Chilli Lime (形點 I)

营业中

休息中

估唔到元朗Yoho有一間充滿泰式風情嘅餐廳，店內嘅裝潢亦有東南亞嘅風味，入到去猶如置身外國。🍽越式鮮蝦米紙卷🦐米紙包裹住鮮蝦、蔬菜、香草🌿，食落有香草獨特嘅味道，佐以魚露同青檸混合而成嘅醬汁，酸酸地好開胃。👍🏻🍽傳統咖哩羊肉🐏呢個咖喱驚艷到我🤩咖哩香濃唔會辣，羊肉完全冇騷味，唔會韌，容易咬開👍🏻 雖然細細兜，但羊肉嘅份量好多！非常之有誠意！👍🏻🍽Butter Naan🫓一份有3大塊烤餅😆 好香牛油味，酥脆有口感，用嚟沾咖哩食 perfect match😋🍽馬來牛肉炒麵原來係濕炒意粉🙈 酸酸地少少辣，幾惹味。有蕃茄、菜心、洋蔥、牛肉一齊炒，再加炸蒜做點綴。🍽芒果糯米飯🥭糯米飯一共有三款口味，一般糯米飯、紫米、藍色食落似斑蘭味，糯米飯偏暖，紫米較為硬身，另外兩款口感軟糯，加上椰奶突顯出糯米嘅韌性。芒果唔係當做季節，芒果味道較為淡。

YOHO高質泰菜之選原來YOHO開咗一間新潮泰菜，朋友試過話唔錯今晚就黎試一試～ 泰式生蝦作為開胃菜泰式生蝦絕對係一個好選擇，生蝦十分新鮮，配以辣椒蒜片魚露青檸辣汁十分惹味！炭燒香茅西冷牛肉，非常吸晴，滿滿西冷牛肉包裹住原條香茅，外層西冷牛肉沾滿咗泰式醬汁，味道偏甜，外層西冷會比較焦脆有口感，裡面肉質嫩滑充滿肉汁，一道菜滿足咗兩種質感，值得一試傳統羊咖哩這是一道非常磨工夫的印度傳統，羊肉入口即糜，長時間慢煮也讓咖喱的香味與羊肉完美融合！另外點咗兩款口味烤餅：芝士，蒜蓉。印度烤餅迷人之處在於它的簡單味道中帶著濃厚的麵粉香，一片烤餅中有薄有厚，口感皆不同,最適合搭配咖裡醬汁一起食用😋飲品叫咗兩杯酒精飲品，一杯MANGO JUICE用咗菠蘿芒果混合沙冰，味道香甜帶酒香🍹另一杯見到椰青造型好吸晴，入口清新，冧酒味較重。

喺YOHO行完街，想食亞洲菜，見到依間有得揀泰國、馬來西亞同印度嘢食，幾吸引！一於試下。入到去環境都幾大，而且幾有格調，空間感十足坐得好舒服。嘢食同嘢飲嘅選擇都好多，首先揀咗個泰式椰菜苗（$78），椰菜苗口感好爽口，炒到好好，唔太油得黎又好香蒜味！仲叫左個炭燒豬頸肉（$98），用炭火燒好好食，唔會燒得太乾，肉質入口仍然好滑另外叫咗個傳統咖喱羊肉（ $138 ），呢個咖喱係用印度香料同番茄調配出黎，一啲都唔辣，送飯一流！羊肉嘅味道冇比咖喱掩蓋，不但無騷味仲好嫩滑最後仲叫埋個芒果糯米飯（ $88 ），好有驚喜係糯米飯都有三隻味，除咗原本普通糯米飯之外仲有班蘭同紫米糯米飯，好香而且入口非常柔軟，配埋芒果同椰漿一齊食真係好好食！意外地收穫一間咁好食嘅餐廳，想食亞洲菜一定諗起！

元朗yoho新餐廳🍴咁岩又出元朗所以去試下啦～Minced Pork $138想講呢個生菜包好正！我地叫左少辣，個味道偏甜既辣我好中意，好岩我食不過略嫌唔夠生菜，唔夠包🙈Green curry chicken $128椰汁味唔夠重，但係料係多既，整體都好味。重點係要配白飯，我覺得白飯夾過酥餅😋Roti Canai $28配青咖喱飯食既，一份只有一塊，所以另外仲order左個白飯，呢個酥餅好食，好香口，就咁單食都得🤣🍴環境幾好，裡面既燈用左啲spoon 既設計好特別，好華麗。仲可以坐outdoor，而家涼涼地應該會好舒服。服務態度好好，我果日眼見一個華人，其他比較多外藉既侍應，佢地好貼心開多個枱仔比我地放野食，👍🏻可以try try 。本身想食埋芒果糯米飯，但已經好飽了，下次再食😋

