Chin Chin Thai Cuisine (康怡廣場) (已結業)

結束了上午的家庭活動，大家準備一起午餐後再散兵...午餐時間，康山廣場3樓，各餐廳門外，都人頭湧湧，除了這家～青青泰國餐廳！不想多等了，就选它了👇匆匆入座，餐牌一目而過，都是泰餐的基本野～好在有午市套餐如下：我們7個人，位位order一份自己的套餐，再散叫兩樣大家share，上述餐牌9種套餐中，我們分別選了7樣（1,2,4,5,6,7,8)1）越南生牛肉湯河+ 常餐飲品： HKD69.- 普普通通，可能價格貴在幾片薄薄的牛肉2）炭燒豬頸肉扎肉撈檬+常餐飲品 HKD73.- 無論是肉的搭配，還是視覺效果，都夠80分！3）大蝦炒金邊粉+常餐飲品 HKD83.- 賣相不錯吧？蝦頭有膏，但為了健康，勸大家少吃動物頭部4）鳳梨豬頸肉炒飯+常餐飲品 HKD81.- 黃黃的顏色以為是雞蛋炒飯，但應該有菠蘿的效果，配的幾顆腰果、兩塊青瓜和一小撮金蒜，把整盤炒飯調理的甜酸清爽，香香的...5）黃咖喱牛舌牛筋飯+常餐飲品 HKD79.- 飯菜分開上，米飯碟子裡配了兩片白米通；主菜碗裏的黃咖喱看不見牛，只有幾條雜菜浮在咖喱汁上...隔著遠，最終也沒望見牛影6

今日晏晝比較得閒,所以喺太古周圍行吓,去到康怡,平時都唔會上到咁樓上,今次周圍行發覺上高原來多一層,呢層係冇扶手電梯上去嘅,要行樓梯上去,真係比較隱藏,我諗因為咁嘅原因所以晏晝都唔係好客滿門口望落都幾大,又有位,所以諗住一試🤠內裏真係唔係好多人,當時已經係一點仲有位我淨係影咗門口塊餐牌,其實入到去佢俾嗰個Menu,選擇更多,大多數70幾蚊,但要加一我嗌左個豬頸肉🐷扎肉凍濛🍜,豬頸肉都有好多塊,扎肉就得兩片,都幾果凍濛汁其實有d辣🙈可能食得辣嘅人會鐘意嘅除餐附送嘢飲,要留意嘅係呢度冇凍檸茶,所以我嗌咗凍檸蜜但都幾好飲😋overall都ok,但要收埋加一我都係覺得貴左d

呢間餐廳係康怡廣場，但位置比較隱閉，要行條小樓梯或搭lift先上到去，所以比較少人而且唔洗等位就入座。本身想叫一個二人餐，但又唔太肚餓所以叫左單點，一共叫左4個菜。平時出面既泰國菜多數只係炒通菜，見菜單有炒蘆荀於是就叫左，味道偏少辣，但幾入味，送飯一流。呢個炭燒牛舌燒得岩岩好，肉質軟硬適宜，食果陣一定要配合埋上面既蔥一齊食。但呢個豬手有點失色，整體賣相及味道不錯，但肉質偏硬，不太推介。每一粒炒飯都滲入青咖喱味，份量岩曬兩個人食，海鮮料充足，再配合少量糙米，健康又美味。

今日lunch黎食好耐無食既Chin Chin Thai Cuisine啦鐘意呢間野 因為lunch menu唔係其他咁少選擇每次我等緊位個陣 都要認真諗下食咩XD佢地由湯粉、撈檬至海南雞或者咖哩飯都有我不嬲都唔食辣不過黃咖哩係唔辣之外 更有啲甜所以今次就叫左黃咖哩牛腩牛筋飯碟飯一上到黎 第一下係諗 有米通配埋咖哩咼 夠哂正宗 正!有時係某啲店食咖哩飯會覺得咖哩會油但呢到絕對無咁既感覺!而牛筋牛腩亦都非常好 軟硬適中牛腩一咬就斷牛筋亦非常有口感同埋唔好睇佢細細一碗佢都有差不多3-4舊牛非常推薦呢一間有機會大家可以試下!

Today we are having this tasty Pha Thai with King Prawn and Assorted Seafoods 🤤😋 ..See how big the king prawn is ！The noodle is so yummy with the pea sprout, peanut chunks and a touch of lime juice.I loved to have it with a touch of sugar on top 😊Very yummy 😋 .Anyone want to try some? .

之前屋企人話都ok好食，今次陪佢哋再encore。黎食泰國嘢梗係唔少得冬陰公湯，因為有個小火爐所以唔怕攤凍，呢度屬於偏甜，飲到有啲忌廉放左落去。咖喱蛋軟殼蟹，唔辣，調味冇乜味道,但蛋花適合送飯。馬拉盞炒蘆筍，蘆筍比較老身有渣，味道一般，又唔係好辣又冇乜馬拉盞嗰種香口味道。明爐魚推介的，最正常。

已不是第一次來此餐廳,整體經驗也是平均以上.中午時份人氣很高店員服務很好座位也十分舒適午餐大推豬手飯沒有之一皮滑肉嫩, 肥瘦均勻,份量足夠, 用了精美杯子承載杯頂半隻蛋杯底更有解油膩的酸菜就是滿足PS: 點解無凍檸茶餐牌 for reference

