Golden Elephant Thai

营业中

休息中

星期六經過呢間餐廳諗住醫完肚先再去outlet血拼！😍😍😍同行4人嗌左4個lunch set加小食泰式菠蘿海鮮炒飯泰式炙燒豬頸肉炒手切闊河粉海南雞飯豬手飯2份炸蝦餅1份酸辣無骨鳳爪1份青木瓜沙律真係估你唔到豬頸肉炒手切闊河粉勁惹味,炒得好有色水好夠鑊氣！！！又唔會過鹹，豬頸肉入味！而且我好鍾意佢既手切闊河粉，彈牙又好鬼好味！！！😍😍😍😍海南雞飯好欣賞佢用椰漿飯，好香斑蘭葉味，仲要粒粒分明好好食！雞肉亦嫩滑豬手飯亦唔錯,炆得未算好淋但好食,酸菜加分！🤩🤩🤩🤩🤩最差既就係泰式菠蘿海鮮炒飯，冇鑊氣唔夠色水海鮮烚完放上去佢，海鮮完全冇味，呢個勁唔好食！小食正常，略嫌炸蝦餅多油.......但cp值好高！！！下次會再黎呢到食lunch😆😆

呢間每逢晏晝點都要排下隊，古人既智慧不嬲都係無人排既唔好入唔方好食，咁我都緊係排下。叫左個餐牌好靚既泰式炙燒豬頸肉炒手切闊河粉$54，上到黎份量頗大碟，凍飲加$3，都係屬於正常價。同我食飯既同行人士就叫左海南雞飯，佢地就話個醬幾好味，比起其他舖頭，因為佢寫明秘製雞醬，我都試左下佢地啲醬真係幾香口惹味。言歸正轉講番我個河粉味道唔錯仲會比埋香港人最鍾意既辣醬我地，不過我就覺得比較油一啲，我最後唔知係份量多定係油得濟無食曬，反而豬頸肉燒得幾好呢脆邊就算炒完都係有咬口又唔會太韌。不過如果下次我會想嗌波蘿海鮮炒飯，我見周圍啲人嗌個粒蝦幾大，同埋炒得粒粒分明。可能今次我揀錯野食。不過野飲金屬容器裝住，飲凍飲時特別爽。如果係食Lunch 過得去，上菜快適合打工仔。

去荃灣醫肚，諗住食下泰國嘢，點知咁都揀著間伏嘢😫豬頸肉炒闊河粉，雖然有好多豬勁肉，但啲豬勁肉有陣味，所以我只係食咗啲河粉個菠蘿炒飯上枱賣相已經差，味道仲要麻麻，完全唔知用咩字詞形容好。個蝦餅算正常加$9嘅珍多冰真係伏到一個點，我好似飲緊杯白色嘅水😖

帶完貓貓係附近睇醫生趕住返屋企所以試試依間嘅外賣我地叫咗海南雞飯 泰式豬頸肉炒手切闊河粉返到差唔多成個鐘先食但炒河有驚喜喎 調味岩岩好惹味得黎唔會過咸 最鐘意佢面頭嘅炸蒜同河粉好夾 豬頸肉就未試到廚師嘅手勢因為都焗咗一陣🤣但起碼調味好岩我胃口至於海南雞 肉質正正常常 唔算好滑亦唔太鞋秘製醬汁真係好好味 用曬黎撈飯唯一要彈就係份量略少 兩個人食完冇話好滿足嘅感覺岩岩好夠飽 而外賣價錢能夠平啲就更好喇下次有機會會試下堂食😋

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗呢間泰國嘢新開咗一陣子，今次去試下佢嘅下午茶先～🍴招牌無骨海南雞飯配秘製雞醬（$42）開頭以為下午茶會細碟D啦，原來唔會wor，一樣大大碟...個雞好滑，好入味，份量okay，個雞醬其實唔知用咩整，但用嚟撈飯酸酸辣辣少少鹹咁好惹味，整體上係好味嘅～🍴招牌芒果糯米飯（$48）呢個都唔錯，糯米煮到啱啱好，如果俾多D椰汁會仲正，不過個芒果就稍為唔夠熟同甜，失色咗少少～整體上性價比頗高，幾抵食嘅～ 另外見到隔離檯叫嘅湯粉樣子都幾唔錯，會想再返嚟食嘅～呢度嘅環境坐得好舒服，裝修有少少特色咁，用嘅碟都睇得出用咗心思選購～不過服務就一般啦，不斷送錯餐，有將人哋嘅餐放落我哋檯，又將我哋點嘅放落人哋度，繁忙時間就真係唔知會點🙈同埋加甜品時，明明有好幾個staff，但太專注自己傾計根本睇唔到有客舉手，揮手都睇唔到... 可能下午茶時段冇咩客又冇諗過會有人加嘢食呱😅

