euro go go

营业中

休息中

今日同朋友去咗食下午茶，喺朗豪坊行咗一阵之后就入咗euro-go-go!!! 今晚下午茶时段，超级多人！好多人都企喺度等位，我哋就好好彩，因为两个人，就坐系高少少嘅高枱，呢啲位通常着短裙嘅女仔难啲坐 呢度系自助形式，先买嘢俾钱之后再埋位，就会有服务员拎野比你我哋叫咗creme brulee, 蜜糖鸡翼，同埋芝士火腿牛角包 好似好丰富，其实两个女仔一定食得晒 呢度嘅座位有少少唔方便，就系因为枱同枱之间隔得太近，大声少少倾计，就会影响到隔离 所以倾心事就真系有少少难度，同埋比较嘈，因为多人等位，所以食完就赶住要起枱，叹多一阵杯嘢饮都好似阻住人咁呢几点就有少少唔好不过食物质素都唔错，creme brulee真系整得好好，上面𠮶层脆脆地，下面软绵绵，正👍🏻 蜜糖鸡翼超级推介，因为整得好好食，蜜糖渗到入鸡翼里边，连肉都系甜嘅 仲系热辣辣，好似啱啱BBQ完咁 朋友嘅牛角包就一般！可能唔系出名牛角包，所以食落比较硬身 整体来讲，都系一个下午茶嘅好选择！系环境有待改善