CoCo壹番屋 (碧海藍天) (已結業)

今日心血來潮想食咖哩飯，即時便想起Coco, 見天色還不錯，一於過Aeon會一會佢。Coco餐牌出名選擇多，他的奄列蛋飯一向做得十分出色，蛋處於半熟狀態，細滑得來又juicy, 仲好有蛋香，但今日我沒有點奄列蛋咖哩飯，點了芝士漢堡扒咖哩飯。這飯同樣做得出色，漢堡煎得恰到好處，充滿牛肉香味，好juicy, 把肉餅切開，芝士便好像岩漿般從中流出來，那份芝士香真的令人對它又愛又恨，雖知卡路里又超標，但仍想放縱一下😂食這裡的咖哩飯，怎能不加些餣制蘿蔔，會生色不少，份外惹味。但食客們要有心理準備，食完口渴是在所難免😉單點咖哩飯加一後$81.40，喜歡的就會覺得物有所值的。

online dining platform 搞promotion, 輸入個code點餐就有折, 咁呢日就同另外個同事一齊叫 online dining platform , 只可惜整個餐廳嘅選擇真係欠奉, 唯有揀左食coco咖喱飯。我叫左個吉到豬扒咖喱蛋包飯, 野食上到嚟都仲幾熱, 吉列豬扒幾脆唔錯, 個蛋包飯都幾好味。外賣質素拍得住堂食!

阿女一直都幾鍾意食咖喱，哩間咖喱好在距唔辣，仲有兒童套餐，所以阿女過來一點點兒童套餐，不過入面個漢堡扒就認真麻麻地，其他都好好。我地大人通常會點吉列豬扒蛋白飯，個豬扒外脆內面軟，係有汁唔係乾蒸蒸果種，每次阿女都偷吃。紅酒燴牛肉飯，哩個味道唔錯，唔鍾意咖喱可以選擇哩個，飯就偏軟。尤其兒童套餐個飯係超迷尼，真係啱2-3歲小朋友份量😂

今日放假又係自己一個人食lunch, 突然想食咖喱，便去左荔枝角吉x 島這間coco壹番屋食日式咖喱，因已好耐無黎食了，款式多了好多，真係花多眼亂，最後點了個照燒雞肉咖喱飯，加錢可轉套餐 (有迷你沙律、湯、雪糕、飲品4款任選), 加$18 可任選2款，加$23 任選3款，加$28 就有齊4款；我一個人食選2款就夠了，選了飲品(凍檸茶) 和雪糕照燒雞肉咖喱飯 - 雞肉好林，但雞皮都林，唔脆口；咖喱汁超多，好香咖喱味而不辣，岩晒唔係好食得辣既我。士多啤梨雪糕 - 有一小塊威化餅做伴碟，都幾脆，雪糕裡有士多啤梨肉，食到最底還有幾粒餅仔，好好味凍檸茶 - 茶味幾濃又大杯

今天去了Aeon血拚，要在有限的時間內完成午餐，所以選了日式咖哩飯CoCo壹番屋 !因為肚餓的關係，點了一客吉列豬扒庵列咖哩飯。日本餐廳真是很可愛的，飯能夠選擇飯量(少飯可減$5)，咖哩也能選擇辣度，真是量身訂造的一個咖哩飯 !我點的咖哩是2分辣 (5分最辣，在餐牌指為crazy hot)。嘗了之後我覺得唔辣，下次可以升級 ! 炸豬扒中規中矩，反而蛋配了咖哩後味道不太特出。我想這裏的咖哩是適合一家大細來用餐的呢！

今日lunch想食d日式野，見到呢間店滿座，仲要排隊，應該唔錯，呀媽教落…人多->食物流轉得快->唔會差得去邊｡由於一個人食，我好快就可以跳過晒前面排隊嘅人入座。坐落侍應都好快手就拎壺水同埋拎杯水黎。不過…比我發現…壺水個蓋同壺之間夾住咁條頭髮，扣分呀!點咗季節限定的咖哩石鍋湯配飯$78，跟餐加$18點咗麻醬沙律&雪糕。沙律的碗是雪柜拎出黎嘅，我應該都係整好晒，拎出黎之後加汁，不過都ok｡咖哩湯一拎埋黎就聞到陣陣咖哩香，但食落又唔係好有咖哩味。湯裡有豆腐、豚肉、蝦乾、蜆肉、生雞蛋、京蔥。個湯都幾漿吓，感覺食緊個好杰芡汁嘅餸，好彩佢唔算好咸。由於芡汁勁，個飯係唔夠撈嘅。唔怪得之周圍d人都係叫正常嘅咖哩飯啦。下次都係食番正常招牌野食穩陣。估唔到成餐最好食係杯雪糕，士多啤梨味，食落有士多啤梨肉，另有威化餅伴碟，食到底有三粒果早餐脆脆，又幾有誠意wow｡

今晚又食無飯主婦，同老公岀去食晚飯！老公叫左呢個，好多咖哩，味道唔算太辣，好大餐，咖哩汁夠多呢個餐簡直係我最愛，熱辣辣嘅湯，仲有成個蛋黃係度，我忍唔住要即刻放入口，怕放得耐會過熟下次會再幫趁

CoCo壹番屋呢間係食日式咖喱既 叫左個牛肉蛋包飯 見到都已經好開胃架喇 咁就個蛋好大塊加上D咖哩汁甜甜地我覺得好好食 牛肉都好新鮮 如果男仔食既話份量可能會少左D架不過整體黎講都係好好味

