雞飯唔錯 👍 睇下食評又話好食又點 。好啦咁就外賣一個海南雞飯，唔望個海南雞飯好好食有驚喜⋯⋯ 心諗都唔會差得去邊。點知真係出事又驚又喜⋯⋯打開個盒望落去正正常常ok 嘅有一碗紫菜湯 . 第一啖夾起雞肉冇味心諗可能呢一舊係咁再夾另一舊 X 咗一聲 又係冇味 同白烚雞肉差唔多。算啦 諗住個飯應該ok . 點知都係失望最普通連個飯都冇味 衰過食白飯 真心失望 紫菜湯唔錯真係有味 好咸 最後以為自己食緊白切雞飯 可能幾十蚊真係咁上下 真心冇下次 ⋯⋯⋯⋯

馬鞍山有烤雞食，係幾開心既，叫做多一個選擇，份量也很多，用openrice外賣都算抵食，如果有多點優惠更好。味道都唔錯既，但食落有些位置偏咸，食完口渴，如果可以輕手小小就好，或者俾客人選擇咸點定淡點就最好。叫左2人餐，一定要配可樂，最好可以俾人選擇其他飲品外賣執錯左兩個油飯俾我地，本身叫既小食粟米就冇左，希望員工多多注意執錯野既問題，見之前都有人試過係咁，都唔係第一次整體一般，算抵食，但味道和服務有改善空間。

之前一直都有食開，平均一個月食一次今次隔左成三個月無食，點知有驚喜價錢同我最初初食調整左少少，同埋分左普通雞同大烤雞，一樣係可以揀2款配菜(我最愛焗薯)另外包一款飲品今次叫左個C餐(重量級四份一隻大烤雞)配咖喱汁配菜就選擇左焗薯同白飯(滿滿既澱粉質) 其實我一個女仔真係食唔曬，同行既爸爸幫手食左一半份量好足飲品就揀咗檸檬洛神花茶，不過應該係無糖，所以好酸，飲咗半樽就放棄未試過依間咖喱汁之前，我係食麻辣汁，不過都偏鹹偏辣，每次食完都好口乾，自從食個咖喱汁就覺得真係好夾，從此依個烤雞就同咖喱汁分唔開講返點解今次覺得咁驚喜，因為我係一個唔鍾意食雞胸嘅人，平時都真係放棄唔食，就算係依間嘅雞胸之前都係好鞋但今次去竟然雞胸滑個雞髀即刻扮孝順女，將雞髀留俾爸爸自己將全部雞胸食晒，雖然雞髀同近骨位有少少紅色，但爸爸話都係熟，不過如果再紅啲，我應該會同返店員講今次咁個白飯份量細咗少少，焗薯大概有七舊，如果以一個男士份量來講應該絕對夠飽，如果女士的話可以唔要白飯揀雜菜，咁就唔使吸收過量澱粉質，我真係好鍾意呢間嘅焗薯

中午12點經openrice order 外賣自取.外賣原隻烤雞回家, 原本12：15可以取， 已經等到12：22後才取，因店員話要焗多陣。怎知 取回家一切開。嘩！！ 得7成熟， 仲有血水。。好失望。馬上自己再焗爐加熱10分鐘才可算叫做緊緊熟。幸好是買回家可以在家再加熱加焗。否則沒有煮食爐具，那半生熟食雞怎麼辦呀。他們有經驗焗雞， 唔係應該知道要焗幾耐雞才熟。唔夠時間焗就唔好比雞個客啦。 嚇死。總評： 得4分👉👉❌️ 雞唔熟， 扣3分。❌️雞都滑， 唔鞋， 如果唔係唔熟， 可以有7分。

馬鞍山友又試下此chicken factory.最吸引係原隻烤雞🐔$58／900g 小雞， $88／1600g 大雞。下午茶時段。2人叫左1隻細烤雞$58椒鹽炸雞 + 汽水 $28迷你麻辣海南雞飯 + 汽水 $29瑞士雞翼 $18／3隻細烤雞 $58， 非常抵食， 對得住價錢。雖然雪藏雞， 肉鞋鞋地， 但烤得香。＜細雞2-3人都夠食＞椒鹽炸雞 冇咩椒鹽味， 但炸雞脆的。迷你麻辣海南雞飯 雞好滑， 麻辣味濃又辣， 正瑞士雞翼 - 最唔抵食， 平均$6／隻肉鞋， 唔滑， 唔入味， 瑞士汁又唔香。總評： 。7.5分。食物： 7分價錢： 8分服務： 7分

行過見到呢間新開嘅海南雞飯一於試吓，有少量堂食位，但要注意呢度屬於自助式，食完要自己簡單執拾下。叫咗個無骨海南雞飯，揀咗香茅油飯，個油飯好香好好食，啲雞好滑，仲有少少酸酸甜甜嘅配菜（蘿蔔、青瓜），另外仲有一碗紫菜湯， 成個set只係$48都幾抵食仲另外加咗支烏龍冷泡茶，食完飯飲埋啖茶消滯一流，但店鋪冇飲筒，希望遲啲有埋飲筒提供下次黎試埋佢個麻辣無骨海南雞飯ps.派餐嘅店員叔叔有禮貌又有笑容，值得一讚

見新開，第一次食，點咗烤雞配牛肝菌汁，油飯，雜菜。叫咗我Number我就去攞，食嘅時候覺得個汁有啲辣，我以為係辣辣地，點知越食越懷疑，我諗佢係俾咗咖喱汁我，不過味道都OK嘅。另外又返變咗薯仔但係我又已經食咗兩粒(我自己都唔記得咗點左啲乜)，啲雞又已經食咗幾啖，所以冇專登去換喇，雖然我想試佢個飯多啲。同埋我以為我拎錯咗人哋個餐，不過check多次張收據同佢放喺個餐隔離嗰張單係同一個Number，咁即係我冇拎錯，真係佢俾錯。