Chin Chin Thai Cuisine (康怡廣場) (已結業)

見鋪頭星期日中午度度都排長龍呢度無人已經覺得有啲危險。個menu鬼五馬六又有印尼嘢又有泰國嘢。叫巴東牛肉無，轉牛柳粒紅飯。加了鮮蝦金邊粉加龍眼冰。真係食神上身，啲龍眼冰無龍眼味，啲蝦真係好鮮嘅雪味，紅米三夾低，通菜鹹過鹹魚。連清水都係強勁的水喉水味。要永久入黑名單

之前康怡廣場呢個舖位係韓國餐廳宜家轉成泰國餐廳（燈光依然係走暗黑路線）平時星期六日食lunch dinner都成日黎康怡廣場覓食，所以今次就試下呢間Chin Chin Thai-首先叫左個蛋包大蝦金邊粉賣相非常之靚，尤其係外面個蛋，真係好似個網包住個金邊粉咁落曬炸蒜粒、青檸後，我覺得個味道都略顯唔夠濃同香，同埋有少少乾，如果濕返少少會好食啲-另外試左個冬蔭公湯反而呢個味道幾好，夠曬濃郁同埋佢應該係落左椰奶，所以幾綿密，係我鍾意嘅嗰種冬蔭公湯👍🏻-仲有個咖喱飯就係我屋企人試嘅，佢話味道一般般，我就唔會在此詳細講啦

同同事食lunch兼吹水，想搵一間大啲嘅餐廳坐得舒服啲，於是入咗呢間泰國餐廳！3個人每人嗌咗一個lunch set，包嘢飲，平均大概每人$80 ，包括：海鮮燴炒鴛鴦河粉（$76）、泰式鮮蝦炒金邊粉（$74）、黃咖喱牛筋牛舌配絲苖白飯（$70）。/黃咖喱牛筋牛舌配絲苖白飯（$70）下次再嗌翻機會率：🍚🍚👍🏻：我食嗰個咖喱啲牛筋同牛舌嘅質感係幾好食，煮得好淋，亦都好入味！👎🏻：個咖喱入面食到有好多好細粒嘅薑條，令到我呢啲唔中意食薑嘅人食得好冇癮！但個重點係，食完呢餐飯之後，個口鹹左成個晏晝，就算喺公司瘋狂飲水，都仲係好鹹！本身老編都叫食得下味精，但呢一間嘅味精真係接受唔到喇！如非必要，都唔會再去食！/一間好普通，唔算稱得上好好食嘅泰國餐廳，唔會特別推薦！但如果放lunch，又想食好少少同埋坐得舒服啲，都可以考慮吓嘅！/🦕 by 周 - 圍 食 👁

今日行過太古搵lunch食 就嚟左價錢比太古城平嘅康怡廣場依到lunch set價錢大約係六十多至八十多元左右我叫左炭燒豬頸肉雞翼撈檬每個餐包埋一杯熱飲我就叫左熱檸檬水值得一讚嘅係 撈檬賣相好靚 豬頸肉排列整齊 上面又有炸蒜 ，蔥花撈檬配料極之豐富，有生菜絲、紫椰菜絲、蘿蔔絲、花生碎 等等檬粉爽口彈牙，每一口檬粉都夾著酸甜開胃嘅魚露酸甜汁，真係酸甜開胃主角係炭燒豬頸肉同雞翼，會吃到炭香味，炭香加油香，超好味！！豬頸肉彈牙有嚼勁，厚薄適中，而且份量多，燒得岩岩好，唔會太乾見到人哋叫嘅咖喱牛腩，炒飯望落都好吸引 有機會再嚟試下！

在之前的日子，曾經試過這間餐廳。但當我今次再嘗試時，覺得質素下降了許多。但整體來說，食物只是一般般，但外表是不錯，又不到難吃，就是很普通而已。而服務方面，我認為挺好的，環境又挺乾淨。算是一間不錯的餐廳。只是食物方面，可以改善是次吃飯人數為6

晚上二個人去左食晚餐，叫左一個蛋包大蝦金邊粉，一個冬陰功湯，一個青咖喱豬頸肉。青咖喱辣得好正，冬陰功湯酸酸辣辣好開胃，仲有一個金邊粉炒得唔會太濕，整體來講主菜都好滿意。最後叫咗二杯飲品分別係芒果椰香滑冰，泰式奶茶。芒果椰香滑冰好香椰子味，芒果都好甜。泰式奶茶好正宗，好似係泰國飲嘅一樣。最後送咗一個甜品南瓜糕。等位期間仲有得派龍眼水飲。由等位都有人落單，服務都幾好。兩個人仲有四人卡位坐。下次會再去。兩個人食咗$400到食到飽着出門口。

晏晝自己一個去咗食飯，叫咗一個芒果蟹肉炒飯，牛柳串同炸蝦餅。芒果蟹肉炒飯好特別，芒果好甜，蟹肉好鮮甜。牛柳串燒得好Juicy，最後嗰炸蝦餅，炸得外脆內軟，唔係好似其他鋪頭返炸，佢係即叫即炸。最後仲落咗杯青檸梳打。店舖服務態度很好，雖然比較忙，但都會耐心幫我落單。

想入呢間泰國餐廳試下，見咁少人好驚會中伏😂 不過最終都係決定一試。店員安排了一個舒適的位置給我們，夠曬位擺戰力品😙我們點了豬手飯、通菜、蟹肉炒飯、大蝦金邊粉😎豬手有驚喜！肉好淋豬手皮仲好彈牙添🤤馬拉盞通菜味道剛剛合我們心水、不會過咸👍🏻泰式奶茶好夠未，有水準🤨好想試其他的菜式，可惜肚皮有限下次再食😅服務好，價錢合理，有食物水準，又不像食評中所說的那麼差，一定叫多啲friend再來試其他嘢😆因為可以叫多啲😏

