Foodeli (形點 I)

营业中

休息中

今日喺yoho mall行完街之後，到到都好多人食嘢，咁我哋就去咗呢個food court度食啦，因為可以個個朋友揀返自己想食嘅菜式。比較方便，因為呢度多國菜都有得選擇。咁我哋其中一間就食咗韓國嘢，炑八，叫咗個人蔘雞湯，另外就會配紫菜飯嘅，另外仲有一個係用鐵板上嘅豚肉飯，入邊嘅芝士味都好濃，另外食咗日漁，日本野，叫咗個辣味魚生飯，朋友對呢個飯讚口不絕，另外再叫咗個定食，就係肥牛烏冬配一啲壽司。個烏冬就冇咩味，如果濃味啲會好啲。另外仲有食咗大阪燒，啲粉就比較多，但係佢個餃子就做得好出色。仲配埋個蟹肉蟹膏拌飯，呢個味道唔錯，另外仲有芝士薯條。至於錯位方面，今次我哋係坐卡位，所以都幾好坐，比想像中嘅food court舒服

今日系元朗開工熱辣辣，心情真系唔多好！唯有收工之後即刻去食好西，吃貨最大的快樂，你們懂的🤭。入到yoho mall,行黎行去都系餐廳，一個人去食好似有少少🤏格格不入，突然行到美食廣場，一睇之下有驚喜，發現有日本🇯🇵野同花甲粉，海鮮控嘅我諗都冇諗就決定好，叫左一盤刺身拼盤同小食花甲。#日漁刺身拼盤材料豐富，有海蝦、吞拿魚、油甘魚、帆立貝、三文魚腩、北寄貝，其中帆立貝同海蝦刺身好鮮甜同彈牙👍🏻👍🏻。#花甲年華 小食蒜味花甲，有大量花甲同蒜茸系到，咁樣組合點會唔好食呢👍🏻👍🏻。小小不足地方就係花甲太細隻啦，唔過癮。食哂會唔會有痛風🥶😜😜

叉燒丼家叉燒丼飯$58既然係叉燒丼家，梗係要試下佢嘅人氣No.1叉燒丼飯，櫥窗掛住嘅叉燒都幾油亮肥美。上嚟都冇令人失望，份量多唔在講，六七片厚切肥叉，加兩隻大大隻荷包蛋鋪喺飯面。叉燒邊角位有小小微焦，好香脆，師傅用火槍稍為燒過，逼出咗叉燒嘅油香。叉燒質地軟腍油潤，香甜可口。將荷包蛋蛋黃戳穿，蛋黃流落啲飯度，加上甜豉油撈埋一齊食，一啖肥叉一啖飯，正！燒腩仔滑蛋飯$62滑蛋包住晒成個飯，淋上甜豉油，睇上去好吸引。蛋滑得嚟又唔會削，撈埋飯一齊食，味道偏甜但非常可口。燒腩仔皮卜卜脆，肉質肥瘦層次分明，味道鹹香，唔會比叉燒丼飯遜色。花甲年華南充酸菜魚花甲湯$68湯汁酸酸哋唔算太辣，小小麻。酸菜酸爽，花甲份量多，令湯底都好鮮味。魚肉係斑嚟，都幾嫩滑，底下仲爽彈嘅粉浸住湯。珍寶肥牛花甲粉$65肥牛份量真係好多，而且口感q彈甘香，金菇索晒啲惹味湯汁，爽口又好味，點少得花甲，底下嘅粉絲略嫌腍咗小小。焗茄子$30茄子好滑好多汁，上面鋪滿蒜蓉，濃郁嘅蒜香味令人好有食慾。

今日食評有✍🏻 Food deli@yoho mall試食指數⭐️⭐️⭐️⭐️店舖衛生⭐️⭐️侍應態度⭐️((每項5⭐️為滿分)) · Food court 食品種類繁多未至午餐時段就搵位乾淨又少人我哋選擇了1️⃣燒腩仔飯@$58⭐️⭐️⭐️⭐️/5肥瘦適中醬汁量多非常好伴碟的菜芯都非常嫩有名牌燒味舖的水準2️⃣台式牛肉薯粉配紅油抄手及飲品@$81 ⭐️⭐️⭐️/5牛肉偏硬薯粉唔錯夠完整冇斷紅油抄手4粒份量很適中辣醬辣粉好點足料·Food court性價比高·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

