Go Inside Kitchen (已結業)

今日帶住亞女去到呢今日約咗好朋友仲要帶住個囡去咗呢間餐廳度訂咗位食午飯，一入到去店員已經好煩安排我們坐低，店員服務態度很好，而且現場又有BB櫈可以比BB坐，的確唔錯！午餐包了餐湯或沙律，我選擇了餐湯，外表做得很靚，上邊用忌廉做的圖案增加了食慾，這個蕃茄湯味道偏甜，我就不太喜歡，但係我的女兒極為喜愛，她差不多全個湯飲晒！蒜蓉麵包熱辣辣10分香脆鹹豬手份量好大，好香脆，但係味道偏鹹！芝士焗生蠔的蠔身肥美巴拿馬火腿芝士pizza ,巴拿馬火腿切得超厚，口感滿足，芝士嘅份量超級多，但較咸，可以做到拉絲的效果，餅底香脆。最後最值得一讚嘅就係Cappuccino，他們選用的咖啡味道濃郁，與今餐的食物10分平衡，值得推介。今餐我哋都食唔晒，仲有四份一嘅份量可以打包添！又慳返一餐！

經朋友介紹下得知觀塘有Go Inside Kitchen所以趁有時間就一家四口黎個餐聚，而且還可以順帶預早慶祝母親節門外裝飾都別有用心從工廈走進寫意悠閒既世界與最親之人共享晚餐，Are You Ready?簡單整潔，同暗黑的工業大廈截然不同木造既飯桌帶出絲絲悠閒主義的感覺如果你問我，我會話這是家的感覺一行四人，我地都比較細食但我地見到樣樣都想試，最後簡選了FBBQ汁西班牙黑毛豬豬助骨同樣簡單整潔既餐牌加勒比海飛魚籽煙三文魚白酒忌廉汁意粉$148 ★★★★★率先到桌的就是這意粉唔講的話介以係係為慶祝母親節而特別出的擺位上面既煙三文魚放成玫瑰既樣子好讓姊妹倆都融化了母親大人的心除了賣相十分好味道還讓我們特別驚喜，飛魚籽絕對落足料，啖啖都有白酒忌廉汁更是比平日的忌廉汁多了一份香氣配上了一些青瓜絲，一點都不膩當中還有一點三文魚碎再來就是這個沙律前菜了，巴馬火腿比想像中的要好吃，不會太「un」但仍保持應有口感及散發著淡淡肉香還不錯我會給★★★★Set Dinner F BBQ汁西班牙黑毛豬豬助骨★★★★ $348 跟1客2件蒜蓉包、1餐湯、1餐飲、沙律3選1、甜品3選1BBQ汁比較似水牛城雞奕

lunch時間嚟到人多到爆嘅觀塘，醒目仔如我緊係一早用open rice book定位～仲有八五折！抵！位置唔難搵，係牛頭角同觀塘站之間，工廠大廈入口對正大馬路巴士站，絕對唔會蕩失路。去到餐廳13:15，餐廳居然無滿座，不過book位有折都係book位好😂😂。lunch set都有十幾款選擇，包湯、餐包、飲品，相當豐富。但素食選擇係零⋯不過多年素食經驗～走餸係我強項！最後叫咗兩個餐～溫泉蛋卡邦尼意粉（走肉版）個汁有少少漏，麵質唔好好彈牙或者有蛋香，又唔係稔哂唔好食，調味剛好，屬於中規中矩。素友留意佢係有蛋同有五辛嘅。大啡菇漢堡配薯條（走肉版）薯條粗而且脆口，咸味適中，可惜份量偏少。第一次切漢堡包可以一刀切唔散開唔漏汁，某程度上都係一種出色😂😂。材料係新鮮嘅，咬落唔特別驚喜，都係中規中矩。食物質素普通，如果想追尋美食可以免喇，但性價比係高嘅，最後折完兩個人食咗$171，以西式套餐嚟講算好抵食，仲要坐得舒服坐得耐。推介俾想食餐豐富又要求唔高嘅人

