EC Kitchen (已結業)

今日入左元朗行經一間海膽做主題餐廳，最愛海膽既我，點可能會放過呢，我就叫左個海膽薯條，佢系用粗身炸薯條再加上大量海膽肉醬芝士醬汁，拎起炸薯條蘸醬汁食，佢d半融芝士加埋海膽肉醬，好味到，又唔會蓋左海膽味，正

之前黎食過2次，因為朋友介紹話好多學生食一次食牛肉漢堡覺得唔錯，另一次食左個漢堡意粉漢堡肉非手打今次再黎食佢既漢堡包手打牛肉有牛味，係唔夠juicy，多左小小筋好厚豚肉較牛肉淡味跟餐薯條加8-10蚊(睇你要紙包定罐裝飲品)薯條即炸，熱辣辣，好有誠意，而且見到佢用d油唔係用到黑晒，所以炸得好金黃

報導誇大。。。。認真失望.....自認金舌頭的我真心覺得試完就算.....話明手打漢堡...點解肉質會咁"鞋"...咁乾....一般手打漢堡肉質彈牙~又多汁....點解做得咁差。。。。係個撈面可以比返小小分數....要多謝啲黑松露令個撈面返到身....真心覺得唔抵食

是日好姊妹入左來元朗,還野俾我,跟住我地兩個就出左去雞地,食呢間ec kitchen的手打漢堡,近期小左去幫襯,但d職員仲認得我,果然元朗區d小店,人情味是很濃的ec kitchen門口今次矛加錢做餐,散買飲品同小食雞肉手打漢堡:塊肉仍是厚厚的,但今次厚左好多,所以雞肉偏乾身左少少,明顯係驚咁厚,中間唔熟,所以煮耐左,令到肉積偏乾,但唔打緊,仍然咁好味牛肉手打漢堡:塊肉都係厚厚的,好姊妹話都係第一次食咁厚的漢堡,下次要帶佢老公來食wow墨魚餅小食拼盤:炸完一d都唔油油的,最後食左少少就打包左返屋企,因為兩個食完個漢堡都飽左8成手打漢堡仍是一個價錢,矛加過價,但料矛減,足料到爆

叫左2至3人餐， 有2個burger , 加2個小食， 2權野飲Burger 中間的牛肉無咩牛肉味， 薯條差， 淋淋地， 第一次薯條係會剩返另一吉列蝦餅一般， 但個雞粒飯更唔好食， 飯用豉油調味， 更唔掂係個發保膠碟， 唉.... 令人無咩胃口食晒之前因為東張西望同新假期推介過， 所以就去試下，點知中伏！

上星期食咗佢個招牌海膽芝士牛肉，第一啖都算ok,再食落去真係唔掂，d牛肉又乾又硬，得個樣好食，仲要96蚊一個，同區呢個價錢可以食好d,唔會有下次……………………

復活節假期同朋友到南生圍行完一個圈作為港島人 難得去到元朗 當然搵下有咩好食係google一seach 元朗 美食第一條link就出現EC KITCHEN既漢堡由於去到果陣未到食飯時間 所以冇人等位我叫左個黑松露西冷牛漢堡($58)入面有芝士、黑松露醬、西冷牛漢堡扒黑菘露醬幾多，漢堡扒都幾厚不過稍為有d乾，唔夠肉汁EC KITCHEN既漢堡有創意 但味道仲有改善空間希望下次去食會整得更好

潮流真係可以令到一間站起死回身。EC Kitchen係一間開左年幾兩年嘅小店，而當時都係賣一啲撈麵同漢堡，小弟一直都晤明點解這些漢堡會有如此多人追捧，之後我系一啲旅遊網站搵到其推介，咁我當然立即知道點解一啲咁普通嘅嘢會咁受歡迎。既然咁受歡迎，身為一個食家當然要試試啦於是就去左EC Kitchen。EC Kitchen分間兩間舖，一間係煮嘢，再隔幾間舖就係食嘢嘅地方，當然無咩設計可言。聽說這間的漢堡很受網站歡迎　評價也很高，咁就當然試試啦。肉很厚，但肉汁不夠多，評價位於中上。薯條　薯條係用m記個種薯條，但係即炸，所以較脆，但係MOS BURGER嘅薯條好食啲，而且也較有質感。套餐也包括了一包嘢飲，可樂等任選其一。最伏嘅係撈麵，幾種配料就hkd30，系屋企煮都得，完全唔洗技巧。

住得咁近，無理由唔落去試下個手打漢堡。今日叫咗個鵝肝牛肉芝士漢堡。漢堡成吋厚，鵝肝有半我手掌咁大！第一啖，發覺鵝肝＋牛肉哩個完美絕配真係正但再咬，咦？脆嘅？原來漢堡個底完全地燶晒！同時個飽不斷滴緊油，成手都係，食咗2/3都仲滴緊個芝士可以當無出現㗎喇餘下果兩啖真係食唔落啦咁嘅價錢，轉彎果間個手打漢堡好食好多，lunch唔洗哩個價已經有薯條連飲品，啲薯條仲好好食𠻹！結論：應該無下次

