Deli and Wine (已結業)

每次食飯如果唸唔到食咩，一定會黎deli and wine食，原因佢地食物質素一向穩定!今次就叫左常餐，原因大件夾抵食，唔使加錢就有野飲麵包脆卜卜，係上要加上火腿同雞蛋，一啖咬落去好滋味!置於叉燒意大利粉，雖然湯底比較淡，但勝在熱辣辣，而且叉燒肥瘦適中，不錯吃!

美心集團旗下的食肆，水準都不錯！Deli and Wine便是我喜愛的餐廳！食物是尋常食品：茶餐廳式的、西式意粉、喇沙....都能做到精緻的質素。而且，員工Smart態度良好，餐廳裝潢簡約，令食客感到閒暇適然。今天，跟Honey乘天星小輪過海，先到Deli and Wine吃早餐。Honey點煎雞扒腸仔炒雜菇配多士。雞扒細小了點！雜菇炒得香口，不會炒得太熟。奶茶呢？是港式奶茶，好味！Honey又想吃麵，於是「吩咐」我點午餐肉煎蛋出前一丁。叫金牌午餐肉？果然，有「肉質」。加$4轉意大利咖啡，不錯啊！奶泡香甜！

下班後約了男友，想在晚飯後到海旁談談工作上的不快...巧合地看到這間數年前跟好友吃過的小店，便決定在這用餐回味昔日美好的時光。還記得數年前，這裡是要等位用餐的，不知怎地今次竟然有數張吉枱...點餐後店員送上...*腸片肉醬意粉，普通貨色。只是將烚好的意粉上放了香腸片及肉醬及芝士粉。幸好意粉硬度適中，醬汁足夠讓每條意粉都能沾上肉醬，酸度適中，10分開胃。*咖哩雞肉配白飯，賣相像茶記，與其店裝潢不太配。咖哩內若有4件雞件，薯仔，菠蘿。味道與美心MX無異。*牛肉漢堡配薯條，薯條為粗薯，灑上調味粉後10分惹味。包的熱度不夠，熱度溶不了芝士，有點乾；牛肉10分輕量，但仍有肉汁流出，互補其不足。*凍朱古力及凍朱古力咖啡。加上忌廉後10分香滑，配上濃郁的朱古力，雙重滿足

星期五同朋友行尖沙咀，臨shopping前食返個tea先😌 ，唔係邊夠腳骨力血拼😝 ，去尖沙咀想搵個輕鬆啲既環境食野我一定去文化中心附近既deli & wine💕 店入面要自己搵位坐，店入面坐位算多，但平時正餐時間就好多人，三點三去到就啱啱好有位坐🎶 依間鋪既menu分為焗飯🍛，焗意粉🍝，叻沙湯麵🍲，同埋全日茶餐，不過我最鐘意食既就係依到既魚柳漢堡($44)🐟🍔 魚柳漢堡炸魚唔會太乾，魚塊都算厚，唔會薄chichi一塊咁，另外配埋既薯條係我最鐘意既薯角😻，新鮮炸起熱辣辣正👍另外朋友叫左個白汁海鮮焗飯($46)，海鮮料都唔馬虎，有青口，魷魚圈，魚柳塊等，配埋青椒同麻菇都好味最後一人一杯野飲，有哂氣力去搏殺👗👚👖👠

型格黑磚牆身配幾近落地玻璃，窗明几淨，感覺舒適。加上店內外唧多盤植物同蠟燭擺設，更顯高雅格調同綠化心思。食物方面，選擇非常多，中西式粉麵飯、常餐、漢堡包、三文治及甜品yogurt都有。最後我選左比較受歡迎唧鮮蘆筍煙肉忌廉汁扁意粉。忌廉汁非常讚，香滑且份量十足，食落去成嘴都係奶香同芝士香；意粉算彈牙；配料蘆筍煙肉蘑菇都新鮮可口。整體確實真材實料。友人就點左扒鮮雜菌油醋汁扁意粉，雜菌亦係新鮮之選，醋汁酸甜開胃，友人大讚。另一位友人就點左鮮蝦番茄忌廉汁扁意粉，呢道菜分量十足，竟然有六隻大蝦，好慷慨啊! 大蝦全部都爽口彈牙，亦都有蝦應有唧味道，非常唔錯，扁意粉軟硬度適中。飲品方面點左一杯凍朱古力, 算係大杯啦，朱古力係幾濃烈唧，冰唔會太多冇充淡朱古力唧味道，加上上面唧忌廉，非常滿足。

