Chilli Lime (形點 I)

营业中

休息中

睇完戲找飯點，發現呢間餐廳氣氛不錯，餐牌選擇較多元化，就入去試試。脆炸簿圓球（Pani Puri） $78驚喜度爆燈🤩🤩，是一種非常受歡迎的印度街頭小食，顏色鮮艷，賣相十分吸引。由酥脆、空心的炸麵團球(puri) 製成，裡面塞滿了薯蓉及豆類。進食時再配上二款醬汁水，將醬汁倒於其中，將整個圓球完整放入口。黃色帶豆偏辣，紅色偏甜酸味，不同味道瞬間在口腔爆發，甜辣並存，真的停不了手😂。難怪稱為「包着水的炸麵包」，又正又有特色😍。泰式蟹肉炒飯 (Khaw Phad Poo) $158一上枱時已經聞到香噴噴，鑊氣十足🤩。飯炒得好乾身，粒粒分明。蟹肉量勁多，配上蟹籽，蛋、洋蔥粒、蕃茄及香葱，口感十分豐富。椰絲斑蘭丸子布丁（Yok Ma Ni）$68橙綠色組合，顏色sharp到爆燈😍，勁有新意，食得好開心。綠色一粒粒的正是斑蘭味的丸子，口感軟糯，煙煙韌韌。橙色的椰絲在面，帶陣陣椰香。最令人意想不到的是，內裏有椰子蓉的餡料，層次很多，但甜味剛剛好😍。真的非常有特色👍🏻👍🏻。整體環境十分舒適，侍應也多是印泰兩個國籍，真的有種去了旅行的感覺。它的酒吧很漂亮，收工同朋友嚟chill一chill，的確不錯。@

YOHO精緻泰菜估唔到元朗Yoho有一間充滿泰式風情嘅餐廳，店內嘅裝潢亦有東南亞嘅風味，入到去猶如置身外國泰式柚子鮮蝦沙律$98每到泰式餐廳都很喜歡點這道柚子沙律，清甜的柚子，加上鮮蝦，泰式會放椰奶、椰糖陣陣椰香，開胃又美味原隻炭燒魷魚$118新鮮魷魚🦑非常大隻，魷魚筒非常厚肉越式黃咖哩雞$148, 蒜蓉烤餅$38黃咖喱雞，上枱時咖喱香濃，卻沒有辣的香味，咖哩汁入口香滑，帶點點香辣味，非常惹味配埋蒜蓉烤餅別有一番滋味炭燒豬頸肉$98另外朋友推薦呢度嘅泰式豬頸肉，表面燒到焦香，裡面咬落有肉汁，上面撒上少少黑椒，配埋泰式酸辣汁夠哂惹味呢度嘅mock tail 都幾抵飲，今晚試咗一杯Refresh your mind ｜Fresh mint , Green Apple ,lint juice

形點最近多咗好多新食肆今次就食咗間以東南亞菜為主嘅餐廳以深啡色為主色 牆上掛滿特色掛畫座位闊落之餘仲有outdoor位置可以坐😊🔸冬蔭功大蝦湯 (海鮮) HKD118冬蔭功湯入面嘅海鮮非常足料除咗有隻大蝦之外 仲有大大粒帶子 魷魚 青口 味道方面 中意湯嘅酸味同辣味平衡 好醒胃🔹炭燒豬頸肉 HKD98豬頸肉燒得較乾身仲有少少燶邊位 特別香口😬🔸牛油雞咖哩 HKD138咖哩加入牛油 相對杰身同香濃雞件浸泡於咖哩之中 入味之餘亦唔會乾柴 建議一定要配烤餅😎🔹烤餅(蒜蓉) HKD38平時食咖哩多數配酥餅 少見有印度烤餅呢度嘅印度烤餅有4種口味蒜蓉口味唔會太濃 無論淨食定點咖哩都好味😋🔸菠蘿炒飯 HKD158以原隻菠蘿作為器皿 非常吸睛炒飯除咗有新鮮菠蘿粒 仲有大蝦 蟹柳 魷魚圈 提子乾等 好豐富😎炒飯粒粒分明 再加上juicy菠蘿 食多兩碗都唔覺膩😙🔹Fruit Float HKD48/HH將芒果🥭菠蘿🍍加入橙汁及椰汁質地較杰 味道好fresh~🚩Chilli Lime 元朗元龍街9號形點 I G樓G007號舖