係人都知food court嘅美食多不勝數，元朗呢度既food court簡直係吸睛😆，身為一個睇景當食飯嘅foodie😋，梗係要坐bar枱位睇住個靚景食最開心啦👍😆-#日漁 佢哋嘅三文魚飯係配麻醬呢個搭配冇理由唔好食呀，而且送飯一流👍一囗一啖，唔單止有飯㗎❕仲有唔同款嘅壽司，驚唔夠飽嘅朋友仔仲有拉麵可以揀添呀😋-#炑八 樣貌十分似pepper lunch😂唯一吾同嘅係味道濃度嘅分別， pepper lunch嘅飯汁係完全滲哂入去，好入味，但係呢間就比較淡味，味道較一般-#bove 呢間嘅雞蛋仔做得好出色 唔單止係新鮮出爐熱辣辣 而且仲要係 有餡嘅雞蛋仔，小編就最鍾意佢嘅雙重朱古力雞蛋仔，好濃嘅朱古力味散發出嚟，而且每一粒都有頗多既醬😍😍而小編嘅男朋友就覺得紫菜肉鬆比較出色可能出面比較少見，所以都幾特別，而且餡都係吾少架😆-睇到圖四既bar枱位望既風景係咪吾錯，選擇困難症嘅朋友仔絕對可以過嚟👍任君選擇，有靚景有嘢食唔係唔過嚟呀嘛😎

今日一家大細齊齊入元朗玩一日，玩到差唔多就去咗yogo mall 搵野食，由於人多就去咗food court食，好似方便啲。呢個foodeli 裝修得幾特別，而且有講戶外地方比小朋友玩，真係啱晒一家大細嚟！👍🏻我地幫襯左三間餐廳。叉燒丼家我哋叫左叉燒丼飯同燒腩仔滑蛋飯，呢間既燒味做得出色，叉燒夠林，如燒腩仔皮脆，油脂分布平均🥰而滑蛋炒到半生熟好滑！三多呢間就揀咗三多炸肶配薯條加汽水餐同秘製咖喱厚切豬扒飯加汽水餐。咁耐以來都保持水準，炸髀同薯條炸得香脆可口，肉汁不停緊流出😋而咖喱汁味道偏日式且有少少辣，同塊豬扒好夾！阪神呢間反而有驚喜！我哋叫左新品蟹肉蟹膏飯同黑松露凡立貝大阪燒，蟹膏飯勁creamy,而且蟹膏勁香，配埋蟹柳好夾！二大阪燒個黑松露醬亦做得相當出色，真係有香濃嘅黑松露味，又有好多凡立貝☺️小食方面叫咗黑松露蛋黃醬薯條同忌廉蟹肉薯餅，其實兩個都好食😉，不過薯餅餡料偏少，如果多啲蟹肉會更好！整體來講foodeli 好抵食，性價比高，環境又唔錯，最緊要係可以一路食一路比小朋友放電，真係一個親子好去處！

#形點 #yohomall形點 #日漁 #元朗 #japanesefood Yohomall有個大foodcourt，裡面有好多唔同種類既餐廳，例如: 泰菜、韓國嘢、日本嘢同港式嘢都有😋 係都市人快捷又方便既選擇。💥辣味海鮮刺身丼海鮮刺身有三文魚同呑拿魚粒，飯底辣味唔算重、但就加入左日式麻醬，個人都幾鐘意食日式麻醬，所以都ok。💥蝦將軍甜蝦份量多，仲有蟹膏、青瓜同蛋😊 味道一般，不過佢仲配有中華沙律、小丸子同可樂😊 小丸子最好食，熱辣辣，皮好薄，麵粉量適中，裡面亦有大章魚🐙🔺🔺🔺🔺🔺🔺🔺🔺🔺🔺🔺🔺🔺❣️整體評分 6/10Foodeli (形點) (元朗)元朗元龍街9號形點I期2樓2402號舖🔺🔺🔺🔺🔺🔺🔺🔺🔺🔺🔺🔺🔺🔺

