CoCo壹番屋 (皇室堡)

营业中

休息中

想食日式咖喱又唔知道去邊度食，突然之間有人話不如食CoCo壹番屋啦。呢間Coco 個位好隱蔽，上到3樓仲要向右行入啲先見到，好多吉位★̆̈ 漢堡奄列咖喱飯$87之前試過Level three辣度覺得有啲蓋過咗咖喱嘅香味。為咗唔搶咖喱嘅味，我就揀咗Level two嘅辣度。成日都諗點解香港嘅日本咖喱冇喺日本食嗰種香甜嘅味，今次發現原來Coco有支果蜜醬，加咗少少落去之後，有返少少喺日本食嘅感覺。蛋好滑，咖喱汁雖然冇溝到牛肉汁，但都好濃郁，啲汁仲多到每粒飯都撈到汁！漢堡好係好出色，係用牛絞肉同豬絞肉整成嘅，肉汁鎖咗喺舊漢堡度，咬落有好香嘅肉味，肉質都好軟嫩，食過返尋味！

星期日，我自己一個人睇完戲，打算行路返屋企，點知道，又會撞到個朋友，然後我哋就一齊行一陣間，然後行到大家都覺得有點肚餓，然後我朋友講想食咖喱，所以我就上網搵下有咩好食嘅咖喱🍛好食，點知搵到這間叫<Coco 壹番屋>，我同佢就去試吓。我同佢分別叫咗兩個咖喱去試吓我哋仲加咗四選二同三都去食炒雞蛋咖喱飯 - D雞蛋🥚應該係用日本雞蛋，所以口感十分嫩滑炆雞肉咖喱薄餅套餐 - 個薄餅超熱，雞肉炆得好好味🤤仲叫是日餐湯 - 湯味濃郁凍檸茶同百事雲呢拿雪糕 - 佢有得選擇叫先上，服務體貼， 十分細心

今日啱啱去完中央圖書館睇完書，帶埋兩個仔去搵食，俾佢個全日早餐吸引咗入去兩個大兩個細嗌咗三個餐，份量都可以的呢間日本餐廳我嘅印象係以前都會同啲朋友去食，有咗小朋友就少啲去，今次再去食啲回憶返晒嚟日本咖喱嘅特色就係可以唔辣，又可以好辣今次我哋點咗兩個唔辣的全日早餐，同一個標準辣的吉列豬扒烏冬全日早餐，包羅萬有，有炒蛋漢堡扒薯角腸仔沙律粟米同埋薄餅，再加杯嘢飲啲細路仔實啱食吉列豬扒烏冬 ，我就覺得個咖喱湯烏冬標準辣唔太夠，下次可以嗌辣啲另外成個吉列豬扒，放埋落去個烏冬度，如果可以分碟上，咁就更好啦

野菌忌廉咖哩蛋包飯，一道令人驚艷的美食享受。這道菜結合了野菌的獨特鮮美和忌廉咖哩的香辣口感，更以蛋包飯的形式呈現，增加了食品之間的層次感。蛋皮的軟嫩與野菌和忌廉咖哩的配搭，使得每一口都能品味到不同的滋味。總之，野菌忌廉咖哩蛋包飯是一道令人難以忘懷的美食佳餚。

Coco應該係我喺香港食過最多次嘅咖喱飯專門店🤣 咁多年嘅水準一直都有保持住雖然價錢上有調整🤫但係份量都係足夠！吉列豬扒飯大家應該食得多，喺呢度推薦另外兩款俾大家😚😋1. 漢堡扒奄列咖喱飯好香濃既肉味，juicy得黎又唔會好咸，唔好覺得2塊漢堡唔夠食，完全係可以撈哂成個飯😋個人覺得有奄列會再好食啲😬2.炆雞肉咖喱飯呢款係健康之選！雞肉輕輕調過味但完全唔會好嚡，加埋咖喱一齊食真係非常不錯👍🏻

今日去銅鑼灣皇室堡買嘢，買完嘢想搵個舒服啲嘅地方食嘢，今日好想食飯，見到呢間coco 咖喱都幾多分店，但係一次都未試過，就揀咗佢啦，過咗lunch hour，餐廳冇乜人，空間感都大，坐得都幾舒服，坐咗窗邊卡位，個境好好，天氣好好，餐飯都食咗幾舒服😄我叫咗個吉列豬扒奄列咖喱飯，正常水平，日式咖喱，甜甜地，唔辣嘅，吉列豬扒正常啦，冇特別。叫咗杯凍奶茶走冰，好飲嘅，係滑嘅😆朋友叫咗個咖喱吉列雞扒菠菜飯，冇影到相添，質素都正常啦，冇特別驚喜。個餐仲有個雪糕，對住呢個景，個雪糕都特別好味😆

