Figos

营业中

休息中

開頭都幾有好感，又有機會入去愉景灣睇下我都冇印像有去過 可以去enjoy family time結果。。。。。等嘢食等咗非常之耐。。。催促完之後話‘Coming’ 都仲係等緊。。。佢嘅大蝦蘆筍意大利飯都幾好食，飯粒畀平時意大利飯再大粒啲 脹卜卜ෆ╹ .̮ ╹ෆ味道都唔錯 最後嗰個士多啤梨TIRAMISU甜品都ok其餘我冇嘢讚(@_@)(@_@)(@_@)真係等得非常之耐要求嘅medium rare牛扒， 食唔到 退咗一次再上一次都係好一般。。。 有個三文魚白飯配中菜得幾條菜仔咁多多，D飯好硬，我覺得ok但我屋企人話好👎 我18歲第一次出糧請老豆食生日飯就搞到咁(╥﹏╥)(╥﹏╥)

到餐廳時冇餐牌係門口，都冇侍應安排座位，等咗一陣就行咗入去，完全唔理我地，直到我地問店員，佢就話你隨便搵個位坐就得。但係又唔比餐牌我地！等咗好耐，終於叫到佢地比餐牌。叫落餐個陣佢係咁扮望我地唔到，終於見到之後，個店員講句「yes sir.」就算，繼續佢嘅出餐，冇諗住幫我地落餐更冇叫其他店員幫我地，最後嬲嬲地，直接走人算。唔知好冇食啦，但咁嘅服務幾抵幾好食都唔想食！

好耐冇去愉景灣啦，一直覺得愉景灣充滿異國風情😻，去愉景灣就可以當去咗個小旅行。而且愉景灣有好多露天餐廳，又對住海，喺嗰度食嘢都幾舒服😽 唔好以為愉景灣啲餐廳好貴，其實性價比都幾高，呢間Figos既set lunch $98加一！不過因為嗰日既set lunch menu我冇乜嘢啱食，所以最後都係散嗌😹🔸🍝Chicken & Mushroom Fettuccini $137雞肉份量足，個闊麵比較軟身，用番茄醬配羅勒葉煮真係好好味😻 好香甜🤤 💬題外話：友人同我科普😂 外國既意粉會硬身啲，不過香港既意粉就番香港人口味會煮得淋啲。🐔Chicken Quesadillas $124雞肉唔多，同埋個餅偏淋，不過啲醬料好好味😽🍓Strawberry Milkshake $50士多啤梨味唔重，奶味好出，整體都係好飲嘅🤩🍫Chocolate Lava Pudding $88本身因為友人生日，所以我想叫侍應寫字喺碟度，不過可惜佢哋嗰日冇呢個服務😿 心太軟配雲呢拿雪糕😻 一冷一暖咁好正😚 心太軟非常之流心，而且朱古力味濃😋

聖誕節🎄去愉景灣逛逛！當日周圍餐廳都好多人排隊等，見到呢間最快有位又近碼頭就即刻坐底。橄欖🫒蘑菇pizza🍕餅底香軟，唔係hea嘅pizza，平時好少食橄欖，估唔到又幾夾芝士，唔會咁油膩。Chicken quesadilla 雞肉略少同埋碎，同埋餅質地好淋，依個麻麻地我最鍾意就係ravioli啦係所有pasta入面蘑菇餡好濃郁又creamy很好味道！三文魚linguini唔錯 屋企人鍾意食呢間餐廳嘅集團係愉景灣有幾間餐廳，所以質素都有保障。

臨近聖誕節，想感受一下歐陸氣氛，最適合就是入愉景灣輕鬆一下。船程半小時便可以遠離市區煩囂，絕對是假日的好去處。D-deck的餐廳甚多，各國菜式都有，但一場來到，絕對想選擇西餐再點聖誕大餐品嘗，看過這間餐廳的餐牌後便覺得價錢相宜又很吸引，馬上內進品嘗。我們選擇室外進食，餐廳亦貼心開暖爐予我們，服務態度很加分。餐牌上選擇不少，想有聖誕氣氛可以挑選聖誕拼盤，但我們對煎魚比較有興趣，所以加了$40要了蜜糖蒜香鯛魚柳配米飯。前菜可選湯/沙律，我選了紅莓合桃沙律。最後當然選了甜品-白朱古力慕絲作結尾。另外想更加享受，便點了house white wine。House white wine的味道很不錯，前調是比較酸且有果香，到後勁時酒精苦澀味道更突出，餐前飲很開胃，餐後配甜品亦覺得消膩，而且望著如此美景慢慢品嘗下，更感舒適。紅莓合桃沙律以蜜糖芥末醬調味，加上燈籠椒，紫洋蔥，火箭菜，合桃，芝士，紅莓提子乾等材料，蔬菜非常新鮮爽脆，其中生紫洋蔥有辣勁，味道突出。沙律分量很多，材料亦充足，醬汁酸甜，配搭非常醒胃。主菜的鯛魚的魚皮煎很香脆，肉質扎實，調味偏甜，加檸檬汁後更加味道豐富，魚肉是好吃的，配白飯亦算