今次三人行,收工近近地諗住去觀塘工廈邊食邊坐邊傾頭盤既蒜蓉法包好香呀,而巴馬火腿蜜瓜沙律都好足料！而薑汁甘筍忌廉湯都好特別,第一次試,薑不會太辣但又夠味！主菜則是美國安格斯牛扒及德國黑椒 豬手呢塊牛扒不得了,我地order 五成熟,切出黎真係差唔多,紅得黎未致於有血水出我們三人異口同聲話出面食牛扒話五成通常都成七成咁,今次呢個廚師好得,岩岩好而且佢加左黑椒,所以好香,而肉質又夠嫩滑,好吃！而黑椒 豬手都一樣好香口,又不會太咸再加一個黑松露蜜糖雞翼,甜絲絲,熱辣辣配埋甜品雲石蛋糕岩岩好

會回頭的餐廳，大多是我覺得大件夾抵食，所以想不到吃什麼就會到GO INSIDE KITCHEN今日男朋友來探班，所以就帶了他來一試。*蒜蓉包很有港式風味的蒜蓉包，麵包軟軟的，蒜蓉味都很濃。*餐湯餐湯普通*香煎三文魚扒 ($98)香煎三文魚扒煎得魚皮超香脆；三文魚肉熟得剛好，仍然很滑溜，中間很多肉汁。*12吋巴馬火腿焗芝士薄餅 ($118)三文魚扒沒有配飯是正確的選擇；這個12吋的薄餅，如果是兩位女生，可以不點其他食物了，很適合一班人分享；薄餅是薄的批底，批邊是脆的；中間的芝士份量巨多，超滿足的；巴馬火腿又不會太咸。*黑松露蜜糖雞翼 (+$15)甜甜地的蜜糖雞翼，外脆內JUICY；唯黑松露味不太濃。*法式芝士煙肉焗蠔 (+$15/隻)芝士焗蠔又是另一個爆芝傑作；蠔很新鮮，很有海水味。*凍檸茶 (+$2)

今日早收工，同d同事黎左附近既西餐廳食晚飯，大部份工廈既餐廳都試過，決定要試新野，所以黎左呢度。裝修屬工業風設計，環境整齊，我鍾意佢地張櫈，特別設計，坐得舒服😌我地三個人叫左一份Dinner Set，再加散叫，分量好大，好彩我地食量都好驚人。好耐都冇食過新鮮熱辣既蒜蓉包，唔會好油，秒速食曬。飲到少許薑味，幾清新，但又食唔出係咩湯，即刻問下咩，原來係甘筍+薑忌廉湯。有我最鍾意既ham，加上黑醋，即刻level up。主角黎喇，安格斯😍My love! 超驚喜，5成熟就真係5成，火候控制得好好，大讚！少少肥肉連住邊位，本身牛既質素都好好。冇骨豬手，arm曬我地呢d懶人，同一般德國豬手唔同，塊皮雖然唔係脆炸，反而留返肉汁味道，當然唔少得中間少量肥豬肉，一啖食到三種口感。簡直係食肉獸上身，叫埋雞翼先滿足，蜜糖唔太甜，仲有脆脆地既外皮。跟餐仲有甜品&咖啡。

今日難得同同事可以慢慢嘆個西餐 lunch,所以一早係open rice 搵定觀塘有咩雖然吸引嘅西餐！就搵左 go inside kitchen!set lunch 大約有10個選擇,有好幾樣我哋都覺得好吸引🙄所以揀左成十分鐘🤣最後呢就揀咗呢兩款啦揀咗個黑毛🐷豬柳同埋個帶子意大利飯！基本野set lunch梗係會有湯同埋蒜蓉包啦😳但係佢個湯熱辣辣，平時好少會飲到熱辣辣嘅西湯，我朋友都好讚呢個西湯👍🏼而我就好欣賞呢個蒜蓉包😱我真係未見過免費跟餐嘅蒜蓉包係可以熱辣辣好軟😋真係好好味！主菜方面我地都好鍾意個豬扒黑毛豬豬柳，而個意大利飯味道岩岩好，又唔會好溜！呢，而且我哋每人嗌左一人一隻芝士煙肉焗蠔！成個午餐真係好豐富！好滿足呀！返工咁辛苦點都要嘆一餐嘅