👉🏻炭燒豬頸肉份量多，豬頸肉帶焦香味，醬汁酸甜開胃，推薦。👉🏻越式軟殼蟹米紙卷醬汁係wasabi沙律醬，幾清新但同其他菜式比較有啲平凡。👉🏻印式椰香牛肉推薦必叫～咖喱底完全唔會水汪汪，用左好多洋蔥同蕃茄，味道豐富，小辣開胃。👉🏻蒜蓉烤餅好大塊～點咖喱食無得輸，烤餅唔會太油膩。我哋攤左一陣先食佢，熱食應該仲正。👉🏻菠蘿海鮮炒飯飽肚之選，大大份又好多料😋夠3個人分。材料有菠蘿粒、魷魚、蝦仁、肉鬆、提子乾、蛋，整體好好食。

之前去開元朗Yoho Mall, 經過過呢間Chilli Lime已經感覺好吸引😄今晚難得有機會，就捉咗我老友去試😃😃試完無後悔🥰食物種類繁多，印度、泰國、印尼、越南既都有👍🏻可以約朋友黎，乜都叫啲，唔怕唔岩食🤣🥰飛天通菜$98- 惹味唔錯！炭燒香茅西冷牛肉$138- 呢碟好特別，初初以為係好似西式餐廳一樣，一塊西冷牛扒上碟，但就超級有驚喜😍😍 有三條香茅包住牛肉片😃😃😃再配上生菜🥬、芫茜、粉綠卷和醬汁，包埋一齊好正呀！可能我會得閒淨叫呢客外賣番屋企獨享🤣🤣🤣泰式青咖哩雞肉$148- 青咖哩好濃郁！雞肉和配料如紅蘿蔔🥕紅椒等都有唔少😊😊 醬汁好多😍 好想再叫多兩碗白飯🤗脆炸薄圓球$78- 正！朋友初初見到餐牌中的食物照就話要試😅 叫果陣都唔知咩黎🥹一黎到係有四杯「果汁？」 加六個頂部有個窿的炸球😹 不耻下問問下職員之後，就知道原來係把醬汁倒入炸球內吃😀 有兩款醬汁，一款白一款紅，白既就清清地先但後勁就辣的感覺，紅既就甜甜酸酸，倒完落去係要一口氣把炸球放入口，細味咀嚼☺️☺️ 好彩一客有六個球，我地每人先各試一款味，再試咗兩溝😆😆 大家都可以試下😆😆😆印尼炒飯$128- 好味又多配料又大碟😃

元朗牛牛又又又出動！前幾日我超級想食牛油果紙米卷，但本身應承咗屋企人食泰國嘢，所以就求其搵咗間乜都有嘅餐廳去食🤣🤣喺出面睇唔覺得餐廳入邊係咁靚，一行到入去真係驚訝咗2秒！泰式柚子鮮蝦沙律好惹味，柚子好鮮甜配上彈牙嘅蝦肉，仲有泰式獨特嘅辣酸醬汁，係一個好好嘅開胃菜！越式鮮蝦米紙卷上枱已經覺得好靚，每一件紫米卷嗰隻蝦都好大隻，而且好新鮮，可以點啲甜酸汁令到更加開胃！印度酥油薄餅又叫做Roti，係印度古老嘅麵食之一。而喺Chilli Lime嘅Roti 相當正宗，酥脆之餘，而且而家可以見到有好多層酥皮烤印度芝士唔係想像中拉絲嘅芝士，有啲似將水牛芝士嘅水份完全揸乾之後拎去煎嘅感覺，好香濃嘅牛奶味，配上好惹味嘅咖喱粉喺鐵板上面燒，相當之有趣，而且對我哋來講幾新鮮嘅配搭菠蘿炒飯真係用半個菠蘿兜住啲飯，份量超多！正宗嘅菠蘿炒飯係會有提子乾，而且海鮮嘅份量都好多！比想像中更有驚喜～Fruit Float 係芒果、菠蘿、椰漿橙汁同石榴糖漿組合而成嘅一杯飲品，感覺好似雜果賓治咁，甜甜酸酸好開胃芒果糯米飯超靚！熱熱嘅糯米飯加上鮮甜芒果，正😍呢間餐廳都唔錯，環境好靚，而且好多座位，好適合一家大細家庭，或者朋友

