Cowboy Seven (已結業)

Friday Night again~We headed to The One Mall (which is reli amazing but kinda monopolized by IT Group in a sense....) and tried this Cowboy.I'm quite impressed that they have banana frappe (you know, i'm a banaholic and this falls to my must-try drink), so i ordered this and my friend who is a chocoholic ordered Java one)We both like the drinks, sometimes drinking starbucks all the time becomes less entertaining and have to change a bit ge)Good try, Cowboy~

本來想去食yogurt，但因為實在太多人排隊，又沒有位坐，所以去了Cowboy Seven喝咖啡。原本毫無期望，但最後卻喜出望外。我點了Latte。奶味濃郁，而且奶跟咖啡的比例剛好，好滑。熱度也剛好，是可以即刻入口那種朋友點了Cappuccino。據朋友說，它的質素拍得住早期的Pacific Coffee而它的價錢卻比Pacific Coffee抵很多 - 跟Pacific Coffee 的size Tall 一樣的Latte是$22, 而Cappuccino是$24....她這番話，令我怕Cowboy Seven 之後會否像Pacific Coffee一樣，錢賺多了，便愈開愈多分店，但coffee卻愈來愈不像樣呢? 希望它不會吧。話時話，有沒有其他飲家發現，它們Latte and Cappuccino隻杯，會調轉了的呢? 是故意還是...不理了，coffee好飲才最重要

今日專程到THE ONE逛, 行到有點口渴, 經過這間店, 試飲了些熱朱古力, 朱古力味幾濃, 頗甜了些, 再買了Mocha Frappe, 足足等了7分鐘先有得飲, 渴死喇!!! 當時全店有五個員工, 在我之前有2個order (共6杯飲品), 怎想都想不通為什麼要搞咁耐, 五個人全部一齊動手都咁耐, 仲全部背向住個樓面(i.e.背向商場), 當左果度係廚房, 無人理有無客人; 終於有得飲喇, 但面頭D冰同cream"實的的", 好難攪郁, 飲到最後都仲有D未溶晒, 味道尚算OK, 不過唔會想再試多次或另一款囉.

聽說cowboy有好咖啡飲, 不過失望而回.喜愛espresso, 而且飲espresso就知道此店的實力.店員用18gram filter, 我滿心期待. 但係係咖啡流出既時候, 佢竟然擰轉面拎碟!!! 就咁樣...佢比咖啡出到最尾, 就係最尾個幾滴本應唔要得既咖啡破壞左成杯!! 要知道幾滴白點足可以拎杯咖啡唔同晒味, 點解呢位店員咁大意....?!! 失望失望!! 下次沖espresso/咖啡時唔好再分心啦!! 認真對待每杯咖啡啦!!

來看看新商場, 逐層行都幾累.經過這裡見有輕食, 就要了藍莓芝士蛋糕同 cappuccino 坐坐.店內只有二張 sofa, 都是靠牆位置, 面對走廊.坐了不久, 咖啡同蛋糕一齊送來.咖啡的奶泡打得細緻緊密, 良久亦未見塌下, 抵讚 !好怕咖啡味不夠的 cappuccino, 所以付款時特意問可否加多一shot coffee, 員工說這杯的份量己有 2 shots.我看杯的體積不算大, 也就半信半疑地接受了他的答覆.喝下去, 真的夠香濃, 加上打得很好的奶泡, 一杯好 capp !而藍莓芝士蛋糕, 好通常都系交貨的, 差別是是否新鮮.這裡也算好吃, 芝士味濃, 軟硬適中, 鋪面的藍莓及藍莓醬份量夠, 加上墊底的藍莓/黑莓醬, 食多件都得!新裡位置開放, 不介意的話, 想坐坐吃點輕食, 這裡挺好~

