Epoch Bistro

营业中

休息中

今日搭車入新界，突然肚痛，緊急係hip man tin落車，搵廁所。搞掂咗，肚仔又開始餓，甘唯有搵食，見到呢間西餐，就去試下，叫左兩個午餐，餐廳佈滿學生，教人感覺年輕不少。牛扒、豬扒都幾好，價錢尚可，味道不俗。最正係薯條，好過老麥。

食物、環境和服務都滿意，lunch  set價錢好抵，主食加湯一百蚊有找，坐得好舒服，適合傾謁飲嘢，整體環境新凈光猛，有一塊化學原素表做裝飾，增加書券味！ lunch set食物選擇不算很多，菜式亦冇乜特別，食材和味道也冇乜特別，但overall賣相和味道都ok！lunch hour勝利道有很多學生，同其他餐廳比較，呢度唔算等好耐！ 門外有一排椅子，可以帶寵物，又多一個pet friendly 的cafe 好選擇！

何文田區都幾多寵物友善餐廳/café ，作為街坊既我地大部分都有幫襯過。呢間係新開的小店。已經睇住個鋪位轉過2次手。之前裝修時已經期待開間寵物友善的餐廳，結果真係如我哋所願🙋🏻所以佢一開張冇耐我哋就帶埋2個寶貝黎幫襯。由於店員友善🤣我忍唔住出手寫人生第一篇食評。好。入正題‼️餐廳設計好有美感，內部簡約，配藤椅感覺清爽。不得不讚美 一下窗口位連戶外座位的設計很聰明，十分適合帶寵物的食客。店員親切有禮，招呼亦好周到，令食客感受到人情味，唔似一般連鎖店咁機械式。店員主動提供盒仔俾我地隻貓貓，用餐後亦貼心斟水我地。另外，用餐當日適逢係中秋佳節🏮，店員仲贈送自家煮的湯丸俾食客一同應節，呢個真係意想不到，令人感覺窩心🩷幫我哋合照前仲細心抹好枱，服務好貼心🫰🏻食物方面我哋叫咗漢堡包同雞肉卷。晚巿+$38就可以配套餐，有餐湯/沙律，及餐飲。磨菇湯好濃郁，沙律個汁清爽開胃，2款主菜都好有水準，雞肉卷入邊的洋蔥好甜，外皮鬆脆；漢堡包個包超軟熟，牛肉質口感豐富，美中不足係漢堡包如果多汁啲就仲正‼️作為街坊，呢間餐廳我哋實會帶寶貝再幫襯👏

俾裝修呃左入黎。無下次。成餐飯最好味係杯齋啡。好老實我自己對食嘅要求真係無乜，絕對唔係嘴刁嘅人，但呢間野所有野都係無味嘅。個湯同個白汁係一樣味：其實係生粉汁黎嘅 — 似茶記白汁白湯。聲稱石斑嘅魚肉2塊煎左得面頭少少香草味，裡面嘅肉完全無味。所謂嘅「帶子 」其實係珍珠帶子3粒 — 都算，粒野非常之冧，完全無口感，仲要係完全無味。唯一正常嘅嘢食係齋啡，中規中矩正正常常。唯一正面嘅嘢係service。waitress都係真係有努力嘅。態度好嘅。

d員工好nice呀，都幾好傾，傾傾下先知而家仲係試業階段，呢間餐廳都幾靚同乾淨啱晒我哋呢班女仔打卡第一次寫食評，因為個牛油果奶昔真係要試，超好飲，上面有雪糕好襯～羊架 薯蓉都好好味，好夠味🥰下次會再嚟！

見新開落嚟試吓食lunch。12點冇人，餐點得四個選擇，最後叫咗兩個all day breakfast。餐湯係蘑菇粟米湯，完全冇味，算，放棄。All day breakfast竟然都做得咁失敗！兩件牛油果多士仔，一件得一毫子咁大嘅酱。個炒蛋勁濕，兩條腸叫正常，三文魚霉霉爛爛冇味，沙律菜同茄汁豆好彩都正常。餐飲凍咖啡，冇味，應該溝咗勁多水！最後叫埋單等咗10分鐘都搞唔掂，仲要黎問幾次我哋食咗啲乜嘢，最後唯有我哋自己計數抌低錢俾佢走人！二人埋單$202失敗☹️ 希望做落去會有改善

焗魚柳飯太濕，唔夠乾，落得水太多，焗爐猛火，飯一陣burn smell, 焗飯 應該用炒飯底，如用要白飯底，可以，不過飯不要落太多水, 飯是生，魚同飯都唔熟。應該要改進！ 辣雞飯就ok, 所以多人叫。番茄餐湯太酸　應該要加少少糖減低酸味。