Deluxe Bakery (已結業)

今日去左荔枝角食飯，工廈餐廳愈做愈出色，我岩岩去左一間餐廳食墨西哥菜。之後行下散步，點知行行下見到有間「Deluxe Bakery」，主要售賣cake & fresh made bread，門口好簡潔又整齊，我就入去買幾件蛋糕比屋企人做飯後甜品啦！蛋糕款式好多好吸引，色彩繽紛，有多種不同味道選擇。店員介紹左幾款。我簡左藍莓乳酪蛋糕、熱情果朱古力慕士、蘋果紅桑子、朱古力木槺蛋糕。四件蛋糕都好靚呀！糖的份量唔高，入口甜度唔算高，我比較鐘意藍莓乳酪蛋糕，入口酸酸甜甜好開胃，感覺唔甜膩，輕盈口感入口非常幼滑！朱古力木槺蛋糕同樣出色，朱古力味濃，餅乾碎增加口感，蛋糕鬆軟夠香，每層都有不同口感，層次豐富！粉色系的蘋果紅桑子，賣相吸哂女仔食呀，可愛又浪漫既感覺，酸甜味突出！熱情果朱古力慕士，入口幼滑慕士，最愛獨特的熱情果香！下次可以買多幾件攞番公司比同事試下！

聖誕節收收埋埋唔少禮物, 其中一份係蝴蝶酥, 上面寫左deluxe,應該係牌子名, 但我不嬲都唔係太中意食餅乾, 因為覺得好肥好漏, 所以放到而家先醒起, 所以今日就帶左返公司同同事開心些牙, 唔洗一個上晝班死仔就清哂成盒咁濟, 成班真係餓鬼上身! 

今年決定回家整聖誕大餐給兩老，是5道菜的西餐，已諗好頭盤、餐湯、主菜、甜品和餐飲。買下買下已經5點多，看來整唔切甜品，只好....買！邊行邊找餅店，就被廚窗一件件精緻的蛋糕吸引了，一於揀幾件回家作聖誕大餐後甜品。店名除有蛋糕外，還有多款獨立包裝的麵包、曲奇、甜點等。曲奇口味都不少，除袋裝外，還有6款及4款口味的曲奇禮盒，亦有蝴蝶酥禮盒，是送禮之選。******************************件件都很精美，點好？大家都知我的綠茶控，第一時間看中青蘋果綠茶慕絲Green Apple Matcha Mousse （$28），不單止因為綠茶，仲因為它賣相吸引，翠綠的糕身配上鮮紅的迷你馬卡龍和白色糖花，再以脆口的朱古力粒圍邊，好有聖誕feel。把其切開，中間有層青蘋果啫喱，而糕底就有塊煙韌的朱古力餅底。慕絲挺身，口感幼滑，嚐到綠茶的甘香，味道不算很濃，配上酸咪咪的青蘋果啫喱，估不到兩者都夾，邊個話綠茶一定要配紅豆？******************************另一件也是慕絲，賣相高貴的熱情果朱古力慕絲 Passion Fruit Chocolate Mousse($

周六與好友到香工逛街shopping後，正準備離開轉場探望姪囝，就在街尾看到了一間叫Deluxe Bakery的西餅店。餅店似是開張的，走近一看，發現雪櫃內的蛋糕非常精緻，而且選擇很多，每一樣都非常吸引，最後決定買點給姪囝試試。店內除了西餅外，還有各式各樣的麵包選擇，全都是獨立包裝，感覺乾淨衛生，而麵包的款式非常多，當中較特別的要數合桃桂圓包。不愛吃麵包的，可以選擇曲奇餅，我還即場試了6 mixed罐裝曲奇，當中最美味的要數朱古力腰果曲奇，曲奇酥脆可口，帶有濃濃的朱古力及牛油香味，配上腰果片，令口感層次提升。另外，芝麻曲奇的味道同樣不錯，芝麻味道更濃郁，口感豐富，吃後整個口腔都有著芝麻香味。另外，我還帶了4款蛋糕與姪囝一同分享，包括藍莓乳酪蛋糕、熱情果朱古力慕士、蘋果紅桑子及朱古力木槺蛋糕。藍莓乳酪蛋糕這款藍莓蛋糕味道真的非常好，蛋糕口感軟滑輕盈，入口冰冰涼涼，帶有一股清新的藍莓果香，以及與濃郁的奶油乳酪香氣，最重要是甜度適中，吃後不會有膩滯感覺出現。 蘋果紅桑子蛋糕本身的甜度只是一般，入口帶點偏酸，紅桑子味突出，而蛋糕的甜度全都是來自上層新鮮的果肉及朱古力片，所以不要分開吃或一層層吃

