Figaro

营业中

休息中

今日我同朋友在德福廣場睇完電影之後，就去Figaro餐廳食晚餐，我地叫的每道菜式都好好味。最值得推介有:鮮焗廣島蠔配羅勒汁，蠔好新鮮，夠嫰口，配搭羅勒汁更加美味。還有日式炸鷄配明太子醬，炸鷄好食， 雞肉相當嫩滑。還有其他的食物有，海鮮拉麵，焗豬扒飯，甜品都有水準，我地個個都食得開心。有時間我地一定再來幫襯。呢間餐廳選材嚴謹，每道菜都用心烹煮，還有班優秀服務態度好的員工。餐廳老闆都經常同顧客傾偈，還問及食物的意見等，真心值得比個Like。

今天....我同爸媽到這間餐廳食午餐，Order左:紅蝦拉麵，湯底清甜，吾錯吖。豬扒飯好夠味，肉質嫰滑。芥末蜜糖鷄大肶，醬汁好正。仲有杯Fruit Soda,甜度，梳打味岩岩好，吾會衹係飲糖水或梳打水的味道值得一提這間餐廳坐得好舒服喎....岩曬三五知已傾下偈。大家來享受一下啦....大家知吾知Figaro餐廳，在前幾日母親節舉辦感恩母親棟篤唱聚餐活動，有抽獎，豐富茶餐，還有特別嘉賓表現，當日所有來賓都好開心，好投入。場面氣氛相當興奮。大家可以在社交平台找尋Figaro餐廳，便睇到當日的影片和相片啦。正所謂有圖有真相，影片係冇得呃。有時間大家不妨去試下啦。

位於九龍灣德福戲院內的法日式西餐廳, 裝修舒適大方, 同朋友一起吃飯絕不失體面。價錢合理, 由食材到擺盤一点也不馬虎。先生是香港人, 廚房是日本藉的太太做主廚。已經光顧這店数次, 睇過佢哋在中環時的食評非常之高, 但搬到九龍灣看到有幾编橫蠻無理的食評, 決定出來替這間咁高質素的餐廳抱不評！ 可能九龍的食客良秀不齊, 總會有些水準較低的食客亂評一通！ 每次來也會叫好出名的烤日本大雞腿配蜜汁芥末醬$128, 外層好香脆, 而且小甜好惹味, 裡面雞肉非常嫩滑, 味道好好食！老闆話入去餐廳一定要食雞！ 千祈未走雞！！

《如何以劣食與趕客服務破壞一個周末晚上》“How to destroy a weekend night with terrible food and services” (For the Chef who is a foreigner)兩公婆帶住BB搵地方食晚飯，見有新餐廳就試下。餐廳主打日法fusion，總之唔係正路嘅餐牌，揀咗幾正路嘅「慢煮廣島蠔蘑菇法國牛油意粉」，另外一個signature嘅黑松露胡椒烤大雞腿。個意粉嚟到，中伏，冇蠔味、蘑菇味或者牛油味，只有重黑椒味，唔係擺少少响面嗰隻，係撈埋一齊煮嗰隻。問題係我老婆唔食辣。咁啱有個外國人似係廚師行過，我哋同佢講好辣(當然係英文)，佢類似講會煮過，行咗返廚房。十零分鐘後，戲玉嚟喇，有個自稱負責人走過嚟，聲稱話嚟解決問題，堅持話法國菜一定有黑椒、有黑椒會好食啲、你落單又冇話唔食辣、出嚟食飯唔好勞氣、不如我送甜品俾你。。。究竟解決咗咩問題呢？事實係煮過碟牛油意粉我都收貨，而佢堅持佢哋冇錯。我都未投訴佢落錯單隻雞髀叫黑松露佢落咗蒜蓉胡椒醬油俾我，當然隻雞髀亦係一隻冇烤過嘅感覺價值$128嘅普通雞髀。I am sorry, everyth

