CoCo壹番屋 (碧海藍天) (已結業)

成日經過尖沙咀分店都人頭湧湧，這里勝在唔使等位，所以今日星期六就與同事在這食個lunch先坐下看看menu，很多配搭，五花八門，自己心目中已鎖定想吃吉豬，因為自己覺得咖哩配上吉豬是絕配的。咖哩有分幾種辣度，自已就選了3度，本想來配一個蛋包飯，點解咖哩吉豬蛋包飯只分少辣或不辣。真是百思不得其解，同樣是咖哩汁，或且你有你的原則或配方，所以放棄蛋包飯，一客咖喱吉列豬扒飯3號辣，而且加錢配湯、沙律、餐飲及甜品。有趣的是飯可加可減，原本的飯是300g，若減100g可減5元，但要添100g飯就要加10元，真係好賺。餐湯：超咸！差沙律：很新鮮的蔬菜，配上少少沙律醬，夠Fresh！咖喱吉列豬扒飯：喜歡杰的咖哩汁，用來送飯真的一流，3度咖喱只有少辣，但不香，日本咖喱始終不及南亞的咖喱多香料。吉豬表面炸得脆，但偏厚乾身，而且肉汁不多。所以只是一般。雪糕：cookie cream 加strawberry，味道佳。咖啡：一般服務態度真係不敢恭維，偏差！

在吉之島買完東西後，本打算離開，但看見Coco壹番屋沒幾個客，此時也正直肚皮在抗議，便獨個兒走了進去開餐。選了份紅酒牛肉咖喱奄列飯，那隻蛋只是輕輕的蓋在飯的面頭，跟飯是沒有任何交流的。紅酒味道薄薄的，日式咖喱汁的調味亦未見驚喜，若不是太肚餓，真的難以完成。凍咖啡也是不行，Dreyers雪糕竟變成了最吸引的項目。埋單一百有找，價錢亦算是合理。

想不到深水埗這些地方也會開JUSCO,而且還有不少食肆, 好開心見到這家旦包飯大排長龍, 也看過OPENRICE的其他分店好評不少, 一直好想試一天家人無煮飯, 把心一橫拉著老爸特地行過來果然要等, 好像等了超過30分鐘最後, 竟然是這樣...叫兩份SET DINNER, 老爸的牛什麼(忘了是什麼, 牛腩?牛柳?)旦包飯 & 我的蘑菇旦包飯我真係想不到雜菜湯都可以咁咸兩份旦包飯更加是超濃味+超咸, 好口喝要狂飲水自問討厭清淡的味道, 喜歡較重味的食品, 但這裡的調味讓人受不了蘑菇旦包飯好漏好CREAMY, 其實我會喜歡的, 蛋也該是好味的, 如果不是咸成這樣的話........甜品是兩大球雪糕, 這個是最好味了....好失望, 可能真的來錯分店了, 其他分店的味道可能正常點 (如果我還會試)

CoCo壹番屋主打日式咖哩美食。相對同場其他食肆，此店人客較多，等了又等，都等了十五至二十分鐘才能入座。除主食外，另加$20多要三款小吃飲品。洋葱湯調味頗重手，內含不少洋葱雜菜，普普通通喇！主食咖哩吉烈豬扒奄烈包飯，小辣程度辣味輕微，咖哩香口度都算理想。吉烈豬扒略為老火，炸漿皮厚豬扒薄，幸而外皮脆口度不減，豬扒肉質鬆軟度合預期。蛋包飯做得不俗，蛋包還留有少許細滑蛋汁！甜品雪糕兩球，分別是士多啤梨及曲奇妙脆，雪糕幾滑口喎，唔錯。飲品凍奶茶，茶底無力，更用上盒仔cream及糖漿，no good！

雖然家住美孚，只係隔個地鐵站，但都好少過嚟西九四小龍依邊，但近來晌碧海藍天開咗間吉之島，下面又多咗好幾間食肆，撞啱小弟嘅生日，同區老死夏生同佢老婆話請我食番餐，地點就係吉之島內嘅食肆，食邊間隨我揀，可惜我老婆要加班，無福消受。晌吉之島走咗一個圈，真係幾多選擇，不過日式偏多，如大戶屋、Pokka、板長……，最後揀咗CoCo壹番屋，一來記得尖沙咀新港中心嘅CoCo壹番屋都幾人氣，值搏率高；二來好想食咖喱，所以搵間專門店較穩陣；三來唔想人家太破費，CoCo壹番屋就比較實惠啲喇。原來依間都係CoCo壹番屋嘅第三間店，仲有一間晌觀塘。店內裝修簡約，木紋間條木枱，皮椅，一排卡位亦都寬敞，難得地方闊落，唔焗促。打開餐牌都有啲花多眼亂，咖喱款式極之多，要試勻真係一個月都試唔晒，不過細心睇，大致可分為三類：第一類佔大多數，多達近30款，就係簡單嘅單餸咖喱飯，單價由$50-$70；第二類，有7款，就係奄列咖喱飯，單價由$60-$70；而佔少數只得3款，就係焗咖喱飯，單價全部都係賣$70。每款主食可以加錢配其他嘢，包括：例湯、迷你沙律、甜品同飲品（非酒精類），加$15可選兩項，加$20選三項，加$25就可以

終於去了位於荔枝角吉之島內的Co Co 壹番屋。記得上次經過店舖門口時已被它的Menu吸引，它的咖喱食品圖片令人食慾大增。我十分欣賞它的彈性選擇：加錢可選配湯/沙律/飲品/雪糕，又可按自己的食量增加/減少白飯，價錢亦會相應調整配，另可選擇咖喱的辣度。我哋點選咖喱吉列豬扒奄列飯及咖喱牛肉奄列飯，另加$15配蕃茄雜菜湯及雪糕。湯有一隻大蝴蝶粉，需然碗湯的顏色看似很淡味，但原來味道又不太差。咖喱飯的蛋奄列煮得好嫩滑，小辣的咖喱配白飯好惹味，但吉列豬扒炸得太乾有點硬，牛肉是四四方方的，都夠腍。食埋兩球雪糕，這餐食得好滿足。