Gelare (已結業)

唔係朋友送我呢張雪糕券，我未必會花廿幾蚊來食杯雪糕。左挑右選下揀中左牙買加朱古力，哈，又冇選錯喎。雪糕本身的確軟滑，口感滑溜帶點煙韌，並非一般雪糕的質感喎！朱古力味道唔係太濃，清清地剛好，加埋少少碎粒果杏，我讚好！不過這店環境較開揚，沒有星巴克或Pacific Coffee等舒適。

我都係用$6夠買卷食既，可以試左口味先買，這值得一讚！我試左咖啡，芒果，熱情果三款口味，最後選了熱情果雪糕。酸酸地，幾好味，又幾滑！不過因為一個人食一整杯，食到後半就覺得酸過龍了！而甜筒則唔夠脆，有少少硬。

無影相~今次用左兩張$6 蚊的 "夠賣券"食cone 一個味要左藍草莓芝士蛋糕味, 另一個要熱情果,整體來說佢d雪糕比夠煙"孕", 咬落去的時候感覺好特別, 有d實在ge感覺!同埋佢個cone, 係超脆, 好有牛油味, 勁好食藍草莓芝士蛋糕果個味道好好味, 同食緊真蛋糕一樣, 食完仲覺得有d飽添~熱情果果個味道, 第一啖食落去係超酸之後食食下就覺得好正喇, 感覺好fresh!順帶一提是, 佢的雪糕不是 "球型", 係一個圓形梯柱體的,雖然佢正價同haagen dazs的單球cone都係差唔多價錢!不過唔計佢品牌, 我會選擇食呢間Gelare,一來大杯d, 二來味道無咁單調,三來我鐘意"咬"d雪糕有煙"孕"感覺!座位方面, 由於佢o係商場近門口, 好多等人的人, 又近馬路, 好嘈,而且冷氣一定無咁涼啦!

之前係呢間店子食過waffle雪糕同飲過咖啡，d waffle真係唔錯，幾好食架喎~ 成日行街見到佢仲有其他甜品有唔同既cake，都覺得幾吸引想試下。是日終於肚子有空位黎一試啦，由於未試過，所以叫左一件拿破崙餅兩份食。這裡週末下午茶時份很辛苦才找到一個位置的，起初來到也沒有位置坐，最後選擇在商場逛一個圈再回來。回來後，眼利的我們見到一個難得的雙人位當然是趕快坐下。買蛋糕時要求店員給我一杯水，不過她說沒有水提供.......這件拿破崙來到外表也頗吸引的，一直在雪櫃雪著所以來到時是很冰涼的。不過吃下去就真的麻麻了，第一個感覺是太甜了! 它的甜味是砂糖的味道，吉士算滑但真的沒什麼吉士香，一味吃到甜味... 不太好吃! 它的酥皮看上像是頗多層的，但一點也不香脆鬆化，吃下去淋淋的，真的不太行.....下次回來還是吃waffle好了!!!***

食完飯又行完街總覺得要食返個甜品先可以幫助消化夏天一到雪糕癮又起既我就捉埋好友陪我食呢間標榜話唔打空氣落雪糕 低脂 來自澳洲既全天然雪糕 睇下同普通雪糕有咩分別先~特濃朱古力+綠茶 雪糕形狀尖尖地好似座山咁望落去就真係同平時食開既雪糕賣相已經好唔同喇沒有打入空氣,食落質地煙煙韌韌 都幾得意呀~味道方面特濃朱古力唔算濃 XTC做得比佢更好 呢度就得個甜字 一般般啦 驚喜度係.....零 如果唔加"特濃"呢兩個大字我應該唔會咁失望 唉!而綠茶仲衰 唔夠濃仲要陣味好怪 我同好友食完一致表情係牙買加朱古力+曲奇妙趣 呢兩隻味就正常d喇 牙買加朱古力有果仁 加埋煙煙韌韌既雪糕 又硬又軟食落感覺都唔錯~曲奇妙趣就奶味都算重 唔算太甜 不過總覺得dreyers好味d同平d....貪得意都可以試下既,但呢個價錢可以有其他更好既選擇呢,應該無下次lu~

睇完戲..夜媽媽..突然好想食雪糕..行左成個旺角好似都唔知邊度仲有雪糕賣~點知行到家樂坊就見到lee 度有得賣..立即扑搥就食lee 間!好friendly的店員...見我地睇左咁耐都唔知食咩味..佢主動話可以試下d 味先...我都試左3-4隻...佢地都冇問題...最後叫左雙球雙味..好似$35...我叫左朱古力碎片 & 藍莓芝士味..朱古力好好味...藍莓嫌酸左d..唔好食!0個時都11點幾0家啦! 我問佢可唔可以坐低食.."佢話梗係冇問題啦..不過商場關12點囉!"真係好好人...尤以個女店員好nice坐低見到都好多人仲係度食&飲...見到人地飲0個d野同埋食0個d waffle 定咩0個d...好似好好味呀!! 下次都要試下先得!

