Chop Chop 食神叉燒 (新城市廣場) (已結業)

收工食個飯, li排食咁多西餐不如食番餐港式啦, 門口見menu夠唒大眾化, 座位都係坐得闊落嘅, 啱晒一手都係袋🛍嘅我哋, 而nice店員都係吸引我地坐低嘅原因👍🏻.🐖燒味雙拼(HKD109)貴妃雞x燒鵝: 雞肉實在嫩滑, 應有肥膏嘅位就有, 但又唔係油淋淋個種; 燒鵝皮雖然淋左汁, 但都keep到食落個種”燒”過嘅脆身, 重要啖啖肉呢, 兩個人or以上最啱開心share, 推介!!🐖正宗黯然銷魂飯 (HKD79)黎食神叉燒梗係黎個黯然銷魂飯, 當然係無食到流眼淚💧嘅. 個叉燒完全同坊間食開係兩回事: 有齊軟腍+啖啖肉嘅口感, 因為夾起會發現佢係一層叉燒一層脂肪x幾層, 燒得微焦甜甜的, 再dip下附上嘅叉燒汁醬更好味. 加上一大隻太陽蛋, 勁量飯底, 實在抵食.🐖招牌干炒牛河 (HKD75)另外嗌多個干炒牛河, 好足料的! 河粉選用闊身嗰款, 牛肉唔韌, 蛋, 葱, 芽菜炒得匀循+夠乾身👍🏻, 仲有柴魚乾灑喺面頭, 無平時食嘅咁油ga.🐖咸檸七, 凍檸賓 (HKD25@)飲品味道係正常餐廳水平, 特別係咸檸七個咸檸成個青檸咁大粒, 每一啖都係濃濃咸檸味👏🏻.🐖惱火湯原來有惱火湯飲呢

午市時候，途經食神叉燒店，便買了兩個午餐回家享用。原來此店除了燒味以外，還有其他午市特色套餐的選擇，那就當然要試一試。～窈窕叉燒飯窈窕顧名思義是沒有肥肉的瘦叉燒，梅頭肉較可取的地方就是不會韌。這店的叉燒味道不錯，燒得恰到好處，喜歡吃微燶的也不會失望。～豆腐火腩飯豆腐外皮是煎過的，豆腐口感是滑滑的。火腩肥瘦分明，炆得腍腍的，一點也不覺油膩。薄薄的獻汁味道不會過鹹或濃，感覺輕營些。這店的外賣午餐還包了飲品一杯，咖啡、茶或朱古力等，任君選擇。喜歡的話，還可補錢將飲品升級。

#cassiegoshatin-沙田新城市三期個邊都裝修完好耐，多左好多野行，今日去行街行到攰就去食下野醫肚。見到有傳說中嘅黯然銷魂飯，就入左依間Chop Chop食神叉燒食野啦！😋-依間餐廳主打就係黯然銷魂飯，即係叉燒煎蛋飯。上菜見到係我至愛嘅半肥瘦叉燒燒得好焦香，食落肉質鬆軟，醬汁微甜唔會過鹹，送飯一流。另外再叫多碟乾炒牛河，有鑊氣又夠味、乾身唔會太過油，河粉比較厚身，有口感。最後加多個菠蘿咕嚕肉外脆內軟，酸酸甜甜好開胃！🤩-無聊上網查下原來老闆大有來頭，係香港四大名廚之一戴龍師傅監製嘅新店，戴師傅有係電影《食神》中客串，黯然銷魂飯都係佢創造出嚟。😍-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ Chop Chop 食神叉燒 (新城市廣場)📍 沙田沙田正街18號新城市廣場三期3樓A325號舖-

被名字吸引，決定今晚試下佢啲叉燒。叫咗個二人餐，有燒味雙拼(叉燒加切雞)，蝦仁炒蛋，啫啫生菜，同兩碗湯，合共$168分量啱啱好，如果大食啲嘅就可能加多樣嘢就好啲。食物質素：叉燒 4/10同一般街市買嘅叉燒冇分別，有蜜糖，口感較硬，不入味，肉中心比較乾，不算是難食，但若是自稱為食神叉燒的話，加上價錢定位，不可能是合格。切雞 5/10雞胸位，可能由於係特價餐，斬淨啲頭尾蝦仁炒蛋 8/10蝦仁彈口，蛋夠滑，中上啫啫生菜 6/10菜算新鮮，但未有驚喜，一般成個餐最難食係叉燒，如果叫得食神叉燒，相信要對出街食物要求高啲。我覺得好多人唔介意俾貴啲，如果真係好食嘅話。

