FIVE GUYS

营业中

休息中

第一次飲奶昔係結到攪唔到枝飲管😂唔知話佢足料好定係咩好啦😂仲以為個朋友玩我點解會啜唔到嘅😂咁大杯又可以任搭配料，幾抵玩喎🤣，加咗煙肉又真係幾好飲，幾特別，脆脆地幾有口感，鹹甜鹹甜交夾😚好新奇😂

依幾日放假，嚟左荃灣行街，諗唔到食咩好，行行下見到Five guys，係荃灣開左咁耐都未嚟食過，就揀左依間嚟試下😝😝2個人叫左Cheese Burger, Five Guys Style Fries (Regular), Chocolate & Banana Milkshake😊📍Cheese Burger ($95) 好大個，十分足料，但略嫌太濕，乾身啲會好食啲。📍Five Guys Style Fries (Regular $50)薯條同係街食到嘅唔同，好有薯仔味，唔點茄汁已經好食，下次有機會試埋 Cajun Style Fries。📍Chocolate & Banana Milkshake ($55)有好多口味可以揀，可以隨意mix，叫左個最穩陣嘅，有香蕉粒但香蕉味唔太重。嘢食都幾大份，2個人share 都食唔哂。有機會去其他分店試下😆😆😆

◐ ◑ ◒ ◓ 之前去倫敦冇食過，最後竟然見到香港開左，講左好耐話去試吓，終於都有食到啦，可能太有期望，結果真係有啲失望😭 包裝好冇hut，只係用錫紙包住，雖然味道係ok，但係完全冇乜誠意咁🥲不過值得提既係可以免費加配配料，雖然最後我地每款都係加左兩款🤣◐ 雙層煙肉漢堡Bacon cheese burger◑ 煙肉芝士熱狗Bacon cheese hotdogs ◒ 所有配料免費蛋黃醬、生菜、酸瓜、蕃茄、煎炒洋蔥、煎炒蘑菇、茄汁、芥末醬、酸瓜醬、洋蔥、墨西哥辣椒、青椒、牛扒醬、燒烤醬、辣醬◓ 自動斟飲品📍 Five Guys (荃灣)荃灣荃新天地地下高層UG69及UG71號舖

其實啲burger都幾貴兩個人一個little bacon cheese burger 一個bacon cheese burger 加一個大薯條同一杯嘢飲要$290薯條係好味嘅Burger 一般 裡面嘅bacon夠脆嘅McDonald’s 嘅安格斯可以贏佢

講到喺美國咁出名，咁未試過點都要試下嘅，星期日下午2點左右都有位坐，唔太多人，我地選擇咗cheese burger＆ bacon burger ＆薯條，呢度冇套餐得單點15款配料免費任加，可以配合自己心水，係幾好嘅，我地選擇配料唔多，所以個飽都唔會太濕，漢堡質素就真係好一般，個牛肉冇乜汁，唔夠 juicy，味道正常，不過個價錢唔值呢種質素囉，至於薯條係好食嘅，真材實料見到薯仔皮應該唔會再黎食，最多只回頭會食佢個薯條囉

小編同友人去荃新天地新開既Five Guys 朝聖, 雖然係閒日既8點先去食, 但仍然好多人, 要等一等位先有得堂食同埋都要排隊買野食, burger同fries果然係大家既comfort food, 超受歡迎。不過有啲失望既係, 可能因為疫情關係所以無左任食花生。🍔Little Cheeseburger - All the way without mayo ($65)好多人話Five Guys 既burger由於熱辣辣既時候已經用錫紙包住, 所以個包本身已經淋晒。小編當日堂食又覺得還好喎, 個包仍然係乾身先, 收貨。雖然叫左Little Cheeseburger只有單層既patty, 但仍然都係好需要張大個口先可以一啖咬到晒咁多layer, 層次感係有既, 不過太多sauce同蔬菜太多水, 一路食一路滴緊汁, 個場面有d 邐迤 (lei hea 🤤), 同friend食就無乜所謂, 同曖昧對象食就唔好喇。🍟Regular Fries ($50)薯條份量都係一如既往既澎湃, 兩個人食岩岩好。可以揀Five Guys Style 同 Cajun Style, 小編揀左Five Guys

