CoCo壹番屋 (黃埔天地美食坊)

营业中

休息中

去开红磡做嘢，之后去咗黄埔，所以同朋友就去黄埔地铁站附近揾嘢食，一行上嚟就见到船尾对面𠮶个蔡澜美食坊，主要贪佢近地铁站方便，所以就直接走咗上去揾嘢食。咁啱系晚饭时间亦都睇吓边间唔使等位，所以就去咗呢间食日本咖喱。朋友就叫咗个红酒烩牛肉奄列饭，我就跟住佢叫，所以冇食到咖喱，改为叫咗个红酒烩牛肉炒蛋饭。佢𠮶个饭就嚟得好快，唔使5分钟就有得食，我𠮶个就唔知点解等得比较耐，大概15分钟左右。味道方面可以叫做不过不失，都系日本咖喱𠮶种甜甜哋嘅味道，只不过系颜色唔同，同埋冇咗𠮶啲咖喱味，鸡蛋方面都算滑嘅，整体来讲可以叫做稳稳阵阵，冇乜惊喜个种。