大年初一一早預咗枱來食呢間泰國菜所有野食都好味道冇令我們失望可能因為太忙店員漏了我們的炸蝦餅不過都食物份量都好夠，於是我沒有詢問。冬陰公湯冇想像中咁辣，好啱我們一家大小，海南雞肉嫩美味，仲有........全部都好正員工服務態度好nice 眼見好似好唔夠人但她們都好有禮貌及笑容超級合作快手最後經理道歉落漏單她很nice 還祝賀我們新年快樂🎉一定會再來，好味道，好環境，好服務！開心share 忘記拍照📷🙈

星期三中午來食lunch, order 左個海南雞飯同菠蘿炒飯。上菜和出飲品非常之慢，追左幾次單都未泥，叫左位疑似高級小小既女待應幫手跟單，佢既態度超差，好似係d食客唔岩。其實lunch time 多人應該唔係第一次，仲要兇個客。呢位女待應態度有好大既改善空間。食物質素唔錯，但服務態度差得遠了，不推薦。

質素大不如前，首先餐飲叫左杯熱龍眼，味道淡過水，明明之前來過好入味，完全唔係咁。第二經理和員工態度惡劣，已經唔期望有笑容，而且落錯單係冇員工同你跟進，以後都唔會再選擇呢間泰國餐廳！

Bad and extremely unprofessional service. The hostess of the restaurant was incapable in arranging table according to the first-come-first-served principle even the “tickets” were used. She displayed a bad attitude when she was being questioned why people were not seated in order. Do NOT try to go there unless you would like to have your day ruined. 當日負責接待的待應生陳德未能順序安排入座卻態度惡劣，將自己安排不當歸究公司及顧客，引起不止一組顧客不滿，在場的施小姐亦無心解決問題。

續西灣河食完夜晚泰菜今日lunch再食泰菜！！今日一行8個人一齊去康怡度食！～因為多人所以我地早粒鐘book位就得啦～去到人山人海～book左都要等一陣至入得～因為餐廳規定每人至少要叫一個餐所以我地一共叫左8個餐開心sharee❤️海南雞餐（$164）因為當日油飯已經賣完所以得白飯🙈但d雞好滑5鞋雖然相信係冰鮮雞但完全冇雪味！🤩d醬汁就不過不失啦～但值得一試！香茅燒豬扒雞翼撈檬（$74）一黎到最吸晴係個裝汁容器😂好可愛啊！豬扒燒得有d過火所以有d苦味撈檬其實最重要係d汁！lee度d檬係好好味！！！因為佢d汁撈得好！大蝦炒金邊粉（$78）以lunch set黎講佢擺菜完全5頹！份量好足但就比較普通味道冇咩特別記憶點馬拉盞炒米粉（$74）我最鍾意係lee道菜！！好夠鑊氣每條米粉都沾到汁！5會無味5均勻！一定要叫！！蟹肉炒飯（$78）貌相係相對失色！但d飯炒得乾身！仲有好多蟹肉！好足料！而且份量多！2個人食都可能有剩～金不換素材茄子海鮮配白飯（$78）lee個勁似碟頭飯😂😂😂海鮮係有魷魚同蝦茄子真係要帶潛水鏡至搵到可以5好叫黃咖喱雞配飯（$74）lee隻咖喱5係印度咖喱完全5辣都5香係重奶味多

今天和家人去用餐，發覺這裡的東西都很好吃，用餐愉快，點知呢，有個穿着便服的男職員就大叫，不知道在罵誰，還不止一次😡😡為什麼這種人都請，嚴重破壞我用餐心情，吃個飯都不安樂！如果一個員工連基本情緒管理都做不好，會影響好多人，食野嘈住晒，我原本以為什麼事，準備走人，點知原來經理自己發脾氣，成年人，難道不能成熟點！

以後都唔會再嚟！同朋友嚟呢間餐廳食晚飯，一坐低，我哋想飲水，見到枱上有數隻杯，已經自己去拎個水壺倒緊。之後有位女待應見到，嚟到想倒水比我哋，有位聲音比較大聲嘅大叔待應同個女待應講，唔洗倒水俾佢哋，佢哋自己會倒。我心諗：你收左加一，倒杯水都應該啦..之後點菜已經按照個大叔待應指示，順時針講編號落order，最後都可以漏單🤷🏻‍♀️上左兩個粉麵，明明三選一，要檬粉，可以上左河粉，之後問佢點解變左河粉，佢先同我哋講冇晒檬粉。點解唔問過就幫我哋決定😤有個朋友對花生敏感，落單果時話走花生。上菜時，再問大叔待應一次，係咪確定冇花生，大叔待應望望碟粉，好似睇唔清楚咁，之後放低碟粉喺我朋友面前，用朋友對筷子去夾開上面啲蔥及芽菜喺度睇😳全枱O晒嘴，我朋友都未起筷，你搞佢碟粉做咩野！最後俾錢，我哋全部人夾cash, 我哋人多自然會有一大部分人先離開，咁其他人先出到。個大叔待應好緊張咁講：走還走，留返個可以話到事嘅人幫我數清楚啲錢🙄 我哋又唔係全部人走晒，仲有兩個手裡面已經拎住數好嘅錢，洗唔洗咁講野🙄🙄🙄唔會再有下次！大家可以參考下會唔會幫襯～