一家人睇完戲幫襯點知中晒伏餐牌複雜不清晰價錢貴之餘仲要難食意份好硬所謂的漢堡同肉餠無分別拉麵又油，仲要搭條芥蘭真係唔知想點(fusion菜?)包又油又難食檸茶好苦食完唔知食咗啲咩

一入餐廳有昆蟲飛來飛去 枱是痴立立的2大2小晚餐 小朋友想飲湯 叫了一個soup of the day比佢飲，湯到了小朋友飲咗幾啖說好苦，我試下發覺真系苦 好似有酒味，問侍應這是什麼湯？他說不知道因為第一個返工。然後沒多久一位兇神惡殺的廚師（應該係老闆吧）出來答湯加了白酒。我問點解落單唔講明而且餐牌無寫，小朋友飲咗不是太好吧！！他很不厭煩說不會每樣材料都寫在餐牌上，然後話我無問清楚比小朋友食系我問題！！！除咗無語 真系無語。 其實只要簡單一句 唔好意思 落單無講明 令小朋友飲咗 下次會注意連最最最基本都做唔到 真系無語。。。無食過其他食物我不批評 但幾好食 幾低食也不會再幫襯

每樣食物也看出花了心思去烹煮及調味😋九龍灣區少有及難得用心的fusion菜👍🏻會再黎試埋未試嘅食物😌 希望多些人發現到這處🍽️始終小店經營不易，同區中好味用心嘅更唔多

舊店位於中環斜巷，現在搬到九龍灣MCL 內，由一對港日夫婦經營，主打日法fusion，食品由日本太太主理。法式焗洋蔥湯很有驚喜，內有乾坤，居然有一條日本腸！有別於平常見到的酥皮湯，他們用上竹炭法包加拉絲芝士，口感和味道都讓人有新體驗。第二次幫襯，是晚有的是時間，table for 4，點選了他們的5-course set dinner，$298 的打卡八五折special price，絕對是性價比高。見舊店OpenRice 都是好評，但九龍灣店卻幾篇都是劣評，都覺得幾奇怪。烤日本大雞腿做得香、嫩、滑，有不同既sauce 選擇，熱騰騰鍋上，配菜和擺盤都絕對能登大雅之堂。平日有自煮的我，覺得材料樣子似是九州薩摩老鷄腿，但肉質口感卻大有不同，下次幫襯會試下問問有沒有估錯。上一次幫襯趕入場睇slam dunk，都是揀選了日本大雞腿，選配清新檸檬拉麵，味道簡直是我杯茶。同枱點了烤西班牙黑毛豬架，同樣肉質好而嫩滑，但個人略嫌味道咸了點。每道菜的都有心思擺盤，材料組合和洋風crossover沙律新鮮兼特別，很不錯。甜品cream buree做得不過不失，但賣相滿分！外藉鬼佬waiter 伯伯好nic

食物質數一般，熱檸檬茶唔夠熱，咖啡冇拉花🙄。二時半入場，四時十分趕人走（當時還有木，訂位時又無講明。）價錢貴，但質素唔值。早前在社交平台見有位blogger做冬去呢間猛話樣樣都好，其實一D都唔好！

媽媽咁岩同朋友出開黎九龍灣我見佢地係附近就諗住請佢地食晏我自己放飯先行過去12:44落單然後12:54分幫另一個黎緊嘅朋友落埋單時間去到13:30旁邊幾個人都食晒飲晒野我個餐連餐包都冇到過由落單到13:30足足45分鐘先餐包都比唔到一個 最後直接將我個餐cut order算了 最後果日要食飯團做午餐

