CHIMAC (大埔超級城) (已結業)

CHIMAC韓式炸雞套餐🥡（半半口味）分別為水原牛肋骨醬口味🐮同蜂蜜焦糖口味🍯。每樣口味各6件。水原牛肋骨醬🐮，醬汁充滿濃郁牛肉香氣🐮，每件炸雞帶有微甜嘅味道😋。炸雞炸到外皮酥脆😛，脆皮下鮮嫩多汁嘅雞肉配上蜂蜜焦糖口味🍯，叫人一試難忘。炸薯條🍟，薯條外表金黃酥脆，而裹面係柔軟嘅薯仔，口感鬆脆。香蔥豬扒飯🍱，豬扒香氣撲鼻，色香味俱全，味道好食到不得了。香嫩的豬扒🐷搭配上蘿蔔絲🥕及青瓜絲🥒，同時加埋煎蛋🍳及蔥油，以韓式拌飯嘅形式去食，別有一番風味☺️。魚糕串，味道清甜😋😋，口感彈嫩。

黃昏時行過商店門口，心思思想食炸雞，不如就買返屋企一齊食店舖唔係大，應該主打外賣，但也設有枱椅吧枱，供客人堂食炸雞有10個口味，試試佢哋嘅半半炸雞，一共12件，半半即12件中每款口味各半。揀咗個人喜歡的蜂蜜焦糖炸雞同家人喜歡的水原式牛肋骨醬炸雞。炸雞即叫即做，由餐廳返屋企大約10多分鐘，仍然保持到熱辣辣 金黄酥脆的外皮，咬落去鮮嫩多汁，蜂蜜焦糖炸雞香甜而水原色牛肋骨醬炸雞，表面多層醬汁，咸香帶甜 配上的粗身薯條也不馬虎，炸得香口，酸蘿蔔（後來才發現有一小盒在袋，冇影相）好醒胃，還有韓式的忌廉鮮奶 另外點了香蔥豬扒飯，豬扒也是即叫即煎，香口鬆軟，一啲都唔韌，加上煎蛋，大量翠肉瓜同紅蘿蔔絲，色彩繽紛飲品揀了檸檬七喜加了個韓國特色小食，魚糕串，煙煙韌韌，吸收了高湯的味道，也不錯外賣包裝也花過心思，每款炸雞一個錫紙盤，兩盤平放在一個大盒裡，盒開了些小圓洞，方便疏氣，不怕倒汗水豬扒同飯也是分開放，好骨子 家人意外地食了炸雞，也讚呀

平時睇openrice 都係做CD-ROM，參考下邊間餐廳好食，無諗過會寫咩食評。但呢間野我真係要讚一讚佢，因為佢令我嚐到久違既難食食物，同獻出我第一條食評。我買咗炸醬麵同無骨炸雞。首先，炸醬麵用廉價公仔麵都算，佢連啲炸醬都可以係得少少咸味，咁你其實大可以叫做黑色咸醬公仔麵就算，無謂誤導消費者。價格$42+1外賣收費，各位睇完相可自行判斷。其次，炸雞我只可以講普通到不能再普通，甜甜地既炸雞，$65 有6件。今次只講食物，環境服務果啲正正常常。最後一句講晒，港式咪扮韓式啦。

今次嚟咗 Chimac 食韓國炸雞😍食咗 #水原牛肋骨醬 同埋 #蜂蜜牛油粉 味道嘅炸雞腿肉🍗 全部都好入味. 炸粉啱啱好. 完全做到外脆內軟 最鍾意水原牛肋骨醬😻味道甜甜地. 咬落去好多汁. 唔會好似其他鋪頭咁炸到好乾身🫶推薦必試🍢魚糕串好有韓國特色街頭味道. 索曬湯汁精華👍👍泡菜炒飯有少少辣. 味道好惹味薯條都係粗身嗰隻薯條好有口感. 同埋熱辣辣最好味同埋佢哋店舖雖小但係絕對五臟俱全佢哋洗手嘅系統都好方便 100%clean同埋chimac有好多地方都有分店. 隨時隨地都可以食

大埔又新開多間韓式炸雞店✨位置方便 堂食外賣都好快手準備好 有半開放式廚房望到入面烹調過程😆一場黎到當然order返個韓式炸雞套餐試下🤪 炸雞有9款口味 可以揀雙拼試夠兩款🤭套餐只係$127！我地揀左水原牛肋骨醬同蜂蜜焦糖味🍯兩款都好惹味 即叫即整夠晒香脆🤤分量好多！超抵！跟餐仲有魚糕串🍢、酸蘿蔔、炸薯條🍟同兩款飲品 🥤性價比極高～想食d飯 就加左泡菜炒飯 （$53）泡菜分量同炒飯都好大😆真係夠share黎食🤭 飯粒唔會太淋太硬 岩岩好👌

