Goobne Chicken (天晉匯2)

营业中

休息中

芝加哥薄餅 - 芝士愛好者必點！佢由五款芝士組成，成個薄餅有一定嘅厚度因為載滿芝士，切開嘅時候瘋狂拉斯效果，由於佢用咗5款芝士，所以食到不同位置嘅時候會有不同嘅芝士衝擊味蕾，建議四個人必點，因為一個人應該食唔到多過三件，因為會好飽 蜜糖咖喱脆烤雞 - 皮脆肉滑，表面有蜜糖嘅甜味，然後到咖喱嘅香味，蜜糖令到咖喱提升咗惹味，yummy !蜜糖香滑烤雞 - 雞肉嫩滑，而味道有啲似蜂蜜芥末醬。不過同蜜糖咖喱脆烤雞相比，我鍾意食蜜糖咖喱脆烤雞多啲。

琴晚嚟咗goobne chicken 食晚飯，一如過往我都係叫返我最鍾意嘅口味，果味醬油蒜香烤雞，呢個口味食極都唔厭，水果味嘅醬油會淡淡咁滲着蒜香味，真係好好食，我之前叫過無骨今晚試吓有骨，我覺得有骨好食啲，因為有骨嘅雞肉嘅皮會比較脆，當然無骨叫做會比較方便啦啖啖肉。今晚仲叫咗韓式蛋捲，嚟到一大條都好吸引，雞蛋唔鞋，算係滑，裏面包住嘅餡料啊例如紫菜、芝士、黃瓜等等，令到每一啖都好豐富好多層次，原來我仲有三款調味醬料俾你點嚟食，所以好難唔好食😅，我仲叫咗杯芒果沙冰，反而依杯嘢飲就爭啲，芒果味唔算好濃，偏甜，如果多番少少酸味我諗會醒神啲。

呢個lunch set幾抵食，$128有半隻雞、一碗魚片湯、一碗凱撒沙律、薯條、一碗白飯同埋一罐飲品，原價$195而家特價$128，有咁多嘢食真係幾抵。烤雞有10款口味選擇：原味烤雞、甜辣烤雞、果味醬油蒜香烤雞、黃金脆烤雞、蜜糖香滑烤雞、蜜糖咖喱脆烤雞、韓式BBQ醬煙燻烤雞、三重芝士烤雞、 辣椒脆烤雞同埋最後一款火山烤雞。我今次就選擇左果味醬油蒜香烤雞。同埋雞佢都仲有分有骨同冇骨選擇，我就揀咗無骨，貪佢可以啖啖肉。我第一次食呢個口味，我覺得好好食，我其實唔係好識形容佢究竟係一個咩味，少少甜但係又有啲蒜頭味又有啲豉油香味，個味道屬於有層次，不過可惜嘅就係今次嘅計唔夠脆，唔知關唔關無骨嘅事呢？我上一次喺尖沙咀食有骨嘅時候就好脆，所以我下次諗住嚟試吓食有骨版，比較一下。琴日唔記得咗讚下依度嘅所有服務人員，非常有禮貌非常之熱心👍🏻

因為上次食完覺得好味 所以今次試吓其他味芝士味好濃 真係做到拉絲效果鍾意食芝士就應該會好鍾意不過一定要趁熱食 因為凍咗啲芝士會變硬冇拉絲效果 味道都差啲味道唔差 不過無乜蒜味食幾件覺得味道有d單一好快覺得膩飲落好清新 食到膩飲就最岩

周日中午通常都係食個快飯，同家人落樓下商場逛下逛下，見到間韓式炸雞店，好似好耐冇食過，又未試過呢間，就決定入去試吓😍間餐廳裝修好簡單，又好闊落，見到佢招牌或者 Menu 都寫住 Korea Oven Roasted Chicken 字樣，覺得有點奇怪，乜韓式唔係只係食炸雞配啤酒咩，連烤雞都有🤔 即刻上網查下先知，原來Goobne Chicken 係2005年創立，喺韓式炸雞市場以焗爐烤制方式為顧客提供一個新體驗，強調不用一滴油、低反式脂肪、低納低卡路里外，還可保留非油炸雞嘅酥脆同肉汁，聽落未食都已經好吸引😍我哋好快就叫左三樣嘢，分別係鐵板海鮮煎餅、餐廳自稱最好味嘅蜜糖咖喱脆烤雞、以及傳統韓式人參雞湯。首先上枱嘅係鐵板海鮮煎餅，餅邊煎得酥脆，用鐵板上可以保存溫度，香葱味道唔錯但海鮮較為少了一點😅第二個係人參雞湯，呢個真係好食，湯底好清好鮮味，略帶少許人參味，裡面足足有一隻雞，而且雞肚仲塞滿糯米飯，旁邊仲跟一小碟淮鹽給客人點雞食，雞肉鮮嫩，做得非常出色👍至於最期待嘅烤雞終於到喇，賣相相當吸引，有好多蜜糖鎖住每件雞，食落口表面非常酥脆，蜜糖甜味夾雜住咖喱味都幾特別，雞胸肉都烤得好鮮嫩，同一般