呢間樓上餐廳位於觀塘，出左觀塘地鐵站一條直路行冇幾耐就到，都幾方便，原來佢係一間社企，服務對象應該是聾人(聽同講比較弱的朋友)，雖然侍應聽或講話比較弱，等待食物時間會稍微耐左，但依舊好多熟客嚟食嘢，咁反映左佢啲食物水準應該也不會差。今日午餐有十一款套餐可以揀，我揀左$98嘅煎三文魚餐，另外加$12要左一個沙律，再加左$15兩隻焗雞翼，餐湯係薯仔湯，入口有一粒粒微微嘅薯仔泥質感，好飲，沙律菜夠新鮮，主菜真的唔錯，三文魚外皮煎得脆卜卜，魚肉仲係有juicy兼滑流的感覺，而且份量唔細，配埋薯菜一定夠飽，個焗雞翼都幾好，有燒烤的味道，餐飲叫左一杯熱咖啡，熱辣辣熱咖啡加埋穌奶(冇加糖，因為我習慣左飲無糖嘅咖啡)，舒適的一個午餐。

呢間餐廳位於工業區一到埗，Omg，成個大廳都有股大便味而且裝修差，睇落dull moue對美食既堅持支撐住我上埋去忍住！！上到去，好彩味道已消散鬆一口氣餐廳裝修正正常常唔是特別有格調既一種，但中規人矩可以接受，午餐選擇都算多減肥關係叫左魚餐煙肉薯仔餐湯，味道比較淡，料應該不多，因為無咩粉既口感，既淡又不粉，用料可想而知餐包味道唔錯，但軟身既法棍稍稍減分加$15既黑松露雞翼，味道都不錯，雞翼都肥美，不過黑松露流於表面，肉既調味明顯唔係為佢而設，似係一條百搭方加黑松露係面姐香煎比目魚配薯菜，6分魚皮脆，魚肉嫰，調味都不錯。但，魚肉鬆散，無魚肉味雜菜淋過謝檸檬塊雞蛋仔薯條翻炸，油淋淋香煎三文魚配薯菜，6分評分完全同上，明顯係來源出問題如果話白魚肉係本身魚味淡，三文魚真係無得賴仲有一個扣分位餐廳樓上係製皮廠，長期轉來規律而嘈吵既敲地聲，食左一陣已經被震到頭痛經理都好老實，直接講左上面既情況，相信佢地都好痛頭，如果佢想呃多D客黎，佢大可以話樓上只係裝修，呃我等下次期待或者樓上裝完呢所以，經理既恩勤同老實都加反少少分

同阿囡上完playgroup行去塔巴士時，阿囡瓜瓜叫話好肚餓，途經工廠大廈見再廣告牌就食呢間Go inside kitchen 入到去，真係有個廚房係到，open kitchen 唔覺有油煙味👍🏻由於Set dinner唔係咁岩食，我地就散叫從未食過咁好味既蒜蓉法包，可以用鬆軟黎形容，香濃既牛油蒜蓉味，越食越滋味加勒比海飛魚籽煙三文魚白酒忌廉汁意粉，除了上面既煙三文魚，意粉裡面都有三文魚碎和大量既飛魚籽，要一邊食一邊撈埋先食得哂😋黑松露蜜糖烤雞翼，皮脆肉嫩，配上少許沙律菜是日精選特飲係柚子蜜

