Edenfa (已結業)

朋友推介嚟到尖沙咀嘅粵海酒店，橫掂又未食過半自助餐，一於試試。粵海酒店地方幾易搵，搭 Lift 上一樓就到 Edenfa。一入去就見到幾個 Section 嘅自助餐區，有蜆、青口兩款海鮮，都幾鮮味。有啲 Ham，沙津呀，湯就係南瓜湯，幾 Creamy！不過少少不足就係野食種類不算太多，refill 亦唔夠快。不過半自助餐嚟講都收貨啦。食完一輪主菜就嚟喇，食西餐點可以唔食牛呢？叫咗個紅酒燉澳洲和牛，其實佢係「面珠登」嚟嘅，所以比較嫩滑。廚師就介紹話要用 40度低溫煮 4-6個鐘，如果計埋事前醃製等時間，都要成兩日！所以食落去真係幾滑、煲得耐又夠唸。食海鮮食牛肉又豈能無酒～加上成班朋友都係嗜酒之人，一開就開夠一紅一白！酒店選用 Corner Stone，Merlot 入口細膩仲有 aftertaste，所以都係鍾意飲紅酒多啲！最尾出去食多round甜品，桂花糕清甜！原來有啤酒飲～

仲有一日先到星期五，我同honey都想揾個地方靜靜地拍下拖，食餐好既。同事介紹位於尖沙咀粵海酒店內既edenfa，話入面環境清幽，與世隔絕，係放工後靜靜地食飯既好地方，咁我地一放工就飛奔過去。入到去即刻有位，waiter 拎出部ipad比我地點菜，原來呢度係半自助餐既形式，每人有一款主菜，而沙律吧食物是任食的。睇完個menu，可惜今日rib eyes賣哂了，所以最後我揀左慢煮龍蝦，而honey就點左黑毛豬扒。點完後waiter就提醒我地烹調時間大概15分鐘，趁呢個空檔我地可以去試試佢個沙律吧。沙律吧雖然唔算大，但款式都算多，有兩款凍海鮮：沙白及東風螺，仲有其他必備的冷盤：smoke salmon 之類，仲有甜品。而另一邊就有沙律菜、湯、蒜蓉包、芝士餅乾等。我地每樣都拎左少少，最後重點推介蒜蓉包，真係好好味！上頭盤啦，龍蝦賣相精美，龍蝦拆肉上，配埋龍蝦頭。蝦肉彈牙，我想是因為慢煮關係吧，蝦肉亦非常juicy，啖啖肉。除此之外我更發現，原來蝦肉中更夾住紅色既膏！超級驚喜！因為本人超級中意食膏！每一啖除了有肉香更有啖啖膏香，my god! 好想食多隻呀！食完後有少少失落，honey忽然拎起個

最近，有朋友約食飯，選址尖沙咀寶勒巷粵海酒店 1樓的新餐廳 Edenfa，可是，Openrice 的資料卻未有任何食評，而且，餐廳供應多國菜，應該適合大家口味吧！  直至近日，見到 Openrice 的餐廳相片，看來質素不錯！令大家都好期待！ 其實，走到酒店 1樓，一出 lift 見到一間潮州酒樓，左手邊有間西餐廳，卻沒有店名及招牌！ 走到餐廳門口，先問一問接待的男侍應，是否 Edenfa？他回答是，我才報上名來 book 了多少位！原來餐廳仍是試業階段，剛剛開了兩星期有多！我們昨晚 7:00 入座，當時，只有好幾桌食客，加上餐廳佔地半層，大約 100 個座位，以酒店餐廳來說，地方不大！ 而另一半層則是一間潮州酒樓！  聽餐廳經理講，餐廳前身為 18 Restaurant，供應全自助餐；由於地方有限，現已轉型為 Edenfa，並供應半自助餐！  令大家都好驚喜！ 這裡的燈光較為昏暗，配合灰色牆身，頗有情調，  卻是影相的確有一定難度！ 半自助晚餐 6:30 ~ 10:00 供應晚餐主菜由 $198 ~ $668 不等 (設加一服務費)包括：歐陸三食 $198、西班牙黑毛

粵海酒店一樓間Edenfa係新開，之前都未試過，但有朋友話新開轉型不如上去試下就帶我上去食。一去到感覺裝修唔錯，左邊自助拎野食，右邊係座位，感覺幾寬敞，唔似平時果啲自助餐位排到好逼咁。聽朋友講Edenfa係食main set+半自助餐，main set我睇左餐牌，幾豐富，但我唔食牛，就叫左一碟法式烤焗加拿大白雪魚，因為聽個朋友講話呢到白雪魚又滑又嫩，唔似得銀雪魚咁肉質咁厚，於是就試下。試之前就出去睇下半自助餐有咩食先，都幾多選擇。環境幾靚，都幾多野食，又有海鮮任夾。青口好好食，淡淡海水鮮味，肉質徘徊煙韌與滑嫩之間，一食就食左十幾隻，果到啲ham都有幾種，肉味濃郁，仲有其他精緻既前菜，值得一食，main set未黎之前我已經食左兩大碟。食完兩碟前菜之後，終於到主菜la~主菜就係呢碟法式烤焗加拿大白雪魚，一切落去塊皮好似硬硬地，但肉就好易脆，唯有用叉兜落食，本來冇咩期望，但一食落去個口感啲肉真係勁滑，入口即溶，魚皮炸到脆卜卜，簡直係皮脆肉嫩！比起普通銀雪魚滑上幾倍，亦都鮮味幾倍，再加埋頂上面果啲粒粒番茄碎，連埋一齊食個清新得黎又有鮮味，食食下已經食哂成舊魚同埋所有配菜了。食完唔夠喉唯有再出