-因為趕住要7:30pm 在皇室堡睇戲, 放工已經6:30pm, 實在是太趕啦。於是就求其搵啲餐廳食下。戲院個一層其實都有啲野食，我就選擇左呢個coco curry.-食物：coco curry 主要係食日式咖哩飯, 真係由細細個已經開始食佢。咖啡有辣度選擇，我選左5分辣，食落係比一般咖哩辣少少。如果唔食得辣，建議選擇3 分辣。炸豬排香脆，但肉質乾身啲，唔juicy。反而漢堡排係juicy，夾埋咖哩黎食十分搭配。重口味人士可以再加芝士。 環境：店面大，裝修十年如一日，卡位十分寬敞。 總結：埋單計每人大約$100，食物質素算okay，勝在近戲院，方便大家趕時間去食. ⚡️

朋友唔食得辣， 但又想同一班食得辣嘅朋友一齊食， 揀coco就實無錯啦😃 辣度有7級，不辣， 辣度標準，同辣度1-5。星期六去食， 無人排隊， 等一陣就有得入， 座位舒適闊落。以前好鐘意食自家製辣菜脯， 有2款，有辣有唔辣， 太耐無食， 而家得返唔辣， 味道還可以。♡蜆肉蕃茄奄列咖喱飯 $79我揀左辣度3， 個人認為咖哩要辣先好食， 可以選擇加飯同加配料， 我覺得唔加正常份量已經夠飽。♡紅酒燴牛肉奄列飯 $80朋友揀辣度1， 但呢款唔係咖哩， 有酒香味， 牛肉片正常。♡流心芝士吉列豬扒咖喱飯$90加$8 可以轉奄列飯， 但睇落唔加隻蛋飯量好似多d😂 豬扒有食到流心芝士， 外皮炸得夠脆，可以！♡酥炸籃$49有薯角， 雞全翼，魷魚鬚。小食選擇不多， 唔想諗就嗌左個拼盤， 味道正常， 不過凍左魷魚鬚好油。♡加套餐四選三 $26我地揀左飲品， 湯同雪糕。 ♡湯得一款，紫菜麵豉湯，味道一般， 我地比較想飲西式湯襯咖哩。 ♡汽水冰同可樂分開上， 罐裝可樂自己倒。♡雲呢拿雪糕超好食， 有餅碎同格仔早餐， 幾豐富， 可以加$5 轉士多啤梨味，或抹茶味。，但我地無試😂我地埋單唔記得左雪糕要另嗌後上， 好

今日中午12:30入座，不用等位，地方寬敞乾淨，用QR Code落單。今次食咗吉列豬扒蛋包飯$82（冇記錯係standard咗200g飯），加咗飲品（紅茶，甜度和冰都可自選），沙律，湯（昆布湯）同埋雪糕（雲尼拿，其他味要加$5），加4樣野total加$31。$82+31=113， 再加一就總共$124.3。百多元一個午餐，味道份量嚟講，性價比唔高。今日食嘅豬扒好蘇（豬蘇味），之前食過第二間分店唔覺，今日呢塊特別差，湯得一半滿。

日日番工帶飯食到悶悶到，突然想食d惹味ge野。所以就黎到公司附近食CoCo🤣次次都係例牌食呢個炸蠔咖哩飯，d蠔炸得好脆口又唔會好老，食上去啖啖肉好juicy😋d 咖哩又唔會好辣，岩哂我呢d中意食咖哩又唔食辣ge人❤️❤️炸蠔咖哩飯 $99😋另加沙津同百事（+$21）分量岩岩好，細食ge女仔都食得哂❤️❤️見佢豬扒飯個樣都唔錯🤣下次試下佢😜仲有各種調味料同配料可以加🤣🤣認真唔錯，以連鎖店黎講真心幾正❤️❤️

一直都想食咖哩蛋包飯，諗起皇室堡呢間連鎖店。一如既往有好多唔同口味蛋包飯可以揀，仲可以有得自己揀幾成辣/ 走辣，同埋可以減飯 (平$5)。我嗌咗個忌廉蘑菇蛋包飯 (聽講好好食)，加咗 $21 有個set (包餐湯同一杯普通凍飲) 好食指數 : 7/10CP值 : 6/10回頭率 : 7/10價錢 : 6/10