之前間茶米執咗，今日同同事過嚟食晏，就試吓呢間新店，睇過有食評話佢menu複雜，都企喺出面研究咗陣先入去。點咗：M3烤豬排骨+熱檸檬錫蘭茶 M4和牛豬肉配扁意粉+凍薄荷 葉錫蘭茶豬排骨一上枱好似正常，隔咗陣就聞到燶味，即刻反轉就見到另一邊黑晒，唯有片走啲燶位先食，所以已經冇咩肉食到😑杯檸茶就一般同事嘅扁意粉竟然食到苦味🙄本來飲嗰杯凍薄荷錫蘭茶嘅苦味都被蓋過😅另外都想提嘅係呢度係自助點餐，要杯水都係自取嘅，但係需要收加一服務費，咁其實佢提供咗幾多服務呢？🤔同埋喺午餐時段我哋都差不多等成半個鐘先上到餐，普通上班族未必等得起囉！整體嚟講，佢嘅改善空間都相當大！

2022.12.08 lunch呢一日，唔知食咩，諗起呢間新嘢，其實之前兩日過嚟睇過，餐牌唔吸引，價錢亦唔算平，所以冇食到。 但今日諗，點都會試佢一次，即管坐低睇，點知都係冇咩好揀，其實上次冇入嚟都係有原因 🫢 餐牌好似有點複雜，啲餐嘅構造有點難明，加上唔知食咩好，都要啲時間去都揀。終於揀咗一個蘑菇黑松露海鮮湯拉麵配黑松露醬，一個和牛豬肉咖哩配日本溫泉蛋飯。 兩個都係餐，有包有飲品。 我哋揀咗熱錫蘭檸檬茶。包同飲品先到，同一個小盤仔，其實都唔係幾好，運送途中飲品打瀉了，好容易就整濕埋個包。。。本人就唔係幾鐘意喇🫢 兩種包都冇乜特別，黑炭個塊就硬咗少少，我個軟包就正常。拉麵到，賣想麻麻，有點怪怪，所謂嘅海鮮湯，冇乜鮮味之餘亦好油，整體味道我就真係覺得唔好食，女友就話可以接受🤪賣相唔錯，味道都唔錯，豬肉係肉碎嚟，飯係比較特別，係一啲好似用飯素撈過嘅飯，唔鐘意軟身黏住一舊嘅朋友，高應該唔係好啱。有一樣我倆都唔係好鐘意係將啲沙律放埋係飯到，仲要係咖哩飯⋯⋯好怕啲沙律汁同啲咖哩汁同飯撈埋咗😵‍💫 加上呢種碟，食完啲沙律菜，成個碟邊都係沙律汁，好污糟咁😵‍💫

睇完戲8點見到戲院隔離呢間餐廳有位唔駛等，就同朋友諗住入去試吓伏，但意外地一啲都唔伏仲搞到想Encore！—————一坐低仲研究緊menu果陣店員（之後發現好似係老闆）主動介紹咗幾款嘢食比我地，我地一行四個人睇完戲肚餓，就幾乎將佢介紹過嘅都叫哂咁濟～鵝肝蘿蔔生蠔拉麵*睇落有啲普通，食落又幾香，麵質彈牙。烤雞*特別推介烤雞，非常鮮嫩！食完正餐仲唔夠喉叫埋甜品員工有local有日本人有外國人，全部都非常好客。又好味又坐得舒服嘅一餐，有機會去九龍灣不妨一試！

估不到可以再次吃到"媽媽做飯"，原來不經不覺已經事隔8年。還記得初嘗這個味道是在上環店，那時已經是Reye招待我們。今次是我們8年後再一次去Figaro，因為他們已經搬到九龍灣😊，而依然是Reye親切地招待我們和細心為我們推薦！新店採光自然舒服我們點了Reye推薦必食的烤日本大雞腿配蜜糖芥末子汁，這道菜雞腿肉超級美味滑嫩，再配上Reye推薦的蜜糖子汁，簡直不得了可以說超水準真的吃多一衹還可以。而另外道健康餐則樣樣好吃，炸雞亦相當滑嫩，簡直可以說再外一定吃不到這麼嫩的雞(不論是烤/炸肉質一樣滑嫩可口)。是日甜品是抹茶卷蛋，抹菜味適中不太濃(適合我)我們已約定必會再Figaro(媽媽做飯)