同朋友見到有半價半自助餐仲要係酒店，禁就當然博一博試大，點知都有驚喜去到因為半價禁就吾怕叫豪D...禁就叫左個M5澳洲牛！仲要三成熟！禁主菜黎之前就當然食下D前菜先，沙律吧都多蔬菜揀，我夾緊個陣個經理仲黎同我介紹，話佢地用嘅菜都係有機菜，所以可能無出面D菜禁靚，不過夠健康，另外仲有個檸檬美容汁，味道都幾開胃，可以一試！另外我都試左D小碟前菜，有D青瓜涷蝦吞拿魚他他，水準吾錯，值得一贊嘅係芝士同火腿，因為佢地無將價就貨，食材依然係幾好，初頭打算半價應該吾會有呢D食，點知都有。NICE!!!別外個湯都算可以，幾滑不過可以再濃dd就好。主菜黎到，M5牛扒三成熟！份量同平日單點有得揮！三成亦都岩岩好，入口雖未到即溶但油脂分布十分平均，如果平日要食到呢D牛扒都應該要去扒房食。值得一提係叫多左杯啤酒，是日推薦黎嘅，一大杯女仔應該夠飲，味濃泡沫幼滑，愛酒之人可以試試，我個人覺得好過1664甜品款式都OK，不過最中意個桂花糕，淡淡清香中和反牛扒嘅油膩，贊！

Weekend度度都多人, 男朋友亂搵之下, 搵到哩間新開既餐廳. 雖然都好多人, 但好在唔駛等位.餐廳係半buffet型式 有沙律 小食 芝士 好多選擇哩個歐陛3食好有驚喜! 個蝦有少少spicy, wake up my appetite. 而我就最鐘意個智利鵝肝. 好香. 而個帶子Risotto 都好好味. 傑得黎又唔會太溜.主菜點左慢煮3文魚. 好怕有D3文魚煮得太熟. 但哩個慢煮得黎又調較到個口感剛好.價錢同食物都好滿意. TST哩個地區算唔錯. 

最近工作實在太繁忙了也很少跟同事一起下班聽同事說粵海酒店新開了一間西式餐廳在試業期間還有優惠所以是日決定相約來到這間新開的半自助晚餐大家一起摸摸酒杯底談談心事享用一份精緻的晚餐整體來說 整間餐廳的氣氛不錯枱與枱之間距離合適三五知己適合情侶二人都不錯說是半自助晚餐所有頭盤沙律甜品都是自助的全部都製造精美味道都不錯蒜蓉包真的是大fit!濃濃的蒜蓉醬香味放入焗爐焗至香脆令人一吃再吃在點主菜前 都開了兩支酒一支白 一支紅其實Cyn 不太懂得酒的好壞但這兩支都很容易入口😊主菜就點了歐陸三重奏分別的智利鵝肝、西班牙香蒜鳳尾蝦和墨汁帶子意大利飯首先食的是智利鵝肝智利鵝肝較其他的油份較重所以都較香濃配上焗至香脆的小多士中和了所有的油膩感不錯的然後就是西班牙香蒜鳳尾蝦放入口中時是香蒜味有少許辣味配上爽口彈牙的蝦是新鮮來的鳳尾蝦😊最後就是墨汁帶子意大利飯在意大利飯上有一粒大大的帶子鮮味無比外層煎至金黃色內裡仍保留了帶子的鮮味配上用上濃濃的墨鮮汁整成的意大利飯令人不其然吃掉成份意大利飯整體來說是一餐不錯的晚飯食物不錯 酒不錯 服務也很好的在試業階段都不錯期待它正式開業

同幾個中學朋友好耐冇見，約左幾個月終於約到，其中一個朋友就話呢間餐廳裝修無耐，想試下，我不嬲唔係太中意試啲新餐廳，但佢講左一句有牛wo，我就即刻仆到去啦！book左檯一去到就入得，waiter同我哋講可以出去拎啲前菜先，原來前菜係任食，款式唔算好多，但質料就幾好，尤其係parma ham，油脂味幾重，好岩個人嘅口味，南瓜湯好“容“，亦都夠熱，唔錯唔錯，返返埋位就叫左期待已久嘅牛，澳洲m5肉眼扒，叫左3成熟，又唔係等左好耐就嚟到，厚度幾適中，牛之達人嘅我都好滿意，放落牛，肉味真係冇得嘆！食完個浸肉味仲喺口度浪下浪下，配埋薯蓉都夠飽啦！整體都好滿意，座位唔算拍得太埋，唔會話聽到其他檯傾計，下次再嚟食牛先！