難得同屋企人入到去愉景灣，碼頭旁邊既愉景灣廣場實在太多選擇，當日又一心想食西餐，見到Figos環境唔錯，餐牌又有set lunch, 於是就比佢吸引左入去。雖然Figos餐廳望唔到海，但餐廳都算大，枱同枱之間唔算太逼，當日坐落都鬆動。前菜揀咗意粉沙律，size非常大份，青醬味道清新開胃。主菜係香濃蘑菇汁闊麵，非常creamy，芝士味濃。跟餐甜品 紐約芝士蛋糕配雪糕，非常驚喜之作，雖然店員擺盤好明顯唔成熟😂但佢都好好咁笑住同我say sorry。蛋糕一啲都唔漏，重芝士味，餅底香脆，食完仲想再食。整體來講餐廳食物同環境都合乎價錢，性價比高既悠閒餐廳！

今日去行山，終點行到去愉景灣呢面，Figos嘅環境同食物將我由地獄帶我番去天堂ㅜㅜ ，而且食物比起愉景灣嘅其他餐廳，性價比算高。推薦：🤍🤍🤍🤍🤍▪️$132 香濃蘑菇汁闊面 Fettucini Funghi：蘑菇汁好濃味，唔會太水亦唔太稠身，蘑菇味香濃，麵條有咬口，完全係我鍾意嘅質感，值回票價▪️$50 Mango Smoothie：本身我以為佢會好甜，會就返外國人嘅口味，點知係清甜！雖然口感冇印象中Smoothie咁Creamy，但係又幾唔錯，有機會會再試其他味。見到餐廳無酒精飲品嘅menu上亦都有Mocktail，我自己有啲怕試，不過見到朋友都讚不絕口，大家下次去可以試吓。雖然見到價錢好貴，但係其實份量好足夠亦都好好食，所以可以話性價比都高㗎。對我來講配埋個Smoothie真係太多，所以大家下次可以配啲解濟嘅飲品。

7月4日 一家大細 去咗愉景灣 遊下水行下海灘。 我哋去完海灘之後， 梗係要食返餐先出返去香港啦。我哋就揀咗呢間 Figos. Figos 係意大利餐嚟嘅.嗰度嘅服務員好友善， 一見我哋行過 好醒目咁樣 招呼 我哋坐低 然後再介紹個度有啲乜好嘢。 一坐低 ，我哋梗係 我叫返個飲品先啦。 我就叫咗個青檸梳打。呢度嘅青檸梳打冇得頂 係用新鮮青檸榨汁 溝出嚟嘅。 唔係用嗰啲人工濃縮味汁。服務員建議我地嘅食燒肉排。佢哋一份燒肉排真係好大件， 我一齊share。 味道方面 甜甜酸酸 ， 做得好香， 食落仲有肉汁㖭，好冧。啱啱游完水梗係肚餓啦， 當然要整返個麵食， 同埋 risotto。海鮮意大利飯 炆得好香， 帶出海鮮味， 飯心唔會生，唔會咬落去一粒粒。 蒜汁意粉炒得好香， 意粉唔會諗咬落去有口感。總括嚟講佢係用料都 不錯. 食得出每一個環節都好認真. 樓面方面佢哋個個都有禮貌, 同佢哋講嘢有種好有heart嘅感覺.再加上喺 郊區 無 城市嘅 壓力 感覺。😪 最近肺炎疫情嚴重,政府現收緊限聚令， 睇嚟要隔一段時間先至可以出街食晚飯囉..... 希望最惡劣嘅時間快啲過去啦。

The service was outstanding. Danny our server was brilliant. We had the chicken fajitas, Greek Pizza, Pani Puri and the chocolate cookie for desert. Food was amazing and the restaurant is a pleaser. The chocolate cookie is to die for and a sinful treat.