千祈唔好食呢間！叻沙香茅豬扒餿咗，好重酸味同雪水味，食完冇幾耐就開始肚屙！海南雞完全冇雞肉味，口感又差。奶茶冇茶味，唯有豬肉生菜包還勉強OK。總之唔會再幫襯。。大家小心中伏。零分

We came in for Lunch and was a table for 2. We ordered the Hainan Chicken Rice and Minced Pork with Basil and Egg Rice. Also with side of Papaya Salad, Hot and Sour Chicken Feet, Lime Soda and Iced Milk Tea. Everything was really disappointing. I love Thai Cuisine so I chose to go to this restaurant because it was new also.For Minced Pork Dish, so disappointing.The Fried Egg was absolutely overcooked. No flowing yolk. Just a hard overcooked yellow thing.Minced pork didn't have any good aroma. Us

星期日嘅荃灣 周街都係人同車 仲要諗方便泊車 海霸街、路德圍自然係一個好選擇🤣🤣想食泰國野 自然就諗起「泰國人」可惜佢三點先有下午茶🤦🏻‍♀️太餓啦😅行過咗兩間舖 有間裝修嘅「潮」嘅泰國野🇹🇭而且下午茶選擇都幾多 1430就開始啦 所以試試佢😋#菠蘿海鮮炒飯 🍍🦐🍚 下午茶size 係細碟啲 不過份量都ok 賣相ok 味道ok 係海鮮少啲😅😅一大隻🦐#海南雞金邊湯河 （啲青同茜俾我走咋😅😅）份量都唔少 湯底淡咗少少海南雞冇啲特別 若果佢跟埋個醬汁應該會加分好多事關我見隔離枱叫 #招牌無骨海南雞配秘製醬汁 係吸引架喎🤤仲要好似係 #椰漿飯 不過想食湯河多啲先冇揀總括 正常野 冇咩特別 上菜都快 service 都ok

下午茶入去叫咗個 豬頸肉炒河， 然後佢話冇豬頸肉換肉片， 咁我都算啦， 結果送到埋嚟， 成碟餸好似喺監倉嗰啲咁樣嘅出品， 芥蘭肉片同河粉 基本係冇一齊炒嘅， 芥蘭完全係白烚， 肉片就咁放上去， 我瞓就炒到燶曬， 仲要冇咩味， 基本上食咗一啖都唔想再食， 只係不想浪費唯有勉強食咗三分一，但結果都係頂唔順， 成個茶餐只有奶茶係比較正常， 第一次食到咁差嘅， 令到我忍唔住 獻上我第一次的 食評。 餐廳環境外觀都唔錯， 但係估唔到食物質素咁差。

今日下晝去尼間餐廳食飯，堂食都冇乜特別又唔係話難食，又未到好食。就叫左個芒果糯米飯做外賣，諗住夜晚食。我攞左外賣之後都第一時間翻屋企擺入雪櫃。一打開覺得好少，芒果又核突，可以見到有啲位黑左 ，飯嘅分量又少。飯望落乾都算，嘩！大佬用叉都吉唔入，重可以成舊飯舉起，真係犀利！你話佢雪左幾耐再攞出嚟賣？應該都最少一晚。48蚊芒果糯米飯，比啲咁嘅隔夜野我，我真係好嬲！咁嘅食物質素比啲客，食都食唔到入口，姐係分明趕客。

荃灣廣場開咗間泰國餐廳，見咁平就梗係入去試吓啦。好意外佢個豬頸肉河粉真係好好食，好入味但係唔會好鹹，而且午餐來講仲要包埋嘢飲真係好唔錯！但係份量對男仔來講可能有啲少另外海南雞飯啲飯都好又有香味，午餐來講雞嘅份量都算OK👍🏻超級大仲可以優惠價換埋蝦餅🤩

