euro go go

营业中

休息中

好耐無食過eurogogo,口痕就走入去食下，叫左個我最愛既白汁焗芝士吞拿魚意粉，等左5分鐘到，侍應就上菜啦，對上果次係4，5年前食，水準依然一樣，好多吞拿魚，面頭亦鋪滿芝士，白汁既汁都好夠同好香，值得再食多次，不過價錢都貴左好多，以前30幾蚊，而家已經環50幾了

今天下午我跟同事到了葵芳吃午餐,吃完午餐後...我約了男朋友到euro go go吃下午茶...其實已經是四點多的時間了，但是整間餐廳也是很多人。。我們也等了一會兒才找個位置下午茶的餐牌也相當吸引有很多不同的選擇但由於我也未算很餓。。所以我們決定了一個餐再加一客通粉分享來吃。。我們點了一客雞翼，在加了九蚊多一客通粉。。其實這個雞翼餐包飲品的，但我再加了8蚊來轉了一杯忌廉朱古力蜜糖雞翼真的是euro gogo的招牌菜因為蜜糖十分多，外皮金黃色，吸引極了而且雞翼即時即焗的，外皮十分香脆，雞翼十分juicy....真是大愛這番茄湯通粉是我男朋友的至愛因為湯十分重番茄味。。而且價錢也算合理。。所以他多數會在買套餐的時候再加錢多叫一客番茄湯通粉這杯忌廉朱古力是我第一次在這餐廳買的賣相其實是十分美麗，因為這個cream的賣相很美朱古力十分甜,而且cream也很多，所以整杯朱古力愈飲的時候會覺得愈來愈甜因為朱古力本身已甜，而且這個cream也十分甜而且較為杰身所以我覺得整杯朱古力就只有甜吧，朱古力味不太重是日下午茶吃了60元很化算

Lunch time 唔知食咩好，又唔食太肚餓，於是就同同事兩個人share 既野食。叫左個田螺焗薯蓉走芝士，先要讚一讚佢地既服務態度係好友善，即使我提出任何要求都面不改容☺️田螺其實細細粒無咩特別既味道，不過薯蓉應該因為落左牛油同埋本薯仔都清甜，所以味道好唔錯蜜糖雞翼超級好味，清香既蜜糖甜味，雞翼肉質幾嫩仲幾juicy!!!只係價錢有點貴蜆蒜意粉味道較為清淡，蜆都唔係好大粒而且份量少，仲有d有沙既為左唔浪費食物，我叫店員俾辣椒醬我撈黎食。佢地既飲品幾大杯，但味道一般～

芝士蝦汁闊條麵 $68麵本身比較硬，芝士味一般，唔算濃。煙肉芝士薯皮 $40呢樣唔錯，煙肉同芝士好夾，咸咸哋。法式薯蓉焗田螺 $38好一般，薯蓉唔係好夠soft. 蜜糖雞翼 $39咁多樣，呢樣最滿意，雞翼皮脆脆，蜜糖又夠多，好好食。Iced peach tea $22感覺有d甜。

今日同朋友係葵芳睇戲，原本約好話食個豐富晚餐先入場，點知朋友遲大到，又話好肚餓，唯有求其搵d嘢食住先，去咗戲院隔離間Euro go go, 好多人， 好彩好快比我地搵到兩個位，時間緊迫，唯有即刻叫嘢食。叫咗蜜糖雞翼，甜甜地，又唔乾身，都幾好食。煙肉芝士焗蘑菇，味道一般，不過不失。再叫咗半份夏威夷Pizza , 朋友係菠蘿怪，所以一定會叫，講真依度d Pizza, 我都係第一次食，又唔差喎，熱辣辣，好新鮮，個餅底又有少少厚度，口感幾好，最好就有半份叫，兩個人啱啱好。再叫咗一個卡邦尼意粉，好creamy, 不過我就覺得淡咗少少，味道濃返d就更加好。見時間差唔多，快快手飲埋杯都幾酸Lemonade ，幫助消化，就趕住入場睇戲。

父親節唔記得訂枱，行曬成個新都會，得呢間唔洗訂枱。兩個人叫左田園沙津、半份超級至尊pizza, 白汁海鮮意粉、煙肉磨菇薯蓉。田園沙津嘅菜都感覺新鮮，咬落清脆爽口。白汁海鮮意粉好多汁，好juicy, 尤魚啖啖肉，仲有少少魚柳，但蜆肉咸左少少。薯蓉都係用粉開，不過不失。

晚上去左新都會覓食。諗住食d快靚正嘅野，所以揀左Euro go go。一如以往，入面都係咁多人。叫左3樣野食。係幾好味，不過食完返到屋企好口渴，即刻要飲返幾杯水。香蒜蜆肉意粉 $55意粉質感不錯，不會煮到腍晒。仍保留到少許煙韌的口感。平時比較喜歡食較多汁嘅意粉，但呢個雖然炒得乾身，味道帶一點點辣，確是很香👍🏻蜆肉煮得夠嫩。可惜嘅係。。有幾粒蜆有沙😐超級pizza (全個) $84牛肉碎焗完後好香口，加上辣肉腸嘅鹹香，令到整個pizza嘅味道好濃郁。但由於有菠蘿，佢可以減低整個pizza嘅油膩感覺。餅底都夠薄，只是略嫌有一點點硬。蜜糖雞翼 $39👍🏻面層皮焗到微脆，內裡嘅肉又嫩。再加上整隻雞翼都俾蜜糖包住，真係好好味👍🏻

