Cozy Coffee

营业中

休息中

難得放假，踩完單車，緊係想食下好西啦，見到依間裝修得咁靚，就入左去，一嚐佢啲野食，今次我就叫左帶子黑松露白汁扁意粉，意粉送到黎都覺得賣相吸引，可惜食落，就覺得略嫌啲汁太多，有點兒過油，意粉同帶子就不過不失但食完之後就覺得好濟，有啲難消化

大圍。純白COZY CAFE *打卡聖地*呢間外牆以純白色裝修，共設有兩層CAFE空間的COZI CAFE，又係大圍一個RELAX談天好去處呀！👧👧先講講佢既＊環境＊，非常闊落，餐桌之間有很大的空間，空間感好高！不需要同陌生人坐到好埋，沒有壓迫感！樓上更有書櫃，雖然我唔知可唔可以拎啲書黎睇哈哈😄。有自設洗手間，乾淨的哦，放心去。可以自助添水～＊點餐＊，如果選擇上層，服務員會送上黎架～很好呢👍＊食物＊價錢偏貴，食物質素尚可接受～不過不失！我和友人點了1. 燒春雞半隻（配菠菜沙律）$118不過不失，就普通的燒春雞😚烤肉味道也不是特別出色呢。而菠菜沙律無咩SAUCE ，味道較為清淡。2. 帶子黑松露白汁意粉$108帶子只有3粒左右，若是唯一的配料來說實在很少，完全不夠😭黑松露味道未有很突出，若重味一點會加分的👍另外白汁味道不錯👌意粉也可以掛汁吃🥰或者始終是 CAFE，可能是甜品、飲料會較為花心思及出色吧！❤️環境實在很OK，有機會都可以來試下CAKE❤️

食物質素差牛係凍嘅 薯角好似無炸過咁 意粉又係無味員工掛住傾計嘻哈食物黎到勁大力放落枱重點係唔乾淨抹啲碟有黃色污漬同埋櫈都係污糟 宜家疫症清潔得仲咁唔乾淨而且有浸奇怪味整體黎講就係差

大圍近年開咗唔少Cafe，呢間文青風格嘅餐廳樓高兩層，裝修以白色為主調，環境幾舒服，打卡一流，採用半自助形式，仲可以帶寵物黎，但食物就一般般😐————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🍳Salmon eggs benedict $108💡味道：🌕🌕🌗🌑🌑⠀⠀⁣⁣⁣⁣⁣🥗Caesar salad $78💡味道：🌕🌕🌕🌑🌑💡環境：🌕🌕🌕🌗🌑⁣⁣⁣⁣⁣⁣⁣💡服務：🌕🌕🌕🌗🌑⁣⁣⁣⁣⁣⁣⁣💡性價比：🌕🌕🌕🌑⁣⁣⁣⁣⁣⁣⁣🌑

一點都不 cozy 。進店後店員問咗幾多位，就由得我企喺度。音樂聲量很大，搞到成間餐廳勁嘈，完全聽唔到店員。Playlist 又係啲國語流行曲，同環境完全九唔搭八，求其spotify 播下 gypsy swing 咪好哋哋囉。All day breakfast 炒蛋係老嘅，焗豆係凍嘅，多士係現成蒜味牛油烘嘅。黑松露煙火腿 egg benedicts ，一隻蛋熟晒，一隻蛋就爆漿，想點？飲品第一杯 Golden dreamland 幾有特色，但都要等25分鐘，落樓下追單先有機會品嚐到。另一杯 latte ，等咗35分鐘，直到見到其他遲來的客人都有嘢飲，叫住店員，音樂太嘈佢又聽唔到，要親自落樓第二次，向店員追問先知漏咗未做。真係好食就下次，唔好食就一次。

