CoCo壹番屋 (MegaBox)

营业中

休息中

記得幾年前去過apm而認識這咖喱店，晚市人龍不短，最記得係佢嘅米標明日本米，當時食事實是不錯的，估唔到幾年後會變得咁差，米冇當年的日本米，完全冇飯香味，咖哩又唔香，好似只係一個啡色嘅汁，吉列豬排冇肉味又冇味，最差作個泡菜豚肉飯，本人都愛吃泡菜，但這裡的泡菜係又酸又霉，再混入去冇味咖哩變得更難食，豚肉很少又鞋，基本上係冇野好食，怪不得7：30亦只得2枱客，唉…又一間開得多而變得超難食嘅餐廳值得一提：服務員有禮貌，其餘沒冇可取了

剛剛昨天先食完~今日又去食咖哩，不過今次係mega box食，係依度食野的好處就係唔洗等位~因為已經試過炸豬扒蛋包飯，今次就試吓牛肉粒蛋包飯，味道上兩者係一樣，不過質感上豬排會比較襯，牛肉粒比較硬，下次都係選擇炸豬扒。而朋友就唔太餓，選了海鮮焗飯，雖然焗飯比較細，又唔可以加飯，辣度亦唔可以改，但係配合d汁就剛剛好夠飽。第一次試焗飯，又覺得幾夾，唔太辣，好有驚喜!!原來依度嘅咖哩焗飯係咁夾!!一定要再試~其中一個跟左餐，有飲品及甜品，味道不過不失啦~~

咖喱豬扒飯 - 一般，豬扒有啲鞋,份量可以咖哩雞肉飯 - 只有極少量雞肉，味道一般般沙律- ok，量少雪榚- 算係最好凍奶茶- 從來無試過咁難飲駕車人仕注意：侍仔話：公司規定唔會俾泊車單，無下次

第一次去食係去觀塘分店食晚飯的，幾多人等位下，印象唔錯，味道幾好。今次行megabox就試下食晏，吉列豬扒蛋飯，蛋好滑好好食，日式叻喱汁甜甜地，「送」飯食一流。吉列豬扒過得去，不過不失。不過唔知點解覺得觀塘分店好食啲。

睇戲前找間方便速食店，選了呢間平平地嘅日式咖喱專門店，叫了豬扒蛋咖喱飯，咖喱好多好似湯飯咁，味道可以，不會水汪汪的感覺，夠味。唯一豬扒不夠熱，不過都算炸得不錯，不會有淋的感覺，蛋頗滑的，整個餸飯一啖食下去算是ok，可以再幫襯。餐加錢可以有飲品和兩大球雪糕，是一頓豐富的晚餐。

今日想食下咖喱飯, 上次去過旁邊那一間, 呢次食下日式咖喱飯.點了蛋包豬扒咖喱飯, 豬扒很脆咖喱飯也很香, 蛋很滑. 整體好食不過野沒有身麼特別. 叫了辣但不辣...工作人員不算多不過應付得不錯, 不用等太耐. 很整齊, 座位也滿舒服的. 不過價錢稍貴, 不算太值得.

去mega box 睇戲嘅好處就係可以即刻醫肚，上次同朋友去APM 食喱間等左陣，都幾多人，幾好食，今次見佢又有位。唔洗等，就碌左入去了。其實mega box 咁吊腳，流唔多，餐廳都唔洗等位。閒人先生食吉列豬蛋包飯，我上次食過，覺得不錯。今次都一樣，其實咖哩同其他分店嘅都應該一樣味道呱。當然辣度大家可以選擇，我叫左少辣，因為我唔食得辣，閒人先生想食辣，少辣即係pre fix 左嘅，你無特別要求佢就比少辣你。在一個食唔得辣嘅我，覺得唔辣😜同上次去APM 一樣，可以再encore !而我就唔太餓，叫左焗飯，記住焗飯個size 係定左，唔可以加飯，辣度都唔改得，男仕會唔夠食㗎。我叫嘅係芝士雞肉焗飯，芝士下面就係雞啦個汁同吉豬個個一樣，其實我覺得無分別，芝士幾香，好味嘅，但有個問題。。。雞是雞胸，一啲都唔滑，閒人先生食左件就無食了。雞味？講呢啲！無雪味就好好了，但雞胸真係無乜味，要撈埋哂汁同芝士一齊食。我跟左餐，有沙律，飲品同甜品，視乎自己想要幾多而定價錢，真係設計得幾好嘅menu沙律，普通啦，有醋同芝麻醬揀，應某人要求，我無得揀沙律醋，但個青瓜，真係好食，我平時係一田買嘅溫室青瓜都無咁好味，

Recently opened in Megabox, Coco Ichibanya finally brought some good news to the hungry working group in Kowloon Bay. As usual, I went after the lunch hour to skip the crazy queue, I ordered the Roasted Duck Curry and topped my favourite Cream Croquette as a side.Roasted Duck CurryYou know how often the food comes out different from the menu? Out of my expectation, the roasted duck was very delicious! It was very juicy with crunchy skin! The curry had remained the quality and taste, tasting stro