性價比超高泰菜，大碟兼味道唔錯😋平時出面食嘅無骨鳳爪得勁小又貴，但係呢度$48就有咁大碟，仲要唔差👍🏻不過炸蝦餅略嫌唔夠彈牙🙈魚餅好食😋因為早左食晚飯，未過下午茶時段就叫左個下午茶size嘅海南雞飯，雞幾滑，油飯夠香👍🏻👍🏻個咖喱蟹係超抵，出面食起碼都$300up 呢度好似賣$298(唔係好記得) 去到點老闆先去街市買😂😂保證新鮮😂😂😂豬肉碎佢偏酸唔夠咸，呢道就麻麻🤔個菜有啲鹹，但係用泥送飯ok😂不過當日上菜速度超慢，同埋位比較窄😂所以坐到有啲唔耐煩🙈整體唔錯,會翻轉頭👍🏻

大壩街一向好多出色小店，之前見到新開左間泰國野lunch hour排好長龍就去試試啦。餐廳環境好光猛，座位方面都頗窄，而且都幾嘈吵，同朋友講嘢要好大聲先得😂Lunch menu選擇數量尚可，用嚟盛載嘅碟好有泰式街頭風格，不過份量就唔算太多，整體就平平凡凡啦～🔸焗芝士馬沙文牛腩飯 $58焗飯需時要耐少少，我呢個焗嘅程度就岩岩好，不過我朋友嘅就有啲燶左少少。食落芝士有拉絲效果，醬汁濃郁特別而且唔會過鹹，牛腩頗大舊，不過有啲鞋口同瘦身，食落有少許痴牙。食都後期會有少許膩，可以配返啲清爽嘅飲品😎🔸泰式海蝦球炒金邊粉 $58金邊粉口味唔係偏酸甜個種，食落少許油膩，蝦球都彈牙。配上花生碎同少許蔬菜，不過不失～🔸泰式火炙豬頸肉炒手切闊河粉 $54河粉份量都唔算多，豬頸肉惹味，河粉都係偏油少少，好彩有啲蔬菜解下膩🔸青檸梳打 +$9本身套餐有包飲品，問店員奶茶係咪泰式個種黎，點知原來都係港式奶茶，咁就試下呢杯青檸梳打，啱晒夏天清爽啲，配返之前偏油膩嘅主食就好match啦🍋

這條小路，是荃灣小餐廳集中地，站不住腳的很快“無得留底”，這個位就是一間新店，有人氣，夠光猛，即管試試。單價合理，餐牌清晰，菜式也吸睛，於是點了兩個有“大拇指”的 推介菜，有“石鍋馬沙文咖哩牛腩”及“海南雞半隻”。 海南雞先上，碟頭超少，按雞翼、雞槌的比例，雞髀起碼少了三分一，也沒有雞背肉， 與“半隻”有很大距離，承言，味道是不錯的，可惜偷工減料，大罪！ 石鍋咖哩牛腩 ，上菜時，咖哩汁 澎湃的翻滾著，很吸引，但整鍋吃完，只有一塊是入得口的牛筋，其它都時一面有筋、另一面全是瘦肉的下等牛腩，又柴又黐牙，還“附送”三大塊薯仔，食材完全不合格。那咖哩牛腩汁倒是十分美味，湯頭應該是用什菜餚出來的，加香料及牛骨，既香濃又清新。老實說，這條小路上，全是中低價餐廳，它也不例外，但低價不代表食材及分量可以妥協，既然要食牛腩便不要用淆湯牛腩，既然說了是半隻就要足半隻，我點的不是碟頭飯，是小菜，更何況這兩個菜式是有“大拇指”的，很失望！

事源 新開 想試，價錢合理，食物賣相幾好.不過其中一位著墨綠色T shirt 女侍應，面黑 粗色粗氣 ，落完單 極速收餐排 夾住張枱紙 成張介落我條頸 冇理會客人 仲當冇事發生！好在冇留血. 唔想做 就咪做 ，啲客唔想受罪！！😡😡