Godiva Chocolatier (已搬遷) 新店位置

godiva 並唔係人人食得起嘅朱古力店來， 個人覺得佢哋嘅朱古力實在太苦 ，反而雪糕甜甜味中和咗就真係唔錯， 濃郁牛奶味 但係唔會搶過到朱古力嘅角色， 所以去到我淨係會幫襯雪糕，

星期五晚同三個女，我妹同我老公一齊去朗豪坊食飯行街，行到咁上下小朋友話想食雪糕咁啱又醒起呢度有Godiva 所以就帶埋佢地去試下啦。我地共叫左5杯twist 嘅。每一個雪糕上面都有一塊朱古力，我開頭以為twist 嘅白色部分係牛奶或雲呢拿味，點知食食下發現原來係白朱古力味黎，雖然係2隻朱古力溝埋一齊但唔會太甜，雪糕質地十分滑，朱古力好香好醇，真係好好味，果然係朱古力嘅專家。個威化筒好脆仲有好香嘅牛油味，雪糕上面嘅朱古力醬都好香好濃朱古力味。雖然50蚊一個，但覺得值回票價！

老婆大人係個朱古力控，食乜都要揀朱古力味，朱古力味以外嘅就唔食，有時氹下老婆，最好就係請佢食下Godiva嘅朱古力雪糕，話晒都係高級朱古力專門店，朱古力味雪糕點都唔會差，嗱，單睇賣相，未食都見到老婆大人笑晒口一臉幸福表情，所以唔係日日要食好嘢嘅，間中一杯靚小小嘅雪糕就可以氹到佢開開心心，都係多個餐嘅價錢啫😏Godiva朱古力軟雪糕極濃朱古力味，香濃軟滑加滿分造型，個筒硬咗小小，不過好厚身唔怕比雪糕浸軟，加上筒邊厚厚一層朱古力脆脆地，食個筒都夠飽，所以老婆大人負責食雪糕，我就負責食個筒😁

今日下午我們去咗旺角朗豪坊見到有「Godiva Chocolatier」又突然間想食甜品，所以就入咗去買黑巧克力軟雪糕同牛奶巧克力凍飲！黑巧克力軟雪糕嘅質感極之軟滑，味道超香甜濃郁！牛奶巧克力凍飲嘅巧克力非常香甜香濃，每啖都有一小粒一小粒嘅巧克力碎粒，令到口感更加豐富，而今次我選擇咗唔加忌廉，感覺無咁膩！店員嘅服務態度好親切有禮！

終於試咗 呢個冷靜與熱情之間嘅全新 GODIVA Duette 啦!!! 下面有暖暖嘅朱古力流心蛋糕，有紅莓同棒果蓉醬揀!! 上面仲有一層脆卜卜嘅棒果脆餅，好有口感。最上當然仲有GODIVA雪糕，可以揀黑朱古力，白朱古力或者兩溝!!! 一杯80蚊，不過真係好好好細杯，勁快食晒囉，唔驚佢溶!!!

Godiva的雪糕岀了名是香。滑。濃。適逢他們踏向90周年，推出了特別版雪糕，今次就試左其中一款。紅苺玫瑰白朱古力雪糕白朱古力的味道好突岀，而且不會太甜，有香濃的牛奶味和幼滑的感覺。加上雪糕上面放有風乾了的紅莓碎碎，會中和了雪糕的甜味。本以為沒有玫瑰味(開頭真的沒有)，但食到落cone裡面先發現原來不cone的周圍塗滿了玫瑰醬，增加了整個雪糕的層次👍🏻👍🏻

今日食完晚飯同男朋友去Godiva食雪糕～我叫左一個raspberry & rose 軟雪糕，男朋友係朱古力扭紋～咁買完就企左係佢地鋪頭前面一路食一路傾計，我個莓+玫瑰雪糕其實係雲呢拿軟雪糕加上紅莓脆脆同玫瑰糖漿，口感好清新好岩夏天食，又唔會太甜漿住個口，雪糕又夠軟滑～食食下發生左單插曲就係男朋友將食左一大半嘅雪糕成個跌左落地下，跟住我同佢一齊幫手清理返個地下嘅時候，店長就同我地講「留俾我地同事清潔得喇～我整過杯新嘅雪糕俾你丫～」今時今日咁嘅服務態度真係好值得一讚！！！

上年開始推出軟雪糕的Godiva明顯獲得很好的市場反應，幾乎所有分店都提供雪糕站了！而且很多時候亦積聚了一堆人群等待/駐足觀望雪糕。作為比利時著名朱古力，推出的雪糕當然富有非常香濃的朱古力味吧！而且質感幼滑，食著之時，感覺真像吃流質的凍朱古力一樣呢！好味道得很！！雖然$50一杯其實頗貴，可是夏天來到，真可以多試幾次呢！不過順帶一提，如果您希望吃這雪糕為求解渴呢？那就不太合適了，因為朱古力十分香濃，水份不太多，未能解渴⋯⋯