吃飽飯過黎THE ONE COWBOY 歎返杯抵飲餐後COFFEE,我叫左杯墨西哥COCOA,老婆叫左AMERICANO.黎左飲品之後就後加左件OPERA.墨西哥COCOA 唔錯,但唔算太熱,只係暖.AMERICANO 都唔錯,夠熱,香味濃郁~不過件OPERA 就有D奇怪,上面係好多NUTS,但件蛋糕一切,就會上面層朱古力醬甩開黏著個叉,成層無左-.-味道亦麻麻,呢件不會再試...仲要為左整碟邊個堆花紋,整好耐先拎到件蛋糕黎

忙到不得了的星期日, 早堂/YM/練詩/小組/派餅/生日飯, 但怎忙也要跟會長兩公婆一聚, 就定了在這裡飲杯野. 當然, 我們又怎會剩飲, 又要了兩件蛋糕分吃.Blueberry cheesecake $18: 8分, 芝士味香而不算太濃烈, 是文迪吃到的程度. 藍莓醬不會太酸, 蛋糕也幾軟滑, $18一件, 滿意.Chocolate truffle cake $18: 6分, 朱古力不夠濃郁, 蛋糕太乾了, 還算有層次感. 會長不吃, 就由我來清掉吧.Classic chocolate 經典凍朱古力 $24: 5分, 兩個人分, 就要大杯裝. 跟上朱古力脆筒, 不過還是用飲管去飲好了. 朱古力味不夠, 偏甜, 又杰了點, 這個經典, 不太合意. 謝謝會長拿了買一送一優惠卷, 這杯飲品其實是免費的.這裡的環境一般, 人來人往, 不算是好好的休閒選擇. 當然, 能夠兩對人聚聚, 交換手信, 時間是過得特別愉快!

食完泰國菜, 行了個圈, 展轉又返到四樓, 便在cowboy坐坐 買了杯 latte 飲, 雖然用簡單的紙杯裝, 但都有用奶劃出的葉形圖案, 廿零蚊一杯, 都幾有抵飲的感覺架咖啡幾滑, 加了啡糖飲, 泡沬幼細, 水準唔錯la地方比較細, 飲到一半, 揸住杯咖啡, 落去下面個層再共共 anna sui 都開埋, 個商場幾多店舖行, 但就差了化妝品店

經過佢地門口, 店員小姐捧住一小杯的試飲裝給路過的人試飲, 我就唔係一個貪小便宜的人, 要試, 自己出錢買杯MOCHA飲, 反正價錢唔貴咖啡味比朱古力味蓋過, 咖啡的味道薄得滯, 有點似飲朱古力之感, 不過口感尚算滑, 可以話係一杯不過不失的咖啡, 價錢都合理, 可以一試但, 商場太大塵, 根本無可能坐係度飲

最近詩班練習由每週五改到週日，整體時間是好用了，不過來到週日就會很忙。早兩個星期，與老公練完詩後，再次出走尖沙咀，與同樣參加完聚會的雷氏會面~~　為了就腳方便，這次放棄品嚐圓方新店，只到The ONE的Cowboy Seven飲點東西。啡色為主的咖啡是一片casual格局，座位較開揚，舒適度是不及兩間紅綠咖啡連鎖店了。不過牛仔店的價位十分親民，是日櫃中四款蛋糕才每款$18，堂食並不設加一；飲品方面，最貴價的大杯Frappa也不過$32，也是一個逛累了的休息地，是日約四時的小店，也有九成滿座。兩對人對著餅櫃及飲品表研究了一輪，持微審慎的態度，選了其中兩甜品+兩飲品來試：　Blueberry cheesecake($18)-大家對蛋糕不敢抱太期望，不過這件據稱是Best-seller的出品，卻帶來一點驚喜：質感幼滑、芝味頗香濃，背層的藍莓醬也甜美可喜，只差餅底較濕未夠脆，否則還真是一件滿意之作! 而由此推斷，同場NY cheesecake的水準應該也不差呢!　Chocolate truffle cake($18)-這款就不行了，不太濃郁的朱古力外層下，海綿蛋糕乾爭爭的，無甚吃頭，我試了一口

