Chok 雞

营业中

休息中

本身滿心期待去葵廣特登食你地個炸雞，睇哂食評見到咁多人支持，諗住實好食啦，點知好失望！我比$30幾買左炸雞食，點知味精勁，雞仲要食得出係番炸，我好失望！我特登元朗出黎食架無下次呀，講真成個商場咁多選擇，我寧願去食繼光香香雞都無咁失望我見openrice講到好好食又多汁又正，先山長水遠黎試，結果真係又乾又味精好重，食完口渴到飲左成支水，希望你地改善下啦！唉，傷心。如果再有機會，我會希望係食到juicy既雞。

葵涌廣場係掃街人士必到之處，今次筆者第二次黎呢間炸雞店食，都係叫左呢個抵食嘅套餐，有雞又有小食。呢度炸雞係即叫即做，保證夠熱。內裏唔會乾，亦有肉汁。炸粉包得好好，唔會甩到周圍都係，亦好鬆化。而薯條用幼薯條，接近m記口感，亦唔會淋哂，喜歡m記薯條的話可以一試。再加上自選嘅shake shake粉，為雞同薯條著上最後一件名為美味嘅衣服，令你番尋味。用餐日期:19/1/2019是餐費用:$38味道:7.5/10環境:6/10性價比:6.5/10

呢間炸雞店主要係做自家製Chok粉。佢地既ChokChok粉全部都係自家調製！並唔係出面買既hea貨。店主將ChokChok粉放係前櫃，客人可以自己加入自己中意既粉，Mix都得，加入炸好左既炸雞件度，然後自己Chok出你既風彩🤤。.🔺ChokChok套餐C $30有六件雞件，係大大件既無骨雞肉，全部即叫即炸，夠曬熱辣辣👍🏻。我加左避風塘蒜香粉，Chok完已經有好香既你避風塘炒蟹味🤤。雞件一啲都唔乾，咬落仲好滑有肉汁，加埋雞粉，好好食👍🏻，唔怪得咁多學生黎買。.🔺炸雞軟骨 $28今次家左奶油洋蔥粉，店主話好似薯片叔叔果隻洋蔥味。抗開果下，哇完全就係好似食緊薯片果隻味咁👍🏻👍🏻👍🏻。當然你都係可以Mix埋其他味。.小店式自家經營，希望多d人知道呢d有心做既小店👍🏻.

去得葵廣，就預左食好多邪惡小食。「Chok 雞」，唔知點解睇個門面同個名，藍妹硬係覺得有啲意識不良。😂—雞係即叫即炸既，所以都要等一段時間，雞炸好之後，可以自己任加調味粉。☺原諒藍妹唔太記得落左咩粉，淨係記得應該有芝士同埋冇落過辣既粉👻幾種粉都偏甜，味道好突出。如果唔想太多味精粉，就咁食佢既雞其實都可以。😗啲雞都好嫩好juicy，有雞味既。😜

 在葵涌廣場見到之前在朋友提過的 Chok 雞， 就買一份支持一下～原來係 shake shake後再食的，所以就shake了起來 叫了六件雞件價值$28，有不同調味粉可自由選擇，試了個粟米湯味甜甜地好有飲栗米湯的感覺...

人是貪心的，飢詩是貪食的～ 在葵涌廣場已經食飽咗一個圈，見到之前在 ig 常出現的 Chok 雞， 咁就買一份支持下啦 😚～原來係 shake shake 薯條 概念，所以叫 Chok 雞 🤩～Chok 套餐 D～ 6 件雞件 $28～ 有六種調味粉可自由選擇～因為貪心，試咗粟米湯 ＋ 避風塘 ＋ 孜然 ～😆 結果撈埋一齊～ 甜甜地，辣辣地～ 🤣 雞件是用脾肉～ 炸得外脆 內Juicy  👍🏻👍🏻😚  如果雞上有芝麻，可能會再好食啲 😆😆飢point : 7 /10#hungermarch #飢詩 #非飢詩

經過見到有間炸雞鋪，外表睇落唔差，買左一份，但唔好食，雞肉好鞋好乾身好硬，而且有點偏鹹，但佢勝在調味粉有幾種選擇，味道都唔錯，而且可以任加，總括黎講，雞肉難食好難做回頭客。

又係跟番網上推薦黎試，本身不抱期望，覺得都係炸雞啫但見價錢幾抵又有肉食就盡管試下；但竟好味到意料之外！叫既A餐有雞腿 單骨雞翼 雞件（無骨），兩個人share既份量，都係$38，而且炸得熱辣辣又唔太油，炸粉夠脆又香口，d油唔會有翻炸再翻炸果種「益」味； 我地撈左芝士粉/秘製粉/孜然粉，味道最出係孜然，完全將個雞帶到令一個層次，而本身雞肉都有腌過有味，再左粉自己shake完都唔覺得咸，調味做得岩岩好俾個like佢！！可惜太興奮趁熱食一張相都無影到

黎到葵廣少不免會食炸野，今次除左食薯條之外，仲揀左呢間炸雞店。其實我係香港盡量都唔揀炸雞黎食，因為食過韓國既炸雞之後，覺得香港既炸雞大多數都炸到又乾又鞋，真係天淵之別!! 但今次呢間食店之所以會吸引我，係因為佢有六款唔同口味既調味粉比顧客任加，可以SHAKE飽佢!!~我地點左6粒雞件($30)+洋蔥圈($8) (大概有五件)貪心既我試左三款配搭：避風塘蒜香配芝士、孜然粉配芝士、特級香辣配燒烤粉可能我同友人都中意食辣，所以覺得三款味中最好既配搭係香辣配燒烤，食落似偏辣既燒烤醬味；最唔好既係孜然粉味，因為孜然味太重，食落似重慶串燒Feel；避風塘蒜香配芝士味道不過不失，兩隻味都特出，但又唔會搶左對方既味至於炸雞既肉質就一如所料，比較鞋同乾，無肉汁可言；洋蔥圈就炸得岩岩好