入到餐廳，整個環境氣氛都好舒適，有啲似去咗旅行咁！😜😜令人好放鬆！.我哋叫咗個前菜「泰式牛肉沙律」$98🍽：呢個沙律味道辣辣地，主要係洋蔥果種辣，牛肉燒得肉質仲有粉紅，唔會過熟，我好鍾意沙律內嘅粟米，有口感之餘帶點甜，係一個開胃前菜！☺️「饃饃蒸餃」豬肉 $88🍽：之前都聽過呢個係尼泊爾嘅餃子，但就第一次食！😂餃子餡料味道好濃，感覺有啲似羊肉嘅羶味！🤔但又幾好食！「串燒沙嗲」豬牛雞各2 $118🍽：有別於其他泰國餐廳食嘅串燒，佢嘅肉係偏多同實，燒得恰到好處！好味😋「牛油雞咖哩」$128「烤餅」蒜蓉 $28「印度酥油薄餅」$28🍽：見到好多人推薦呢個咖哩，果然無介紹錯！味道唔會超重口味，亦唔會辣，好啱唔食得辣嘅朋友！😉雞肉嫩滑！烤餅沾上咖哩真係好夾！我個人比較鍾意蒜容烤餅，有口感！😙😙我男朋友食完後同我講，呢間餐廳可以再encore！！😆😆的確係嘅！無論環境定食物質素，係值得再嚟食過！☺️☺️

約咗好耐冇見嘅朋友吹水😚去 Yoho Mall 搵嘢食夠曬就腳方便👍餐廳環境好 chill 氣氛一流主打亞洲多國菜色 印度👳馬拉🌴泰菜🛺還有室外用餐區 歡迎帶愛寵一同前來🥢三點鐘下午茶時間🕒包茶/咖啡有沙律 雜錦拼盤 粉麵 炒飯 薄餅 甜品等#印尼炒飯份量唔少喎😯 有煎蛋 卜卜脆香口米通 香草味燒雞串肉質幾嫩👌炒飯底 鹹香得呢唔太重口味 唔錯~~#海鮮喇沙海鮮有蝦 魷魚 青口 處理得好好冇雪藏味👍湯底椰香味重 幼滑順口 差唔多飲曬啲湯😋#軟殼蟹青芒沙律軟殼蟹啲分好咗少少 但整體👌青芒沙律 好新鮮 入口爽脆酸甜😋

Papaya Salad $98沙律🥗入面嘅配料超級多 調味唔重 而味道好清爽 主要食蔬菜嘅原味 蝦🦐都幾大隻 加埋鹹蛋 淡淡嘅酸甜味為主 加入咗姜絲嘅辣辣地 增加左吾同嘅口感 別有一番風味 減肥人工識咗都唔會罪惡Beef Sirloin $118牛肉採用咖喱椒鹽混合 有少少咸咸地同辣辣地，肉質有咬口 腌得好入味 好有印泰特色😋Pineapple Rice $138炒飯有果肉之餘亦有好多海鮮🦞配料 配上菠蘿肉🍍嘅甜同腰果脆嘅口感 勁香Phad Thai Chicken $138帶點濕度嘅炒河 好惹味 以雞肉同雞蛋🥚為主嚟炒 搭配花生碎🥜同辣椒碎🌶️ 仲有青檸可以自行加 風味十足 味道好足Lassi Mango $52芒果🥭味好濃厚，都吾會太甜Lime Soda $42梳打好夠氣，吾會太甜

成日經過呢間餐廳都未真正食過，今日就嚟試嚇🤣Chilli Lime主打多國菜，有泰國菜、印度菜等等～裝修都幾有情調，座位都好舒服整體評分：7/10味道：7/10服務：6.9/10環境：7/10人均消費：$100-200地址：Chilli Lime (形點) (元朗)元朗元龍街9號形點一期地下G007號鋪Pork Rib Soup ($108)：佢哋個肉骨茶口味偏甜，都唔錯嘅，鐘意甜口嘅朋友仔可以試嚇Beef Tenderloin($118)：呢個擺盤幾正～牛肉都好多，牛肉啱啱好熟吸收曬香茅嘅香味配上泰式酸辣汁好惹味🌶💖Fish and Pumpkin Yellow Curry ($138):呢個魚肉咖喱幾香，個魚唔同平時啲魚柳佢哋用咗石斑魚柳，所以肉質會偏實，有別於平時嘅口感～🍍Pineapple Rice ($138)：菠蘿炒飯份量好多😍海鮮都好足料Nang Cheese 🧀 ($28)：薄餅鬆軟配上咖喱好食～