曾幾何時，經過尖沙咀文化中心，都會在Deli and Wine坐坐，嘆個下午茶，貪其價錢平，也算坐得舒服。都有一段時間沒有來了，今天因公事要來尖沙咀，便在此吃個午餐，發覺價錢也漲了不少，午餐要60元以上，但在尖沙咀來說仍偏向合理。午市套餐有中有西，我就揀了較地道的「雲吞貴妃雞撈麵」($62)我心目中的港式撈麵是有清湯的，但這裡就欠奉，用料方法，雞件和雲吞算是標準而四四正正的，冬菇看來並不新鮮而且浸得過熟，而最失敗是醬汁實在太稀，不能撈勻至每條麵條都掛都汁，令整體感覺變得很淡口。

去完美食博覽，步行往新的灣仔碼頭乘小輪過海，到香港文化中心參觀了一個攝影展，然後到美心集團旗下的Deli and Wine吃點東西，休息一下。差不多下午五時到達，好幾款下午茶餐已經賣光了，沒有芝士蛋糕，沒有豬扒包，選了西多士($30)，水準不俗。購票後，把號碼牌放在桌上，會有專人送上食物和飲品。這杯是茶餐的奶茶。這杯則是蝦子餅的咖啡。第一次來這間Deli and Wine，愛上了這裡的環境，我們會再來的。蝦子餅點了常餐($50)，有火腿、炒蛋和牛油多士。還有叉燒湯意粉，賣相比茶餐廳講究得多，意粉軟硬適中，味道不錯。

雜菇意粉，汁好少，好乾，好似炒面咁。同埋味道好酸，蘑菇好干 有D失望，居然甘都可以是主打意粉。但是同伴的薯条OK。前可能前幾日去WHITEBUTTON CAFE佢地做得好好有比較之下有D失望...

悠閒的下午，感受一下藝術的氣息後，施施然走進休閒的餐廳恬適一下。不消一會，豬扒飽及咖啡端上來。豬扒飽本身的豬扒吉列，夠火氣，熱騰騰，麵包糠的，惜搶了火，不夠金黃，少呈啡褐。上粉炸吉列其實好容易有意外，因為一過了火，肉已經乾，而且炸粉過硬，吃下去會失去質感。要十分小心拿捏，按理他們是有計時器似的，集團式的應不會忽略此細節吧。醬汁配菜其實份量足夠，十分新鮮。麵包用上麥飽，夠鬆化，可惜飽內面沒有烘過，冷熱分明，但吃下去不夠整體。打了折扣。只欠一點點，就已經相差很遠了。 

入黎衣到本身係因為sip時間,行到累搵地方坐.見到門口有塊寫住下午茶form hk$30起 就入左去.間野裝潢咁靚就有種"你銀包冇錢就吾好行咁埋啦"ge感覺,點知原來價錢好親民!!!(走個時睇到餐牌先知...雖然我冇入去食正餐但都影左張相比大家參考,$4x~$6x就有賣相好靚ge食物!!!戰戰兢兢地入到間店,見到都有好多位,可能因為吾係lunch hour所以吾會好多人.見到店內有開方式廚房,可以睇住師傅切肉肉,nice.原來係自助快餐形式,感覺輕鬆左好多(因為...快餐,即係吾貴啦?)先係收銀機比錢,再搵位,都有好多位.裝潢令人好放鬆,仲有好多可愛ge小裝飾放係店內四周.tea time好match~最想推介ge係店內ge Yogurt~本人好喜歡食yogurt,並吾係怕肥,而係我好鐘意食酸酸ge野.我食過吾同店店ge吾同yogurt,大致上佢地可以分為三類:top level: 最好味,酸甜岩岩好,口感滑溜.一般: 太酸,食到中間會開始覺得有澀味...差: 吾夠酸,太甜,雪糕都不如...我試過食到有冰粒...???yogurt不嬲都吾平,比起m記雪糕,我真係吾係咁捨得食yogurt

我大概1年前幫趁過嗰次都係晚餐時間成間點人頭湧湧今日7點幾去到，竟然有吉位今日叫了一飯一意粉，薯條同凍檸茶雜菇扁意粉。。。個汁酸酸地味道怪怪又吳係好熱。。。中伏白汁焗魚柳飯都係吳夠熱，食落有少少生米feelD魚老到無朋友今日唯一一樣比較好係炸薯條熱辣辣，新鮮炸好👍🏻不過盛惠30蚊好似吳多抵凍檸茶送到嘅時候好似俾人飲左啖添今日先知原來是美心集團食物差左禁多，下次可以black list了