上星期放工做GYM前同朋友去左ChopChop食個dinner，第一次幫襯吾知味道合吾合心水呢？(例)燒味雙拼 - 燒鵝/油雞：根據自己既喜好揀兩款，可以一次過滿足晒胃口。燒鵝同油雞兩者同樣啖啖肉，而且吾乾身又吾太油膩。咬落燒鵝既肉入面，滲出油脂和肉汁，令口中充滿左鵝香味。另外，油雞口感很嫩滑，雞味濃郁。餐廳更提供醬汁一同食用，味道再次加分啊！雙拼同樣地跟有湯送的，味道清甜。食神干炒牛河：依度既干炒牛河好大碟又夠穫氣！河粉口感好滑，份量好足夠晒飽肚～牛肉片大大片，牛味濃濃厚。可惜，個人覺得干炒牛河油份較重。食神黯然鎖魂飯：黯然鎖魂飯中既叉燒好特別，完全吾同普通街上食到的。叉燒圍邊好似有濃郁既蜜汁包圍住，甜度好足！因是半肥瘦，令口感是林林地又吾乾。另外，蛋夠厚，蛋白香口；仲有菜作為配菜。最重點是加入餐廳秘製醬汁落去飯中一同食用，甜甜地幾好食！另再跟有餐湯。凍檸賓：味道甜甜地。

疫情期間唔敢出街食，同屋企人去野餐又唔知預備咩嘢食好，今日決定喺商場買個飯同小朋友去沙田公園嗰度野餐食飯。沙田新城市廣場開咗好多新嘅舖頭，呢間食神叉燒我想試好耐！見佢有推出左一啲二人套餐，就買來試吓。唔知一家四口夠唔夠食呢？叫咗咕嚕肉，乾炒牛河，叉燒飯，仲有燒味雙拼同兩杯嘢飲。份量比想像多同大份，佢個咕嚕肉個汁好好味，酸酸甜甜10分開胃，雖然已經焗左一陣唔係即食，但係個皮仲係脆卜卜，每一件咕嚕肉裏便都有足夠嘅肉，唔似得有啲茶餐廳好似食咋粉漿多個食肉咁，我覺得呢個非常抵食！值得叫呀！我最愛咕嚕肉！另外一定要講下個叉燒飯，叫得食神叉燒我真係好期待佢個叉燒啦，佢個叉燒唔知係唔係用咗啲荔枝蜜咁嘅嘢整，我覺得有一種特別嘅蜜糖味，同一般酒樓食，街市買到嘅好唔同。肉質都好林滑，配上呢種淡淡淡清香，嗰個叉燒唔肥但林，真係不枉為食神叉燒啊！另外，想講講佢個乾炒牛河，吵得非常有鑊氣，估唔到呢間咁細嘅舖頭都炒到呢個效果。佢嘅乾炒牛河上邊配上大量木魚，有啲日式風情，但出奇地夾，一啖接一啖好快就食晒啦。佢用嘅河粉偏向闊啲，口感好好！我鍾意呀！野飲都大大杯，結果一家四口食到好飽！滿意！

食神叉燒 今日咁啱經過新城市 諗住嗰一田行下街 見到呢一間 就令我諗起周星馳 所以行咗入去試下 疫情期間人真係唔算多 不過佢全部用曬外賣餐具 雖然感覺唔多環保 但係就真係確保衛生 見到佢哋套餐都幾抵食 我同老公就當然會叫過 黯然銷魂飯 跟住叫多個乾炒牛河 燒味拼盤當然唔少得啦 由香港四大名廚之一戴龍師傅做顧問坐鎮 電影巜食神》黯然叉燒飯就係戴師傅出品🌟叉燒每日店舖分五個時段新鮮出爐, 米飯則選用黑龍江五常米, 秘製拌飯醬油 蛋是特意挑選本地的「初生蛋」，味道鮮美，蛋白質和營養價值較高， 果然粒粒都用心先 講吓舊叉燒，應該 係用咗梅頭豬肉 所以 嫩滑 多汁。 配埋初生蛋 果然蛋味香濃， 乾炒牛河炒得夠乾身牛肉亦唔 韌👍🏻 豉油雞個味都覺得剛剛好 再配埋杯凍飲飽曬

