Cozy Coffee

营业中

休息中

Smoked Salmon Avocado Egg Benedict $108話說個日平日12點去到 店員話要寫低名+電話係張紙先 有位既時候就會打俾你咁當然我冇行開企咗門口等 但一直有人走都冇叫過枱 等咗大概30分鐘終於有位 咁我叫完野食先行上樓上坐 發現樓上一個人都冇🤯 咁其實點解唔一早開樓上位 反而要人企街等又曬又大煙味😵😵😵好彩食物都好快上枱 成個賣相都唔錯既 牛油果蓉加煙三文魚應該都唔會難食喇 點知隻蛋就出咗事😔 一切開隻蛋係完全唔流心！！！真係好失望😟 umm....雖然佢係黃店值得支持 但服務態度同食物質素都要改善一下先可以吸引客人回頭🤢🤢🤢 希望另外兩間分店會好少少🙇🏻‍♀️（個日係光顧大圍既分店）評分: 4/10🌟—————————————————————————Cozy Coffee (大圍)大圍積福街64-66號地下C號舖

大圍近年多左好多出色嘅cafe，地點就係大圍站附近十分方便，今日就同朋友帶埋狗狗去食野，佢荃灣同西貢都開咗分店。。。🔘牛油果煙三文魚番茄沙沙黑麥多士| $78評分: 🌕🌕🌕🌕🌗評語: 牛油果唔會太生又唔會太熟，入口有溶化嘅感覺，好新鮮。煙三文魚鹹度適中，牛油果同烤至微脆嘅黑麥多士剛好將鹹度中和。。。🔘 巴馬臣卡邦尼意粉 | $120評分: 🌕🌕🌕🌕🌑評語: 睇圖都見到芝士份量好多，而卡邦尼醬汁烹調時間控制得好好，每一條意粉都掛有醬汁，入口每一啖都有creamy嘅口感。。。🔻如果帶寵物黎只能夠坐出邊，夏天會比較熱🔻上層需要消費至指定金額先可以入座🔻略貴而可接受，環境都好舒服推介指數:⭐️⭐️⭐️⭐️IG: sumbafoodieshk

總結（6分滿分）:Just a nice enough place to chill out with frds, but not the best cafe in 用餐感受：🤤🤤🤤CP值：3/6美味值：3/6環境：4/6 （係打卡既）之前一個weekend 經過，好多人排隊...最後無等到😂上個月終於試到😛，大概12點到，一入到去就有位，大概因為大圍開咗好多好多cafe, 大家去哂試新嘢，我終於有機會了😂同朋友叫左煙三文魚牛油果 &  carbora 份量好足 pasta 較creamy 食完有點䭣latte 奶味重 咖啡味有點失色埋單：$280

今日同朋友仔們去踩單車，之前緊係醫飽個肚仔先啦，估唔到大圍租單車旁有一間白雪雪嘅cafe，於是入去試佢咩料，一見到all day breakfast 就即order左， 朋友仔就叫左帶子黑松露意粉，all day breakfast無咩好講因為都係差不多嗰樣嘢無乜突別，好普通！松露意粉尚可但太多油，本身想叫本lemon 薑茶又售罄，最後都係揀反earl grey，本人覺得呢個質素同地點嘅話唔係好符合個價錢，略貴！

晚上跟朋友到這間cafe打算慶生，提前買生日蛋糕，才發現切餅費要$200，於是我們放棄在這裡切蛋糕，但店員也十分有愛地幫我雪藏蛋糕🎂平日晚餐時間人很少，我地在上層傾計食飯十分舒適，食物也是滿意的，尤其欣賞店舖特製的lemon soda十分解膩👍🏻最後，再次讚賞店員十分有愛地照顧客人的需要，謝謝紋身店員姐姐的幫忙😊唯一建議改善的是上層的蚊螆較多，一有食物在桌上便引來蚊螆，建議跟進及改善。謝謝。

