euro go go

营业中

休息中

今日同朋友去咗食下午茶，喺朗豪坊行咗一陣之後就入咗euro-go-go!!! 今晚下午茶時段，超級多人！好多人都企喺度等位，我哋就好好彩，因為兩個人，就坐係高少少嘅高枱，呢啲位通常着短裙嘅女仔難啲坐 呢度係自助形式，先買嘢俾錢之後再埋位，就會有服務員拎野比你我哋叫咗creme brulee, 蜜糖雞翼，同埋芝士火腿牛角包 好似好豐富，其實兩個女仔一定食得晒 呢度嘅座位有少少唔方便，就係因為枱同枱之間隔得太近，大聲少少傾計，就會影響到隔離 所以傾心事就真係有少少難度，同埋比較嘈，因為多人等位，所以食完就趕住要起枱，嘆多一陣杯嘢飲都好似阻住人咁呢幾點就有少少唔好不過食物質素都唔錯，creme brulee真係整得好好，上面嗰層脆脆地，下面軟綿綿，正👍🏻 蜜糖雞翼超級推介，因為整得好好食，蜜糖滲到入雞翼裏邊，連肉都係甜嘅 仲係熱辣辣，好似啱啱BBQ完咁 朋友嘅牛角包就一般！可能唔係出名牛角包，所以食落比較硬身 整體來講，都係一個下午茶嘅好選擇！係環境有待改善

下午餐時段同朋友黎食euro go go，嗌咗必食嘅蜜糖雞翼，香辣雞翼同埋千島海鮮pizza。兩個雞翼餐配蜜桃茶同芒果茶。香辣雞翼+凍飲(下午茶餐)$50蜜糖雞翼+凍飲(下午茶餐)$50蜜糖雞翼超好食！勁多蜜糖！個皮有啲焦糖feel，入面仲有肉汁feel，食落一啲都唔會覺得佢焗得乾！😍100分！！香辣雞翼都好食，但我個人唔係太中意佢嘅辣汁味，類似係TABASCO個種，所以扣左少少分。每份雞翼有5隻，一個人做下午茶餐剛剛好👍🏻。 千島海鮮pizza味道都唔錯，但個pizza皮有d薄，個人中意食厚少少嘅pizza。最後！兩杯嘢飲都好飲！但兩者比較的話，芒果茶隻味會好飲d，有多啲芒果味，蜜桃個杯，蜜桃冇咁出。總括，蜜糖雞翼+芒果茶最正！

蜜糖雞翼必須食， 新鮮焗好， 醃得又好食， 入味嘅鹹雞翼陪埋蜜糖， 又甜又鹹perfect match。其實叫咗幾樣嘢食不過實在太肚餓一上枱就已經食曬 所以唔記得影相。雞翼蒜蓉包同埋凍桃茶 係我來euro gogo必點嘅嘢食。蒜蓉包香脆 可口， 食極唔厭， 芝士拉絲 勁好食。至於黑松露麥形粉， 睇起黎以為係risotto, 但其實只係飯粒型嘅意粉, 有少少煙韌口感， 但就冇咗飯香， 不過溝埋啲忌廉蘑菇汁煮， 都好香奶味同忌廉味， 係好食嘅。

行朗豪坊行到好攰，想坐低順便食個晚餐，我就入左euro go go，因為euro go go既蜜糖雞翼真係會令人食過返尋味啊朋友叫左個蒜香意粉，而我就叫左個卡邦尼意粉，當然要叫個蜜糖雞翼開心share啦～euro go go上菜速度算快，俾完錢10分鐘內已經上左碟雞翼。錫紙盆真係熱到爆，係岩岩係焗爐拎出黎架。淨係賣相都令人垂涎欲滴，雞翼上面淋滿蜜糖先拎去焗，焗出黎表面有光澤，帶啲焦糖色。一咬，熱辣辣唔在講，入面鎖住既雞翼汁出哂黎，皮面仲有少少脆。蜜糖+烤雞呢個配搭真係100分食食下雞翼，主食亦都到左啦～卡邦尼意粉睇落乾身，但料都唔少，火腿煙肉都有落足，而且面頭仲有芝士粉。可惜食落冇我想像中creamy，芝士可以再落多的。