元朗型格特色泰國菜「Chilli Lime」，位處元朗形點地下，高高的留底，配上碧輝煌的髒話，原來裏面是吃泰國菜，今日耳目一新的感覺，環境寬敞，也可讓一家大細或者是幾人行結伴來談心。Fruit Float HK$60Mango、Pineapple、Orange Juice with Coconut cream and Grenadine Syrup 這杯飲品結合了芒果、菠蘿、橙汁和椰子奶油，再加上石榴糖漿的，味道清新。Fresh Coconut HK$椰子肉鮮嫩多汁，清甜愉悅。香炸蟹肉粟米餅$118這道菜以新鮮的蟹肉和粟米為主要材料，炸至金黃酥脆，外酥內軟。搭配上酸甜的泰式蘸醬，每一口都充滿了濃郁的鮮蟹肉味。泰式蟹肉炒飯$158這道炒飯色香味俱全，米飯粒粒分明，蟹肉鮮嫩多汁，搭配上泰式香料的調味，讓人食指大動。芝士烤餅$38芝士烤餅外皮酥脆，內裡滿滿的芝士香氣，連咖哩食一流。洋蔥紅茄香汁繪雞肉$138嫩滑的雞肉與洋蔥、紅茄和香料炒製而成，口感鮮嫩多汁，香氣四溢。每一口都帶來濃郁的鮮茄及雞肉味。椰子雪糕$58&椰子布甸$58椰子雪糕口感綿密細膩，椰香四溢，而椰子布甸則帶有濃郁的椰子味道，

好耐無食過泰國野～諗起Yoho Chilli Lime 環境同氣氛都幾好就過黎食個dinner 依家有多人套餐～都幾抵食不過我地有幾款野都想試就單點🔅泰式柚子鮮蝦沙律柚子好爽甜～好清新又開胃蝦都幾彈牙爽口🔅泰式酸辣魚賣相好色彩繽紛淋滿哂彩椒粒條魚外皮炸到好脆入面魚肉都算嫩配個汁都唔錯🔅咖喱燴野菜特登叫黎配薄餅咖喱唔會辣，幾重香料味有青豆，椰菜花，西蘭花等等🔅酥皮薄餅依度既薄餅好好食！好有酥香～～點咖喱真係一流！🔅芒果糯米飯好少見上哂兩邊芒果，好足料芒果好甜～糯米飯都有齊雙色份量夠3-4 人食🔅芒果冰沙芒果味好夠，沙冰都幾幼

今日係yoho食東南亞菜，呢到感覺係Bar再mix泰菜，環境好chill ! 豬頸肉前菜黎個燒豬頸肉，咬落好軟糯，唔會韌。豬頸肉側邊位都燒到少少焦，好香口。就算單食唔點醬，都好夠味。馬拉盞炒通菜呢個配搭唔會出錯，好惹味，通菜都唔會炒到淋曬。印尼炒飯好大個!!! 仲有串雞肉串燒，雞肉滑身，炭燒味重!入面 有雞肉粒及大大隻蝦，蝦好爽口彈牙。飯既調味我都好鐘意，好香! 隻蛋仲要煎得好靚，有燶邊! 泰奶呢到泰奶係自己落糖漿，岩曬鐘意飲泰奶，又怕太甜既人。芒果糯米飯D芒果多到嚇親，平時出面食可能得1 半呢到既芒果量。芒果好甜，仲有3色糯米飯，最鐘意蝶豆花味!

