CoCo壹番屋 (黃埔天地美食坊)

营业中

休息中

我本人不喜歡食咖喱因為怕辣，自從係呢度食過一次，知道可以揀「唔辣」及可以揀食雪糕做飯後甜品，就間唔中嚟呢度與同事食午餐飯，如果唔使等位嘅話😆🍤🍛 炸蝦庵列咖喱飯 (HK$80)． 炸蝦都幾好，正常大小，麵包粉團不太厚，炸得外脆內軟彈． 咖喱汁，要求唔辣，口感濃郁，味道微甜． 蛋庵列都幾奶滑，滿蛋香🍅🍛 蜆肉蕃茄庵列咖喱飯 (HK$83)． 多粒蜆肉，今次個咖喱汁撈入蕃茄，所以味道會更甜帶微酸． 蛋庵列保持一定嘅水準，奶滑口感，滿蛋香🍗🍛 雞肉咖喱焗飯 (HK$69)． 焗飯個飯會比較濕啲，配有creamy芝士醬和多件雞肉，是另一番風味～套餐四選二 (+HK$23)． 我多數都係揀熱檸茶和雲尼拿雪糕． 雪糕連鐵杯是從冰箱取出，凍冰冰的，慢慢食唔怕佢溶，雪糕質地好creamy𠻹！

今天一家人去黃埔行街，女兒話好想食有兒童餐的餐廳，於是我們就去了COCO ICHIBAN CURRY RICE! 我自己本身超喜歡這家餐廳的日本咖哩，不知它們是用甚麼材料做，特別香特別甜，I LIKE IT! 估唔到連囡囡吃過後，都這麼喜歡! 我最開心是它們又準備開分店了!今天我們點了一個兒童餐，兒童餐有很多選擇，有兒童咖哩，蛋包飯，薄餅都有，配菜有薯條，雞塊，炸雞，蔬菜，粟米等，而且還有一杯小橙汁!吃得開心又健康，女兒選擇了兒童咖哩，一口接一口，完全停不下來。兒童餐還可以去兒童禮物區揀選小朋友自己想要的禮物! 太幸福了!而大人就點了一碟魷魚飯+芝士+2分辣度，它們的咖哩有辣度可選，大家可以去挑戰一下，另一碟是炸蝦咖哩飯+3分辣度，另外還額外附加了SALAD及雪糕、飲品!

嗌咗個烤雞肉奄列咖喱飯 唔辣 味道適中，香 唔會太鹹或者太甜 唔會食完口乾乾 有提供蜜糖俾你落去個咖喱度幾好食烤雞肉火候適中 咬落去嗰陣肉汁咇出嚟 奄列蛋有誠意 好滑 用嚟送飯一流環境同服務都唔錯，好chill 可以喺入面慢慢嘆 一碟咖喱飯個人覺得份量偏小 唔係太多飯 嗌咗套餐 $23 喺湯嘢飲雪糕沙律揀兩個 揀咗凍檸茶雪糕 兩個都好正 雪糕同movenpick有啲似烤雞肉奄列咖哩飯 $83 + $23 套餐 再收+1個人覺得呢個價錢有少少太貴 一個咖喱飯連加一要差唔多120 呢個價錢情願去食西餐

昨晚去紅磡睇戲， 係睇戲之前先去食晚飯，見到黃埔天地美食坊有一間未食過嘅食店，專食咖哩， 我哋入去試下。我哋揀咗最入嘅兩人座位，靜靜地兩個人坐，好舒服。因為當時只係五點，食客唔多，我哋可以慢慢揀。我哋揀咗兩個都係咖哩食品，一個係吉列豬扒芝士咖哩飯，另一個是海鮮咖哩石頭鍋湯飯 兩個都包飲品。我最鍾意食海鮮咖哩石頭鍋湯飯，因為我鍾意食海鮮，咖哩嘅味道啱啱好，係石頭鍋裏面嘅咖哩一路keep住好熱，溝落啲飯度，咖哩味好香。反而我覺得吉列豬扒芝士咖哩飯麻麻地，其實唔使加芝士，因為食落完全唔覺得有芝士味，芝士嘅味道已經被咖哩蓋過，只是一般咖喱飯，沒特別。