最近好多時候會到元朗覓食，尤其在晚上，只要就啱時間，下班後入去，然後出番來，同樣方便。今晚再次入去，是為一個漢堡包。EC Chicken 位於鳳攸南街，距離元朗西鐵站只有約十分鐘腳程。去到的時候，店舖比想像中還要細小的，室內只有三個座位和廚房，如果人多起來，就可坐在坐面座位。所有食物就寫在黑板上，一目了然，除了漢堡包外，原來還米飯和意粉供應，亦有其他小食，如雞翼等選擇不少呢！而漢堡包則有牛豬雞，主要是手打的，另有鵝肝等選擇，只要加三個大洋，就可多芝士，也可加十個大洋，就可轉成套餐。雞肉磨菇漢堡，加多一塊芝士在內，使食材豐富起來。吃起來實是熱騰騰的，就連芝士也變得半溶，三種食材加起來，口感豐富，雞肉還有肉汁在內，豐有菇菌和芝士味道。薯條嘛，卻選用幼身，口感當然沒有粗身咁好，而且還算是外脆內軟。不過份量還是幾多吧。不喝汽水，只喝新口味的提子味道的果汁汽水。一間小小餐廳，卻可以吃到熱辣辣的漢堡，實是滋味。

見小店EC Kitchen坐落元朗住宅區已有一般時間亦不時有街坊光顧，令小妹都要找機會一嘗最簡單能試出店鋪水準的芝士牛肉burger。快速下單後，為免吸入太多油煙氣味還是選擇外賣回家享用方為上計。在店外靜候時，見店鋪門面雖細，但menu上仍有不少食品選擇，包括各口味的薯條、意粉及飯，相信頗吸引愛試新鮮的年輕一輩們。不消3分鐘，一位鎮店媽媽有禮貌的拿出剛做好的burger給我。回家一看，心裡感動，因為外貌很吸引，牛肉漢堡之厚表達了製作不但講金也講心。但茄汁的紅色及轉出的味道都知是一般用料。第一口牛肉，真是覺得很有牛肉鮮味，而且很有口感，牛肉一粒粒的，不容懷疑，絕對是自家手打出品。但咬第二口，卻出現兩大問題：1. 見到有回牛肉粒很生，應該熱力傳遞得不平均，所以生的位置真是似牛肉他他！雖然小妹一向仲意食medium rare的牛扒，但此burger 的半生熟就不敢太苟同；2. 牛肉一粒粒狀的，與平日在市區食開的burger很不同也沒有太有問題，但品題出於牛肉漢堡的肉質應該是軟硬適中，容易咀嚼。但這一個burger的肉質是加入了很多筋位，實在難以咀嚼入口。抱歉的說，雖然我不是點全店中高價的食品

星期六放假起身已經接近中午，肚子已經湊起交響樂，但又不想吃飯類太飽肚。想起屋企附近有間吃burger 的，於是跟老公去試探一下。店鋪小小，門面不太搶眼，專做街坊生意。開放式廚房內老闆跟老闆娘正忙著，小店位置有限，只有數張bar椅，因太大油煙怕我們坐得不舒服，落完order後便著我們到隔壁的冷氣房等候。小店經營，食物都是即叫即做，雖然上菜時間要稍微等一下，但每款來到都是熱騰騰！我們選擇了$118的套餐，包括2個漢堡包，2款小食/意粉，再加2包紙包飲品自家制手打牛肉芝士漢堡一打開牛油紙已聞到好香，包也稍微烘了，帶點香脆，溶化了的芝士好大塊，而且還加了茄醬和酸瓜，增加味道，牛肉味很濃郁，而且很厚身很足本，唯獨是可能太厚要煎熟一點，而令到肉質好乾身不夠juicy. 美中不足！自家制手打紐西蘭羊肉漢堡(要補差價)因為我不吃羊，覺得很羶，反而老公覺得羊味普通，雖然羊肉漢寶的size跟牛肉一樣厚，不過比牛肉來得多汁。洋蔥圈炸漿不是太厚，每塊都包含洋蔥，很足料。蕃茄肉醬芝士薯角熱辣辣的蕃茄肉醬淋上芝士上面將其溶化已經好好味！ 加上剛炸好的薯角。惹味非常！推介！附近食店林立，這間用心做的小店，不乏誠意及

好想吃小店的芝士牛肉漢堡包，快快趣落街一嚐。芝士牛肉漢堡包最便宜，包來到，軟熟的包身，夾我再加了磨菇，手打漢堡扒的質感鬆軟，還帶點嚼口，肉味頗濃，配著半溶的芝士，幸好不是凍芝士，整體juicy感十足。

即叫即煎芝士牛肉漢堡，熱辣辣，加上包得好過連鎖burger shop，已經俾左滿分。牛肉的比例是有點太豐富，因為差不多都是牛肉的味道，真材實料，加上佢用美國牛肉，三七分，有肉香，再加酸甜的味道。不過本人嫌個包實在太乾，幸好有肉汁配搭，才能補救。30元的高質漢堡，分數高。另外再買走左一個普通熱狗，香脆炸得脆皮，加上醬汁，收貨。 

呢個飯一望已經知好頹, 實際亦都係, 啲漢堡扖, 火腿都係普通野, 同街市飯冇咩分別。漢堡後面有驚喜, 可以見到塊肉好厚, 而且食得出同M記果啲好唔同, 肉一粒粒, 但好實, 唔散, 好JUICY, 感覺似係新鮮肉整出黎。呢個肉醬薯條不得了, 好好味, 肉醬唔會太咸，似肉醬意粉果隻，又有蕃茄味，點薯條岩岩好，薯條亦好脆, 正!