COMEBUYTEA (T.O.P This is Our Place)

营业中

休息中

朋友們見到呢間飲品店 感覺好專業咁我都喉嚨痛 但有熱飲 我馬上去試一試叫左桂花釀烏龍加黑糖晶球 我見佢係人氣第三 所以點左 盛惠$33 果然好飲 d茶係唔係熱到飲唔到 剛剛好！暖暖的 又係桂花香 仲有咬口黑糖晶球 好好味喔

旺角開左個新商場,話說我自就未行過,但見到好多朋友都係入面打下卡,每次行過既時候都見到樓下呢間comebuy tea好多人排隊好多人叫,咁今日出到黎旺角,又心血來潮想試下新野！見到佢廚房有好多唔同既茶葉係到,又有d蒸氣又有d漏斗,好似好pro咁,咁就試試佢個炭培烏龍茶啦,加左厚奶,因為我怕太苦,叫完之後中途行開左10分鐘,番到去岩岩好有得拎！果然不出我所料,都真係幾苦🙈好彩我有先見之明加左厚奶係上面,沖一沖炭培既苦味,炭烤味我自己都係麻麻地

尋日去咗旺角呢間好岀名既茶店幫襯，成日經過都見到店內突然間好大聲噴氣，好搞笑！其實應該係沖茶 今次忍唔住想去幫襯下見佢門口已經有Top 5！全部都係茶類，我覺得好似冇珍珠奶茶飲？ menu搵唔到我睇左一陣都睇唔明係點😅 我就過去叫左排行第二既桂花烏龍黑糖Q 感覺好好味！不過後期先發現，原來呢杯只有茶，冇奶茶 俾錢先知幾錢😭😭等待既位置都幾多 不過衛生就差少少店內擺設都好靚😍❤️ 好舒服等咗10分鐘左右，就有得拎了👏🏻👏🏻包裝唔靚，但味道唔錯 好重烏龍味，但桂花香就。。。少左啲 黑糖晶球好正，唔係圓形既，係特別切割，好有口感，好正 不過就較甜，同茶有啲唔match🙈😅 如果有奶，可以更好🤣 但整體黎講值得一試

係門口已經聞到香濃既茶味，又有煙咁。好似好專業一於入去試下！見個menu 茶款有唔少，我就㨂左一杯桂花烏龍加黑糖QQ！茶味香濃，桂花清新不錯的配合環境也十分之寬敝有候茶區，飲茶區！不錯不錯👍🏻

台灣開左咁耐 ~~ 香港終於有熱壓既茶飲喇 !!!! 上次係桃園機場試過熱既，今日見到有，在咁熱既天氣梗係要飲凍啦 !! 哈哈 ~~我點左 東方美人，等既期間發現前方有得試飲，原來佢地每日都員工調一隻茶出黎俾客試飲，如果大家有機會行過都可以試下 !! 試完可以去買番呢隻茶，但我地果日問個員工唔肯講我地知係乜野溝乜野 ~~ 勁好笑 !!東方美人好清香既烏龍茶，大家可以試下 !!

📍旺角📍新開文青風🍀台式珍珠奶茶💒打卡乾花牆🌹今次叫咗炭焙烏龍+皇家厚奶+黑糖晶球🍼等緊嘢飲個陣仲可以係乾花牆影下相🌹😍炭焙烏龍茶味比較濃，黑糖晶球口感好煙韌，同一般珍珠完全唔同🤤店內仲有好多位坐同有叉電位，買完仲可以坐低hea下😽依家好少有珍珠奶茶嘅舖頭係有位坐，大部分都係純粹take away，有時行到攰攰地買完想坐下都無😫但呢間竟然有，真心好驚喜🙈啲位又多，又坐得舒服😎

最近試咗旺角間珍珠奶茶，間鋪面超型,唔知以為咖啡店. 一間唔MK 概MK 舖 聽佢哋講好似啲茶用壓嘅方法, 做出嚟好正. =同咖啡一樣睇下部超型, 蒸氣會上面寫出嚟. 叫左烏龍茶. 超好飲

啱啱先飲完無耐…男人話佢太好飲話要ENCORE…成日行過都話要再試其他...咁今次我就試炭培烏龍厚奶 加 芋圓;而男人就試清香烏龍、葡萄柚、加蘆薈。今次就真係有少到冰同少到糖喇!但好老實講….兩杯嘅味道都唔驚喜喇,芋圓都OK好味嘅，但杯野飲比較淡....奶唔係厚。葡萄柚就酸咪咪囉...唔特別...*後記, 男人後尾試埋佢嘅香烏龍、蜂蜜,但同樣地唔驚喜喇…無咩特別…之後亦都無再成日話想飲要ENCORE…綜合幾次嘅經驗…最好味係..清新烏龍加檸檬汁!