又來到元朗的飯堂，東南亞餐廳食物種類多，真的非常喜愛，而且不論裝修，員工，食物種類以及食物質素，也讓你滿意菜單上選擇繁多，這次點了4人份量食物泰式柚子鮮蝦沙律喜歡這沙律酸酸甜甜的味道，除了有鮮蝦，還有洋蔥、辣椒、花生和新鮮香草等配料，口感豐富，作為開胃菜很合適香茅炸雞翼這道菜的特點是外皮酥脆，內部肉質鮮嫩多汁，並帶有香茅的香味，吃過便不能罷口呢炭燒豬頸肉豬頸肉是豬肉部位中比較嫩的部分，放在炭火上烤至外表金黃色，帶有脂肪都肉質熟軟，份量亦大，沾一點點提供的辣汁更好吃啊馬拉盞通菜通菜經過快炒後與馬拉盞醬料充分混合，帶來了微辣的風味和獨特的香味，配上白飯同吃尤其對胃口菠蘿海鮮炒飯菠蘿是這道菜的特色配料，它的甜味與海鮮的鮮美相互融合，帶來一種酸甜的口感，再加上蔬菜，肉類等一起炒，十分惹味，還有少量脆卜卜的腰果及豬肉鬆同吃，大讚芒果糯米飯每次必點的飯後甜點，芒果香甜，糯米飯經過蒸煮後口感QQ彈，淋上椰子漿及碎碎同吃，又軟又脆的很滿足椰子布丁用上濃濃的椰汁，加上牛奶、蛋黃和糖等製作而成，口感較為硬身，可以用叉吃，不像平日杯中布丁模樣。味道不錯每次來也捧著大大的肚皮離開呢！

今日同朋友去咗元朗yoho mall，去左間多國菜餐廳，有印度越南泰國美食🍽️，餐廳有著一股神秘又吸引的裝修📸很有氣氛和格調😍🥩羅勒葉炒牛肉片 $138大蒜三色椒，泰國豆角，牛肉片，色香味俱全，小辣很惹味🐏傳統咖哩羊肉 $148羊肉一D都無騷味，羊肉嫩滑，咖哩汁配上薄餅絕對是係印度名菜之一🫓酥油薄餅 $38一份大大份可以開四份，油香鬆脆🐷燒豬頸肉 $98豬頸肉唔同平時食開嘅爽口，肉質比較淋，配上酸酸甜甜醬汁很開胃🥭芒果糯米飯 $88飯後甜品啲選之一，三色糯米飯，紫糯米煙煙靭靭椰漿豐富🍻日本金麥黑啤$75🍸Fruit Float $48

weekend同屋企人來試下尼間泰國野。份量真係十足。燒魷魚筒，燒牛肉雞肉串，青咖喱加薄餅，菠蘿炒飯，印尼炒飯，炒麵。六個人食到飽一飽。魷魚筒真係鮮甜，厚肉。薄餅超級好味。菠蘿炒飯d菠蘿超級甜。

初一選擇吃泰國菜，本來食開間餐廳冇開，轉去 Chill Lime 食。叫咗泰式雞肉濕炒河同鹽焗魚，兩個餸做得不錯。炒河好夠鑊氣、熱辣辣，焗魚好滑好鮮。環境寬敞又唔嘈。In the first day if the year of the dragon, choose to have thai food. It is my first time to visit Chill Lime. I ordered Wok-fried rice noodles with vegetables in athick savoury sauce served with chicken, and also roasted fish with salt. Both are tasty and hot dishes. It's a good choice to dine in here with spacious environment.

不予置評，劣食之選，當之無愧。無水提供，除非你買，$15枝。食物勁難食，肉又乾又柴，魚肉得鹹字。無任何服務可言，照charge 10%。如果想食劣食，呢到絕對係好地方。推薦！

泰國餐廳呢間裝修得好豪華好靚，我哋終於嚟呢度食晚餐，因為之前有訂位嘅關係，所以佢安排咗一張圓形嘅卡位非常之好👍🏻餐廳啲枱比較細張同埋座位與座位之間相對比較迫，所以我哋嗰張枱已經很好了。我們點了軟殼蟹木瓜沙律，沙律都幾清新，酸甜適中，另外再點咗牛油雞咖喱，反而我覺得個薄餅好出色好好味，再點咗一個泰式酸辣魚，呢個酸酸美味都幾好味，另外再加兩杯飲品，整餐嘅食物都唔錯環境都幾好！