今次走進沙田新城市廣場裏的Chop Chop 食神叉燒用膳， 餐廳環境簡潔， 食具全部即用即棄。 到食神叉燒當然要點這裏最出名的食神黯然銷魂飯$79、 然後想試下食神炒飯$75和咖哩菠蘿牛肉$88，飲品有咸檸七$25和熱檸賓$23。食神黯然銷魂飯～ 半肥瘦帶有點燶邊的叉燒， 流心荷包蛋，蛋黃粘稠味濃， 飯裏面還有藜麥非常健康， 再配上特製醬汁，拌飯尤佳， 是港人最愛食物之一。食神炒飯～ 賣相靚， 炒飯有櫻花蝦、蝦仁、青豆、叉燒粒和蟹籽， 材料豐富，炒飯炒得乾身，粒粒分明，夠香又有咬口， 果然鑊氣十足。咖哩菠蘿牛肉～ 幼嫩多汁的菠蘿配咖喱口感更加香甜可口，跟牛肉很是配搭的菜式。咸檸七～味道甜中帶咸，但又多了幾份檸檬的清爽，咸甜交雜， 解渴好飲。熱檸賓～ 利賓納酸酸甜甜的味道， 配上檸檬更加清香。喜歡食神叉燒的黯然銷魂飯， 叉燒口感一試難忘， 下次一定再來。

一直都知開左呢間舖，今日放工去沙田搵男朋友就去左呢間食晚餐。招牌乾炒牛河 +湯 一黎就俾木魚碎吸引左，好多呀，男朋友最鍾意，啲河粉好粗大，不是一搬個啲，食落好有口感，啲牛好鮮，同埋厚既，無茶記咁薄正宗黯然銷魂飯+湯 就係佢啦😹，滿滿的，叉燒份量都多，仲有煎蛋同菜，暖重要仲有多兜甜豉油。個叉燒好脆邊，但肉質冧，而且間住肥肉好香口，太邪惡了個湯是老火湯，熱熱的，好暖胃，正燒味雙併（油雞燒鵝）肥仔唔夠喉，見人地食緊燒味又跟住叫，個鵝好正，啲油一咬就必出黎，而且唔會見到好肥，點解可以做到咁，好好食呀，個雞好滑有雞味，又唔會見紅。不錯呢咸檸7 -一大個咸檸，仲切開左方便吉，呢個咸檸都比我飲過其他舖好味，可以再點

今日放假去左沙田新城市廣場行街，行完買完野就食埋晚飯先返屋企，今晚食Chop Chop食神叉燒呢間。食神黯然銷魂飯飯粒粒分明，飯粒又有味道好香，叉燒肥瘦均勻肉質又淋又香，叉燒又有沾上蜜糖美味可口又好入味。食神炒飯上面舖滿蟹籽，炒飯炒到粒粒分明仲有叉燒粒和蝦粒一起炒，蝦又爽口彈牙叉燒又好味，飯粒粒軟硬適中又好夠味道。燒鵝雙拼有燒🦢和油雞，燒鵝燒到好香又不肥膩肉質又香，油雞肉質嫩滑又香雞皮又不肥膩，沾上醬汁更加美味可口。

今晚想簡簡單單坐得舒服咁食一餐家常便飯，見依間環境幾好，就入去試試！呢度最出名嘅係正宗黯然叉燒飯（$79），梗係要試吓！叉燒係五花腩，燒得好靚好香。食落去仲好滑好多汁，正！另外會有埋個叉燒醬，鍾意食濃味啲都一樣滿足到！配埋個蛋黃汁撈飯真係一流另外叫咗個食神炒飯（$75），好特別，係用叉燒、櫻花蝦、蝦、青豆同葱炒嘅，最後炒完放咗啲蟹子，好豐富，而且好好食！仲加咗個小菜什菌炆雞（$78），依個質素都幾高，個雞係好滑！依間個menu 簡單但又幾好食，真係不錯！