下午飯，與太太入內，點了餐後，等了十五分鐘，仍未有食物到！見遅過我的客人已有食物到，我於是向侍應查詢，眼見幫我落單的女侍應（應較高級），只不屑的向另一店員說有：「有呀！」但之後查機後，奇怪的表情出現，我就知佢無落單！但並沒有店員向我再跟進！我於是再問他們，是否無落單？但他們仍堅持有落單，並求其向我遞上不是我點的餐飲。此時，我再問其實是否無落單，那位四眼員工只好說：「係，你想點呀！」其實好簡單，同我講聲漏了單，稍等，便可了事！之前曾聽聞此店服務差，果然聞名不如見面！

入座既時候明明得一半客，我3個人黎食，要我地坐主席位。講到明唔介意搭台都話唔比，仲要話食個飯好快姐唔好計咁多！ 叫餐既時候個店經理服務態度勁差，普通員工都仲好服務過佢。明明食物質素ok

人生第一次食到咁差既泰國菜！先唔講食物，去到前枱冇人招呼，等到有侍應黎就派飛等位，之後安排咗一張二人枱加咗張櫈（我地係三個大人）坐底後係見到有張四人位吉枱，只係未擺位，但侍應都冇俾我地坐，算！到想點餐，有個侍應唔知係唔識落單定咩原因，佢只係同其他侍應講有冇人得閒落單，之後擾攘咗一陣，就有人落單，點知叫乜冇乜，佢仲話「基本上今晚好多嘢都賣哂」（其實今日只係普通的星期日）咁我唯有反問佢有咩有，之後算係順利點餐。炸魚餅：好咸，仲食到有魚骨><菠蘿海鮮炒飯：呢個反而太淡，所謂海鮮就係有一隻蝦同數件魷魚泰式炒金邊粉：金邊粉好濕，而且過酸，失敗！馬拉盞炒椰菜仔：冇乜特別，係咁多個菜最好的總算食完一餐晚飯，但沒有下次！

昨晚和家人來吃了後，就決定不會再來。首先，服務差，特別是沒有禮貌。要叫人時，看見當看不到，叫了牛柳粒炒紅飯，牛柳粒寥寥可數，醬汁咸到苦。紅飯還以為是紅米，原來是蕃茄醬炒飯。想不到！粉絲雜菜煲，西蘭花椰菜花車厘茄各兩粒，其它壞菜心和椰菜為主。味道沒有，菜是先煮熟然後放煲裡，難吃！椰青也開得不好，不乾淨！其它菜式更不用提啦！問題是之前青青還算可以的，是最近六月開始越來越差，放棄！最不喜歡是其中一個聲音超响的男侍應，超沒禮貌！

想要唔開心既經歷就黎呢間，落單十問九唔應，叫左一個海南雞飯同豬頸肉撈檬，食物大力放低係枱就走左去，好彩都算食得落肚。 到埋單時同我地講佢地唔得閒，叫我自己拎錢入去埋單。收加一既自助式服務。真係一次很好的經歷。2人食下午茶$180

我叫通菜 個員工落揶菜， 我就同另外一個員工講點知 過了一會兒 個類似經理物體走來同我講我地員工是用號碼落單 好2似講到我差咁 大哥出來食餐飯開心 好似要受你氣咁 下次送錢都吾來食 祝佢地生意興隆

今日工作關係得個零鐘頭食飯，行過門口見到冇乜人排隊，就入去諗住試下。我地叫左兩個set lunch，一個海南雞絲湯河加椰青，一個大蝦炒金邊粉加柚子茶。我地12：45入座，個海南雞絲湯河好快就黎左。但係個大蝦炒金邊粉就遲遲未黎。我地等左半個鐘，到左13:15個金邊粉都仲未有，呢個時候，個湯河已經食完，lunchtime都差唔多完結，大家都要趕時間返公司做野。呢半個鐘入面，我地已經向職員＋經理催過至少3次，但係完全冇回音，我連係漏單定係落錯都唔知。所有員工都表現得好唔helpful，完全係敷衍緊我地。我見等左半個鐘都冇野食，唯有叫埋單＋取消我個炒粉。點知呢間餐廳連埋單都唔俾，埋單都要叫幾次、等足2個字先有人理。就係呢個時候，個大蝦炒金邊粉終於黎到，我見仲有少少時間，應該可以快食埋佢，但我咬左一啖隻蝦，佢竟然可以由內至外都係凍冰冰。不禁令人疑問，其實呢間餐廳係咪真係有心想做生意？點解一碟得兩隻蝦咁大把既炒粉，等左半個幾鐘，suppose應該係岩岩整好送上黎，點知佢係凍冰冰！？可能我係少數咁唔好彩既客人，我地即刻起身埋單，經理話取消個餐，餐飲要計正價，ok fine。我以為我個柚子茶貴極都係廿

原本以為預約左可以比較準時入席，點知去到門口一個侍應都無，門口排左十幾人等緊。等左大約十分鐘先有一位經理出黎幫客人攞飛，即使我表明我訂左枱都係要等多十五分鐘先入到去，足足遲過我預定時間半個鐘先坐得低。入到去更加發現侍應嚴重不足，加埋經理得五個員工左右。等五分鐘都無人俾餐牌我地。我地先叫左四個前菜食，份量明顯比以前少左，但質素都算保持到。其後我地再叫多四個主菜同三個椰青。等待其間不斷聽到經理抱怨嘅聲音，等左十分鐘左右更加聽到經理暫停水吧。就算無野食都起碼有野飲先掛，叩左個侍應催一催單，佢哦左一聲就無再應我。最後等左大半個鐘，一樣野都無黎過，叫個經理去查下先發現個侍應原來從未幫我地落過單!我地白白坐左係到半個鐘等!即刻埋單走人，極之失望，唔會再黎!!