11-9-2010晚飯 (食咩: http://www.openrice.com/restaurant/commentdetail.htm?commentid=2116488) 後時間尚早, 2 人又去了 The One 閒逛, 最後嚟到呢間「牛仔」店飲杯嘢.叫了熱 caffe latte ($22)... 堂飲又用紙杯 serve , 面頭奶泡似 cream 多 d , 唔落糖就咁飲, 唔太滑又唔多「奶」味, 不過咖啡味幾香濃又唔澀, 比預期好的.朋友飲 iced chocolate ($20) 要求了走 cream...「拮」了支「朱古力扭紋蛋卷」, 朱古力奶泡又打到周圍係 , 飲落味道 "Cadbury" 得很, 不過奶的成份夠, 幾滑又唔會太甜, 算啦.環境「開 hea hea」, 又有梳化椅坐, weekday 下午嚟應該會幾舒服, 不過是日係星期六夜晚, 呢度仲要喺正長龍小籠包店隔嚟, 都咪話唔嘈.每人埋單 $20 左右, 平平哋可以一試.

行到累見到COWBOY SEVEN, WOW佢地D DRINKS & FOOD真係好平, 忍唔到叫了1. BLUE BERRY CHEESE CAKE : 很HOME MAKE FEEL, BLUEBERRY JAM 好強既BLUEBERRY FLAVOR跟平時食開的有一點不同. CHEESE CAKE 不是很濃, 甜度剛好, 只厭有點鬆散. 餅底有微微COCONUT 味.2. MOCCA 很久沒有飲過甘好味既MOCCA, 先嗅到朱古力味, 飲入口都係先有朱古力味之後coffee味慢慢走出來. 飲了幾口後,成個人都甦醒過來過來.2樣野加埋都係$40, 比k11地下個架超貴coffee仲好味,但收費卻便宜很多. 一定有下次

係食金寶之前, 在COWBOY SEVEN 買了一杯CAFE LATTE 飲熱烘烘的LATTE, 口感好滑, 咖啡的味道雖然唔係好濃, 但很香, 咖啡同鮮奶的比例配合均勻, 一杯二十二蚊, 坐在舒適的沙發上一邊聊一邊品嘗, 抵!店員十分友善, 特別係架眼鏡的哥哥, 笑容友善, 為人隨和, 給人客很舒適的感覺唯一美中不足係商場的空氣很差, 很多店在裝修中, 或者等遲些沒有商店裝修才去都唔遲

粉藍色的裝修,很特別,令人relax~第一次惠顅,店員主動介紹產品,有笑容,不硬sale,服務態度很好~^^飲品ok,沙冰夠凍好味,食完有少少飽~ haha~可能因為我要的是多Cream休閒之選

尖沙咀新商場The One對我來說實在太方便，在分店走過對面便是。是日沒有胃口，中午也沒有吃飯，反而想飲杯咖啡。整個商場有廿九間餐廳，卻沒有大型的咖啡連鎖店，唯一選擇就是這家「七號牛仔」。店子佈置非常簡單，就是有丁點像西部風味，但論舒適程度，絕對及不上幾間大型連鎖店，是肯定不會讓人坐半天不走的 (但我沒有留意有否Wi-Fi上網)。我在這裡坐了不到半小時，便想離開。生活很苦，喝的咖啡不想太苦，要杯莫卡。咖啡用紙杯上，沒有任何Latte Art，但也不緊要了，這刻的心情也不需要欣賞啥靚靚拉花。一口飲下，幾順喉的，但不覺有什麼朱古力味道，不過$22/杯，收貨了。齋飲咖啡唔好，還是要件蛋糕伴吃。走在餅櫃前面看，原來只得三款口味，分別是芝士蛋糕、藍莓芝士以及Opera，坦白說，三款也不是很吸引。但在揀無可揀之下，最終買了後者，因為賣相算是最對辦的。這件歌劇院，頂頭是朱古力漿，中間的是咖啡口味、海綿蛋糕和杏仁味道組成，吃起來還算幾有層次，當中以咖啡味最突出，如果有脆餅底更好。總的雖不是很好吃，都屬咖啡店的大路水準，可以的。無意中看到我的等候號碼，正正是我生日的日子，真巧！