咁岩個日work from home屋企突然停電所以9秒9衝落大圍想搵間Cafe坐住做嘢。我10:52到 知道原來佢開11點。因為趕住開call所以有禮貌咁問佢會唔會可以坐住等佢開舖，橫掂都係差個幾分鐘兩個店員嫌棄樣話：「我哋11點先開」咁我就企係門口等左10分鐘我明白未夠鐘開門姐係未開始做生意，但店舖有啲室外位其實我坐住先係完全冇問題，我又唔係要即刻叫野飲 覺得有啲不近人情 店員又長期串樣野食正常味但室外啲枱櫈都幾污糟，又多蚊又近馬路多車臭氣 下次真係不了黃店都係咁話

於村屋羣中好容易被呢間樓高兩層，採用藍白色及原木裝修嘅文青feel咖啡室吸引住。地下一層設有面向街景及戶外座位，方便養寵物人仕帶埋貓狗🐶🐱一齊進餐。地方寬躺簡潔，令人感覺舒服。客人先在收費處點餐，然後再選座位，店員會送餐。沿住木樓梯就可以上去二樓，有長高枱，四人枱及二人枱。我點咗份雞胸肉流心蛋凱撒沙律$78，份量非常足夠👍，大量沙律菜🥗，1隻超流心蛋，5件白灼雞胸肉，上面灑上芝士粉及麵包粒。沙律菜算不上新鮮，但流心蛋汁混埋沙律菜一齊食，清新健康，惹味非常。雞肉就略為鞋同實。Latte $42有雙心💕拉花，不僅帶給人視覺上嘅享受，平衡嘅咖啡及牛奶味亦讓人味蕾得到滿足。從二樓望落樓下嘅感覺好得意。

太太點了一杯latte，而我點了虹吸咖啡虹吸未到之前，嘗試了幾啖奶啡，奶啡喺本人角度嚟講唔合格，奶同咖啡唔係好夾，可能咖啡師口味同小弟有唔同，但我總覺得奇奇怪怪。至於虹吸咖啡，反而唔錯，紅卡應該重到出嚟嘅甜味完全冇問題，可能喺香港飲到虹吸嘅地方唔算太多，加上地方舒服，有機會我都應該會再返嚟試吓唔同豆。至於食物方面，好普通痛冇乜特別。而且我覺得價錢有點貴。環境舒服，係一個幾好HEI嘅地方。期待下次有啲唔同嘅單俾我試！

Linguine with Scallop and White Wine Butter Sauce $98Lobster Roll with Fries $119Green Tea/ Hojicha Latte $50大圍簡約純白chill chill cafe 住沙田真係會想一放假就過去chill下 cafe底層有開放式座位岩晒鐘意打卡影靚相嘅你 另外二樓有更多座位 樓底高又開揚 坐得舒服又relax 重點攞推介龍蝦包 個包烘得好鬆軟同有脆邊 仲有好重嘅牛油食落一啲都唔乾 龍蝦好足料爽口彈牙再配埋蛋黃醬 好match🤤🤤食完係絕對想再食多個 成日都會想去食返個包 另外薯條都好脆 扁意粉有淡淡白酒香味 恰到好處唔會太重蓋過咗牛油味 反而帶子細細粒有啲失色 不過cafe質素黎講都算係中上 綠茶同焙茶latte都好濃味 完全滿足到抹茶控🍵matcha cheesecake反而有啲太漏 之前試過佢matcha roll cake比較岩口味 同埋每日出嘅蛋糕都唔同 要撞下運氣喇呢間cafe有其他分店 pm另外都試咗荃灣分店(圖2)但係都覺得大圍出色啲 荃灣分店egg benedict

