影片
港铁佐敦站 C2 出口, 步行约3分钟
继续阅读
电话号码
28505232
营业时间
今日营业
10:00 - 02:00
星期一至日
10:00 - 02:00
以上资料只供参考，请与餐厅确认详情
這間小店已光顧起碼一年半了, 從來沒有失望過由之前不是太受歡迎, 到慢慢建立比此間感情, 真係好滿足....十分嚮往小店人情味, 雖然不同種族, 但每次見面都好親切食物味道無得彈, 這店的MOMO, BBQ PORK & CHICKEN係附近搵唔到第二間的而且可以好似大型連鎖KEEP到每次都同樣質素更加難得希望老闆兩兄弟可以堅持落去, 帶俾更多人享受尼泊爾食物風咪
继续阅读
收夜要搵間餐廳坐底食個飯係有啲難道，最近經過啲橫街發現呢間小店！冇睇錯！係尼泊爾菜！坐底睇睇餐牌，比想像中多野食，而且仲好平好平！！Chowmin(pork)$50簡單既炒麵，豬肉比較乾既，炒麵配埋佢個辣醬食先可以發揮到呢個麵既魔力！Masala Papad$20呢個意想不到的好食！！又香又脆！鋪係薄餅上面既沙律，味道mix得好好！呢個絕對推介！Masala tea$15好飲呀！！好耐冇飲過呢樣野！會再有下次既小店～係吹水既好地方！
继续阅读
點左5個食物，襯🍻，價廉物美夠正宗👍🏼👍🏼真心讚👍🏼👍🏼下堂後同同學老師一齊去吹水飲啤酒，老闆娘好好又開張相俾我哋出出面傾到收檔（因為十點冇堂食）！食物好正，steam momo (veg.)手做唔似係現成野～～Masala Papad 酸酸辣辣，配上脆片，送酒一流👍🏼Pani Puri 脆脆波波配上檬汁汁嘅湯係勁正😋有機會一定會再幫襯最可惜係十點就要走人，野食都食唔切，但已經一人隊咁兩支啤酒🍻
继续阅读
是日係佐敦廟街附近，經過一間好地道嘅尼泊爾小店,瑟縮係街邊嘅小角落,外牆上嘅menu全部都係地道嘅尼泊爾/北印小食，於是一探究竟～餐廳其實只有幾張檯,一坐底老闆都好熱情遞上menu,見到menu 上面’Namaste’(I bow to you-greeting)嘅字樣,就知夠土炮,再揭menu全部都係地道價廉物美嘅小食,相信係為同區尼泊爾人而設先叫了份小食($20)店主係用薄餅即炸,激薄激脆,基本上你一拎上手就碎🤣表面鋪上masala salad,其實係一啲混埋紅蔥頭,青瓜,芫荽同青檸汁(凍凍地的)配合小小辣醬同薄荷醬味嘅沙律,十分有風味而又開胃嘅小食(但未必個個啱🤪)小食佐以($15)Masala係一種多種香料混合而成嘅調味料,亦都係一個泛稱,係印度/尼泊爾菜中有不同嘅款式,masala tea 亦都係北印經常接觸到嘅飲料,同一般奶茶唔同,會加入了多種香料包括肉桂,薄荷,茴香,生薑等,異國風味👍🏻Steamed momo-pork($40)無華麗嘅蒸籠上碟,只有最純粹嘅味道,皮好薄,肉汁超多,伴以傳統嘅Red chilli chutney dip sauce,瞬間清哂成碟🤓我哋仲有胃口叫埋炒麵/炒飯,但絕對唔係普通hea炒,兩款都加入了香料即炒,鑊氣十足,加入了大量芫荽😍(不喜者可以唔使叫😅)同少量孜然同故椒粉,所以炒出嚟嘅味道唔會係我地平時食完嘅炒麵/飯,而係非常惹味,香辣,炒飯更用了印度香米,長長幼身食落更有口感😋,而大大碟每碟都只係 $40-50.最令我印象最深嘅係呢間細細餐廳竟然仲可以shisha🤣🤣,平時lkf/諾士佛臺shisha就多,係佐敦廟街街頭食水煙就真係第一次,仲要好平 ($150 only)味道唔係重點,其實旨在感受下地道土炮野,適逢當日係尼泊爾節日,入嚟嘅客人有啲額頭都點了tika(祝福嘅意思),連店主自己都點了,此時此刻,就好似生處異地,走進了當地街頭食店,體驗了當地文化👍🏻香港其實有好多呢啲地道特色小店,有時感受下地道土炮,比起坐得舒舒服服嘅fine dining更有驚喜😉如果放假經過佐敦,推介大家探索下呢間小店👍🏻(不過利申我兩樣都會😛)
继续阅读
咖喱雞肉飯$50咖喱質地好傑，份量好少唔夠撈飯，不過痴得實d雞肉。雞肉居然係鬆脆嘅，以為食緊豬頸肉，味道似燒雞。咖喱裏面有杞子，菜心同白菜有紫蘇葉味，成個飯好特別。飯係印度長米，正正常常。仲有一碗綠豆菜湯，似咸既綠豆沙印度拉茶$15好重奶味，杯底有茶粉食物真材實料，值得一試。
继续阅读