係大埔超級城角位有間以橙色做主調，簡單清晰見到係韓國炸雞店🐔▫️韓式炸雞套餐🥡$118炸雞12件，一共10個口味(揀其中2個口味)。我揀左水原式牛肋骨醬+經典甜辣醬🌶️佢個炸雞炸皮唔會好厚，香脆內嫩，同係韓國食到既炸雞一樣，好好味😋牛肋骨醬將原味炸雞再升華⬆️套餐仲配有酸蘿蔔粒+薯條🍟+2罐飲品🥤◾️泡菜炒飯🥡$53食完炸雞再配埋個泡菜炒飯，完全係正宗韓式風味🇰🇷，炒飯加左腸仔同紫菜碎，食完勁飽肚.

細細間專做外賣既炸雞店，店內有少量坐位可以堂食，價錢親民，性價比又高，間唔中邪惡下, jenggggg❤️半半炸雞腿肉 水原式牛肋骨醬炸雞 醬汁好香，又濃郁又惹味，件件雞都沾滿醬汁，好滋味!!🧡蜂蜜牛油味 聞落已經好香，加上蜂蜜甜甜地既味道，正!! 而且炸雞非常嫩滑，外脆內嫩仲有肉汁，好高質💛泡菜炒飯 炒飯炒到岩岩好夠乾身，愈食愈辣既味道，加埋紫菜碎碎，更加有韓式味道～💚魚糕串 2大串，仲要係超長既竹籤，好有係韓國街頭係魚糕串串既感覺

周末中午唔知食乜好，諗起想食炸雞，淨係諗到 KFC 同jollibee，但都食過好多次，想試下其他餐廳，見到有間餐廳又係食韓式野。叫左個二人特攻炸雞盒，黎到一見到超級多野食，真係unexpected。熱辣辣原味及蜂蜜焦糖炸雞腿各6件，薯蓉，炸薯條，韓式粉絲，辣炒年糕，再加兩樽飲品，認真好豐富!蜂蜜炸雞以雞肉十分酥脆，配上濃郁蜂蜜焦糖醬汁，酥脆外皮加上甜香蜂蜜，非常惹味。韓國年糕同就中規中矩，粉絲就幾煙韌，薯蓉都幾幼滑，有薯味。整體來說，炸雞係突出的，百幾蚊有咁多野食，價錢都唔算貴!

好耐無去大埔找野食。近排多數係元朗覓食。因老婆想去大埔按摩。所以今晚好理所當然在大埔找吃。當我們習慣地行過舊街時，見到一間新開專食炸雞餐廳，炸雞至愛美食。必然之選。蜂蜜牛油炸雞。炸雞最重要是乾身襯熱食。肉質嫩。外皮脆。調味更合到好處。入口沒有多餘的粉醬。韓式炒粉絲。炒粉絲亦是本人的心愛。韓式做法入口更美滿刺激。韓式少牛肉飯。牛肉飯並非一般日式用湯煮過牛肉。而真正炒熟牛肉而做成的牛肉飯。所以牛肉汁落左係飯上更美味可口。入口即溶的牛肉更令人感受口腔中的飽腹感。

煮婦話唔煮，唯有放工順便買個外賣返屋企食~ 今次又係食韓國炸雞🐥 去咗CHIMAC買咗個「二人特攻炸雞盒套餐」，好抵食好豐富！外賣又唔洗點等，好快攞得👍🏻✪ 二人特攻炸雞盒套餐 ⌫ 套餐有兩個價錢，無骨炸雞12件$168；有骨炸雞10件$188。識食一定食有骨炸雞🍗！套餐好豐富，包咗六件原味炸雞，六件自選口味炸雞，小食兩款，迷你飯兩款，飲品兩款。炸雞口味指定原味六件加我地自選閃亮芝士炸雞六件。原味炸雞口感酥脆，外皮有少少醬汁調味，少少鹹香。而閃亮芝士口味炸雞沾滿芝士粉，好邪惡，同炸雞好夾！魚糕串口感彈牙，好有韓國風味，如果有埋熱湯就正！薯蓉質感幼滑，煙肉粒有少少硬。紫菜飯同泡菜炒飯都好大碗，泡菜炒飯好惹味，必點！【 CHIMAC 】📌大埔安邦路9號大埔超級城C區2樓582號舖