看網上同埋YouTube介紹，今晚阿嫂生日，特登booked 左位去試下！ 首先門面好普通，店內的裝修同普通的茶餐廳差唔多！ 看完餐牌，覺得價錢相對於餐廳的位置同埋裝修，服務來講都屬於偏貴！ book 位的時候係comment度問可唔可以帶酒，無回應！ 去度問個waiter，他話要開瓶費$100（超貴），然後我地唸住唔開，係餐廳買支飲，waiter話唔晒紅酒，只有白酒！ 食西餐點可以無紅酒啊，最後我地都決定開我地自己的紅酒，同個waiter反應個開瓶費好貴，而餐廳又無紅酒，他答我：我地紅酒賣曬，而且今日order都未咁快送到啦，而且有白酒啊，一樣者⋯⋯⋯⋯勁唔pro咯！ 西餐的waiter居然可以話紅酒同白酒一樣者！ 不過最後他都同意charge$50 only！ 其實餐廳的菜式都幾好食，特別係個豬腳！ rib eye 就好唔抵食！ 我order左五成熟，來到之後應該係7-8成，同個waiter反應，它就急急腳走左扮聽唔到！

Apr 09,2018 (午餐)放假日子又去試新野😋上菜好快，不用怎樣等。大大碗餐湯，應是粟米湯，結遢遢的，感覺好像食緊稀稀的薯蓉，都不差。蒜蓉餐包，軟軟的，質地並不是硬身、脆脆那種，不用食到一枱都係餅碎。澳洲西冷牛扒跟薯菜，冇跟茄汁俾我們，我們又懶得問。牛排五成熟，有牛味，冇梳打味。德國黑椒豬手跟薯菜，豬手唔算太鹹，可以接受。加＄8.00 可跟飯或意粉，食晒成隻豬手再加埋薯條其實已好飽！熱咖啡，味道比較甘苦、濃。

已經來過這間餐廳數次，餐廳午餐多選擇，而且每樣食物質素高，每次都好滿意。同一個女同事共進午餐，談下女子心事。女同事都喜歡食魚，我地就叫了三文魚同比目魚。食魚之前先飲南瓜湯加蒜容包。南瓜湯淡淡的，但配上香濃的蒜容包好夾，蒜容包烘得剛好，好香。我地仲加了岩鹽温泉蛋同田園沙律兩個配菜。溫泉加入了岩鹽在蛋的底層，食落去有鹽的粒粒同咸咸地調味。沙律加了大量的甜醋，開胃醒神。兩種魚都用了黑胡椒調味，去了魚的腥味。三文魚肉身結實，相反比目魚就稔身，但夠嫩滑。兩款魚都煎得香脆，魚皮脆而不膩。刁草忌廉汁，好creamy，襯魚一流。

go inside kitchen, go inside your heart and stomach😘😘😋 放假嚟到觀塘行下，同男朋友嚟到呢間餐廳食brunch🤗🤗 餐湯係粟米湯，有d碎粟米粒，creamy 得嚟有咬口！餐包正正！搽左好多蒜蓉醬，非常惹味😋 Main 嗌左西冷(medium)😜 幾juicy,有d筋，但牛味濃😘😘🤡 薯條係粗薯，好有口感😍 另外嗌個黑松露意粉😇奶油味一陣陣，黑松露亦好足😛 Green salad very fresh!! Cheese oyster 幾大隻，不過有d腥😟

見它做緊訂座85折優惠，我便和男朋友來試一試。午餐價錢合理環境裝修普通，沒什麼特別，但不時聽到樓上裝修的聲音，我想這就是它做85折優惠的原因吧。跟餐送蒜蓉包，個包夠熱，多蒜蓉，好味。餐湯是粟米湯，都ok,但味道略嫌淡了點。男朋友點的是鮮蝦黑松露意粉，我試吃了少少，覺得味道不錯，比左5隻蝦，份量也ok。我點了的是鰻魚汁炒牛柳絲意粉，有點失望，貌相似酒樓的干炒意粉。味道一般，鰻魚汁只是有點甜的汁，沒什麼特別，牛柳絲不會韌，但沒什麼牛肉味。餐飲點了熱檸水和檸茶，這間餐廳是直接比一壺水和茶給你沖，不過味道也沒什麼特別。埋單結帳85折後165元，算ok,但用餐時一直有裝修的聲音，很嘈吵，食物質素也很普通。