還記得孩童時候得到牙醫稱讚說: 『小朋友，你棚牙仔好靚喎，好少食糖係咪？』 那時候回答: 『係呀，我唔食糖㗎，淨係食朱古力。』誠言到現在為止都頗愛朱古力這可可製品，這篇食評寫的是Godiva 產品，特意認真的查找了一下吃朱古力的好處，跟大家分享一下。好處如下:1. 有着刺激大腦多巴胺分秘作用，吃後令人興奮，心情舒暢。2. 含多種抗氧化物，有着美顏抗衰老功效。3. 可提升體內的血清素濃度，有抗抑鬱作用。4. 提升體內的血清素濃度，有助舒緩經痛。5. 成份香精油能阻止胆固醇在心臓動脈壁上沈積，減低心臓病風險。6. 朱古力中的可可能為牙齒塗上一層近似保護膜的東西，不止黑朱古力可以防止註牙，日本科學家的研究所得，連甜朱古力亦有同樣功效。(原來孩童時候的我已有大智慧，朱古力真的能令牙齒健康，跟普通糖果有着大不同，哈哈！)7. 朱古力的氣味可令男性體內產生一種免疫球蛋白A的物質，有助對抗感冒。8. 能保障血小板功能正常，朱古力如同阿士匹靈，不讓血小板粘接，無法形成心臟和大腦的血栓，預防中風。收到家妹一張Godiva 的雪糕禮卷，有效期只剩兩天，知道最後限期當天會路旺角，決定於朗豪坊兌換雪糕一杯。雪

經過godiva見到新出左呢款雪糕心太軟, 好似好吸引咁, 就同朋友一人試一隻味, 分別係紅莓味同hazelnut味, 雪糕可以選朱古力同vanilla white choco. $80一杯都幾貴下, 等左大約5分鐘就有得食,賣相係吸引既, 雪糕下面係心太軟, 用即棄膠杯裝住~雪糕同平時既一樣, 好rich好濃朱古力味, 質感軟滑Vi就中意朱古力味多d, vanilla white choco味太淡, 而下面既"心太軟"令人有點失望, 唔流心, 蛋糕偏實, 似食緊brownie, 無咩紅莓味, 只有表面既紅莓醬有小小酸味味, 而榛子味就比較突出, 食到蛋糕入面有d榛子味既朱古力醬, 但流心程度真係無.... 雪糕份量亦好小, $80唔抵食, 唔會再試~

是日終於嚐了總是擦身而過的Godiva雪糕，我們選了集合香草白朱古力及黑朱古力的雙重巧克力軟雪糕 $45。雙重朱古力軟雪糕可以一次過滿足兩個願望，白與黑，我較喜歡黑朱古力部分。黑朱古力味極濃郁，質地細膩柔滑，融化速度較快，味道不太甜，是很正宗的朱古力味！雪糕上加有黑朱古力醬，使朱古力味更出眾。甜筒方面，有朱古力脆餅圍著甜筒邊位，該部分最為香脆好吃，唯一美中不足的是甜筒整體較為軟身，如果可以弄得脆點就是一百分！

一向都是GODIVA 的粉絲，喜歡她的朱古力香濃而不膩。之前已試過朱古力味雪糕，可說是超級喜歡，濃濃的朱古力，沒有因為加入牛奶，忌廉而變淡，反而更為突出，而且香滑非常，令人一試難忘。朋友說她在外國吃到的比香港的還要濃郁幾倍，不過我認為香港的濃度已足夠，也許是為了迎合香港人的口味，所以跟外國版本有點不同。這次吃的是雲呢拿白朱古力混黑朱古力雪糕，黑朱古力同樣香濃，白朱古力香草味較重，但又不會過甜。相比起純朱古力味，朋友較喜歡這混合味，而我則認為白朱古力味道較為普通，沒有驚喜，我還是會選純黑朱古力味。

最迎都有新品及限定推出, 除左有抹茶朱古力軟雪糕, 仲有呢款限定飲品.伯爵茶黑朱古力 ($45) :特別入黎出食評, 除左因為呢杯朱古力好飲, 仲有就係睇下個外觀, 超級靚, (完美主義者).平時CREAM, 可可粉唔平均, 今次個cream 整得岩岩好.講返味道, 第1啖就有濃濃伯爵茶味, 之後就係黑朱古力, 唔過甜又夠茶香.夠哂凍又唔會有冰粒, 黑朱古力打得有d碎, 飲哂就有點膩.

終於朝聖這個雪糕，這個牌子主打朱古力，當然要試朱古力、賣相當吸引，朱古力味濃，入口香滑，沒有什麼奶味，不太甜，真令人追食多口，可惜雪糕筒有淋，希望店員注意下怎樣儲藏雪糕筒

-伯爵茶黑巧克力凍飲-$45踏入夏季既中段，凍飲當然離吾開我手中, GODIVA既👉Limited edition👈巧克力凍飲又吸引左我去試伯爵茶淡淡既幽香慢慢從黑朱古力味中散發出黎, 為炎夏降溫！微苦帶甜既伯爵茶和香醇的黑巧克力好match，混合著碎冰塊打成的伯爵茶黑巧克力凍飲, 一少啖已經feel到嗰種涼快感！入面既細小朱古力粒除去黑朱古力既苦味, 有種先甜後苦再接着一陣甜甜香濃的朱古力從舌尖上散發出黎~