之前行過已經想試，啲茶整到出哂煙咁，好Pro嘅感覺！今次經過決定試一試，就試佢最人氣個款！厚奶炭培烏龍小芋圓 $30飲落第一啖真係好香烏龍茶味，平時都唔太飲烏龍茶，因為覺得太濃，而家反而可能加咗厚奶，烏龍茶就冇咁濃味，易入口，好飲啊！再加上加埋啲小芋圓，煙煙un un咁，好QQ啊～ 小芋圓都算係幾特別，相對於其他台式珍珠奶茶店。呢間鋪專sell茶底，所以唔加厚奶（加3蚊），唔加小芋圓（加5蚊）都可以，淨係飲茶都係22蚊！另外，估唔到店內會有少少座位可以坐，因為香港好少呢類飲品店有供座位，幾好幾好，可以俾人坐底嘆下茶！👍🏻👍🏻

旺角開咗間新shopping mall T.O.P. ，最顯眼莫過於地下呢一間 Comebuytea 飲品店， 裝修望落非常文青，如果有位坐就更好啦叫咗杯TOP 1 嘅「厚奶烏龍小芋Q」，即係厚奶、炭焙烏龍，加上小芋圓，價錢係$22 + $5 = $27 。 價錢唔算平，好彩係大杯裝，份量抵番。飲落都真係幾香炭焙烏龍味，小芋圓亦咬口十足，厚奶唔會太明顯，恰當配合。 唯一美中不足就係，芋圓係比較細粒，而且數量唔係太多，大杯嘢飲如果小芋圓多d，整體份量會更配合。特別值得一讚就係，呢一間飲料店製作效率超高，明明本身都仲有10個Number ， 竟然等左幾分鐘就ready

自從越開越多台式飲料店，選擇越來越多，都有好幾年無飲可謂飲品界始祖嘅comebuy，最近佢地引入左噴晒煙嘅萃茶機吸引左我過去試～好期待咁樣整嘅茶味會唔會香d呢～裝修特別，我鍾意呢面花花牆～自由配搭幾款水果/茶底/加料，我揀左鳳梨蘆薈茉莉綠茶半甜$33第一啖甜到打左個突！叫左半甜都咁甜！後來發現係蘆薈同埋佢嘅糖水味.......而鳳梨汁同肉都係偏甜，所以整體係蓋過左茶味，有d失望！相信唔加蘆薈會好好多！

去到旺角就不期然想飲野，於是同朋友飲呢間好有特色的台式茶店。飲品：炭培烏龍加小芋圓 （$27）微甜 - 茶味香濃，芋圓好有咬口，甜度剛剛好。茶味好過91x茶王。朋友點了紅柚烏龍蘆薈Q ($33) - 佢話食到不粒粒西柚，好香西柚味，茶味唔特別明顯。沖茶方式好似沖咖啡一樣，茶用一部類似咖啡機的機器沖出來。環境：店分成兩部份，一邊收銀，一邊等出茶同埋有少量座位。特別一提係座位有usb插座，人同埋手機都可以在鬧市中叉電。有部專業的沖茶機，有好多茶具，也有茶葉賣。又有好多關於泡茶的方法，好專業沖茶的感覺。服務：可能太好生意，太忙，店員無咩同客人有眼神接觸。出茶快，動作勤快，唔洗等好耐。

多款茶底嘅選擇當然係賣點，啲machines都好酷！之前試過加黑糖晶球，但係個人唔太鍾意個咬口，話爽唔爽，話un唔un，唔建議加~不過，依家多咗選擇，有小芋圓！小芋圓唔會甜漏漏，有真芋頭味，唔特別大粒但好好咬口！每次光顧我都係飲炭焙烏龍，朋友飲嘅清香烏龍同茉莉綠茶都唔及炭焙烏龍jeng有試過加奶霜(奶蓋啲fd)同厚奶，再叫微糖，唔鐘意飲咁甜嘅朋友可以同我一樣咁調甜度！除咗推薦「炭焙烏龍茶」加奶霜、小芋圓，微糖少冰外，仲有「清香烏龍茶」加鳯梨汁丶蘆薈水晶，半糖少冰都值得一試！蘆薈粒較甜，而鳳梨汁微酸，記得搖勻先飲溫馨小提示：自備飲管，為環保出一分力喜歡comebuytea嘅茶底，好讚好讚

旺角開左新商場，有日同男人經過都好想試呢間comebuy架喇....佢嘅裝修就好似一間咖啡店咁....啲機都係用呢啲....啲野飲就一杯杯咁排隊等落茶同被手搖！是日叫左兩杯野飲...價錢方面....兩杯加埋要成$61....清香烏龍加檸檬汁加蘆薈....味道清新！真係有清香嘅茶味！茉莉綠茶加鳳梨汁...有好細粒嘅菠蘿肉，都有茶味，但相較之下，前者晌茶味同同配料個配合度就合拍好多喇！今次有樣野美中不足嘅係，兩杯都係半糖，但兩杯嘅甜度都似正常無減到糖！而少冰方面，鳳梨嗰杯飲完仲係有半杯冰晌到；相反，檸檬汁嗰杯就一粒冰都無喇！相信晌睇少甜同少冰方面，係要好好咁改善！但味道確係唔錯，所以有下次！

旺角都開左comebuy啦！！就起新既t.o.p.商場度，既係旺角中心格離呢系列comebuy唔係以前主打珍珠奶茶果啲佢地主打銘茶，有各款靚茶葉即刻高溫沖制！茶底可配上果汁，鮮奶，固體材料