Fast Taste (金碧閣) (已結業)

之前經網上外賣平台認識到呢間餐廳，叫過外賣覺得幾好味。但係外賣就嫌有少少貴，都百幾蚊一個人，所以諗住試下堂食!叫左個魚堡，同埋叫左個檸檬汁。賣相黎講就相當唔錯，薯條略嫌淡左少少，魚堡就幾好味。但同事果件佢話有少少腥，我果件無事，或者我唔覺掛! 個野飲其實幾好飲，但係佢無冰，好快就暖左如果可以加番啲冰就好，特別係大熱天時嘛~~整體黎講都唔錯既，我覺得可以再黎。佢lunch黎講五十蚊左右，唔算貴，同區黎講略高咁啦，但絕對係接受範圍內

長長長沙灣！好少介紹長沙灣既野食，因為，長沙灣係我腦海中都好似冇乜特別好野食，所以平時都好少去果區食野，如果真係要介紹就介紹好包呢間正正漢堡包店比大家！呢間野唔算係大街大巷，係無啦啦係條小街上面有間西野咁，位於明愛醫院附近，鋪頭唔算好大，有四五張檯坐到 20 人左右 (好似係)——————————————————————#法式鮮蠔湯 $28個湯好濃好結超重蠔味，中意蠔既朋友必叫呀 #黑松露忌廉蘑菇湯 $28比起蠔湯我中意呢個多啲，個人口味問題，個忌廉湯係香啲正啲 🤓#燒烤雞翼 $30冇咩驚喜，似 M 記麥樂雞個 BBQ 汁灑上去 😂#珍寶帶子燒 $42帶子都係好西，味道黎講正正常常，鹹鹹地但就係冇燒果種香燒味#白汁忌廉汁煮大蜆 $45大蜆尚算鮮味但個汁鹹左少少#香蒜扒老虎蝦 $56都係燒帶子啲 friend 咁既味道，欠缺內容所講既香蒜味，並且燒得有小小過頭老左啲#墨汁意大利飯伴原隻虎蝦 $78飯可以煮生啲，個飯個味唔多夠濃，而虎蝦就係上面所講既味道 #橫行脆蟹堡 $72呢到最出色都係漢堡包吧，包之間夾住成大隻炸軟殼蟹，炸得鬆脆又唔厚粉，除左蟹之外仲有啲蝦仔，係幾正 😋#公司漢堡 $9

話說有一天我同家姐兩家人食完午餐都唔飽， 行經呢間burger shop， 竟然大家齊齊行入去補多個午餐😂😂😂多款牛肉burger ， 亦提供雞肉同魚柳burger。除左burger, 原來仲有pasta 、 salad 同 soup。叫左個魚柳漢堡， 魚柳炸得脆脆， 肉質尚算嫩，手掌般大， 最緊要係佢厚切， 都算係咁。 仲配埋薯條都係$5x加埋個迷你小食mozerella cheese stick 芝士條。 超邪惡。 仲奉送橙汁一柸

今日過開黎長沙灣買嘢，又去搵下啲抵食嘅嘢先。朋友介紹我食呢間漢堡話好抵食，質素唔錯就過嚟試下啦，門口有個午餐餐牌價錢又幾吸引喎~入去望下環境，全部係高身吧枱，都幾特別，不過小朋友黎就無咁方便~望下餐牌先，有午餐~主餐牌其實都唔貴~我哋叫咗兩份午餐 加兩個小食 深潛魚堡 - 賣相好得，配埋薯條都幾抵食，魚柳炸得好香脆，唔會有腥味~鮮蘆筍煙肉忌廉汁天使麵 - 味道正正常常，份量細咗少少，如果大份啲會比較好~ 芝士條 - 再炸耐啲裡面啲芝士溶啲先得~薯格 - 即炸，夠脆香芒橙汁 - 正常飲品兩款小食只係加8蚊又幾抵食嘅~份量如果多少少就更加好啦~