難得來到元朗 梗係要搵元朗之友同行啦店舖有特色裝修非常華麗 店員很好提供左一個很合打卡的梳化位置，牆上面的畫到酒吧外圍及燈飾已很吸晴一坐下來竟是點飲品，趁在八點前下單有HH優惠我見有椰子口味既沙冰被吸引了朋友的更利害，杯型都有型過人係杯簿荷口味的沙冰 非常之chill 既me time食物點三款有馬拉盞炒通菜少辣 份量多夠鑊氣黃咖喱蟹釀普利球很得意，細細的球狀但內裡蟹肉足料再加配油酥餅，飯都不用點了小食我選越式炸春卷配以生菜醬汁點上 開胃又飽肚整體質素不錯職員又nice👍最緊要食得開心又可影靚相，期待下次再來

假日湊住狗主子嘅我，經常要R爆頭去搵dog friendly 嘅餐廳。香港絕大部份寵物有善嘅餐廳都係Cafe，有時食得多西餐都想食下其他嘢。今次發掘到元朗YOHO MALL地下果層有好多露天座位嘅餐廳，仲要俾我見到一間泰國嘢，環境闊落，唔使諗啦，即刻坐入去！講真佢哋個露天位都幾舒服，仲有梳化添，加埋而家天氣涼涼地，正！牛油雞咖哩簡直我至愛，配埋個薄餅真係冇得輸㗎！點咗個素嘅米紙春卷，柚子沙律，生菜包，沙嗲串燒，菠蘿炒飯（忘記了影相😅）講真所有食物都唔錯，正常水準！不過作為鏟屎官嘅我，主子有得參與又坐得舒服，食物又OK，簡直就已經係無可挑剔啦！強烈推介俾鏟屎官們！評分✴️(五分滿分）環境:✴️✴️✴️✴️食物:✴️✴️✴️性價比:✴️✴️✴️回頭率:✴️✴️✴️✴️

聞說元朗形點商場近期新開了一間東南亞菜的食肆，今日即刻搵埋朋友一齊去食。舖頭位於商場內，停車場又夠大，絕對適合一家大小，或揸開車的朋友。入到去望一望個菜單，前菜、海鮮、肉類、泰式炒粉麵，每樣都有得多選擇。我們先叫了個前菜+2杯特色飲品，係咁正既環境chill下。前菜試左香炸洋蔥秋葵絲。洋蔥圈炸得非常鬆脆，金黃色，不油膩，非常正！配埋個醬汁，味道十分清新，送酒、傾計一流！今次揸車過來，所以無叫生啤，我們叫了Mojito, Mango Juice兩杯無酒精特飲，Mojito … Mango Juice 充滿果香味，配上前菜，完美！今日見到有張廚師推介餐牌，即刻試下泰式火山排骨，湯底小酸小辣，非常惹味。排骨烹調時間剛剛好，肉質嫩滑，不像其他餐廳般有過熟的情況。而家生啤做緊買一送一優惠，下次試下坐車過來，順便試下東南亞式焗海鮮方法，煮法好特別，唔知又會帶什麼驚喜呢。

