Chilli Lime (形點 I)

营业中

休息中

侍應態度一直相當懶散，愛理不理。點餐前老人家想要一杯水，待應表示水要收費，指了指餐牌就轉身離開，完全沒有意欲幫我地落單，一副不想理你既態度企埋一邊傾計。最終我地直接離開餐廳，吾會再幫襯！

本來成餐飯好地地…食物都唔錯環境又幾好。估唔到就黎埋單個陣見到有隻老鼠係地下跑過….隔離張台都見到，嚇到即刻埋單走人！真心好驚嚇！！希望唔會肚屙啦…最慘係隻老鼠走左去一張4人坐緊既台下面…員工唔敢驚動坐緊既4個客人，而個4個人繼續食飯..懵然不知omg我唔明點解香港餐廳會咁樣..講真土生土長香港人，生活左咁多年，大大話話最少都食過一百幾十間餐廳，就算係街邊食大牌檔，我都未見過老鼠。竟然係yoho mall既比較高檔餐廳見到，即刻blacklist無下次

今晚去咗食呢間野度食，叫咗唔少野。但⋯⋯⋯⋯真係差到極點，個肉骨茶可以係酸既，上面有層野喺度，完全係隔夜肉骨茶拎返出黎比人食。員工服務態度都係一般，聽見你話佢啲野變咗，即刻黑晒面對住你。你舉手叫啲伙記，理都唔理吓你，直頭睬你都傻。連續叫咗三個伙記都無人理你。當然啦，你一話埋單佢就九秒九過嚟再九秒九比張單你埋啦。認真講，食物差，員工態度差，衛生差，係環境好少少，可以比三分既，其他⋯⋯⋯⋯一分都唔會比

這陣子患上感冒沒甚胃口，約了友人想吃碗粉麵，看見「Chilli Lime」有湯粉套餐，於是一試。湯粉餐的選擇不算太多，只有六、七款，價錢大約在$100左右，不算太貴。今天選了燒豬頸肉湯河，及香茅豬排湯河。燒豬頸肉略為過了點火，有一點燶，但味道還可以；香茅豬排很騐，份量也很足夠。河粉買相不俗，蓋上一片厚厚的白蘿蔔，清甜味美，河粉粉質滑溜，只是有點油，還幸不算肥膩。由於感冒喉嚨有點不適，想要杯熱／暖水但只能購買環保純淨水，未夠貼心，服務也一般。

環境和服務員態度都很好，熱食質素高，尤其炒類真的能夠做到有鑊氣，是令我驚喜嘅部份，份量也很好。唯凍食例如生蝦、甜品溫度偏暖，導致食物口感一般。整體而言，仍然是非常高質素的餐廳。

DOSA                    The DOSA at Chilli Lime was a perfect blend of crispy and soft textures, with just the right amount of tanginess. The accompanying coconut chutney and sambar complemented the DOSA beautifully .Thai Shrimp Salad with Yuzu                        The succulent shrimp were perfectly cooked, and the combination of fresh Thai herbs, crisp vegetablesButter Chicken Curry                          The creamy tomato-based curry was rich and indulgent, with tender pieces of chicken t

見用某個app預約，某些日子時段會有低至半價優惠，所以就book咗來試吓。餐廳都幾大，環境舒適。招呼我哋嘅侍應係講英文的，好有去咗旅行既感覺。串燒沙嗲6串 $118雞，牛，豬各有兩串。份量都幾大份，兩個人share啱啱好。我覺得豬肉最好食，幾juicy。牛肉就有少少乾同硬。雞肉就中規中矩。配埋個醬汁好惹味。炭燒豬頸肉$98每次食泰式野都會叫豬頸肉，呢間的豬頸肉都唔錯，肉質爽，肥瘦適中。點埋泰式醬汁好惹味。菠蘿海鮮炒飯$138有整個菠蘿，外型滿分。炒飯入面有蝦肉，海鮮，菠蘿肉，肉鬆，腰果提子乾等等，味道配搭好夾，酸酸甜甜咁。蝦肉大大隻有咬口。如果份量可以再多啲就更加好。我覺得正價我就未必會食，有半價黎講都幾抵食。

泰式焗黃咖喱釀蟹肉普利球，姐係普通黃咖喱加啲蟹肉再放入一個脆嗰度，個名好特別但係食落去唔特別冬陰功偏酸唔太辣，但係隻大蝦係我食過史上最霉嘅一隻越式軟殼蟹米紙卷，好乾，佢比沙律醬我地加落去，好唔夾印度烤雞肉，好勁香料味，但d雞好霉咖哩正常

囡囡升職加薪請食飯，我就選擇了大家都喜歡的泰菜，但發現餐廳菜式選擇十分多，可以一次過滿足家人不同要求😃 環境舒適，服務態度親切👍🏻 食物質素整體不錯😋 其中一款烤餅更order了3次，小朋友十分喜愛

今日約咗一個朋友去元朗食午餐；見到OpenRice有做緊正價餐牌八折，基於大家都唔食多野，只想食啲小食搵個地方傾吓計。所以就揀咗呢間。店內環境舒服，叫咗5樣嘢1）柚子沙律2）酥油餅3）冬陰功湯4）烤牛肉串5）粟米蟹餅我覺得比較好食嘅，就係柚子沙律同埋燒牛肉串個柚子沙律，酸酸地都好開胃；最啱就係作第一道菜。特別要讚下個燒牛肉，牛肉可以保持有肉汁同埋個酸甜汁較得好好過牛肉串其他三樣嘢都只係一般。但係份量都多。所以都好滿足😆