今天在家休息，沒有進食早餐及午餐，待朋友放學後，到大園一起進食下午茶。由於腳部受傷，加上疫情的關係，故要找一間坐得舒服，空氣流通，鄰近車站的餐廳。結果，我們2個人到Cozy coffee 進食下午茶。下午2:10 便爆滿，要留電話及姓名等位，女待應表示不可在餐廳內等位，要到外面等位，你唔等位，便給與其他人留位。待應態度真係麻麻地，可能唔休生意無得做。本來以為平日下午茶會少D 人，不用等位，結果，與星期六日一樣要等位。我們等了一會，可以坐門口位，可以看看街境，惟一扣分是有人在外面食煙。下午已經沒有特飲，不少食物也已經售罄，真可惜。其實食物普普通通，我最欣賞是手沖咖啡，有少少酸，但賣相唔錯，先嗅咖啡粉，才倒半小杯飲，共分三次飲，三次感覺不同，有不同的層次。

二少奶不嬲都唔飲奶茶🥤咖啡☕️ 又好少飲甜嘢或凍嘢🥶所以出去食嘢通常都叫熱檸水🍋不過飲得多都有D悶😑所以今日同二少出去飲嘢就叫咗杯hot chocolate🍫☕️原來hot chocolate都有拉花㗎!仲要係unicorn 🦄🦄🦄我見到巧開心🤩🤩🤩個Barista 見到我個樣好似執到金咁💰都忍唔住偷笑🤭Hot chocolate☕️同 iced mocha 個味就ok la 松露芝士雙色薯條🍟就好好味啦！#我嘅反應確實係失禮咗#大鄉里#下次我D反應要同隻unicorn一樣咁優雅 #不過我諗都幾難😅

其實我第一次入大圍搵野食原來好多黃店😍今日試住一間先雖然我係黎食夜晚，但其實全日都係同一個餐牌，感覺上佢岩晏就黎食輕食個d款式多d首先杯飲品勁靚😍個拉花不得了杯朱古力好jeng🤤!主食方便就比較失色🤦🏾‍♀️牛扒有少少凍左，而佢個雞就略為乾身所以再黎都係試輕食好了🤪！

<大圍Cozy Coffee>_大圍Cozy Coffee - Iced Americano $38Cozy Coffee 舖頭外型絕對會令人停落嚟打個靚卡🌝，可惜「金玉其外， 敗絮其中」，點解呢？依杯iced Americano 一直上眼係隻杯口係裂咗的，為咗唔想浪費左杯啡，所以決定用飲管飲☺️。Iced Americano 真係做到iced 嘅，因為真係好多好多好多冰，口味偏向淡口，可能冰多關係😂，坐喺窗口位打卡係可以嘅，但真係想歎杯靚啡就各下自行判斷😆

離遠見到依間Cafe好靚見今日天氣好好坐下層都唔錯就決定坐低~非常幸運既係坐低無耐先開始多人等位✨龍蝦包配薯條$118如果薯條係粗薯條會更開心🙈龍蝦份量都幾多，個麵包甜甜地同龍蝦好夾可惜影相影耐左攤凍左個包✨煙三文魚牛油果班尼迪士克蛋$108個水波蛋稍微有點overcooked唔夠流心但食落都還可以(有煙三文魚唔會難食)以為得沙律同蛋會唔夠飽，但可能加上牛油果同醬汁都好夠✨Mocha拉花好靚~ps.如果我再黎應該唔會坐門口位啦😂因為係weekend又係打卡cafe好多人係外面行過，又有人影相做左background好唔開心食物都係普普通通

今天去試cozy既咖啡，點了flat white，發覺奶味太重了應該咖啡和奶既比例不對...完全品嘗不到咖啡香味...真失望有點兒覺得搵笨 應該也是選擇咖啡豆跟pull shot 的時候出問題，不會再來了！ 正如喝茶，你會先將茶泡濃，將茶香味溢出，但這當我喝下這杯咖啡後，完全喝不到香濃的咖啡味道，只是品嚐到奶香味！在服務和衛生方面，真是無可挑剔，服務態度和清潔衛生到位，店舖裝修風格有點日式，假日時到這店坐坐會感到十分舒適和放鬆了心情。