至中學起一直好喜歡食euro gogo雖然係快餐形式但食物水準一向唔錯所以每次想慢食既時候都會揀佢旺角呢間雖然舖位細d位置又半高不低 (坐完長電梯仲要行兩層)但比起其他分店佢座位唔逼坐低比較舒服午餐最高興就係永恆不變既蒜蓉包加蜜桃茶重重既蒜蓉加上軟軟既法包拇指大動最近瘋狂迷上呢個干蕃茄海鮮麥形粉麥形粉食落同時具備意粉既口感, 但又似飯站細細啖易入口加上大量既蕃茄紅油, 非常惹味海鮮用心準備過, 同意粉汁好夾真係大力推介友人既菠菜汁龍脷柳寛條面就失色D首先, 無菠菜味, 其實就係白汁煮菠菜蓉其次, 龍脷柳太少又太咸最後, 面好淋好粉失望

上星期在旺角逛街後，就去了朗豪坊吃n年沒有食過的euro go go，想不到晚飯時間也不用等位呢。香辣雞翼 ($44)對這個有點失望，雞翼的醬汁既不夠辣，亦不夠惹味，感覺跟雞翼不太搭，有點兒浪費。香蒜蜆肉意粉 ($62)意粉好似煮得不夠透切，有點硬，可能是我喜歡意粉軟一點的緣故吧。蒜香可以再出一點，略嫌不夠香。整碟感覺有點單調。蜜桃班戟 (忘了價錢)整體感覺是不錯的，只是我怕肥的關係，覺得cream好像多了一點，還有蜜桃似是罐頭來的，不太有誠意。建議一定要加雪糕，因為這樣會給整個班戟加了幾分，一起吃下去的口感也更佳。

朗豪坊一到晚飯時間，人滿為患。這間euro go go 之前都食過，平平地，味道也不差。剛好有位置，就坐低食了個快速又不會太飽的晚餐。香蒜蜆肉意粉意粉煮得彈牙，香蒜汁都夠味道，很香口，但是汁有點少，令意粉有點干。蜆肉有沙，差點咬崩我隻牙😅😅，蜆肉的味道也不太新鮮，我驚攪肚，所以冇食晒。煙肉蘑菇焗薯蓉份量有點少，即叫即焗聞落幾香。食起上來就是薯蓉粉沖出來的味道，一般般，唔推薦。凍榛子泡沫奶茶榛子味都幾重，不會太甜，泡沫都幾香滑。凍荔枝茶有兩粒荔枝，沖的太甜，一般，唔推薦。

今日下午兩點到朗豪坊，原先係去4樓Food Court，但太多人等位，結果上左9樓既Euro Go Go, 下午茶時間係2點半開始，不過無人帶位，黎到係自己搵位的。等左差唔多十分鐘，終於有位可以坐低，餐牌可以係收銀處拎，簡完食物就可以去收銀處落單同俾錢，但要留意只收現金。下午茶餐都有分假日及非假日，假日既價錢自然貴少少啦，最後我簡左G套餐配熱奶茶，就係三式薯皮，包括有煙肉芝士、蒜香雞、吞拿魚口味，而我朋友則選擇C套餐配熱咖啡，就係吞拿魚及蒜香雞芝士蒜蓉包。下午茶餐始終比較輕食，所以我地都加多左$10 配鮮茄通意粉，味道OK。三式薯皮填相都唔錯，而且夠熱，好好食。吞拿魚及蒜香雞芝士蒜蓉包都夠脆，味道唔錯。

最鍾意就係食西餐 所以同女朋友有黎左食呢間 平平地 可能係平日 唔使等位 每次都會叫蜜糖雞翼 蜜糖味好重好正 啲肉好嫩滑可以一塊塊咬出嚟 雖然我覺得$44五隻雞翼有啲貴Haha 跟住叫咗個菠菜闊條麵 個待應提議我加$6加芝士 加左又真係幾好食 好夾 一句講曬 抵!

Euro gogo 在香港出現了多年，仍然企得好穩陣，究其原因，都是因為食物水準高，而且出品穩定，蜜糖雞翼加蜜桃茶是絕佳配搭，偏偏這次硬係要試新野，辣味雞翼固然不錯，只是蜜糖雞翼實在無得輸， Pizza可以叫半份，啱晒我哋呢啲又想食多幾樣又怕飽的人，抵讚！海鮮意粉都很好吃，海鮮固然是普通急凍海鮮貨色，但醬汁和意粉就煮得很好吃，還有2杯飲品，飽死了！雖然是快餐形式，沒有期望有什麼服務，但店員的服務態度真是一般，這點可以的話希望多多改良！