🔸流心芝士豬扒奄列咖喱飯咖喱可以選擇辣度，可以揀選自己喜歡嘅程度👍🏻奄列蛋嫩滑，流心炸豬扒一般，豬扒比較薄🔸蒜蓉烤餅有點兒失望，蒜蓉味並不是太濃郁，類似罐頭蒜蓉醬總括🔹喜歡咖喱嘅朋友可以一試

去開紅磡做嘢，之後去咗黃埔，所以同朋友就去黃埔地鐵站附近搵嘢食，一行上嚟就見到船尾對面嗰個蔡瀾美食坊，主要貪佢近地鐵站方便，所以就直接走咗上去搵嘢食。咁啱係晚飯時間亦都睇吓邊間唔使等位，所以就去咗呢間食日本咖喱。朋友就叫咗個紅酒燴牛肉奄列飯，我就跟住佢叫，所以冇食到咖喱，改為叫咗個紅酒燴牛肉炒蛋飯。佢嗰個飯就嚟得好快，唔使5分鐘就有得食，我嗰個就唔知點解等得比較耐，大概15分鐘左右。味道方面可以叫做不過不失，都係日本咖喱嗰種甜甜哋嘅味道，只不過係顏色唔同，同埋冇咗嗰啲咖喱味，雞蛋方面都算滑嘅，整體來講可以叫做穩穩陣陣，冇乜驚喜個種。

今次有葷素餐廳係coco壹番屋。話說住呢度5年都冇食過，第一次食亦可能係最後一次🥲素食有好多選擇。都係個句，出街食，冇肉就算喇，我唔會考究個汁有冇動物成份。減飯減$5！而上菜時唔係好覺減左😂 兒童庵列咖喱飯(B)轉雞球，橙汁，有甜品/玩具$46- 勁抵$46，仲有兩粒啫喱仔。好想叫3個兒童餐😂阿仔原來唔知咩叫奄列。茄子蔬菜菠菜咖喱飯200g(-$5)1分辣 不需要加配套餐 $87- 第一啖咖喱汁，超鹹🥲再食又冇甘鹹，跟住又鹹返，冇定向鹹辣交感刺激🫠吉列豬扒奄列咖喱飯 1分辣 不需要加配套餐 $82- 老公－慣comment- ok啦

夠鐘食lunch，walk-in走入Coco，點咗一向受食客歡迎的咖喱吉列豬扒飯，再加埋奄列，正。等緊美食的時候，身邊亦見好多客人喔，熱鬧非常。咖喱吉列豬扒奄列飯上枱睇到熱辣辣、炸得香噴噴的吉列豬扒，快速影幾張相就開餐啦！吉列豬扒外層脆卜卜，咬落去有清脆的聲音（好，真係有！），不過豬扒略乾咗少少，同埋我不太鍾意炸粉與豬扒完全分離的狀態，食落好似炸粉還炸粉，豬扒還豬扒咁。令我好疑惑的是，吉列的而且確係香脆的，但炸粉又同豬扒咁分離，唔知咁叫唔叫做好食呢？至於奄列同咖喱，都keep到舖頭一貫水準，惟咖喱味可更香濃。跟餐的話，最少可在飲品、沙律、湯、雪糕4項選擇之中選兩樣喔，我選擇咗飲品同埋雪糕！