Five Guys @ 荃灣香港Five Guys版圖越來越大，身為Burgers既粉絲遇到Five Guys真係忍唔住去食番個美式Burger今日同朋友叫左一個Little Cheese Burger、Little Burger、薯條同埋雲呢拿朱古力Oreo奶昔😋由於佢地little size 已經係坊間既正常size，所以推薦食量唔係特別大既朋友叫little size已經夠飽🤣岩岩搵到位坐低就聽到叫號，心諗咁快拎得，原來係野飲拎得野食未得😂空歡喜一場，如果可以一次過拎唔洗行黎行去會方便D😂首先試下D加左CAJUN既辣粉既薯條，係紙袋拎個杯出黎發現袋入面仲有好多薯條🤩份量真係好大！薯條睇到仲有薯仔片係上面，炸得岩岩好，加埋D辣粉稍為鹹左D，但真係好惹味😆Little Cheese Burger 同埋Little Burger既分別係前者加多左芝士同蘑菇，其他配料都係一樣，例如番茄、生菜、炒過既洋蔥酸青瓜等等，材料食落都幾新鮮，而且唔會切到好碎掉到周圍都係；D肉唔會好乾，配上醬汁食落都幾好味😙我個人就鐘意有蘑菇既burger，因為加左蘑菇感覺係香好多🤣不過個包既缺點都唔少，首先係感覺

疫情日日無得出街食，都唔知買乜外賣好，突然諗起有間漢堡包店之前想試，立即去試下啦😋叫左漢堡包、粗薯條、奶昔。原來漢堡包既配菜全部自己決定，幾好玩😗又幾好味，個漢堡包其實好夠漢堡肉亦好夠香，肥而不腻。薯條問心真係諗住試下，因為其實幾貴下，一細杯就$45，不過佢d薯條原來係倒入個紙袋度咖😁，我食完個細杯，將個紙袋個d薯條倒返入個杯，竟然又有一滿杯😬感覺上抵返少少😜，薯條幾好食，外脆內軟，都可以。奶昔方面，原味雲呢拿，可以自選兩個味道加上去，我加左朱古力，口感柔軟，都合格，不過甜左少少。呢間可以一試，不過薯條就要諗諗啦，漢堡包我都會再食，不過薯條就……🤔

自選 Burger 🍔 其實幾適合我呢啲揀飲擇食嘅人今次揀咗 Little Bacon Cheeseburger 一啲都唔 little 架最正係配料同醬汁都自己揀想加咩就加咩我加咗番茄🍅生菜🥬蘑菇最驚喜係個煙肉 咬落去卜卜脆另外四個人叫咗一個大薯條夠晒食有突總括都好味😋

早兩日同老婆去荃灣行街，正當大家諗緊食咩時，突然間醒起five guys係荃灣新開左分店，睇食評都唔算差，而且我同老婆都未食過five guys，所以就決定去試一試。黎到店鋪，地方都算寬敞同乾淨，冇裝修味。我地叫左一個雙層煙肉芝士漢堡同埋雙層芝士漢堡，每個漢堡包都可以自選材料而且全部都係免費，不過加得材料多個包會比較濕。跟住仲叫咗一個辣味大薯條同一杯焦糖味朱古力奶昔。兩個漢堡包味道其實都好普通，以咁嘅價錢來講其實唔抵食。薯條份量超多，多到除咗隻杯裝滿晒，個紙袋入面都有大杯裝嘅份量，味道我覺得太濃太鹹，唔太岩我口味。杯焦糖朱古力奶昔都好濃味。整體黎講，唔會再想試🥶

第一次寫食評 送比你 標題果句野 係我走時聽到隔離臺講既 我覺得好岩 希望大家抱住好心態來試下 一來個包就係凍既二來杯奶昔甜到漏三來貴到pk 不過都係果句 比人呃都係一次啫 生命滿希望！