深水埗長沙灣以基層市民為主，港式茶記快餐店比較多，不過其實行入啲都會發現有好多美食！今日喺元州街就發現到呢間高質Burger店 FAST taste，其中招牌菜就係呢份「公司漢堡」…話明係「公司」材料當然唔會少啦！首先係最頂層嘅黑松露炒蛋，做得嫩滑絲柔，已經大大將口感提升，其次就係兩大塊超厚身嘅牛肉，其中一塊仲要係日本和牛嚟，生熟程度剛剛好，一口咬落去超Juicy多汁！芝士當然唔少得…仲要打孖上！加埋香脆嘅煙肉、新鮮蕃茄同火箭菜～真係好豐富！

極上和牛堡 $82食過既漢堡黎講，中size，份量唔多，無乜特別，唔會話一食落就覺得好味果種，牛肉上面有蛋，覺得有點奇怪，但味道正常。本身想食軟殻蟹果個，但被和牛兩隻字吸引左，不過唔覺有和牛味🤔而包既底層脆脆地好香口。墨魚汁鮮蝦意粉 $68幾好食既，份量都算多，但實在太油，食完成嘴都係油🌝😂原味/燒烤雞翼 $30炸得好香脆，燒烤味既純粹係加左燒烤醬汁，食落可有可無。脆炸軟殻蟹 $45好食既，但粉太多，伴碟既沙律幾好食，全因為芝麻醬🙂枱側面有掛勾可勾袋，幾貼心，服務態度都唔算。

長沙灣開左好多新餐廳、今次食漢堡包、試左個牛魔堡、牛肉味濃、多汁、五十幾蚊加橙汁$6蚊、比起海港城某漢堡包店收你百幾蚊個飽好食得多！粗薯條即叫即炸、香趣好味、重有少少新鮮沙律菜伴麻汁、中和油膩感覺、抵讚👍🏻芝士條、都係即叫即炸！$30有4條、剛剛炸起咬開、拉絲效果超強、啫係有勁多芝士！有濃濃既芝士味！芝士迷既我、勁like!比較差少少既係炸魷魚鬚、粉太厚、味太淡、粉厚拎魷魚鬚比較油膩、食兩件已經覺得好滯。

今日天陰陰想落雨 ，所以唔想出街 ，我哋諗起 可以用 網上外賣平台，所以就喺上面間餐廳啦。 我哋揀咗fast taste ，因為一直 都知道有呢間餐廳 ，都幾想試下嘅 ，而且又唔貴。咁我哋就係menu上面揀咗個二人餐啦 ， 個餐都幾多嘢食 ，有牛堡， 兩客蘑菇， 湯 ，雞翼 同埋沙律， 從另外加咗一嚇暑格。 其實就咁睇好似好少嘢食 ，但係食落， 又真係食唔曬。首先佢個蘑菇湯係幾好飲嘅 ，入面有好多蘑菇粒粒同埋黑松露，好香，啲cream都打得好細滑， 而且好大碗，所以飲完碗湯都好飽。至於burger， 因為送到嚟都凍咗少少 ，個汁真係幾好味嘅， 塊漢堡扒呢就乾咗少少 同凍咗少少， 可能係外賣嘅關係。 carbonara 個汁 冇乜味， 靠啲煙肉嚟調吊味，意大利粉就都有彈性嘅； 薯格呢就好好味 ，又香口， 泥度都仲係好熱； 雞翼呢就比較淡味， 但炸得幾脆嘅， 埋單兩個人都係二百蚊， 因為網上外賣平台有折扣， 都ok嘅。