呢度嘅食物賣相真係十分吸引。啲名字講出黎已經使人咀嚼三次，不禁口水直流。除咗佢嘅名字吸引外，食物嘅味道亦都非常之出色。首先，佢嘅招牌菜之一就係「牛油雞咖喱」。呢道菜好特別，佢嘅咖喱汁真係好香濃，令人唔禁口舌生津。加上入面嘅牛油雞肉，滑嫩多汁，真係一絕。嗱，仲有啲好好嘅大蝦同埋新鮮蔬菜，都好配合咖喱嘅香味，真係食得好過癮。除咗「牛油雞咖喱」之外，「泰式柚子鮮蝦沙律」都係值得一提嘅菜式。啲蝦好大隻，新鮮得嚟就係佢嘅賣點。佢嘅鮮蝦同埋爽脆嘅柚子絕對係一對絕配。再加上泰式醬汁，酸酸辣辣嘅口感真係咁叫人食嗮唔停。

完全搞唔掂嘅晚餐😑一行6人去食晚餐，首先晚飯時間知你忙，但人手完全處理唔到咁多人，叫左幾次拎野或換野都無人處理到，第一差。然後叫拎酒杯，個酒杯換左兩次都係污糟嘅，仲要係非一般污糟，明明見住污糟都仲要拎俾客人，第二差。叫左7個餸，串燒明明受歡迎但同我講無哂，明知晚市都唔準備多啲，無準備好，第三差。印式鑊仔雞同肉骨茶份量少到，一人一啖已經無左，第四差。肉骨茶個顏色唔係平時嘅深啡色，已經知道唔妥，飲落去就似普通豬骨湯，第五差。泰式生蝦唔新鮮，第六差。最離譜係個tower，收我$298，但入面有昆蟲，點飲啊，最差差差。不可一不可再嘅餐廳。🤮🤮🤮

16.04.2023 星期日 午Chilli Lime (形點)今日下午跟朋友到元朗My Cinema Yoho Mall看電影《燈火闌珊》，看戲前打算先到商場吃過豐富午餐。星期日下午人流很多，餐廳多walk-in 排隊，在Open Rice見Chilli Lime可以訂枱，有八折，而且評語不錯，所以去試試。到餐廳門外，已見餐廳內牆上掛了一幅幅的壁畫，色彩鮮艷斑爛，很是奪目，走進餐廳，內裡地方更大，更多漂亮的畫作，其中一個女職員見我喜歡，還帶我途經吧枱，走入另一角，欣賞更大的壁畫，實在令人很難忘。如果抬頭，會發現天光掛了一盞盞長燈，仔細地觀看，原來是由一隻隻匙羹排列而成，真的很有趣呀。泰式柚子鮮蝦沙律很多柚子，加上幾隻大蝦，泰式酸汁另上。牛油雞咖喱$128Iconic dish of tandoori chicken in a smoky, rich, and buttery tomato curry其實本身喜歡牛多些，但之前見OR個個稱讚牛油雞，所以今次也試試，果然咖哩夠香濃，雞肉夠入味。咖哩汁加上薄餅，人間一大美食。😋印度酥油薄餅$28問過職員一籃多少塊，她答一塊，所以加多一份，豈

訂左晚上七點，我六點50分到即刻有位，服務員很細心奉上凍水，我說可以要暖水嗎？她立即就幫忙換上，待朋友到後點了餐，我們點了柚子蝦沙律，好味份量適合女性，馬拉盞炒通菜，這個也很好不太鹹，叫咗一個蟹餅，這個蟹餅很特別，不是一個個的蟹餅，而是蛋包住蟹肉煎的全塊餅，味道也好，我叫咗一個印度鬆餅選了蒜蓉味及蔥油餅，叫咗一個南瓜咖哩魚。因為各人都很肚餓所以沒有影相，這間餐廳菜色令我們十分滿意，會再嚟幫襯。在openrice book位還有八折😍

覷準Chilli Lime 於OpenRice 訂枱又有8折，就立即再來一次😜今次除了點必食的印式烤芝士和泰式鹽焗燒魚外，要試試上次未能嚐味的菜式，今次會是清新和較低脂為主首先要了越式米紙素卷，卷內主要是有口感的生菜🥬和粉絲，看似寡淡，但醮上酸味汁來吃⋯原來不錯唄👍🏻好是開胃，做前菜最為適合再來一客不讓人失望，微辣的炭燒魷魚🦑蔬菜方便，上次已嚐了大部人都分享的通菜，今次要叫鑊仔炒雜菜⋯好”惦”呀😋份量夠有鑊氣，熱🔥上枱，除了雜菜還有幾塊非常入味的炸豆腐，我認為絕不輸招牌通菜😜接著當然是最愛印式烤芝士和燒魚上枱😬難得夫妻倆還有胃口，就多叫要客咖喱燴雜菜和蒜蒜烤餅咖喱燴雜菜有驚喜，微辣咖喱跟配菜煮到溶合和稠杰，內裏還有入味軟身薯🥔和少許鹹香芝士，味道好搭😋而且毫無油膩感👍🏻噢！又多個必食菜式了😆印式烤餅一直最愛蒜蓉味，嘩！大大塊😍吃得人好有滿足感😋一再光顧Chilli Lime ，都是吃得飽肚滿足地離開😌一定會繼續來光顧支持