同大人晚飯過後,答應要教大人英文,帶著一本簡明易學的英文書到了這間第2次光顧的雪糕店點了2個口味,200g($35)份量的雪糕就坐下來教了坐了好一陣子,可惜是晚的blue berry cheese口味不太好至於macadamia口味是不錯的......2人都搶著吃走前見到next table點了大份的waffle......心想下次一定要點來吃!!如果服務生可以勤快一點就好了,不過負責serve我的小姐倒是十分有禮的

士多啤梨雪榚窩夫:天然雪榚果然跟平常吃到的不一樣，雪榚裡沒有冰砂，而且軟滑，更有士多啤梨果肉，窩夫入口很有麥當勞熱香餅的味道，而且外表脆脆的，很有口感。美式熱狗:很欣賞餐牌裡有幾款不同味道的sauce供客人選擇，我選了傳統的茄汁、黃芥末，配合肥美的美式熱狗腸，超讚！ 匈牙利熱狗:選了BBQ汁、黃芥末，第一次吃匈牙利熱狗腸，偏辣，但可以接受，而且BBQ汁很入味。

妹妹與少爺都愛甜, 於是決定選星期2, waffle半價之日來試1次~~ 時間尚早才6時多, 很容易找到位子, 於是我們就先去選雪糕~ 店員都很好的讓我們試不同口味, 妹妹問到這雪糕怎樣那雪糕又怎樣, 店員都細心解釋~ 付$$後, 店員給我們1個數字牌, 我們坐在靠窗的位置, 靜待店員為我們捧上大waffle @3@來了來了~~~ 多問侍要1份餐具, 就跟少爺開動囉~~ waffle 確實充滿牛油香味, 但妹妹和少爺都心裡1涼, 這1涼就是來自已經微涼的waffle >.< waffle 外皮未夠脆, 內裡也太鬆散, 至於雪糕, 夏威夷果仁味道很淡, 即使有1粒粒的果仁也提不起味兒來,,, 反而特濃巧克力就好得多~ 巧克力味濃得帶點點苦味, 果然少爺好眼光=3= 雪糕 配 waffle 本來就是無敵的組合, 但這兒的價錢, 即使waffle半價後也未免有點貴呢,,, 跟少爺試過1次就算了~

因為要起屋企睇電視，所以買個甜品在家慢慢嘆又因為見這個蛋糕賣相吸引又是我最愛的朱古力，就給這件蛋糕一個機會特濃朱古力蛋糕 $28只是睇都好吸引，不規則形狀的朱古力包住內裡濃濃朱古力蛋糕，味道不錯，我比較欣賞內裡的特濃朱古力蛋糕，濃得來軟滑外層的朱古力片如果味道再香濃的話更"正"以這個價錢來說都OK。

every tuesday waffle 都有半價所以我只會在 tuesday 幫襯今次真得很不幸是次目標明確只吃 waffle 唔食 ice cream所以立刻走到收銀機前排隊前面果男人買完野食後個 waitress 竟然走左去整 waffle完全當我透明唔理排緊隊既我亦都無叫我等一陣真係 O 晒咀囉！我唯有走去另一部收銀機度跟這邊另一個的 waitress 說冷氣太凍佢話唔較得然後無再理我喇都無幫我解決問題咩服務黎架？！我唔會再幫襯架喇！！！貼錢買難受.........好耐無寫 openrice這裡的零服務絕對激起我寫 openrice 的念頭

我係napoleon既超級fans!食過paris既作品~一試愛上..誓要尋找最好食既拿破崙!好食既宗旨係:新鮮既酥皮唔會有水氣~要crispy鬆化脆口+蛋香奶+牛油味既custard!而非cream+sponge cake!<~第26件要試食既拿破崙餅係黎自gelare既! 拿破崙餅$28唔講咁多癈話~基於經過家樂見到呢間gelare除左食雪糕之外都仲有窩夫..最緊要係有拿破崙食~之前試過佢d雪糕..又唔係好特別好食,除左個honey味少見d之外~都幾甜但又唔算平~所以冇叫..於是就俾男友抖一抖..叫佢order左一件比我坐低食喇~首先,我地搵到張sofa卡位..坐左陣..完住冇staff過黎執野...於是我男友叫人黎執下張枱啦~上餅喇~$28黎講佢size都ok嫁喇..不過我一個人第一次食napoleon會食唔哂點解呢?餅面有層焦糖+icing sugar,我一叉落去...e????乜唔係酥皮黎既???但又見佢d餅有一個個小洞...咁係焗既???但食落去...我同男友都一致認為係麥芽餅囉...d custard好多...無論餅同custard都好甜...甜到我一半都食唔落.

ice-cream is everyone favorite in summer i knew this cafe after reading an article in magazine. low fat chocolate chip ice cream: i guess everyone knows ice cream is a junk food that high in calorie and sugar, therefore ice cream that lists as "low fat", "low in sugar" or even "no sugar added" is more attractive to girls like me this ice cream is really tasty, it is very milky and creamy that it is even chewable. it is full of crunchy chocolate chips which enrich its texture.

好好味呀..之前朋友已經講左星期二會半價架啦.不過真係等唔切啦..所以...貴d就貴d啦..叫了一個大窩夫配曲奇雪糕窩夫上有忌廉及糖漿.忌廉另上會較好曲奇雪糕是十分實在的味道,不太甜濃郁曲奇的味道.而且質感很好..真的是0%空氣的雪糕但其實細窩夫都夠了...大實在太大-,-而且雪糕很快便會溶掉..來不及時間去吃!但下次一定會等星期二才去吃吧!!

好鍾意食「蘋果金寶」,鍾意到就算賣相,一睇就知唔太好既,都要買。講真,黎得Gelare唔係食雪糕就食窩夫,所以那Apple crumble新唔新鮮?心裡有數。「crumble」o係雪櫃已經錯啦,crumble即整即食先香脆麻!面頭同餅底腍晒不特只,蘋果份量多,但無肉桂味,又唔夠酸,吃錯了,不過「滿足」左好奇心~