今日入咗大埔搵朋友食飯，大熱天時都係留喺商場比較好🥵🫣我同佢都OK韓國菜，見到呢間二人餐幾抵食，又咁啱有位就入去試吓😁❤️二人特攻炸雞盒套餐 $188呢個套餐包咗10件有骨炸雞，兩個小食，兩個迷你主食，兩款飲品，真心抵到爛！😨炸雞除左個餐本身跟嘅原味之外，我仲揀左我最愛嘅甜辣😍炸雞即叫即整，被滿滿既甜辣醬包裹住，雞皮依然保持香脆👍 肉質嫩滑～甜辣醬易入口又開胃，同炸雞真係超夾！😍炸紫菜卷同樣香脆，但裏面只有粉絲，如果加返樣爽口嘅配料會更加好🫢魚糕索晒湯好入味，口感煙韌得黎有啲彈牙，好食！😋韓式炒粉絲配料非常足👍👍冬菇好香，粉絲夠味彈牙😋整體嚟講性價比真係冇得輸！😆#大埔美食 #韓式炸雞 #炸雞推介 #韓國菜推介 #chimac #friedchicken #bibimbap #kimchifriedrice #koreanfriedchicken

二人特工炸雞盒 $188原味+經典甜辣炸雞 每款味道都有一隻大大隻雞髀、兩隻全翼同雞肉，火喉炸得啱啱好，雞肉保持嫩滑有肉汁，最鐘意食炸雞就係包滿甜辣醬，忍唔住食完一舊又一舊，估唔到外賣攞到返屋企，仲脆卜卜。韓式牛肉飯燒肉有燒汁嘅香味，牛肉份量都適中。韓式炒粉絲粉絲都唔錯，咬落好有口感又彈牙，好香麻油味，又多配料。辣雞腳好入味幾淋，無骨好方便，唔算辣，而雞腳下面好多青瓜絲吸晒啲醬汁，所以勁入味。炸紫菜粉絲卷外層紫菜炸到好香脆 ，一咬開啖啖粉絲。忌廉溝鮮奶+蘆薈汁

大埔新開左間韓國炸雞專門店😍次次經過聞到都好想食😆終於有時間去試啦Chimac 🐥做外賣為主 環境以橙色調為主點完餐就即叫即炸 熱辣辣 等10mins就拎得🍗叫左個二人特攻炸雞盒兩個人食一定夠飽😋價錢相宜D雞大大件😻😻除左原味炸雞 五件🍗仲可以揀多一隻味我要左芝士🧀️味食到停唔到 就連原味都好正 😊炸得脆卜卜 好香口炸紫菜卷(4條）紫菜包住韓式粉絲 好煙韌 外脆內軟😼炸薯條🍟粗身薯條 正 份量都多🫶🏻泡菜豬肉飯🐽泡菜炒飯泡菜辣辣地 夏天食好開胃 正 豬肉片調味不錯😌😌飲品叫左韓國檸七&蘆薈

想食炸雞🍗就上網搵資料，見到尼一間餐廳都好多分店，就決定試下，果然係好味。兩人套餐係超級重份量，絕對足夠三個人食。一隻味道的炸雞都有5-6件。炸雞仲有得揀有骨和無骨，無骨絕對適合懶人食，啖啖肉。而我中意有骨雞，主要係雞翼和雞髀🍗。今次食原味和蜂蜜焦糖炸雞，原味雞好鬆脆亦都好嫩滑。蜂蜜焦糖炸雞係好有創意，一食落去就食到尼個到焦糖味。韓式牛肉飯係有驚喜，牛肉係好好味😍😍飯底係用左珍珠米，超夠飽辣炒年糕，我係好中意食煙煙韌韌的食物，好彈牙一d都唔硬。炸薯條🍟係見到薯仔🥔皮，佢係薯仔切條後直接炸，又夠厚和脆，同其他地方的薯條都唔同。炸紫菜卷，紫菜包住米飯去到炸，再沾上蕃茄醬就好夠味另外都想提一提，除左兩人套餐好抵食，仲有一人套餐和四人套餐，都係好值得一試

好耐無係大埔搵食，天氣太熱都係行下商場想食韓國嘢而見到呢間嘢餐廳望落幾光猛同埋乾淨企理，有少量堂食位仲有得外賣非常方便👍揀左二人特攻炸雞盒套餐，都幾多嘢食，2個人絕對食得飽，又唔係貴，性價比唔錯👍原味炸雞+蜂蜜牛油炸雞有成10件咁多，原味有5件，另外5件可以自選口味揀咗蜂蜜牛油味，甜甜地幾好食原味都幾香脆可口👍炸紫菜捲+魚糕串小食可以揀2款炸紫菜捲炸得紫菜脆，入面係粉絲，外脆內軟幾好食魚糕串就細細串，可以一口一串好方便韓式粉絲+韓式牛肉飯迷你飯可以揀2款韓式粉絲好有驚喜，唔油膩但係又唔會黐埋一堆，好夠味好好食韓式牛肉飯就做得正常水準，牛肉同埋個汁都係好食嘅呢個外賣套餐真係性價比幾好