難得放假，去左沙田一趟，行完街就找個地方食晚飯。新城市廣場餐廳選擇多，但竟然巧遇本地特色餐廳-食神叉燒。店長好好客，門口睇左一陣餐牌，便主動過黎介紹特色菜式，正因如此，就決定試下餐廳「黯然銷魂飯」。黯然銷魂飯$79第一次真正食到 半肥瘦 叉燒! 肉嫩香口，叉燒油滲入米飯入面，好香。仲配有煎蛋，三樣混埋一齊食，好正！食神炒飯$75表面看似一段炒飯，實際內有乾坤，面頭蟹籽&櫻花蝦米混入炒飯，味道好夾，分量又大，真係好抵食！燒味雙拼 - 燒鵝&油雞 $109燒味雙拼，價位以分量計略貴些少，但貴得有道理，卑隻鵝脾你，鵝皮&雞皮完全冇毛，燒鵝皮又夠脆口，雞肉又嫩口，醬料仲好細心各分開兩分。價錢即刻抵番哂。凍奶茶&熱檸蜜足料例湯

餐廳：Chop Chop 食神叉燒 (沙田)地址：沙田沙田正街18號新城市廣場三期3樓A325號舖平時食燒味多數都係喺街市買返屋企做餸，今次專程去咗沙田新城市廣場三期食呢間Chop Chop 食神叉燒😎，聽個名都知佢哋嘅賣點係食叉燒啦😋燒味雙拼 $109先叫咗個雙拼燒鵝同油雞🐓，分量唔算多，但係兩款燒味嘅味道就好到位👍🏼，即叫、即處理、即斬🔪，確保燒味係最新鮮咁送到食客面前😍，睇下佢地嘅色澤嘅靚，啲肉都好嫩添食神炒飯 $75呢個炒飯用咗蝦仁、蟹籽、叉燒粒、蔥花、青豆等去炒，而成個飯嘅秘訣在於佢嘅秘製醬汁🤤，炒得非常惹味，又唔會太鹹，最重要係濕底飯，啱晒我嘅喜好😆正宗黯然銷魂飯 $79最後梗係要介紹呢個電影《食神》都出現過嘅黯然銷魂飯🔥，即係叉燒配太陽蛋飯，叉燒偏向瘦底，唔會好嚡，叉燒嘅外層微微燒焦，增加咗叉燒嘅色香，但係完全無燶味，唔會破壞咗叉燒嘅原味👏，唔錯唔錯

今日去左沙田做野，黎到新城市廣場，見到呢間Chop Chop 食神叉燒坐無虛席，主打黯然銷魂飯同各式燒味，價錢頗貼地，一於試試到底黯然銷魂飯有幾正!黯然銷魂飯半肥半瘦叉燒帶點微燶，充滿蜜汁亮澤好吸晴，件件厚切啖啖肉夠哂滿足，調味剛好，肉味香濃，鬆軟唔死實。仲有流心太陽蛋，送飯一流!燒味雙拚油雞色澤油亮，肉質潤滑軟嫩，燒肉香脆鬆化，富層次感，入口即化。食神炒飯面層鋪滿大量蟹籽，脆卜卜口感一流，炒飯有大量叉燒粒同蝦粒，配粒粒分明飯底，香口又惹味。

周星馳套食神出過鏡嘅戴龍師父開舖賣真黯然銷魂飯一路冇機會今次去沙田行家私鋪專誠走去試.🍿黯然銷魂飯配例湯飲品荷包蛋整到好滑 叉燒份量多味道同普通出面用叉燒醬整嘅好唔同肥瘦叉燒入面有好香五香粉味表面加蜜糖燒到脆卜卜薄切入口即溶 真係好爽好好味掌握甜得來唔會太膩食埋個飯食 我比90分!🍿燒味雙拼配乾炒牛河 燒味雙拼勁多油雞肉嫩好滑 少少豉油味勁有誠意成隻燒鵝髀切曬畀你表面脆卜卜咬入去勁juicy 肉質好滑食落絕對唔係冰鮮鵝 會再食!!🍿乾炒牛河 牛肉分量多 用少許豉油炒成唔會過油調味料啱啱好 河粉唔會炒到爛曬仲好有咬口.裝修好摩登 懷舊香港 打卡好靚.🎀Chop Chop 食神叉燒🎀沙田沙田正街18號新城市廣場三期3樓A325號舖