Délifrance (已搬遷) 新店位置

有Delifrance贈券, 堂食滿10蚊就送一杯咖啡, 所以呢幾日去左2次食下午茶法式雜錦多士: 有碎蛋, 火腿同煙三文魚3款, 味道都不錯, 個人最鍾意碎蛋可惜多士有d稔, 唔夠脆, 是為敗筆焗田螺薯蓉拼蒜蓉多士: 呢個等得比較耐, 成15分鐘先整起. 田螺幾好味, 也有咬口薯茸就焗得唔夠脆, 無d燶燶地既脆邊食, 少左d口感蒜蓉多士細細片不起眼, 反而又脆又香口咖啡濃味, 卻稍嫌唔夠醇厚價錢不便宜, 下午茶餐最平都要廿幾三十蚊, 要是沒有優惠, 真係未必會考慮呢度

自從奧海城間Delifrance執左之後,好耐未幫襯過咯!望下餐牌,比起以前都有好多餐唔同左,今次先試一個火雞火腿芝士班尼包,貪佢夠多料夠豐富之餘,仲樣樣岩我胃口!個包即整即食,食果陣仲係熱架,所以覺得特別好味,個包面又有少少烘燶感覺,但當然唔係硬到多士咁啦,所以口感岩岩好,芝士夠香,火雞同火腿就增加左咬口,而且呢兩款肉類都唔肥,幾好,不過火雞好味過火腿,火腿少少靭,如果片火腿可以改為火雞就好喇!改左飲品做凍檸茶,但係要加$4,都貴貴地喎!不過個包好味,算數啦!