去完一田買完野，緊係搵野食醫下個肚啦！但要搵100蚊樓下嘅緊係food court食啦😜炑八芝士牛肉鐵板拌飯$58+柚子檸檬梳打$8鐵板中間係珍珠米飯，上面有粟米同蔥，周圍係牛肉同濃厚嘅芝士，熱辣辣香味撲鼻。將飯同牛肉、芝士拌勻，牛肉肥瘦均勻，肉汁美味，飯本身已經煙韌，加埋香滑嘅芝士，仲有粒粒甜粟米，口感味道都相當唔錯。柚子檸檬梳打酸酸甜甜又夠汽，好fresh解膩。韓式人參雞配紫菜飯$68+可樂人參雞湯裡面有半隻雞、人參、栗子同紅棗，雞裡面仲釀咗糯米飯。湯非常濃郁鮮味，但都冇遮蓋到人參嘅甘味。雞肉腍得嚟又嫩滑，仲好入味。珍珠米飯上面鋪滿紫菜同芝麻，紫菜略帶鹹味，令到飯鹹香可口。School Food芝士辣炒年糕配拉麵+魚糕串+炸紫菜卷$67年糕煙韌，配埋芝士，好正！拉麵就真係要趁熱食，浸太耐會影響口感😉魚糕串都好彈牙鮮味，炸紫菜卷外皮酥脆，內裏包住粉絲，幾特別！韓式炒粉絲+紫菜包飯$70炒粉絲配料有蛋、紅蘿蔔絲、洋蔥等，香口爽甜。粉絲質地爽滑彈牙，醬汁惹味。紫菜包飯餡料係午餐肉，個人超鍾意食🥰

早幾日去左元朗一日遊，夜晚出返嚟元朗形點又唔知食乜好既情況下，就去左形點商場入面既foodeli睇下有咩食啦，呢度係以美食廣場形式咁做，特別之處就係佢有係美食廣場中間有幾部自己落order既機，而入面係可以揀哂咁多間餐廳既，咁就好方便到食客如果要幫人買埋其他餐廳既食物的話，咁就唔洗周圍行咁多轉同唔洗排隊比錢啦，不過呢部機就淨係收電子支付，唔收現金，不過我就覺得好方便啦～面今次就揀左一間叫「泰萊廚房」食泰國菜既，咁就order左個泰式香葉肉碎蛋飯試試佢啦～泰式香葉肉碎蛋飯（$58）首先睇落份量都幾多，肉碎既份量都足以撈落每一啖飯度，而食落覺得肉碎既味道唔錯，有啲泰式香料既味道，加埋有小小辣，食落都幾惹味，尤其係諗唔到食咩既情況之下，揀呢個飯就應該無錯啦～

行完街肚餓，就是但去咗形點food court食嘢。揀咗間叫食泰國野嘅泰萊 😌價錢相宜，套餐包埋一杯野飲。泰式炒辣肉碎飯推薦指數🌟🌟🌟🌟賣相吸引，味道都唔錯👍🏻👍🏻辣辣地，炒得幾香口，唔食辣嘅都可以試下，仲有2塊青瓜解下油膩。青檸梳打推薦指數🌟🌟麻麻地，唔知係咪調配得唔係咁好，有d酸。整體唔錯，food court仲有好多選擇，如果行開形點都可以嚟食😙

元朗大商場Yoho mall形點一期，入面有個幾隱秘既food court，之前都聽朋友講開。首先要行到去中庭Zara對出一條電梯上去，就有food court啦！叫Food deli.環境幾闊落，可能大西北地大，比一般既food court算大。食過幾次，黎既話，最好避開禮拜六／日中午或晚飯時間，較多人。平時就坐得幾鬆動。天氣好仲可以坐去出面露天座位，唔算嘈，望住博愛那邊的馬路。呢個foodcourt本人試過唔同菜式，但首推一定係泰萊廚房既海南雞飯！！$50蚊左右。無骨係基本既，食過幾次都無中伏。雞肉非常嫩滑、惹味，唔會好似出面一般餐廳咁老咁鞋。飯仲要粒粒沾滿油香，粒粒金黃，連平時不喜歡吃飯的我也每次成碟成晒，一粒不剩。佢既泰式辣汁絕對係畫龍點睛，唔食得辣既都食得落。怕辣的話可以加幾蚊嗌埋佢杯青檸梳打。不過佢送既碗胡椒湯個人就麻麻啦，太咸，不了。