人哋端午節食糭，我就食buger今日係端午節，約咗朋友去梅窩渡假玩一晚，去到先知原來梅窩係可以行去愉景灣真係孤陋寡聞～！行咗兩個鐘就到愉景灣，今日好熱，一到愉景灣就即刻搵地方食嘢、飲嘢..。見到周圍都係西餐廳，就求其入左一間，因為我好想食漢堡包同薯條，所以唔使2分鐘就落左單我同朋友分別叫咗兩杯嘢飲，我朋友叫咗杯菠蘿汁；我就叫咗杯荔枝沙冰，菠蘿汁好好飲...但係我個杯好奇怪，比沙冰杰身...似奶昔，但係又比奶昔稀，感覺好奇怪，荔枝味道亦都好假。之後我最期待嘅漢堡包同埋小食拼盤嚟到喇漢堡包嘅肉好新鮮、有肉汁，但奇怪冇肉味初初我以為成個包都偏淡、覺得好奇怪，臨尾我發覺係因為我拆開個包，逐樣續約食材分開食，每樣野都偏淡，但係我成個漢堡包一啖過咬落去，味道係啱啱好，好好食。但係咁大個漢堡包，點樣可以拎起一啖一啖食呢小食拼盤好味炸魷魚圈好新鮮，魷魚仲係彈牙，小食揸得香口，粉漿亦都唔厚，亦都唔會散開下次行山經過會再去

又到Monday Blue 😖放工決定同老公食餐好好彩有book 位，6:30已經有9成full我相信因為星期一既關係逢星期一，餐廳有promotion 🥳 超抵食餐牌每樣都有超級多選擇🤩我地分別叫左2個pizza 🍕買一送一選擇左薄pie 我揀左我最愛既夏威夷pizza 🍍老公就揀左燒烤雞pizza🐥6件特色雞翼價錢貴左少少，但超惹味 🍗配左2個sauce半份ribs 份量都唔少🤭仲配埋薯條🍟Mango Smoothies🍹2個人點食到咁多🙈唯有打包回家上菜速度較慢，可能因為超多外賣不過真係好抵食，食物質素都好好😋

愉景灣寧靜氣氛、空氣清新之旅，由於早上行雷閃電，取消了原定步行至梅窩的行程，改為在愉景灣內飲飲食食！有意想不到收獲呀！午膳於Figos西餐廰中！ 🍔各款美食份量十足，讚！

我哋一行八個大人兩個小朋友 到呢間餐廳晚飯 食食吓飯突然之間有個外籍waiter 勁惡咁樣問工人姐姐what’s that inside your bag 姐姐就答佢係狗 之後佢就不停咁樣勁惡咁鬧點解會比狗入嚟 係我哋冇留意到有signage 其實如果我哋啱 大家可以溝通解決問題 況且我哋係客 你冇必要咁惡咁鬧人 之後我哋就解釋我哋睇唔到有牌寫住唔可以帶狗 跟住佢就話我地點解唔問 咁你都見我哋孭住咁大個狗袋 你都俾我哋入嚟 點解你唔提我地 我哋好少黎愉景灣 亦都係第一次帶狗過嚟 我哋係有唔啱但不至於俾你鬧 食物質素唔係特別好 但服務態度就特別差 如果你唔介意貼錢買難受 呢間餐廳可以一試

上星期好好天同仔仔去左愉景灣玩～到午飯時間唔知食咩好，喺碼頭果邊一路行一路彩下有咩岩食～去到沙灘附近見到呢間Figos有室內同室外位置，又有set lunch 最平$98+10%，即管試下！我地揀左坐室外（有頂位置，對出先係完全露天）一坐低職員見我地有小朋友，即刻拎左high chair同kids menu & 顏色筆俾我地，原來kids menu除左係menu,仲可以填色👍🏻👍🏻仔即刻搶住要填🤣我地點左kids menu既白汁雞肉意粉 - $60嚟講喺愉景灣都算抵食，面頭仲有cheese，大人食都飽👍🏻另外單點左signature pizza (thin) 有cheese, ham & rocket leaves，pizza底夠脆又足料Set lunch方面: 蘋果 羽衣甘藍 藜麥 沙律 -好好味！唔食藜麥沙律既我都食唔停口～西冷牛扒配燉菜+焗薯- order 5成熟但煮出嚟似7成，牛係juicy有牛味但咬落幾韌同難切紅蘿蔔蛋糕配雪糕 - 見佢原本拎出嚟雪糕放喺蛋糕試面，唔知點解突然拎返份廚房，出返嚟擺碟變左雪糕喺側邊，仲都幾溶下，感覺唔太衛生

點了個ribs 半份 $150再點four cheese pizza half $115點知份量大Goose ipa half $37餐廳氣氛浪漫好食 最後食剩打包 絕對可以再encore😊Worth a try esp for a couple 🙈