放假專登踩單車過嚟試下，叫咗個松露芝士薯條同flatwhite。本身就係想試下咖啡，所以無叫到啲main dish. 又唔想食蛋糕就叫咗個薯條食。松露芝士薯條，本身我好鍾意食松露醬，好大期望。點知嚟到既時候，個醬係他他醬樣，已經覺得出出地事，以為佢松露溝咗落去個醬，可能食得出呢？點知，我食哂成個醬我都食唔出有松露，我忍唔住落去問個職員，佢真係話個松露溝咗落個醬，黑色一點點果啲就係，我真心睇唔到。個flatwhite係無咖啡味，只有奶味。整體來說只有環境可取，算係坐得舒適，但唔會再嚟

今日想同朋友搵個地方坐下傾吓計，誤打誤撞嚟咗大圍Cozy ， 平日大約5點幾，一黎到就有位，唔洗等，仲記得之前星期六日經過都好多人。坐咗喺咖啡機附近Bar 枱 ，可以睇住店員沖飲品。另外嗰邊嘅Bar枱係望街嘅，今日個窗打開咗，咁啱落完雨天氣無咁熱都ok既。叫左兩件蛋糕，一件係香橙蛋糕，另一件係香蕉合桃蛋糕🍰 蛋糕味道不過不失，質感比較實啲。朋友飲左杯Flat white 我要左杯Mocha ，佢寫住係用100%比利時朱古力沖既，味道唔會好甜，可以接受。傾傾下計，店員俾左杯虹吸咖啡我試😛果酸味好重，鍾意果酸味重啲既朋友可以試下餐廳環境都幾好，食物同飲品質素正正常常，平日人少啲黎坐下飲杯野都唔錯👍🏻

星期日約1330左右到達，滿座，但可留電話訂枱。四周圍行下，仲買左Andy's 古早雞蛋糕，終於可以試下。大約30分鐘就收到電話了。揀坐樓上，自己拎餐牌，揀完落樓下落單比錢。上菜速度快，我們倆點了：1 龍蝦麭配薯條 ＄118。龍蝦好爽口，有龍蝦味，略帶點檸檬汁香，清新。醬汁有兩隻，一個似係千島，混左落龍蝦度，另一個似蛋黃醬，淋左响面，兩個都好味，唔滯。個飽都好好味，甜甜地，外脆內軟，友人話似舊式冰室用嘅甜麭，好有回憶。薯條就好一般。呢個價錢我接受，但如果薯條用粗薯條會更開心！2 安格斯漢堡 ＄128。我自己麻麻地漢堡，淨係試左一啖肉，唔夠肉香。 友人都話麻麻地，唯一好處係嗌五成熟佢的確做到。漢堡都跟薯條。唔會再想食。3 Iced Mocha $50 4 Affogato $50 抵飲。聲稱係用日本牛乳雪糕，驚喜係用軟雪糕，好好味呀！

🏷️ #轆在大圍吃吃喝喝.身邊有個港女fd子係重要嘅....問兩句，佢就曉suggest一大堆食嘢打卡好去處...快過自己上網搵 😌.以前有段時間經常去大圍...最近再去已經變咗好多...記得有2間甜品舖成日都去食...一間叫心甜，另一間叫甜豆...通通都執咗喇...哈...那些年....嚟到Cozy Coffee係港女Y小姐介紹嘅為咗要有拉花咖啡，要咗一杯熱Capp..iced mocha都唔錯...環境舒服，空間感好好，樓底好高，hea吓真係唔錯。仲有機會試吓最近不斷被ig洗版嘅「巴斯克芝士蛋糕」...好食喎！芝士幾濃，滑嘅，最緊要唔漏，又有少少蛋香。表面全黑，但一丁點苦味燶味都無，有趣。‼️門口有一級，自備輪椅斜板先入到，店內全部都係high table。輪椅有升高降低功能就會適合啲。

早2個星期日專登去食個brunch, 叫左牛油果煙三文魚toast 同一杯latte! Latte味道普通，咖啡味唔夠香...另外個toast簡直難食到爆炸！首先伴碟有d沙律菜，幾乎無汁，乾爭爭！個toast上面有個蛋，其中一個over cook, 無蛋汁，變左黃色蛋黃！仲有個煙三文魚好唔新鮮🤮食到有種最嘔既感覺！最後我食唔晒同影低左食淨既相！

