Grove (昇悅商場)

营业中

休息中

放假一早要跑checkpoint，忙到11點終於可以食個Happy Brunch😊行過路過見到有間仲有早餐既coffeeshop就坐低左～Passion Fruit Yogurt 原來暗藏玄機😆無諗到菠蘿+greek yogurt + passion fruit係甘夾👍🏻Chicken Wrap同樣加左菠蘿粒，成個感覺好fresh😌Matcha Latte要讚揚barista，奶泡夠滑，仲有靚靚既天鵝拉花😍食飽再出發～

每次經過呢度，覺得有啲特別，在商場中間有間cafe,每次都想試試，但每次都記不起。今次終於被甜品打動柚子茶很有誠意，上面加上菊花同檸檬，這是小店嘅分別，真心南瓜湯，比較香濃，食得出時日本南瓜的味道牛肩沙律，即叫即整，等咗十幾分鐘，食得出不是快餐店哪一種味道，甚至比outback還好甜品 - 令這晚我想完美嘅句號，加$33就有一客，性價比極高剛剛來的時候，店內沒有客人，臨走時候店內已大約坐滿八成，兩個人消費百五蚊，整體體驗舒服

下午茶系列份量都幾大份，即叫即整，全部order黎晒都係10分鐘內的事，都可接受。雞扒竹炭漢堡，塊雞都煎得幾香，個包夠大個，要兩隻手一齊拎。乳酪香蕉朱古力一口西多士，一直以來朱古力同香蕉就係絕配，唯獨少少要嫌既係朱古力汁可以淋多啲，甘就正了。

完全唔知做乜，送餐又唔知做乜，等勁耐，但係又冇質素，一次過抄幾碟又分唔均衡，見到其他人大碟到，以為自己個碟係例牌，一嚟見到意粉又乾有一粒半帶子，頂你...，其實廚師睇到都唔應該俾個客啦，個安格斯漢堡包完全食唔到安格斯嘅味道，牛龜咁大嚿洋蔥唔知想點，杯熱咖啡係唔熱嘅，杯柚子蜜又冇落柚子，最後要自己追返，乳酪又貨不對辦，冇士多啤梨又唔同個客講，直接上杯藍莓乳酪比個客，我都係第一次見啲餐廳侍應咁樣做，唉！見到佢仲咁多人食，呢區啲人真係慘..

😡😡😡年長女收銀員非常不專業！！！😡😡😡我叫下午茶問佢補幾錢轉特色餐飲，佢答補15元，落單後看收據才發現是補21元，我反問不是15元嗎，佢竟然笑笑口答唔係😳😳😳😳😡😡😡😡，答錯客人問題一啲悔意都冇😳😳😳😳😡😡😡😡，仲夠膽死問我宜家清唔清楚呀……😳😳😳😳😡😡😡😡不知所謂😡😡😡😡😡不知所謂😡😡😡😡😡不知所謂😡😡😡😡😡

小朋友放學好肚餓，見到見到其他小朋友係度飲朱古力就唔行了，唯有陪佢食個下午茶咯。雞扒漢堡➕chocolate fever 90來蚊超級高熱量，不過小朋友唔緊要啦新鮮滾熱辣嘅雞扒最好味啦，好juicy，麵包都烘到脆啵啵，表皮有些焦脆，好香。裡面有牛油果和沙律，沒有什麼沙拉醬，比較健康。Chocolate fever就係好大杯嘅朱古力啦，仲加上棉花糖和朱古力餅，我飲左一啖，就覺得甜到漏。不過小朋友就覺得好好飲。另外，薯角都好味。服務幾好，對小童好nice。

今日得自己一個食早餐，見到餐廳環境清潔，所以入去食翻個早餐叫左份田園慢煮辣雞胸番茄湯螺絲粉，驚喜係個雞胸充分吸收番茄湯的鮮甜，雞肉的口感恰到好處，不會太韌太硬，口感十分好。份量也給得足夠，有菇，雞蛋同菜，令到成碗麵睇落都好好味😋而杯黑咖啡是套餐的飲品，若想飲用其他咖啡便需要額外加錢。我就接受到黑咖啡的苦澀，所以沒有再額外加錢換其他口味的咖啡了。如果唔飲開點咖啡，就建議加錢換其他口味的咖啡。價錢就係$47，都可以接受

今日去左樓下新開既餐廳諗住叫外賣，我叫咗個紐西蘭牛柳忌廉意粉，打開個外賣盒，我真係O嘴！牛柳得個4塊，仲好細塊，同Menu將相差太遠！ 牛柳硬到完全咬唔到，食咗一塊就唔再食。太失望，完全唔值$96 一個餐 仲得個4塊好細既牛柳！ 以後都唔會再幫襯🥲

睇完中醫路過昇悅商場，原本諗住求其醫肚，但點知食落有驚喜👍🏼晚餐揀咗春雞（$158）同比目魚（$167）做主菜，頭盤有黑松露蘑菇湯同蝦沙律，湯幾濃，蝦沙律嘅蝦同菜同好新鮮👍🏼（忘了拍照）主菜春雞幾大隻，雞肉整得幾嫩滑，連男友咁大食都話好大份👍🏼 春雞有跟配菜沙律同薯仔，份量好足👍🏼我碟比目魚都幾大舊，煎得好靚好香口，配菜沙律、薯仔同瓜都幾好食👍🏼餐飲order咗cappuccino同青瓜青檸梳打，男友讚咖啡幾香，梳打都唔錯唔會太甜同好清新👍🏼最後上咗甜品乳酪杯，完全冇諗過咁大杯，乳酪仲要係近似希臘式濃厚乳酪再加啲granola同芒果汁調味，簡單但好食👍🏼於是，響以為是但食個輕食晚餐下，食咗個勁飽勁滿足晚餐😂 餐廳門面有啲似咖啡店/bistro咁，完全估佢唔到，服務都好好，食完就有人收碟，overall 值得推介👍🏼👍🏼 下次嚟呢頭會再encore