Foodeli (形點 I)

营业中

休息中

喺戶外行咗一日，辛苦咗一日，想食啲凍嘢、甜品。但係同行朋友話好肚餓，想食正餐，最後決定去Food Court喺我媽的菜叫左一碗芋圓糖水，有仙草、三色芋圓、珍珠、椰果，好足料，但係以$28黎講都幾細份。佢唔係用冰凍嘅奶去做個糖水，而係用常溫奶，再加冰，所以食到去後面啲冰溶晒，就變到好淡唔好食，而且頭幾啖都唔夠凍，做唔到甜品應有嘅效果。仙草同芋圓都好食，尤其係芋圓，食得出三種顏色嘅芋圓又唔同嘅味道，而珍珠有啲太硬，椰果太甜。總括嚟講，如果想食芋圓糖水，下次都係去其他地方食

黎到Yoho, 去美食廣場快食，叫左一間台灣野，一間日本野鹽酥雞飯配珍珠奶茶味道唔錯，鹽酥雞啲粉唔係厚好食珍珠奶茶就正常另外叫咗個魚生海鮮烏冬有少少辣，味道很好，食得好開胃呢兩個餐加埋先係$140左右

係元朗Yoho foodeli今日又想食泰國菜就嚟咗呢間「泰菜廚房」佢不論主食小菜飲品，款式都唔係好多再加上food court好多唔同嘅餐廳選擇好多，所以寧願留起個肚食，陣間再試吓其他嘢係真。泰國人煮比你食叫咗個馬拉盞炒雜菜$32/碟 係一個小食嘅份量上菜速度好快，落單冇幾耐等咗一陣就已經有得食味道唔錯，但唔算惹味無辣味入到口咁啦，唔算特別好味亦唔難食見到佢哋都比較多人嗌泰式無骨海南雞飯同埋泰式肉碎蛋飯下次可能試吓其他食物

今次試下食紫菜四寶湯河粉，係令人驚喜！湯底清爽鮮美，紫菜融合其中，帶來淡淡的海洋風味。湯河粉Q彈有嚼勁，搭配滑嫩的魚丸和鮮嫩的魚豆腐，層次豐富。配料的搭配完美融合，每一口都帶來滿滿的滿足感。這碗紫菜四寶湯河粉絕對是湯粉愛好者必試的美味，令人回味無窮！

平時都幾鐘意去yoho food court食嘢，價錢相對嚟講平之餘，選擇都唔少。今次試一間日式店，鐘意佢種類夠多，咩都有啲，如果細食2個人食都ok。味道方面亦比想像中好，唔算失望。叫嘅次數最多可以話係日式炒麵同大阪燒，味道真係算唔錯，小朋友一定鐘意。另一間酸辣麵，今次撞岩下午茶，就更加抵。先講呢個雞絲撈麵，絕對有驚喜，非常好食，小辣對我嚟講岩岩好。而呢碗主打嘅酸辣粉就令我覺得失望了，味道好淡，有點淡而無味。呢個冰粉，粉本身無咩味，靠就係配料。但呢個配料就相對唔多夠，令味道唔夠豐富了。

行行吓行到去food court咁就入去睇吓有咩食啦, 口痕痕就買咗個雞蛋仔因為一入去就聞到好大浸嘅香味。見到佢哋有綠茶雞蛋仔咁就試吓因為出面唔係度度都有, 食落有少少綠茶味, 都唔算太濃烈, 啲雞蛋仔佢哋都做到外脆內軟, 如果係嗰頭行吓街想食雞蛋仔都可以試吓

是日晚餐，想食燒味飯。叉燒丼家嘅叉燒飯唔錯，仲有太陽蛋😍佢嘅叉燒唔係好甜，厚砌令到口感幾好。肉質唔好太林。👍🏻👍🏻配埋飯食簡直一流👍🏻如果下次再食嘅話都可以

同屋企人去完玩，唔想返屋企再煮飯，於是係food court 食晚飯😊見到呢度有海南雞喇沙湯麵😂滿足到我又想食海南雞，又想食喇沙湯麵喇沙湯好好味，唔係好辣，仲有少少酸。雞嘅質地唔錯👍🏻唔會好霉。

有個婆婆冇叫野食坐係度休息被一個男同女foodeli 服務員趕走仲話lunch時間好多人等,但明明仲有好多位, 而且其實有其他人坐係度冇叫野食都冇被人趕走。 本來book左位食韓燒依家可以cancel, 費事你哋冇曬位啦。