係武肺嘅影響下，已經有好多個星期冇出街食飯，今日啱好係大圍，經過見到冇乜人，就坐低飲杯咖啡，見到餐牌都好吸引，所以決定嗌個龍蝦包。latte好飲，而且拉花都好靚，俾足一百分。龍蝦包就有啲扣分，好鹹，仲要好多mayonnaise 係面。香港好多Cafe食物都好伏，呢間都唔例外。同行朋友食嘅steak & fries冇乜特別，而且唔係好靚，所以冇影相，仲要配菜好多油。不過淨係飲咖啡，我都覺得值得嚟，係沙田少見有質素嘅咖啡黃店。而且呢間舖頭嘅裝修都幾靚，坐樓下仲可以睇街景，真係唔錯。

行過見到間野幾特別就試下咖啡買咗一杯Iced Latte,一杯熱cappuccino 因為我一個人拎兩杯(朋友未嚟到)嘗試自己開門開唔到咁岩有個女staff行過 問佢可唔可以幫手開一開門佢大大聲話:得 緊係得啦之後大大力開道門 大力到道門反彈夾住我 仲濺咗少少cappuccino 出黎佢好關心咁講: 小心小心吓 啊姐你整到我喎 我點小心啊？咖啡係大眾口味 冇乜特別原價$42一杯凍latte 外賣有8折咁嘅質素試一次就夠仲要俾個店員整到

見到間餐廳環境唔差 價錢都係一般cafe價貴少少就試下安格斯牛漢堡味道可以薯條唔熱 唔係新鮮炸成個餐性價比就麻麻最伏係杯飲品叫左杯熱情玫瑰 $56以為係用玻璃杯擺到靚靚既一杯梳打點知係膠杯 hea過譚仔 跟餐加8蚊凍檸茶味道仲要係普通作為一間cafe 野飲係咪應該做好少少...

之前成日見人去度打卡，有一日的起心肝去左，但真係超失望～無論係食物或是服務都強差人意，如果想去既朋友就要有心理準備啦.個日我地帶埋狗狗，所以坐室外，當日我地見面冇人咩人坐，好吉（可能因為熱）又懷疑我地打尖 但根本帶人排出面，室外既位係超空落單時店員態度已經頗差，不過都由佢，但上飲品個陣，直程好似茶餐廳夥計咁😅勁大力咁樣擺低仲倒瀉咗少少....▪️白酒牛油汁帶子扁意粉 $98先唔講本身個味道一啲都冇白酒味，睇張相就可以見到啲帶子煮到爛晒，唔知仲以為我自己剪開。而意粉本身好淡，牛油味都唔多覺，一啲都唔值$98▫️All-day breakfast $118菇係唯一覺得可以接受既，其他都好普通▪️蘋果汁 $32▫️香橙汁 $32 呢兩杯野飲，本身已經好細杯，仲加咗超級多冰，飲落亦係超淡😅.好多打卡嘅餐廳食物質素都未必好。但呢一間影相又唔係話真係超靚，食物質素又好差，性價比真係超低～

🎈Cozy Coffee/Take a break coz we get tired by the environment around us 🥀/ 櫻花蝦明太子意粉配虎蝦Spaghetti with Sergestid Shrimp ($90)隻虎蝦好大隻呀 食落新鮮多肉🦐麵質彈牙唔會太淋 汁唔算好多但都幾入味好食明太子嘅人應該會幾鍾意❤️新鮮煮起熱辣辣咁食個意粉 好味道😋日式芥末煙三文魚班尼迪蛋Smoked Salmon Benedict Egg with Japanese’s Style Mustard ($80)🥚煙三文魚加班尼迪蛋一定冇錯嘅😂不過感覺上個日式芥末就唔係太襯成個配搭🤭食落係一個不過不失嘅班尼迪蛋加沙律菜🥗雙色薯條Mixed Chips ($50)🍠🥔新鮮滾熱辣炸起 系用左甜既番薯條同連皮薯仔條炸成 番薯條鹹中帶點甜😍👍最後跟餐各(+$10)叫左兩杯咖啡