自己一向都幾鍾意coco壹番屋的日本咖喱飯，今日就嚟到荔枝角既分店。呢到既咖喱飯有分辣度，好岩食唔同辣的人。自己就一般食得辣，所以就點左二分辣，基本上二分辣都還好，唔算辣到食唔到。推介呢個芝士漢堡扒咖喱飯，賣相幾吸引，咖喱一半，一半就係白飯，漢堡扒雖然就得一塊，但啖啖肉又夠入味。入面仲有好多芝士添，配咖喱飯真係幾好味，同咖喱好夾，份量又剛剛好。而最鍾意就係呢到既咖喱夠多，不稀不濃，唔怕食食下有無汁情況出現，推介！

上個週末天氣很悶, 下著雨, 想了想便駕駛到茘枝角的Aeon。一方面, 在那裡可以有很多晚餐選擇; 另一方面, 可以在吃過晚飯後, 留在那裡逛逛超市及百貨公司。我們在晚上六時多到達Coco, 但已經排了一條長龍, 食好野果然係要付出既, 最後等了大概二十分鐘就坐下來。我們點了兩個晚餐, 包括吉列炸蝦海鮮咖喱飯加炸雞球, 另外是納豆咖啡飯。咖喱的味道可口, 不太辣, 吉列蝦中規中矩, 而炸雞球比較失望, 不夠脆, 亦不夠juicy; 納豆飯出乎意料的好吃, 是喜歡食齋及咖喱的朋友的一個好選擇!

下雨天 豬男友還到荔枝角接我下班我提議去四小龍旁的吉之島吃晚飯我們到了很久沒吃的CoCo壹番屋入座的時候只是六點多都已經都三成滿了食的途中都已經接近滿座單點加$18 可以選兩款有湯/沙律/飲品/雪糕吉列豬扒奄列飯 $75豬男友點了吉列豬扒奄列飯咖哩飯的辣度可以選不辣/少辣吉列豬扒的外皮炸得香脆肉質完全不乾 食的時候還有一些肉汁炸雞球奄列飯 $72我點的是炸雞球奄列飯很好吃 但我覺得雞球有點太少除非它這叫做「雞粒」(笑)它的擺盤很有趣 好像七星伴月有蛋真的很吸引! 它的蛋皮是滑嫩的半熟狀態配上微辣咖哩和白飯真的不得了!最後是二選一的綠茶雪糕雪糕旁有紅豆蓉和白玉很有心思 讚 讚 讚!吃飽飽的就有力氣去吉之島購物了! 走!

咖喱~ 咖喱~ 今晚食咖喱~一諗到CoCo壹番屋就最想食吉列豬扒咖喱飯,啖啖肉,甜甜地又辣辣地(可自選辣度),正喲~聽聞食咖喱會令人開心啲咖!一黎到,要嚮門外排隊等位喔~等咗大概15分鐘,我地就有位囉~呵呵... ...寶寶就叫咗鮮忌廉庵列咖喱飯$65,上面有啲磨菇好香呀! 讚好!!!我就緊係叫吉列豬扒蔬菜咖喱飯啦~$88,但係叫咗之後又見隔離枱個大叔叫咗個廚師推介既特製吉列豬扒庵列$83,好似塊豬扒大D厚D好味D,我下次一定要叫尼個おすすめ,今次仲另外加咗$18配餐,(加2樣野)--例湯同雪糕,不過個湯好似清水咁......我飲咗一啖就塞左俾寶寶了XD而雪糕就係一早吱定放入雪櫃,Um...佢外面披上一層薄冰,外表唔係幾討好喲,不過佢專項係咖喱,所以我既視線同味覺都係放返嚮佢既咖喱度

「老婆不如今晚食咖喱囉！」「其實我心思思想食左幾個星期架啦，不過好肥呀！但難得你開口，我哋就去啦！」咁我哋兩口子就手拖手去咗屋企附近嘅CoCo日式咖喱屋。CoCo日式咖喱屋店內設計二淺色木色和黃色為主，簡單溫馨。餐牌裏面提供左好各式各樣嘅咖喱飯。值得一讚嘅係，飯量由客人選擇，例如客人如果要求少飯可以減＄5，既環保又唔需要硬着頭皮食晒。咖喱辣到方面可以選擇甘口、普通、一辣、二辣、三辣、四辣同五辣。而且呢度提供套餐客人可以自由選配例湯、沙律、雪糕同飲品。選兩款HKD18、選三款HKD23、選四款HKD28。我就揀咗套餐，包括任選兩款嘅飲品同沙律，而主菜係忌廉雞肉庵列咖喱飯，庵列系列係冇得揀辣到嘅。老婆就揀咗炸蝦餅咖喱飯，仲要係四辣。忌廉雞肉庵列咖喱飯忌廉香濃、雞肉嫩滑、咖喱味香濃，加上粒粒飽滿的日本飯，味道Ichiban。炸蝦餅咖喱飯新鮮炸嘅蝦餅，外層香脆、內裡淡淡蝦肉，四辣對我來講真係辣咗啲，老婆就話咁先叫辣得過癮啱啱好，對佢嚟講係基本。然後佢將Coco提供嘅一支蜂蜜果蜜，落咗一茶匙去啲架呢度。未到產生微妙變化，甜甜辣辣，簡直係另外一個層次。

我哋二人今日行完Aeon後，就去咗Coco食咖哩飯，點知我點完餐後，嘩！發現個環境好嘈！D侍應不停嗌日文歡迎光臨⋯ 推櫈推枱嘅聲音，放碗碟的位置又係open area，好大聲，食客反而唔算多，食物OK嘅! 但環境好嘈，令人好煩躁⋯

呢間咖哩就是半推啦！環境：坐位寛闊，人流不算太多，可以傾到計既...食物：咖哩味道不算好濃，不過份量都大，所以好夠食既...但賣相都幾好啦價錢：不算太平，呢個飯都要68大元，而且加一，不過都可以接受既