千祈唔好睇小一個Food Court 裏面真係包羅萬有！元朗Yoho Foodeli 就係一個活生生嘅例子 裏面有10幾間來自世界各地唔同美食嘅好推介韓風滿分嘅炑八Taste除咗人氣韓燒仲有好多唔同嘅款式嘅韓國料理呢度可以食到佢哋嘅午餐韓式人蔘雞配紫菜飯(半隻$68) 個價錢相當優惠個人蔘雞裏面仲有米飯另外仲跟咗個紫菜飯超級yummy 藥材味唔算太重 成隻雞連埋湯飲好補身另外仲有間花甲年華 烤原條黃花魚花甲粉呢條魚真係非常入味 煎過嘅外皮仲有白滑嘅魚肉 魚身唔算多骨 仲有好多粉絲同埋蜆肉 俗稱花甲 食完真係花樣年華 花開富貴🌹呢度嘅嘢食性價比實在十分高仲有呢度落地玻璃景色開揚元朗西鐵站對出嘅景色一覽無遺下次如果想同朋友簡簡單單食個飯絕對要推薦呢度👍🏻👍🏻

花甲年華烤原條黃花魚花甲粉（$76）酒釀雞卷（$30）烤原條黃花魚係先煎後炸，魚皮口感非常酥脆，加上內裏嫰滑的黃花魚肉，實在滋味；花甲粉揀咗小辣湯配河粉，很惹味，味道不俗，但我估配番粉絲會好食啲。而酒釀雞卷也不錯，雞卷即係慢煮雞胸肉，啖啖肉，加配只係30蚊。.School food魚糕濃湯拉麵+紫菜包飯+韓國飲品（$71）School food相信大家都唔陌生，以上介紹嘅應該都食過，魚糕濃湯味道較為清淡，岩哂唔食得辣嘅朋友，小妹中意食佢裏面嘅魚糕，哈哈，但記得快啲食，好快就會索晒啲湯水。

去food court食飯最好嘅一樣嘢就係大家可以揀各自鍾意食嘅食物，唔使互相遷就對方，所以鍾意食辣嘅我就可以揀School food，而朋友就可以食鐵板飯啦影返張大合照先我叫左辣海鮮麵加紫菜飯，盛惠$65，加多$6仲有韓式飲品添個湯底血紅色咁，一睇就知係school food嘅辣湯麵啦，入面仲有唔少魷魚韓國麵嘅煙銀程度真係冇其他麵能及，而且仲可以索哂d辣海鮮湯添平日紫菜飯就可以任君選擇，但星期六、日就淨係跟餐肉口味，但食落幾有驚喜，午餐肉就一定唔會差，入面仲包左d唔辣既瓜，為成個壽司增加左口感鰻魚飯份量夠哂多，實食得飽仲要係原條鰻魚，啖啖肉，正

新年期間的Yoho很有節日氣氛，在桃花樹之上的The Food Hall / Foodeli 也不例外。.辦完年貨就去食午餐，以粉紅粉藍為主調的美食廣場與新年氣氛配合得很好！飲水機上的熱氣球也倍增活潑新潮。.喜歡的魚的朋友可以食以下兩款：- 原條黃花魚花甲粉打開錫紙，陣陣海鮮/花甲香撲鼻而來。黃花魚燒得剛剛好，皮脆肉滑，鮮甜可口。花甲的份量也不少。湯底選了胡椒湯，食到有粒粒碎胡椒、蒜蓉、芫荽，微辣醒胃很保暖呢！麵除了粉絲，也有河粉米粉選擇。- 鰻魚鐵板伴飯可能是全個food court 最受歡迎的菜式之一，$68食到原條鰻魚，仲要是鐵板上，抵食。鯪魚肥美，淋上燒汁更加惹味。食到最後我喜歡尋寶-尋找飯焦，香脆可口正。.美仲食廣場位置多，坐得好舒服。