假日下午茶貴過平日少少(HKD 42+9+8) ，人又多多。三式薯皮，有吞拿魚/ 蒜香雞/ 煙肉芝士。食落其實件件味道差唔多，冇太大分別，可能係因為個底醬太多，蓋過應有味道。薯仔係平價食材，暫開一半變兩件，份量其實好少，唔抵食。加九蚊有通粉，但係個粉冇味道，連少少番茄都唔多覺。純粹填肚。再加八蚊有特色果茶。荔枝味，三粒果肉，尚可。下午茶係商場食，分兩個人食先叫做抵返。唔係咁叫就好貴。

不嬲都好鍾意食呢度嘅意粉，雞翼同飲品。咁多年黎味道都一樣。奶味香濃，溝埋鮮忌廉仲香，好好飲的一杯特飲。平時叫荔枝茶、蜜桃茶、檸檬汁都好正。本身係寛條麵，但我本身唔中意，所以轉左做較為幼身既意粉，略嫌太多茄汁，突出唔到芝士香味，海鮮方面，有蜆肉，魷魚都好爽口，OK!好中意個pizza既千島醬，酸酸甜甜好開胃，餅底係薄底，還可以，加啲菠蘿，魷魚，蜆都好match。不嬲黎親都會叫依個雞翼，大大隻，脆卜卜，少少甜。千祈唔好叫香辣雞翼，一pat醬，好酸，唔好食。真係好中意euro go go，送餐又快，服務以快餐質素黎講已十分好！

方便又好吃的西式快餐 怕食唔曬叫左半個超級，真係好好味，有啲碎肉係面，有幾片辣肉腸，幾嘢味，又有幾件菠蘿係面，係辣中帶點清新口味。煙肉芝士焗蘑菇好多芝士係面，蘑菇咬落去仲有好多蘑菇汁唔會乾身，同煙肉一齊食更香口。每次食都會叫的蜜糖雞翼好香既蜜糖味，超入味，每次都好似剛剛焗出來咁，超熱的，感覺好新鮮。之前都係飲開凍既，今次就試下熱架啦，俾想像中好，暖暖的蜜桃香 hot peach 好溫暖，甜度我接受到，可能有啲人會覺得甜，另外仲有桃既果肉食，又有得飲又有得吃

今日夜晚有嘢做冇得返屋企食飯 咁岩係葵芳就順便食埋嘢先 新都會底層既食肆已經唔係剩餘好多間見到euro gogo都諗起自己好耐冇食過就行左入去食啦嗰陣係05:20pm仲有下午茶亦都有其他餐牌可以睇我就嗌左個蘑菇肉醬意粉（$34）味道可以，可惜偏咸冇用碟上，只係用左錫紙兜上可能係為左保温但外觀上就冇咁好睇分量作為一個下午茶而言都足夠而餐飲方面我嗌左最中意既忌廉朱古力($+8)果然冇令我失望朱古力味濃上面既cream好多好厚實而且好味兩者加埋一齊係絕配如果散嗌一杯要24元跟餐只係加八元所以超值係可以一試既下午茶😍😍😍✨

去開葵芳行街，好想食euro go go 嘅蜜糖雞翼就決定作為今日既lunch啦~但係去到都已經滿哂，只好等下位啦~蜜糖雞翼面層搽滿蜜糖，雞翼又入味，每次去食都一定要叫卡邦尼意粉今次就真係麻麻啦，忌廉唔夠，食落口無咩味道。 超級pizza餡料好多，有黑椒牛肉、菠蘿、辣肉腸，批底夠脆又唔乾身。加埋杯荔枝茶，有荔枝果肉，好甜。下次都係唔再食卡邦尼意粉啦~要食其他先得啦~

和朋友最中意呢道食pizza ，雞翼，小食，荔枝茶，通通都係為食脆的至愛。夏日飲品~荔枝茶雞翼大大件，焗得黃金金，美味！半份pizza ，餡料多，芝士多，卡邦尼意粉，可惜醬汁有點淡了。

咁啱趕住入場睇戲, 附近最快靓正嘅選擇非佢莫屬, 最重要係啱啱搵到位菠菜汁龍利柳闊麵, 味道剛好, 個汁唔會太杰令到每條闊麵都有汁, 同時做到滑身唔會乾到起粒粒焗薯皮, 焗嘅時間足夠晒乾身同脆, 芝士配蕃茄個味比較大路, 不過都係好食芝士蒜蓉包, 蒜蓉味反而搶左芝士味,不過芝士做到少少拉絲嘅效果凍忌廉朱古力, 好吸引嘅賣相, D忌廉夠滑同挺身, 溝埋落D朱古力奶飲度唔太甜凍朱古力奶茶, 杯底加左朱古力簡單係神來之筆 !!

好耐冇食喇....今日專燈黎食架....好開心..唔洗等位...平時一定要等位架..芝士吞拿魚意粉 - 48蚊..幾時都冇失望呢個就算去邊間分店食..都係咁讚好....佢比左勁多芝士吞拿魚我...再撈埋一齊...啖啖都係芝士吞拿魚....意粉腍到超適中...份量又多...正之後再嗌左杯凍朱古力奶茶-26蚊呢個都係我每次都會嗌既其中一樣野..好鐘意佢最底放左既朱古力...之後面頭果d cream 不得了....就算再肥我都會食哂佢....