Co-Traveller Coffee

营业中

休息中

好耐都冇試過飲咁好飲嘅咖啡我見佢哋嘅原來本身係一間Clinic但又完全唔似係診所人流唔算好多然後同一時間又做埋賣咖啡上次去飲咗杯aerocano啲豆好香好新鮮 聽佢哋講話係好似有搵人特登去炒豆環境好好坐 好安靜 周圍好舒服 上次同人上嚟一路傾嘢一路飲嘢 又唔會趕你要你早啲走上次去嘅店員仲要好靚女同好好人 希望下次嚟佢都可以再沖俾我適合行完街等人期間過嚟買杯咖啡坐下喺旺角附近都冇乜其他好似佢咁就腳嘅咖啡店都幾推薦呢間舖頭

原本諗住去剪頭髮, 唔記得撳𨋢意外發現咗呢個地方😍😍原本以為係cafe, 地方好舒服好多綠色植物🥰原來係推廣旅遊健康嘅clinic , 即係需要去旅行前打定預防針嘅地方! 我仲叫咗杯latte, 拉花好靚, 咖啡好飲, 幾重nutty 味. 環境好chill， 相信下次去剪頭髮都會上去買杯咖啡.

如果想係旺角油麻地去一個冇人嘅咖啡店非常推介過嚟 呢度係一個旅遊健康推廣嘅地方 所以會有一啲日常包紮+急救用嘅產品賣~ 雖然有啲奇怪但呢度係有一間coffee shop今次第一次黎點咗杯flat white 飲落去用嘅豆幾唔錯~ 偏nutty~ 價錢都係正常價 一般嘅white coffee都係40左右咁！而最重要環境好似去咗台灣嘅誠品咁 但少人版可以喺窗度望住下面好多人，但係享受寧靜嘅地方正！都埋因為冇人唔會趕你走 我坐到唔捨得走