昨天來了這裏食晏,12點幾還不用等位,我們三個人,兩個人先到,今次坐入面唔使自己排隊買飛,仕應好緊張問第三個人係咪上緊嚟,答佢係,跟住睇左一輪後就叫嘢食先,朋友還未到,已開始多人,仕應又再問第三個人幾時到....其實我地唔會兩個人坐三個人既位的,不用那麼緊張吧....講番食物,我今次食咖喱什菇飯(50元)係最平的一個選擇,另再加15元套餐,飲凍檸檬荼及沙律配芝麻醬,另一個食咖喱牛肉飯,飲湯及食雪糕,我們先落這些,之後另一個朋友到達後就再叫左一個咖喱忌廉雞肉蛋包飯,飲有氣鑛泉水加凍及檸檬加沙律配芝麻醬沙律好多麻醬,有些生菜,車厘茄,青瓜都好清新及好味呀,酸酸地好開胃,什菇飯都好多菇喎,睇MENU以為好少,有冬菇,雞脾菇,廋珍菇....叫左少辣,份量都好足夠,GOOD. 咖喱牛肉飯又係睇MENU只係見到幾件牛肉,原來都俾想像中多呀,試左一件牛肉都好淋好好味喎. 另外的雞肉飯都好好味的. 份量都唔少架.我地一路食一路傾計,坐左成個鐘先走,但仕應們都沒有趕我地走的,服務都幾好

商業大廈林立的kowloon bay, 星期五, MEGA BOX 午飯時間特別多人, 可能白領們都慣了在星期五出外食飯.本想食7樓的一間食店, 但要等候20張, 即時上到10樓FOOD COURT 找找有沒有新店, 早上看到 COCO 在裝修, 轉眼間已經營運了一行2人到達, 見人不多, 不用等候, 好快已經入去坐下點餐, 旁邊的人都在聊天, 因為都不是太多人光顧之前在APM 有食過COCO, 是晚飯時間, 每次都是很多人的, 只吃了一次, 還等了好久, 二人以上真的不好去. 因為4座位數量好小由於之前已經食過一次, 今次來到 MEGA BOX店, 已經無咩期望.想著, 應該有午餐, 怎知都知和晚飯價錢一樣,叫了炸魚柳 HKD 55 - 炸魚柳, 新炸 & 脆, 但不太好味同事叫了 炸雞粒 HKD 60 -   炸雞粒, 幾好我們都沒有加錢轉餐, 太唔抵食HKD 15, 飲品 /沙拉/雪糕  -選2, 只想要飲品都是 HKD 15,  午市 都要加一, HKD 6-70 可以有更好的選擇 

之前去尖沙咀的CoCo食飯!嗰果餐湯冇咁好飲，似水一樣!但係九龍灣再叫渴..eeee....都okay wor!當然唔好以為好好啦，只係比尖咀的好!幾蚊雞係咁!今次試了：咖哩豬排飯：咖哩2度辣。原來都好辣，滿口都係。豬排炸得好趣。正餐湯：okay餐沙律：正!冇菜唔得!餐雪糕：嘩正!必要之物!

上星期五發現這裏開左呢間咖喱舖,同事即刻好興奮話要嚟食,約左今個星期一一齊食呀. 冇得訂枱,要WALK-IN,12點15分左右去到已FULL晒,其實店子很小,仕應叫我地坐出面,即係FOOD COURT的枱. 跟住要自己去收銀機買嘢食,然後攞果牌係位度等.我一早諗左食咖喱忌廉什菌蛋包飯,因之前食過覺得好味,跟住同事分別都係叫左呢款,同埋有同事食咖喱忌廉雞肉蛋包飯,另一個同事食咖喱蜆肉飯.坐低左一陣仕應攞水及餐具俾我地,但係唔係見人頭派的,係你買左嘢食佢先會送嚟你個位,買左幾份送幾杯水及餐具.我們的咖喱忌廉什菌蛋包飯好快就送到.賣相都好靚及吸引的,份量都好多,好多咖喱汁的,我叫左小辣,好多忌廉,蛋係薄薄一塊係飯面的,唔係成個包住D飯架.個汁好香什菌味道,因為有忌廉的關係,所以唔會覺得好辣,真的好味呀,咁樣撈埋一齊食好香好滑呀,什菌係唔算太多,但個味帶出左成碟咖喱既香味,VERY NICE.同事話雞肉都OK好味的,雞肉都滑身,又係好多咖喱汁及忌廉汁架,另一個同事食咖喱蜆肉飯,佢話D蜆唔算好新鮮,有D腥味呀,同埋因佢冇忌廉的,所以叫小辣都幾辣呀. 飲品飲凍檸茶,好大杯呀,不過加埋糖水都唔甜架,