極度唔推薦，70蚊只有咁嘅質素。叫左個炆雞肉咖喱簿餅同雞肉焗飯。跟沙律嘅醬甜到爆，薯角又笠又油，一啲都唔開胃。仲有個咖喱辣度係夠，但完全無咖喱味。唯獨可以講個餅還好，幾有大塊同有韌性，只可惜無咩餅香味。雞肉焗飯份量好少 同兒童餐size差唔多 冇乜咖喱味 冇乜芝士味 雞肉有啲好柴 要咬比較長時間先得 但係價錢70蚊得一個焗飯覺得好唔抵 覺得大家樂 大快活嘅焗飯可能更抵食 下午茶可能會更加適合 但價錢較貴 唔建議成人焗飯愛好者選擇

12月11日趁著將藍隧道通車，去了將軍澳COCO分店吃晚餐，吃完填了問卷，1個多月後，近日檢查家中信箱，幸運被抽中獲得了$100現金券😍🌟實在太驚喜了！昨晚預訂了嘉禾黃埔戲院的《毒舌大狀》題外話，真的很好看！戲院附近有這間COCO, 便來用折扣優惠了！黃埔分店環境更舒適，上菜更快🫶🏻 用了折扣券後，$77.1 有2碟奄列咖喱飯🍛 希望再次成為幸運兒🍀老公吃的：吉列豬排奄列咖喱飯 🍛我吃的：蜆肉蕃茄奄列咖喱飯 🍛味道依然有水準唯獨是老公覺得份量不夠！我給他分享一些我的，他才剛剛好！如果可以選擇多飯，迎合不同人需要就更好了今次沒有升級叫餐飲/湯原來水也是免費的，不錯！

昨晚試了冬季特定餐單雞籃 (大) $77, 有2件大coco炸雞塊, 4件炸無骨雞件及4件烤雞塊, 回味無窮. 如果有送醬汁就錦上添花.天氣寒冷, 帶回家中還熱烘烘的~~唯獨每個盒收$2就有點...之前試過的咖哩薄餅(類似中東薄餅), 咖哩真是一級棒. 剩下的咖哩加在通粉上吃, 立即將普通的通粉昇華至人間極品.又試了珍寶雞球沙律, 不試普通版. 不過, 相片和實物有些不同... 寫著份量加1倍, 但沒清楚註明甚麼加1倍.

之前去過皇室堡店，見到黃埔新開幕，經過就試試😊 公眾假期6點左右，都算多人😆 好彩唔洗等位👍🏻芝士粟米🌽咖哩烏冬因為小朋友又想食咖哩，又怕會辣，所以粟米另上🌽！芝士份量足夠，做到拉絲效果，小朋友食得非常開心😃咖哩汁內附有3-4片牛肉，所以都唔會太齋😜蔬菜咖哩配naan 咖哩可以揀不同辣度，mild 真係唔辣，但都有咖哩香，配脆脆的naan👍🏻 蔬菜份量都算足夠，但這不是素食咖哩，如素食者要留意👀紅酒燴牛肉蛋包飯 牛肉份量足夠，味道👍🏻👍🏻👍🏻老公食到舔舔脷

今次係黃埔附近游水🏊🏻🏊‍♀️游之前梗係要食少少嘢醫肚啦😛咁啱係黃埔天地有個美食坊上去之後就遇到呢間想試嘅餐廳啦🙆🏻‍♀️麻婆豆腐庵列咖哩飯🍛本來覺得呢個組合咁新鮮唔知個味道夾唔夾但嚟到之後一試就馬上改觀!個味道係輕微麻辣香🧡🧡我食辣小廢都carry到🙈唔搶到原本咖哩味庵列大塊嫰滑同飯一齊食真係好開胃😋紅酒燴牛肉飯🍷🥩牛肉嘅肉味濃但肉份量就覺得稍微偏少醬汁有輕微紅酒嘅香味呢間餐廳有個好處係可以選擇飯量🍚細胃口同大胃口嘅朋友都照顧得到🧏🏻‍♀️📝餐廳: CoCo壹番屋📍地址: 紅磡黃埔天地美食坊(第8期)1樓116號舖味道: 3.5/5環境: 3.5/5消費指數: 4/5推薦指數: 3.5/5