其實要食burger不一定要去burgerroom或者BLT呀~荔枝角都一樣可以食好西！ Fast Taste主打burger，另外亦有意粉和其他小食，以小店來說選擇不算少。當晚星期六八時左右，店鋪不大，約六至八張高腳枱，只坐了三枱客（相對一街之間的大中華，這邊卻是靜很多呢） 兩個人點了一枱美食，看似份量很少，但其實很足料呢！薯格（HK$25）：剛炸起，十分脆口，而且份量也十分大！抵食！燒烤雞亦（HK$）：不太特別，不試也可酥香魷魚鬚（HK$35）：也是即叫即炸，魷魚亦不會太大件難入口，不錯經典牛魔堡（HK$55）：很驚喜的Burger！醬汁做得很不錯，牛雖然不是什麼靚和牛，但肉汁多又夠厚，這個價錢已經加曬分卡邦尼意粉（HK$45）：半失敗之作，意粉煮得太碎，用叉都捲不起，味道亦不夠濃厚 除了意粉之外每碟都有隨送麻醬沙律菜，食完一堆煎炸野，食一點菜可以安撫心靈LOL 重點埋單只是HK$200，如果去其他地方食恐怕只能食到Burger加薯格而已.... ----------Fast Taste地址：長沙灣元州街482-492號金碧閣地下4號鋪電話：91233262營業時間：星期一至日

近年長沙灣區有不少新樓落成，亦吸引不少食肆於區內發展。百忙之中的星期天，跟朋友到處再認識舊區，發現都變更了不少。即使生於斯長於斯，亦令我慨嘆發展使區內失去了老味道。跟朋友逛著逛著，就到昌華街附近，近年亦有大少小店在這附近選址，所以不難看到新餐廳食肆。當好有burger店，即與朋友一起嘗試一下。小店位於近街尾的角落位置，透明玻璃作外牆，營做更大空間感，晚上與朋友閒聊，看一下街景，寧靜，舒適。入口用躺門，增加室內空間。店內位置不多，處一般burger小店相約，有10至13個位置。在小店中，食物款式相對下較多元化，漢堡，飯，意粉，沙律小食，一應俱全，唯獨缺少了酒精飲品點了一份經典牛魔堡，深潛魚堡，薯條，煙三文魚沙律，黑菘露帶子意大利飯。閒聊間食物都漸漸漸送上，只是短短十五分鐘。煙三文魚沙律配上芝麻汁，沙律入口微酸香甜，十分開胃。再配上煙三文魚，三文魚的咸香味與沙律菜互相中和，味道溫和。不過不失的前菜。牛堡份量十足，牛肉扒十分多汁!可惜比較鬆散，口感一般，而且配料亦略嫌失色，整體味道配合起來未算突出。魚堡中的魚扒十分厚身!香炸魚扒外皮脆，魚肉有點乾，但整體味道比較配合，較清新平淡。意大利飯味道

［CP值超高嘅burger小店］年初6，好多餐廳都未開。見到呢間坐位唔多嘅小小burger鋪竟然坐滿晒人，見成9點幾就快快入去開餐！食得burger一定要食啲basic野！牛！classic burger $55!$55有咁嘅質素真係算唔錯！咬落去仲有肉汁！雞翼bbq味 $30 普普通通啦！有兩隻入面未熟晒！煙三文魚salad 食番啲菜鄧番暈食burger嘅罪惡感😂正正常常啦！薯條 $25 可以唔洗食，因為唔係特別出色食完左唔夠喉再戰burger!試個貴少少嘅$82極上和牛堡呢個真心出色之作！佢入面夾住嘅黑松露炒蛋係好香好滑，再夾個熱辣辣極上和牛超野美！最後，當唔少得個甜品！加$18就有嘅心太軟，甜品鋪一定做唔到呢個價，抱住冇咩期望反而好大驚喜！香濃朱古力真係流心流到擋唔住！食到人地山鋪！呢餐為初6寫上完美句號！訓醒又要番工喇！

#芝士薯條🍟 (HKD25+$7)✔️👅：6.5/10✏除了之前介紹的平、靚、正Burger之外 還有這個芝士薯條🧀 價錢合理的餐廳 不過芝士控會希望芝士份量可以多點啦😈 最好食吃完薯條還有芝士剩 便可以..👅😏