同屋企人食飯，又要就腳又要靚環境，咁就黎yoho mall啦，行左一圈，屋企人話食Chilli Lime，好吖，好耐無黎食了。時間尚早唔多人食晚飯住，入到去揀張卡位坐先，夠晒濶落，枱枱櫈櫈都好grand，屋企人好滿意。店員好快送上水同餐牌，餐廳提供多款亞洲美食，星馬泰越印都有，屋企人揀左幾款佢想試嘅野，仲襯Happy hour點埋特飲添，好豐富啦😍泰式生蝦（$138）冰同蝦係分開嘅，唔怕溶冰搞到啲蝦濕淋淋，抵讚👍蝦新鮮爽口，最正係個醬汁，酸酸辣辣好開胃，連埋生蒜片同辣椒粒食好刺激，勁正！原隻炭燒魷魚（$108）意外地有兩隻咁多，魷魚燒得好香啊，魷魚頭好脆口，個身同鬚有咬口，跟碟個辣汁都好味，但唔多生蝦個汁正，兩種輪流點下winwin😋泰式椰菜苗（$78）點都要炒返條菜中和下嘅，叫下炒椰菜苗，條條菜軟好正呀，爽脆惹味，看似唔多原來好大碟，兩個人食感覺食極都有咁，哈哈😝傳統咖哩羊肉（$138）再黎有印式咖哩羊，因為屋企人唔食牛，我地就揀左羊，羊肉唔酥口感仲好正，啖啖肉好鮮味，咖哩香口唔辣，濃濃的香料味大愛呀😍Garlic Naan （$28）有咖哩就梗係要配埋印度烤餅啦，要有蒜蓉口味，一上

元朗的餐廳花多眼亂，真係好難揀，又見有一排冇食東南亞菜式，今晚去咗YOHO的「Chilli Lime」食番餐。餐廳裝修企理新穎，座位坐得舒服，而裝修帶少許東南亞傳統風格。越式鮮蝦米紙卷一共4件，有青瓜、紅蘿蔔刨絲，蔬菜，越南米粉，原隻鮮蝦等等。色彩鮮艷，食落冰涼清爽，夏日之必備清爽料理！配上魚露酸酸甜甜很開胃。泰式柚子蝦沙律沙律簡單清新，沙律材料很豐富，用上大量柚子肉，柚子帶點苦澀，而鮮蝦肉質爽彈。牛油雞咖哩咖哩不會很辣，雞肉肉質軟腍，但雞味不算突出。我們也點了白飯一起吃，撈飯很不錯。炭燒香茅西冷牛肉炭燒香茅西冷牛肉燒得有點過火，最外層的肉質偏實，但裡面都尚算軟腍。西冷牛肉入口陣陣炭燒香味，加上西冷本身的濃厚油脂香味，十分滋味， 配上秘製醬汁更加可口。烤羊里脊肉我倆點選了烤羊里脊肉，烤羊里脊肉如串燒排列在碟上，再配上紅青椒肉，賣相很吸引。肉質呈現嫰紅，香氣撲鼻，入口口感軟軟腍，羊肉香醇，只帶少少騷味。比起剛才的西冷牛肉更為清爽，不會有肥膩的感覺，嚼起來很香，讓人回味無窮！

想一次過嚐到多國東南亞菜，Chilli Lime可謂任君選擇，泰國菜，印度菜，印尼菜，越南菜，馬來西亞菜等，都可以在Chilli Lime一一細味，所以Chilli Lime是我的東南亞菜飯堂之一。炎熱的天氣最適合來上一碟泰式柚子鮮蝦沙律，滿滿的柚子撒上花生，乾蔥頭，馬拉盞，泰式柚子鮮蝦沙律清爽酸甜鮮香，開胃得令人一口接一口。鮮蝦大尾飽滿，彈勁十足，柚子引出鮮蝦鮮味，泰式柚子鮮蝦沙律是悶熱天氣的良伴，我也吃得心花怒放。串燒沙嗲一次可以吃到豬肉，牛肉和雞肉，一入口我就被這軟嫩，絲毫不用費力的牛肉驚艷到，牛肉火候控制得剛剛好，要不是飽到吃不下了，我還想再點串燒沙嗲，喜歡串燒沙嗲的別錯過。有著豐富油花的豬肉，外層烤得金黃焦香，經炭烤後逼出油脂，有著嫩中帶彈的口感，沾上沙嗲醬，把豬肉的甜味提出來。雞肉光看色澤就使人口水直流，雞肉厚實幼嫩，香茅味顯現，沙嗲醬鹹鹹甜甜，令雞肉格外滋味，富花生氣息。泰式咖哩羊是相當少見的咖哩風味，讓我們非常驚喜，泰式咖哩羊裡頭有栗子，蓮子，花生等配料，很特別的咖哩用料。羊肉處理得十分好，吃起來軟嫩香甜，沒有羊騷味，栗子，蓮子與花生甜美跟香料辛香濃縮在咖哩汁裡，香氣層

Nice staff, good foods, great atmosphere. Good place for both celebration and casual meal. Recommend the dosa, various kinds of cocktails, steamed fish, Bak kit teh (though it may not be the traditional one) and yellow curry fish. Definitely worth a visit and revisit.