星期一都滿座～店員好細心問係咪兩位，一有空位就指引我地坐低叫左蜜糖雞翼，熱烘烘好惹味，甜蜜度剛剛好～食左卡邦尼意粉，份量亦好多！唔會一堆堆芝士粉，味道不錯，pizza 都食唔出油膩感，新鮮焗出好好味

平日放假做考順女，同媽子食完午餐去買餸，黎朗豪坊食就最方便 黎到eurogogo,必食薯皮拼盤 😋$84 (定82） 六舊 。 好少地方有薯皮食，佢仲會加茄汁同芝士，多重口感 😋難得平日午餐黎，點左個set, 有蒜容包/沙律，主食 (今次點香蒜蜆肉意粉），熱飲呢個意粉少少辣，開胃，同埋夠多蜆肉，正😋set 加九蚊可以加湯 or 雪糕咖啡 or pancake, 我地揀香蕉pancake. 鍾意食cream 嘅朋友必定要叫！超多cream. 同埋呢個都幾大舊，我一個人食完set 就食唔唒呢件，有媽子同我分😝平日黎唔太多人，都可以坐得幾舒服，服務員都好細心見我地食完主食問甜品上得未😍😍 (我唔記得左自己追加甜品😂)呢度鷄翼都必食，juicy 好滑👏👏👏44蚊五隻

LUNCH時間　去左EURO GOGO兩個人  叫左蜜糖雞翼, 薯皮3件 仲有肉醬意粉 野飲就叫左蜜桃茶 -蜜糖雞翼 成個錫紙盤都係蜜糖 第一啖食到好香蜜糖 雞翼配蜜糖真係好好食 -薯皮3件 因只可以叫同款 所以叫左蒜香雞 好香口 每件都配了少少沙律醬 好果可以3款都食到就好啦~ －肉醬意粉 其實就無咩特別　普通意粉 份量很夠　兩個人都食吾哂　∼ -蜜桃茶 蜜桃茶係每次都會叫黎飲 有蜜桃香味 仲有幾片蜜桃 好好飲 佢D蜜糖雞翼真係幾好食架 ~ 環境　：　地方位於朗豪坊 好方便 人少時係幾舒服　但人多就會較迫夾~ 

📍 #ri在九龍 #mongkok 🇭🇰 .▫️ 蕃茄芝士焗芝士海鮮闊條麵 ▫️$68番茄汁食得出用咗茄膏而且甜甜酸酸好開胃芝士焗得金黃色可以拉斯闊條麵煮熟得啱啱好不過唔會太林以海鮮份量都足夠不過係雪藏海鮮味道.▫️黑松露忌廉鮮菌意大利飯▫️$56黑松露香味比較淡 意大利粉係米型嘅可以包住所有忌廉汁 ☺️☺️▫️焗芝士煙肉蘑菇▫️$40見到佢出晒水 🌝🌝係蘑菇再放上芝士煙肉味道不是10分出眾好普通🤦🏼‍♀️

很久沒到這間餐廳吃飯，今次和朋友一起到朗豪坊吃飯，餐廳座位不多，到達時坐滿了人，但等了大約五分鐘便有位了。這次點了蘑菇粟米鮮茄汁意粉($44)、芝士吞拿魚意粉($54)、香辣雞翼($44)、煙肉芝士焗蘑菇($40)、荔枝茶($26)，和法國紅莓冰冰($28)。這裡意粉的份量抵讚，鮮茄汁味道酸酸甜甜，蘑菇和粟米鮮甜，口感爽脆。芝士吞拿魚意粉的吞拿魚十分足料，絕對不是只有廖廖幾條，醬汁有濃郁的芝士和吞拿魚味，但沒有油膩感，食到微焦拉絲的芝士更是滿足。本以為香辣雞翼就是辣味雞翼，原來是蘸了甜甜辣辣的醬汁，雞翼肉質亦很嫩滑。焗蘑菇味道不錯，帶有很香蒜味，加上芝士和煙肉的鹹香味，層次豐富，口感也很爽脆。荔枝茶有著荔枝的甜味，也有紅茶的甘甜，還有三大粒荔枝果肉，身為荔枝愛好者十分滿意。法國紅莓冰冰有驚喜，味道酸中帶甜，不會過酸，有少許汽但不會過於刺激，更會咬到一粒粒的紅莓果肉，值得一試。這裡不設加一，叫滿一整桌的食物，結帳也只是$236，十分抵食。