醫院附近近幾個月開左間西式burger店，見咁近我番工地方，哩日放工一於約埋班姐妹去試下先！香蒜扒老虎蝦…一上枱就聞到好香蒜蓉味！老虎蝦size唔算好大，蝦肉大約有手掌心咁長，虎蝦味道都幾濃郁，加埋蒜蓉一齊燒都幾香口嫁。法式鮮蠔湯… 哩個湯真係估佢唔到，蠔味十足！好似食緊隻熱辣辣既蠔落肚咁。😎公司漢堡…公司漢堡點會好似公司三文治咁簡單！先係厚身double和牛漢堡扒已經夠吸引！再加埋double cheese、炒蛋同埋蔬菜，真係double happiness呀！😋橫行脆蟹堡…見唔見隻蟹向你招手🙋 軟殼蟹炸得夠脆又夠份量😎 仲有上下左右既芝士、生菜、蕃茄片同混入蟹子既千島醬 加埋軟熟既芝麻包 整體唔錯嫁！墨汁意大利飯伴原隻虎蝦…虎蝦同小食虎蝦同樣大細，而墨汁份量岩岩可以沾滿每粒米飯而又唔會過濕，飯粒幾有咬口，飯中仲混入墨魚圈，算係幾有誠意。

早幾日係依間少少隱世既burger店發現到好西啊 佢既burger勁吸引 同埋海鮮都好新鮮 重要係岩晒芝士控 依度乜都可以變成芝士料理 仲好yumyum添公司漢堡🍔 $98依個多層漢堡好吸睛 入面料好多 雙層牛肉吾惹小 係一層牛肉加一層和牛 一次食兩種滋味 雖然索價98元正但真係估佢吾到地重料足料 兩塊都係厚厚既牛肉帶juicy香口 真係太誘人 而我同👦都好愛佢既醬 係蜜糖芥末醬 甜甜地 更中和左油膩感 而入面第2愛既就係最頂層既黑松露蛋 係點綴左成個burger 香味又更高一個層次 加上蛋仲好嫩 但比例可以再多啲 超值價錢!! 兩人share都好夠焗芝士波士頓龍蝦一隻🐲 $148大大隻龍蝦 可選香蒜或芝士 我就揀左芝士 一芝芝到尾嘛 真係爽 食個龍蝦 肉厚彈牙 仲好真材實料 一拉完條肉出泥啖啖肉 仲見到殼入面有啲龍蝦汁係度 可見得佢焗得剛好 吾會焗到乾晒 佢龍蝦鉗都好易拆 一次過食甘多龍蝦肉真係令人滿足😳薯格 $25+$12芝士肉醬被芝士肉醬吸引住 但食完以上兩樣野已經食吾落 係勁大碟 建議多人分享 但肉醬真心惹味

男朋友屋企附近好多野食，依間burger店我地都講話想試好耐。今日兩半經過，見冇乜人、就入去一試。我地點左一個經典牛堡($55)+一個蝦蟹堡($72)，另外各自加$8要左半份洋蔥圈同兩隻bbq雞翼，再加$6要左橙汁。洋蔥圈炸到脆卜卜好香口，洋蔥肉都幾厚，幾juicy。雞翼就鹹左d。到食主菜，burger~ 個牛堡好好味! 包烘到好脆，牛肉比想像中厚。咬開牛肉入面仲係嫩粉紅，煎得啱啱好，讚!相反，個蝦蟹煲有d失望，粉漿多過肉，蝦又有一朕雪味... 睇黎漢堡店都係嗌牛最穩陣...食到三點，發現可以優惠價$18點一款甜品，於是點左個心太軟。$18一個心太軟真係唔要求得太多、但整體都幾滿意- 皮係脆既，朱古力流心好濃，撈埋蛋糕食一流。略嫌個心唔夠熱，可能焗得唔夠耐，但咁抵食就原諒你