黃昏5點幾, 元朗"形點 I" 商場好多食店已經要等位🫣, 發現一樓有food court "Foodeli", 唔使等位仲有好多選擇🤗, 連韓式烤肉店 "炑八" 都有進駐, 除咗有室內座位, 亦有露天座位, 露天有小朋友嘅遊樂設施, 好適合family😚❤️🥔吉列拼盤 $48有海苔薯條🍟、炸魷魚圈🦑、炸地瓜球🍠, 海苔薯條比較鹹😅, 魷魚圈同地瓜球都好味, 尤其鐘意地瓜球🤭🥔棒棒麻薯窩夫配雪糕🍨 $42棒棒麻薯窩夫有原味、朱古力、抹茶、紫薯四種味, 點咗紫薯味麻薯窩夫🍠, 紫薯味道唔太重, 窩夫外脆內煙韌, 口感好好, yummy☺️, 配 MOVENPICK 雪糕單球冇得輸, 可以加 $20 多一個雪糕球🥰🥔特級芝士🧀韓式厚切牛舌👅鐵板飯 $68厚厚嘅牛舌👅, 牛味好濃, 一啲都唔韌, 好軟淋😍, 拉絲芝士🧀連埋半熟雞蛋撈飯食, 一流🤤🥔珍寶豚肉花甲粉 $66將瓦煲仔放上錫紙, 再放入豚肉、花甲、米線一齊煮熟, 原汁原味, 湯底都幾清、幾鮮甜, 唔錯👍

本身一心諗住特登去Yoho Mall food court 入面嘅三多食炸雞髀🍗 點知去到三多已經冇咗，變咗由炑八經營嘅炸髀工房😩 既然都特登黎到，所以都照叫咗一份炸雞髀配薯條套餐，點知大失所望，同三多差好遠😩📌雞髀配薯條+汽水 $49🍗🥤即叫即炸，落單之後等左大約15分鐘有等拎。炸髀係用吉列嘅炸法，粉漿唔算厚，炸到金黃色賣相唔錯。可惜一食落口，雞肉偏「鞋」，一啲都唔Juicy，仲有少少雪味，應該係解凍過程做得唔夠好😣薯條係粗薯條🍟唔係炸得好脆，普普通通。🌟推介指數：😈😈（5😈為滿分）

嗰日去行街，行行吓開始肚餓，決定去形點搵嘢醫肚。去到美食廣場，見到好多選擇決定，入去搵嘢食。牛肋骨煲配紫菜飯大大嚿牛肋骨，配上紫菜飯，非常豐富。牛肋骨肉質鮮嫩，而且非常入味，配上煙靭白飯，非常滿足。

今日同一班朋友去食lunch☺️叫左幾款一齊share食😃🥢三多 - 新魚柳薯條新魚柳真係好似食緊魚咁，嫩嫩的😙🥢炑八 TASTE - 特級新餐肉鐵板拌飯新餐肉超好食，仲有芝士粟米拌飯更美味😆🥢花甲年華 - 新蟹餅全素湯粉絲新蟹餅炸到超脆，蕃茄湯相當濃厚，粉絲吸哂味！😌🥢叉燒丼家 - 玉子燒新漢堡丼飯新漢堡排超香黑椒味，仲有超多玉子燒😜🥢日漁 - 素吞拿魚芝麻醬撈烏冬素吞拿魚配上芝麻醬，撈埋彈牙烏冬，正！😋📍元朗 YOHO FOODELI

係元朗Yoho Mall入面有個Food Court叫Foodeli，入面有好多野食，上次食過花甲年華既花甲粉，味道拍得住大陸既級數。今次再來臨Foodcourt，唔係太肚餓，就食個小食小丸子，就係幫襯入面既小店「阪神」。阪神呢間餐廳有好多日式小食，其中呢隻原味小丸子就$32，6粒。抵食。仲有其他例如日式魚生飯，都好似好好食咁。講返小丸子，其實佢除左有原味之外，仲有明太子配料既小丸子，但就要加多幾蚊雞啦。

今日食評✍🏻三多&bove @food deli/yoho mall 試食指數⭐⭐⭐店舖衛生⭐⭐侍應態度⭐⭐⭐((每項5⭐️為滿分)) ·Food deli係小食必選之地我哋已經食過午餐不過目前的我🤰🏻一個餐係唔夠·Food deli的三多最鍾意食佢哋嘅滷水雞髀今日薯條換上一口西多口感味道好好·不過以茶餐嚟計53係幾貴·老公陪食Bove 由早期只賣雞蛋仔格仔餅🧇到目前乜都有食物水準平庸咗意粉夠熱不過白汁蘑菇冇味個mushroom湯不如換杯汽水🥤好過·無論大鋪小店我哋都會盡試盡講Follow我哋bw.foodie