今日係好特別既日子，夜晚約左個好特別既人食飯．佢之前send左比我話想食昵度，當時就咁睇相，以為係好高級餐廳，點知原來真係咁高檔！！仲要係高檔得好離譜！文化中心地下原來有兩間餐廳，我住左係香港好多年，而家先發覺，可能太遲～不過同好特別既人一起發掘，就另有一番風味今次就食住Deli and Wine 先，另外一間下次再po !七點幾入去想搵個位都有難度，但好彩都找到個沙發位．旁邊有好多書，好有書室味道，好想羅返本書出來扮下文青．書室，啊晤係，係餐廳D裝修別樹一格，當時有好多畫，唔知邊幅畫你最中意那？餐廳ｍｅｎｕ得一版咁大把，貴精不貴多單睇食物同價錢，真係晤算貴　不過要叫左試下先知！汁收得好好，唔會太多晤會太少，香噴噴～蝦球都夠大，貨真價實唯一可以彈就係個飯，我地一致覺得個忌廉汁好"結"，好糊口，同ｄ意粉黏在一起，味道一般．好少講飲品，我地叫左熱檸檬茶同熱朱古力，落左一包糖之後，熱檸檬茶味道剛好，看來餐廳確實有仔細研究過份量．總結而言，餐應主要自助性質多，最欣賞係服務態度好好，客人買票後只需要返回座位靜待就有專人端上食物，好有級數，令客人一試難忘夜晚人流又唔算好多，可以靜靜地傾計．附近有近

今日尖沙咀一行, 先找多好評的美心系食店.點了香煎鷄扒+腸仔+炒雜菇+熱咖啡熱咖啡 - 帶點苦味, 雖然好少飲咖啡, 但試飲過酸的咖啡後, 呢間咖啡相對好飲.腸仔 - 腸衣太韌, 雖見一點點香草, 但缺乏香草味炒雜菇 - 冬菇炒得太乾, 其他菇都幾硬身, 少了咸味鷄扒 - 望落煎得幾燶和油, 但內裏都不太老.環境 - 可能時間幾早(09:40)幾幽靜, 可選普通座椅或矮身梳化.

因為參加朋友的婚禮，早到些，才有機會到這裡享受早餐。環境真的不錯近窗的話很開揚。小植物的擺設讓室內增添一點生氣。而向著文化中心當然更增添文化的氣色啦。但論到食物就真的一般。這個腿蛋治雖然夠熱，但蛋很乾，而包及火腿則很普通。不過都有一個可取的就是這裡的咖啡味道不錯，很香很濃，夠晒提神。而這個咖啡杯也很有特色。

到太空館前匆匆地吃點東西就要入場了，附近的食肆不多，就到文化中心的「deli and wine」吃個下午茶，看完電影後再算內裏裝修優雅，場內不算太大，但甚有田園氣息雖然裝修帶點歐陸風及似是一間cafe，但食品種類除了西式的漢堡、薯條外，竟還有中式的撈麵、雲吞麵及叉燒飯等常餐 $48［評分：7/10］與茶餐廳的常餐無異，分別有一碟叉燒意粉及一碟多士、炒蛋火腿，再配上一杯熱飲叉燒意粉［評分：6.5/10］厚切的叉燒共有4件，賣相吸引，入口肉質嫩骨，略帶口感，表面帶點微甜，但由於浸在湯內已一段時間，所以肉味稍淡，而湯底，顏色呈奶白色，看似非常濃郁，但入口味道只屬一般，沒有太鮮甜的感覺。而意粉，質感較硬，但缺彈性，似是因怕煮得過腍，而快快淥一淥就算了，感覺一般多士、炒蛋、火腿［評分：7/10多士烤得外脆內軟，質感鬆軟且富麵包香，炒蛋感覺則一般，沒有太滑膩的感覺，幸好蛋味尚算濃郁，而火腿表面經輕輕煎過，但味道較鹹，可放到意粉內伴著吃，令鹹度得以中和Cheese cake $38［評分：8/10］Cheese cake 賣相不錯，表面光滑，入口香滑綿軟，感覺細膩，充滿了濃郁的芝士香，細嚼下芝士味放