今天同事請食下午茶，買左d cake,我其實麻麻地甜品，唯有㨂件至低調的竹炭蛋糕，食落有d驚喜，蛋糕軟綿綿，頗有空氣，中間忌廉好滑好香，最重要不太甜（這方面好似有點矛盾，現在食甜品要食不太甜品的）

行過路過見到櫥窗蛋糕幾好，之後入去買咗兩件粉紅色嘅cake再加一個Tiramisu點知超難食。又硬又怪味 未食過咁咁差嘅Tiramisu 三件都差仲要28$件 食東x堂無咁嬲 店員態度有待改善

放lunch經過嘅時候總係好想買黎試,點知有日同事竟然自己買左請我食!仲要係我最愛嘅伯爵茶蛋糕!!!呢間餅店嘅蛋糕外型設計都有花過心思,雖然我唔知道伯爵茶同上面o個D設計有甚麼關係=0=anywayz,蛋糕身係有伯爵茶味,不過唔夠濃郁,而且中間mousse部分都唔知係甚麼味道,其實都唔太知道自己在吃甚麼...有D可惜不過朱古力mousse呢件就唔錯啦,朱古力好濃郁,每一口都有可可味,仲有少少朱古力澀味,令蛋糕唔會太甜,我最欣賞佢用上脆脆餅底同夾層,口感提升左唔少~~雖然係咁,但我覺得性價比偏低,所以應該唔會再買

前幾日公司同事last day 派散水餅,  買左Deluxe 西餅請大家食,  我食左件粟子mousse  cake, mousse整得幾幼滑, 餅底都焗得好香, 栗子味道一般般啦, 唔算香濃, 整體算唔錯

近年唔知點解咁興紫薯, 咩都話出紫薯味,  我幾鍾意佢似蕃薯得黎又好似重香甜d。之前都未見有曲奇出紫薯味, 直到最近試左Deluxe Bakery 紫薯紅豆曲奇, 紫薯同紅豆味道真係好夾, 佢地嘅曲奇亦都好鬆化, 值得再買!

之前一直都有留意同幫襯Deluxe Bakery，原來DeluxeBakery最近搬鋪了，二話不說即刻再幫襯，睇下佢搬鋪之後仲有無保持水準先～鋪頭實在太多種類ge甜品, 包括有西餅、曲奇、蛋白餅等等,今次最吸引我ge反而係藍莓乳酪蛋糕, 主要原因當然我係藍莓fans,希望可以試多d藍莓ge甜品～藍莓乳酪蛋糕配搭比一般連鎖店較出色，一般連鎖店只有藍莓再加CheeseCake，但呢度ge藍莓乳酪蛋糕唔單止有藍莓, 仲配上藍莓果醬,仲有原粒藍莓同士多啤梨，配搭新奇，而且蛋糕唔會太實。不過食起上黎會有D甜，始終有乳酪味、藍莓果醬、又有藍莓，建議藍莓果醬可以少D,食起上黎就唔會太甜同太滯～

今日放假，難得訓晏d，起身落街周圍hea，諗住買d野食番去食完再訓過，比我見到尼間野岩岩搬左舖，新開張，我一直都好中意佢白色既設計好乾淨感覺，但天時地理人和關系，之前未試過尼間野。。「如何承受這好奇！」我既好奇心發作入去睇下，見d曲奇好似幾靚，我又鬼咁肚餓，於是就買左2包翻屋企試！一咬，無誇張，真係33層好鬆化，又吾會覺得佢好牛油，我中意，有d人可能嫌佢淡，但我自己覺得個百雀茶味好清香，我媽都整左兩塊，仲買左幾個包送我d香濃咖啡，會令我想翻轉頭既舖，值得一試！