非常失望！我去過好幾間Goobne, 這間最差！無人流，長期冷清。我黎係因為近，開係屋企樓下。點知次次黎，次次失望！d雞完全唔夠juicy, 唔脆。店員對menu唔熟悉，好似無training. 今日仲要黎錯野，浪費左30minutes waiting for food. d野黎到仲要係難吃。。。。希望這間店快d倒閉，開另一間韓國野。。。。。。。。。。。。。。。。。。。。。。。。。。。。。。

蜜糖味唔算好甜啲雞食落好滑BBQ醬就會濃味啲佢會跟埋兩隻醬但係本身味道都好濃所以都唔使點醬已經好夠味另外蘿蔔好好味 夠酸好解膩芒果沙冰飲落去好清新配雞啱啱好不過支飲管唔知點解好易裂開換咗另外一支都係裂左

呢到嘅韓國炸雞真係好好食！因為位置問題，平時去嘅時候通常都無乜人，靜靜地幾個人咁坐得幾舒服。呢個嘅食物份量都好足夠。一個飯加一個蛋就夠哂飽，想食炸雞就通常都係要唔嗌飯先食得落值得一試

經delivery app嗌咗三樣野食：海鮮煎餅 $142番茄奶油炒年糕 $174（無骨）軟芝士甜辣烤雞 $238原本諗住都幾貴（唔似求其）應該都會好味，仲幾期待添，但係一黎到真係好失望。個海鮮煎餅冇海鮮味，淨係食到蔥味，仲要又薄又細塊。大佬你收人$142喎，如果係咁嘅味我唔買個$30以下就食到嘅蔥餅？？個番茄奶油炒年糕，味道ok，但係都係好細份量。個盒嘅size細過半張A4紙，仲要唔係填滿嘅，都唔知有冇一半。同埋佢呢個話明係炒年糕，但係成個盒得8-9條年糕，其餘都係意粉同腸仔。用$174買個番茄意粉+ 8條年糕真係個軟芝士甜辣烤雞味道唔錯，唔乾唔嚡，有肉汁。貴唔係問題，但係你起碼份量或質素值嗰個價錢先啊。呢間真係「值得一試」，不過試完一次就唔會再幫襯。p.s. service and hygiene 俾中間，純粹因為唔係堂食。

不久前才先食完銅鑼灣店，好味道，今次集齊4人，係想試食邪惡芝士餅 （芝加哥薄餅）。。上次得兩個人，確實食唔晒，所以沒有試，。。邪惡芝士。。好好味。。一定要上枱就食拉絲效果。。韓式烤雞（😁強調不是炸雞），個人比較喜歡烤雞 （這店烤雞有很多味選擇）好味，芝士餅一流好好味，但非常飽肚，4個人食就先好叫，韓式雞蛋卷（價錢貴了些），但都推薦，店舖不算大，離將軍澳港鐵站行一段距離（5至8分鐘），在天晉匯商場，經行人天橋，由港鐵站來，勝在全天候落雨都唔怕，環境普通 ，室內裝修似快餐店，（比較下銅鑼灣店，漂亮很多），各樣食物都唔錯，係 （鐵板海鮮煎餅）韓式煎餅 差些（同祈望有落差，不用試），飲品價錢比較貴，唯一彈下，店內不提供飲用水，賣收費的樽裝水。

