Fitasty

营业中

休息中

健康年糕同埋蘿蔔糕喺新年前就送到喇，咁我就係年初一滿心歡喜咁去試吓，點知蒸出嚟嘅紫薯杏仁奶低糖糕，一食落去，連我呢個好鍾意食甜嘢嘅人，都覺得呢個糕甜到不能接受！唔知點解會咁甜，會唔會係落多咗稀少糖呢？至於薑汁年糕，食落去幾好味嘅，啲薑味真係十足啦，不過都係偏甜㗎 ！唯一可取嘅就係佢嘅蘿蔔糕，真係好足料，成個蘿蔔糕好多蘿蔔絲，而唔係好似其他蘿蔔糕咁粉仲多個蘿蔔，整體嘅味道都都好好味！個蘿蔔糕除咗蘿蔔絲之外，仲有其他如冬菇、瑤柱絲、臘腸等等。

呢間野我間唔中會訂下佢哋啲雞胸同埋椰菜飯，佢哋勝在方便，而且會送貨。我見佢哋出咗個廣告，話有健康年糕同埋蘿蔔糕，於是就試吓啦！一個星期前送到啲貨嚟啦，本來都好開心嘅。點知食嘅時候覺得有啲失望，最失望係個紫薯杏仁奶年糕，蒸完出嚟非常甜，甜到個點係連我依個咁鍾意食甜嘢嘅人，都根本接受唔到！我食個刻仲以為自己食咗成擔砂糖！不過個薑汁年糕係唔錯嘅，係好有薑味㗎，不過我都係覺得有啲甜！至於個蘿蔔糕，係最有驚喜嘅，因為佢嘅蘿蔔絲係好足料㗎 ！味道都唔差㗎！所以下次有機會訂嘅話，都係訂蘿蔔糕好啲啦！