影片
港铁铜锣湾站 F2 出口
继续阅读
营业时间
星期一至日
11:30 - 23:00
以上资料只供参考，请与餐厅确认详情
今晚約了朋友去看殺神七點三十五場，看完都接近十點。未食野又肚餓咁就上了希慎樓上看重有無野食下⋯⋯坐𨋢上到十二樓出𨋢轉右就見到間燈光好暗的Eight Grand餐廳，門口餐牌見到漢堡想都不用想就坐低了，依個時候得都正常無咩客人，得三枱到，店員説截單係十點半有無問題？心想食個漢堡都好快遮⋯⋯照點。叫了一個瑞士漢堡同費城漢堡餐我就加個是日啤酒飲下咁同朋友要了朱古力咖啡。整體漢堡餐好好味，服務又好喎～而且薯條用了黑松露加沙律醬好特別⋯⋯兩個漢堡都做得唔錯。
继续阅读
為漢堡而來係cwb行行下搵野食就比門口既小熊貓吸引左入去本來見到裏面無咩人都驚驚地唔好食😟入到去就同朋友分別叫左Cheese burger 同一個有菇既Share食Size 岩岩好 對女仔泥講芝士幾大塊肉就一般 沒好多汁 仲有佢個包幾特別 偏脆菇份量好足夠 好味 推介叫呢個薯條好食 雖然個樣幾似m記果d不過係加左黑松露咖 但黑松露既味道無好香 有少少失望但味道絕對不一樣 但覺得點佢比果個醬就好食個茄汁 仲叫佢比多一個我添哈哈
继续阅读
閨蜜剛從澳洲返來派手信， 約左去希慎廣場逛街同收手信行到攰， 當然又係食野坐低傾計， 我地周圍睇下有咩正野食， 被這裡的生肖zodiac mocktail所吸引， 所以就揀左這間我地被侍應生安排到一張還細過我地學生時代坐的枱和櫈， 轉身放袋都難， 唯有將d 手袋全部放地，環境很黑， 睇餐牌都有點困難，我地想等朋友派完手信先才點菜， 點知侍應生不停係我地面前兜兜轉， 搞到我地不好意思， 點了墨西哥雞肉薄餅、凱撒沙律、all-day breakfast,同埋兩杯生肖mocktail很快d餸就來， 不過碟、盛載容器很大，本來已經很細的枱， 根本就放不落， 我地是攞著碟來食野好不容易食完一碟， 終於有空位擺返隻我地隻食用碟在枱上， 諗住可以一邊食一邊傾， 點知侍應生不停係我地面前兜兜轉， 一見我地只剩少少就立即想收左隻碟， 隔離枱仲好笑， 佢地俾人收晒d碟， 跟著不久遞上賬單， 激到女食客吵著說：“我地幾時話走， 俾本menu我， 我要叫甜品”不久， 聽到其中一個侍應生說：“一見人食完就收佢地d餐具， 裡面無哂啦！”， 我地立即緊緊地捉實餐具不敢弄跌，否則要用手食講返食物，除左墨西哥雞肉薄餅好味外，其他都一般 薄餅薄脆， 雞肉嫰， 紅椰菜爽脆，沙律醬酸酸的很開胃最失望的是生肖zodiac mocktail, 非常一般， 顏色有氣飲料, 無特別賣相唉…我地快快食完都立即走， 感覺唔良好
继续阅读
今日年初二開年，約好一家人食飯！表妹唔想食中菜，事先上網搵咗呢間，打電話訂咗位，去到地方唔大，格局似酒吧多啲，黑木加金屬椅，行形格！中央大枱比我哋十人，店員會比埋膠箱放手袋，人未齊叫特飲同小食，最特別係一個跟生肖嘅特飲，每個人都叫一杯！不過出得好慢生肖特飲：Snake Head($67)飲落茶味強過桃味，好在味道夾埋夠清爽，微甜！幾好味！其他係家人飲，賣相都幾靚！Slayer 'Dragon'($65)Red'Rooster'($65)Jack 'Rabbit'($65)Scape 'Goat'($65)Watch 'Dog'($65)Three Little 'Pig'($65)OX Ford($65)松露薯條（$78）金屬籃，幼薯條太乾，不過松露醬好香滑，醬汁出色過薯條脆香風味魷魚（$78）魷魚圈香脆，點啲好似千島醬食，酸酸地開胃什錦四式玉米卷（$138）賣相靚，我食咗碎安格斯玉米卷，牛肉香濃，加啲芒果粒酸酸地開胃！皮卷起食好味！烏卒卒飛魚子海鮮意粉（$138）賣相靚，海鮮多，墨汁麵太軟，但太鹹，落得太多鹽！63C溫泉蛋卡邦尼意粉（$108）賣相靚，撈勻隻蛋，忌廉意粉好滑，加上火腿、蘑菇，好香好味！特選安格斯肉眼扒($248)賣相靚，牛扒唔厚，但煎得略老，唔係我叫嘅medium，薯仔皮薄嫩口！茶燻羊架配薯菜（$198）一碟三支，羊肉嫩口，半熟好味，加上上面淋咗啲水果粒嘅汁，幾清爽！不過啲羊外層燒到有好強嘅燶味，一般！露絲馬莉烤春雞（$158）春雞幾細隻，焗得嫩滑，香草味幾香，配埋鬆軟飯好味！安格斯牛肉焗廁紙筒通粉（$138）鐵平底鑊，牛肉加芝士舖面，長通粉彈牙！撈埋好香好味食物味道算唔錯，店員有禮有笑容，中間都換過一次碟，影大合照好nice，不過出菜幾慢，大家慢慢傾偈！環境幾好，服務幾好食得幾開心嘅一餐
继续阅读
星期六晚在希慎超多人，但呢間餐廳竟然唔洗等位，就試一試。墨魚汁意粉，啲汁好濃郁，有少少漿住口咁，好充實既感覺，味道不錯。Burger既漢堡都好juicy，加上好似shake shake薯條既味道，都唔錯啊！好彩冇中伏!!! 哈哈!!!
继续阅读