家人想吃咖哩，趕在截單前取票（21:23）。然而，等了十多分鐘，看着店內的空位置和不斷埋單的客人，愈想愈不對勁。等前枱職員處理好其他客人埋單後，我問職員：「為何哪麼多客人埋單，但你卻仍然不讓我入座呢？」（21:35）職員：「哎呀！不好意思，我們截單了！」當下因為她的態度不差，所以我也是保持禮貌的與她繼續溝的。我：「但我是截單前取的票啊。」隨後，她一直保持的態度就是，很抱歉啊，我們已經截單了，然後不斷的重複。由於我家人真的餓了，而我又知道他們的飯也倒了，所以我也沒有再糾纏。我在此發佈這文章不是要怪責他們態度有什麼問題，而是責任感的問題！當我問她為何不讓我進內的時候，她表示上一手收銀同事忘了處理那些叫號。就因為上一手職員的忘記，讓我們白白的等待，最後走到很遠才找到家人想吃且還沒截單的食店。希望店舖可以處理一下這問題！

今日又去皇室堡食飯，見呢間唔使排隊就去試吓，餐廳內部比想像中大好多，座位密密麻麻。餐點選擇非常多，有蛋包飯、烏冬、麵包、漢堡排等，我作為吉列豬扒fans就即刻揀咗份「吉列豬扒蔬菜咖哩飯」🥰結果超級失望，豬扒比較薄身，炸衣都唔脆，而咖哩汁就偏水，另外加咗$21配一份雪糕（好好食）&一杯橙汁，埋單$125（連加一）📍CoCo壹番屋(皇室堡) 賣相❇️份量❇️❇️❇️❇️味道❇️服務❇️❇️❇️❇️❇️環境❇️❇️❇️❇️

嗰日嘅食飯時間非常緊迫😮‍💨所以就是但喺附近搵咗間餐廳，朋友話想食咖喱多啲就決定食呢間🤣銅鑼灣分店幾大，環境都算唔錯🤔唔使等位，直接用QR code落單，原本都覺得幾好，點知人手唔係好夠🥲等個庵列咖喱飯竟然等咗差唔多20分鐘🤯我哋兩個飯都加咗錢轉set，跟餐可以自選飲品/沙律/餐湯/雪糕，我哋就揀咗飲品同餐湯💁🏻‍♀️餐湯就係麵豉湯，普普通通~=====================🍛漢堡庵列咖喱飯 $84就係等呢個飯等咗勁耐😢友人就食完都未到，要催單過咗陣先有！都明白庵列處理嘅時間可能會耐啲😮‍💨但希望下次可以同客人講聲…講返食物先，其實個庵列整得幾好，好滑，應該係用咗日本雞蛋💁🏻‍♀️漢堡就麻麻地，太結實，冇乜肉味🥲咖喱就係日式咖喱，建議可以叫辣少少🤏🏻🍛燒牛肉溫泉蛋咖喱飯 $88呢個同樣係辣度唔夠，小辣真係好少辣🥺同樣都係傳統日式咖哩味～燒牛肉就正常發揮，唔算好好食，呢個價錢差不多😂隻蛋就冇乜味，唔建議大家試🤣=====================總體嚟講，個人覺得味道一般般啦😮‍💨呢個質素又唔太值呢個價～不過食物款式都幾多，唔使驚冇嘢啱食，但個人覺得$100可以有更好嘅選擇😆

如果一間餐廳可以制作出一D令人食完會成日都記起既野食..咁佢真係好成功…😂同朋友仔係銅鑼灣行街..忽然心血來潮..記起尼個咖哩蛋包飯..即刻上網搵到原來皇室堡就有啦..我就叫左個忌廉菇既咖哩蛋包飯..朋友仔叫左個係炸雞既咖哩蛋包飯..最鍾意佢個咖哩有忌廉..個口感好滑..味道瞬間提升😋😋😋朋友仔本身唔好忌廉..就唔係太鍾意我個款佢個款既炸雞雖然得幾舊..但係整得外脆內軟..連埋蛋包飯同咖哩一齊食都係非常美味既😋可以加二十幾蚊要埋沙律湯或飲品甜品..不過我地就無叫啦☺️