今次我要介紹呢間餐廳嘅烤雞！佢哋嘅烤雞有十幾種選擇，有原味、咖哩、芝士、蒜香，辣椒和蜜糖⋯ 對烤雞情有獨鍾嘅你，總有一款啱你口味！我今日叫在蜜糖香滑烤雞，甜甜地又易入口味道幾特別！佢哋仲有分有骨／冇骨可以選擇，我就比較鍾意有骨！其實有骨嘅烤雞都係啖啖肉㗎！第二個我的至愛就係鐵板芝士泡菜炒飯😋唔係好食得辣嘅朋友都可以一試，因為佢只係少少辣！而且配合芝士用鐵板上，攪拌後有拉絲嘅效果，實在好味😋另外，亦選擇左韓式牛肉炒粉絲，呢個粉絲充滿咗韓式嘅味道，表現出色最後亦叫左個藍莓特飲，同藍橙沙冰，配合埋以上幾個菜式，簡直熱氣全消！🥰

We ordered the Chicago Deep Dish 5 Cheese Pizza ($188).The combination of different cheese with a bit of pumpkin flavor near the crust contributed to the pizza not being too cheesy and heavy.However, it is recommended for 4 people to share it, as it may be very filling with all that cheese.There were not many other people in the restaurant, but the restaurant still had a good atmosphere with the screens playing trendy KPop music, so that customers can vibe to the music while enjoying Korean food

今次叫外賣，雖然你嘅時間都好快，識落都仲有戀戀地，但係有幾樣真係唔好叫，特別係有芝士撈住嗰啲，你都乾晒，芝士邊度一舊一舊，分極都分唔開首先嗌咗三重芝士炸雞，你都有少少林，上面沈咗少少芝士粉，味道一般，勝在撈住酸蘿蔔一齊食，冇咁滯胃另外叫咗辣炸雞，完全唔似韓國炸雞，因為好少炸粉，似燒雞多啲再嗌左個蜜糖燒雞，反而依個覺得好味，另外仲有個芥末蜜糖漿點，雞濕濕地， OK明太子蛋，啲雞蛋雖然有少少老，但係撈埋啲醬汁，好味韓國炒年糕，裏面啲芝士好彩仲未硬，加埋啲面，你買個年糕，個汁都好好味，係外賣， good泡菜芝士炒飯，如果嗌外賣，千祈唔好叫，你都啲芝士一嚿嚿，啲飯又乾晒

今次嚟到goobne chicken冇食到烤雞，反而食咗其他小食。今次食咗依個韓式蛋捲，估唔到都唔錯。蛋捲嘅蛋好厚，除咗有紫菜之外，入邊包滿咗韓式粉絲、午餐肉、紅蘿蔔等等嘅食物。蘿蔔好爽，增加咗唔少口感。蛋捲旁邊仲有三款醬汁可以俾我哋點，隨意配搭，幾好味。

平時成日都會喺將軍澳附近嘅商場覓食，不過食嚟食去都係嗰啲餐廳，今次專登走過去天晉嗰邊睇吓有咩嘢好食，見到呢間餐廳既午市餐牌真係超級抵，所以就走咗入去食啦！佢嘅午餐只係$128，包一種烤雞（有骨或無骨）、魚片湯、凱撒沙律、薯角及白飯同埋飲品。我哋叫咗兩個烤雞午市套餐 ，分別揀左三重芝士同埋韓式BBQ醬味，另外仲要多咗一個雞蛋卷。🎈三重芝士烤雞佢嘅三重芝士就係烤雞上面嘅芝士醬混合左三種唔一樣嘅芝士，雖然我自己就唔係好食得出個分別，但係佢嘅芝士味道都算濃郁，連埋烤雞一齊幾夾，不過略嫌個芝士醬唔係好足夠，如果能夠多啲就更加好！🎈韓式BBQ醬煙燻烤雞韓式BBQ醬味道比較濃郁，但唔會太咸，醬汁能夠平均分布喺每一舊雞上面，食落味道都唔錯🎈韓式雞蛋卷出面嘅雞蛋皮相當厚，裏面有韓式嘅醃蘿蔔、蟹柳、青瓜等等，食落去口感好豐富，另外仲有三隻醬可以點，不過其實就咁食已經好夠味凱撒沙律同埋薯角都係同平時出面餐廳食到嘅差唔多，而魚片湯就偏鹹一啲，不過都幾似係韓國時飲到嘅味道整體而言，呢間餐廳嘅午市套餐真係性價比好高，我哋兩個人最後係食唔晒嘅，要打包返屋企，真係幾抵食😋