食後評語：今次我落左避風塘味同芝士味既粉。芝士味好特出，但完全遮蓋左避風塘味，但除左味粉既味之外，本身尐雞既雞味都好少，失好唔少分數。另一方面佢炸既時間同火力控制得好好！炸完尐雞都仲係又滑又多汁，而且食落口唔會有成口都係油既感覺。配套方面，店家主動加外袋俾你放成袋雞落去加粉搖，雖然很窩心，但也較為不環保，同時店家有提供抹手紙供客人自取亦顯是另一窩心之處。整體來說，對我呢個雞翼痴黎講，整體感覺很一般🙈🙈🙈而我俾既評分係 新鮮度：15（越高分越新鮮）美味度：15（越高分越好味）味精度：0 （越高分越無味精）整體度：20（以環境、配套、店員服務等評分越高分越好）總得分：50以上評分依該次到訪的現場環境、食物質素、個人口味等作評分基準，每人口味不同，因此以上評論謹供參考。

自從top世界開咗食街之後，次次嚟葵廣都要入一入去塞飽自己先滿足食街入口嘅第一間舖頭就係呢間chok雞，舖仔細細，但製作食物速度驚人💨由於上次已經試過佢地嘅招牌炸雞，今次見已經半飽就試下佢地嘅脆炸雞軟骨（$28）！等野食嘅時候發現佢地擺喺檯面嘅調味粉同上次係唔同！！原來佢地會一直轉調味粉嘅味道㗎！上次試過佢地嘅粟米濃湯粉，今次就試試奶油洋蔥夠芝士粉，再加少少辣粉，居然係出奇地搭！另外值得一提嘅係佢地嘅份量係超級多可以想像下平時日本串燒舖一份三十幾蚊嘅雞軟骨，呢度嘅份量起碼有兩三倍！！真係可以食得飽人味道好，夠脆，調味粉任落，份量勁多，真係諗唔到挑剔嘅理由...好期待試佢地下次嘅新調味粉

m記shake shake薯條一推出就會令全城瘋動，個個都好鐘意自己shake。終於到雞都有得shake啦，不過竟然唔係kfc推出既😂😂😂葵廣呢間小店有雞既唔同部份俾大家揀，我琴既就叫左b餐，即4雞翼(單骨)+2雞鎚+2雞件，盛惠38蚊，都ok啦唔算好貴。等左5-分鐘，炸雞出爐啦，係即叫即炸，熱辣辣好脆，勁juicy店員會將雞裝係一個紙袋交俾客人。鋪頭擺左幾款shake shake粉，俾客人隨自己既口味黎落，亦唔會吝嗇份量，你鐘意落哂成兜都仲得😂😂不過我諗冇客會咁貪心掛…我今次落左燒烤味+孜然粉+避風塘蒜味，都幾夾，勁香口，不過一食完就feel到好熱氣😂個人覺得燒烤味最好食我聽到店員同其他客介紹芝士+孜然粉，下次可以再試唔同組合!

未行到去已經聞到好香嘅炸野食味道,朋友話雞軟骨ㄧ定要試,咁就叫左軟骨同雞件。真係堅好食嘅雞軟骨,又爽又大舊。阿女食到直豎姆指。另外雞件炸得好香好滑,好食過其他果D台式炸雞啦。下次ㄧ定要再試!

放工去葵廣掃街買嘢食回家開餐～上到3樓美食集中地，除咗開面嗰堆食店，其實轉入去啲巷仔都有食店架！今次就忽然發現呢間炸雞店Chok Chick價錢唔貴喎，有幾款組合配搭，有雞翼、雞搥同雞件都有。仲有新出期間限定瀨尿牛丸，原來係心芝士牛肉～一於試埋先！特別嘅係店裡提供幾種口味嘅味粉，可以自由加落去炸雞度。我就揀咗奶油椰子同避風塘蒜香(小辣)，另外有香濃芝士同五香孜然等選擇...等咗唔咪好耐熱辣辣香噴噴炸雞有得拎喇～落完味粉可以shake吓佢會勻循啲。炸雞都幾香脆，唔會乾爭爭，雞件本身有調味，唔會過鹹。加埋味粉味道就剛剛好喇！而瀨尿牛丸回到家可能凍咗，流心芝士有點點凝固了，不過牛丸都算爽口，相信當時如趁熱食再加上流心芝士味道就更佳喇。今次又食到不錯嘅新嘢...葵廣嘅用心小食店真係要用心去發掘吓架，哈～

位於葵芳的Chok雞，是一間由多位吃貨開設的Shake Shake小吃店。店舖開業已久，人氣高企，今天吃晩餐前，便來吃點雞吧。3隻雞翼+3隻雞鎚+3隻雞件$45ShakeShake小吃店，提供多種粉，仼你Shake阿Shake，例如: 香辣粉，日式燒烤粉，芝士粉，椰子粉，孜然粉，粟米粉等等。建議你每袋最多只好撒兩種粉，不然調味會太過雜亂哦。A套餐包涵三種不同的雞，雞翼雞鎚雞件，一次過滿足你吃雞的願望。炸雞皮頗厚，較有囗感且香脆，雞皮和雞肉之間有脂肪，保留肉汁，並不乾硬哦。招牌Chok爆燒燒賣$25相較炸雞，我更想吃炸燒賣和炸牛丸。魚肉燒賣外皮微硬，內裡質感軟糯，沾上炸粉，更為惹味。牛丸並不是普通牛丸，內裡有芝士夾心，好驚喜哦。