Coco Fish

营业中

休息中

我每次去買早餐，次次叫茶走，啡走，買4次比錯3次有一次走落去先比返岩我，買早餐要來回2次先食到個岩既早餐，心中太過屈結不吐不快，叫換態度差，唔知你地有無咁既經驗呢？啡走，茶走應該有煉奶，佢就比齋啡齋茶，比包糖我， 今日又去買又錯，佢話叫經理聯絡我，早餐時間都過啦，仲未有人call, 佢又想我走2轉落去換咩，我做設計畫圖，我驚我太過屈結真係畫d連環漫畫出黎放上網，如果仲未有改善就好難講🤔影埋相比你做証明，又錯啦！

今日去左屯門朋友屋企探佢，去之前係果附近食個lunch～禮拜日下午一點半去到唔駛等位～我叫左一個午餐厚切豬扒煎蛋飯配泰皇汁，飲熱檸水，另外加左個小食酸辣無骨鳳爪～餐廳無咩人，外賣單都唔係特別多，但出菜好慢，咁簡單既頹廢涼盤同碟頭飯都等成廿分鐘先有。。。豬扒好厚好大塊，裡面肉質嫰滑，有啲油膩但可接受，煎蛋脆邊裡面流心，泰皇汁有啲似咖哩加椰汁，開胃唔辣送飯一流，$43包熱飲黎講性價比幾高👍我好似第一次喺餐廳飲熱檸水係冇一片片既檸檬係裡面但有檸檬味，仲幾夠味，都幾特別😅反而個酸辣無骨鳳爪$28超細碟，大約得四件鳳爪同勁多洋蔥配菜，味道正常但唔抵食👎整體可以一試，不過要係唔趕時間既情況下同埋建議叫正餐飯麵唔好叫小食會比較抵～

今日同爸爸行完山之後，就去到附近的一個商場去尋找食物，結果來到了這一間，被它門口的食物照片吸引了。我們叫了一碗豬肉船河，一份海南雞飯及一客雞翼作小食，份量雖然並不是非常之大，但當作下午茶的話，其實也尚算是啱啱好的。河粉的湯底味道濃郁，豬扒煮得非常之淋，容易咬。海南雞飯的味道非常之可口，只是略嫌雞的份量有點兒不足夠，但這個餐他是配上碗仔翅的，所以非常之特別。牛油蒜香雞翼的製作時間非常之耐，當有下去的時候簡直就像在吃蒜蓉包。雖然整體來說都非常之不錯，但是略嫌服務員的數量並不是很足夠，我等了非常之長的時間才有服務員看到我。

再一次幫襯呢間店見佢有喇沙，又有船麵，又有冬陰功，又有蠔仔肉碎湯飯，好似聯合國咁幾搞笑今次試下船麵先！叫左個特價船麵，$29牛肉麵面我本身算細食都係唔夠飽😂😂如果你係大食嘅話可能就要諗清楚！不過飽唔飽都係其次，湯底先係重要麻朋友！一句講曬，唔得太淡喇！船麵嘅精髓就係湯底麻！另外叫咗個雞扒飯，味道ok，不過個飯如果有汁就更加理想

第二次寫呢間嘅食評一如以往奶茶唔錯，不過跟餐半價都要加9蚊今次試咗蠔仔肉碎湯飯同埋越式四寶飯先講講四寶飯，$29嘅價錢有扎肉，雞蛋，雞肉串同埋豬扒，咁嘅價錢好滿足啦雖然睇起嚟個樣有少少似頹飯，但係食落味道的確係唔錯嘅，不過如果佢有多少少汁嘅話就更加好啦😆😆跟住蠔仔肉碎湯飯，內有大量勝瓜，我本人就麻麻哋所以全部都要夾返出嚟，至於味道方面唔算太鮮甜，試一次就足夠了😂總結，糧尾嘅時候都可以落嚟食個$29飯，宜家呢個價錢有咁多餸都真係好抵食👍🏻

今次嚟呢間食午餐，叫咗個冬陰功豬扒米線同埋紅咖喱雞飯。先講冬陰功豬扒米線，本身我都算細隻但係竟然唔會有太飽嘅感覺，如果米線多啲就好，不過佢嘅湯底都幾好食，夠酸，希望下次食嘅時候佢會辣多少少（本身我自己都鍾意食辣嘅）紅咖喱雞都幾香同埋好夠味，下次可以試埋其他咖喱。

服務態度超級劣，餐廳的高級員工霸晒D檯係度撐檯腳傾閒偈或者放D野係檯面霸住張吉檯，要D客搭檯迫住來坐，完全不重視客人.食物質素亦一般，你話平，其實同出面差不多，所以不見得特別平，沒有再進去的意欲，因為服務態度真係唔要得，特別係個D以為係餐廳內高級的員工，唔知做咩要霸住晒張檯

CocoFish收近日有朋友話我知，屯門良景廣場餐廳CocoFish新出咗一個優惠套餐。逢星期一至五就可以$29食到四寶飯，餐飲半價，於是我即刻過黎食下，睇下抵吾抵食😎。有雞蛋豬扒扎肉雞串，另外仲會有個甜酸汁。味道不過不失，個汁唔錯，扎肉點嚟食或者撈飯都幾好😁。今時今日嘅香港 $29食到呢個質數，簡直抵食呀😝。我地無叫野飲，野飲半價要加$9，我地選擇食完先再係外面買返杯珍珠奶茶歎💕，以後會多啲落黎幫襯🤣抵食

最近屋企樓下間意樂做裝修，原來多間多了一間鋪，是東南亞菜的Coco Fish。那天星期日，是下午茶時段，同家人來試菜。其實間出來的鋪也不算很多位，但裝修OK，而下午茶餐牌都係幾款菜式，就算係menu，也不是太多款式，但這樣更好，集中火力做好菜式。我地點了二份下午茶，一份係扎肉雞絲法包，另一份係扎肉牛肉湯河，重有叫了碗香茅豬扒喇沙。至於飲品跟餐是椰汁冰和凍奶茶另外加$叫了杯椰汁珍多冰。扎肉雞絲法包，當真不錯耶，法包烘得熱又香脆，有很名酸甜籮蔔絲加埋D扎肉同雞絲，口感非常豐富。而札肉牛河，也輕量，個湯好香又清新，唔係死是味精，河粉滑的，牛肉也新鮮嫩口，好食，而且椰汁冰椰味香，好凍好正。至於喇沙，做到水準，一喝湯頭，滿是香和鮮味，又帶濃重椰香，是中辣，湯有蝦的味道，做得唔錯，而且內有麵和米線兩種口感，香茅豬扒又香又多汁，醃得好味。杯凍奶茶茶味好濃郁正，好啱下午餐輕食。反而係椰汁珍多冰要扣分，太甜了! 但整體唔錯，但建議價錢下調少少，始終是屋邨消費，薄利多銷益下街坊!