Grove Cafe (已結業)

油塘無敵靚海景，室外位仲可以食煙，啱哂喜歡吞雲吐霧一族（我唔食）。下午茶餐三四十蚊，比我預期中平。點了芝士肉醬熱狗，都幾大隻，烤至溶化嘅芝士配上茄汁肉醬，賣相都幾吸引。旁邊仲有配沙律（港式一pat沙律醬mix埋一堆嗰款），味道帶甜。熱狗麵包有輕輕烘過，脆身。肉醬味不夠濃，肉末也不夠細致。最敗筆係條腸，淡粉紅色，麵粉感好重，質感好廉價，又無味，有啲似素香腸，廚師腸都好食過佢，至少有啲味道。期間落了一陣雨，但都無濕身，把傘遮得唔錯。

去 Grove 食嘢有個好處，一嚟唔會太多人，而且大部分時間都可以揀窗口位坐，食飯都可以望到藍天白雲及遠處嘅海景，盡情放空，心情都靚返晒~ 如果 lunch 時間嚟到食飯，我通常會叫 set lunch 薄切西冷牛扒配飯 (黑椒汁)，加埋凍飲 (加$3) 都係 $59。呢個餐通常會有2-3塊薄牛扒，雖然係薄咗啲，但牛扒軟淋，唔會好多肥膏，同埋肉味濃厚，配埋個黑椒汁就更加惹味，食指大動，所以次次嚟到都會叫呢個 set lunch，大滿足!!!

工作到咁上下食飯時間都過埋,本身都想食返個TEA就算同行同事表原唔係呀MA,好肚餓食兩個TEA都唔夠喎咁既情況下,雖然TEA TIME都照選一間食飽飽既LUNCH SET既餐廳啦入左去就快快手落ORDER今日ORDER左兩個薄切西冷牛扒飯加蘑菇汁,一個仲要多汁,另一個係炭燒豬頸肉烏冬,兩杯凍檸茶,一杯熱檸茶59蚊有個扒食下仲有杯凍飲都算係咁啦薄切西冷牛扒飯加蘑菇汁--磨菇汁都算OK,食這個飯多汁才是真正識食講返個重點扒餐就梗係個扒啦,都算OK,幾大塊下炭燒豬頸肉烏冬--個湯底淡左少少,入面日式魚旦就正常野,隻蛋都OK既個豬頸肉都算林同入味

感謝GroveCafe，為我地素食者提供多一個食店選擇。他們有提供素食早餐，質素及味道都好好，除左食物質素要欣賞外，仲有服務員貼心及親切招待，亦係我再次幫襯既原因之一。除了早餐有素食選擇，餐牌亦有幾款素食選擇，有飯有意粉，感謝他們對素食者既細心安排！仲要值得一提食店位置响大本營露天平台，享受用餐之時，仲可以欣賞風景。大家不用擔心落雨時要擔雨傘去幫襯，雖然是露天，但他們既細心設計，戶外有遮雨地方，依油塘地鐵站或大本營行過去餐廳亦不用擔雨傘。

又到左下午茶時間想食少少野黎左lee個以景觀為賣點的小餐廳坐落大本營商場外面可以坐室內或者室外睇左下餐牌決定叫個和牛漢堡是次已經是我第2次來這裏知道他們其實大部份都即叫即做的所以都要等一段時間才可送上食物個包本身是很傳統的那種包不是我喜歡那種有少許生菜醬汁有點兒下太少了和牛ok跟超市100元4塊的味道相約薯條份量不算太多味道也是正路的另外點了檸茶也是非常一般的沒記錯大約是3，4十元我還是比較喜歡老mc的雙層芝士漢堡～

成個月無同阿媽食過飯，今晚同老公帶佢去食好d。唸黎唸去都唔知食咩好，突然醒起呢間餐廳係平台，環境幾好，而且出面望到海又有夜景，感覺好舒服，所以決定帶阿媽黎試下。鐵板美式什扒 配燒汁 $89 - 有腸、煙肉、雞扒、牛扒、豬扒，都算大塊，但很薄而且味道非常一般。鐵板雞扒拌紐倫堡腸 配蘑菇汁 $88 - 雞扒薄切，紐倫堡腸味道同樣一般，無咩味。鐵板西班牙豬 配洋蔥黑椒汁 $93 - 西班牙豬分量好少，而且好多脂肪，怕怕。。切左啲脂肪先食到，所以份量變得更加少，完全唔值$93呢個價。同阿媽一踏入餐廳，佢就話都成十年無出街鋸過扒，好開心。所以我暗地裏爽了一下，但出黎嘅食物水準竟然。。失望了。。

早上1105時到達餐廳，平時都經常惠顧，未坐低但那位男職员話人多無早餐，要1145時才有午餐。早餐時段至1130時，而家係你安排不當廚房不力，無理由唔比食，最多你咪話早餐要等而不是趕客。咁我無辦法唯有企開諗下食乜，有些已坐低等食既食客問個男職員早餐時段是否改了，佢仲自以為是話要截龍早餐，人多喎！不知所喟服務態度

這間店在大本營屹立已久一直未有嘗過 今晚一嘗 大為失望以下幾點足以讓大家參考這店值否大家光顧1）友人點餐時看中了其中的蕃茄濃湯系列餐牌寫供應時間為11：45-21：45但店員卻說現在晚上已不供應湯麵好吧 那我們得叫其他晚餐2）點了晚餐推介的兩個餐 店員問我們要什麼湯 餐牌上寫住蕃茄湯或白湯我們選了一白湯一蕃茄湯過了一會 我點的意粉就來了再過多五分鐘 友人的飯也來了我們寄怪怎麼主菜來了餐湯卻未來就問店員 怎料店員話冇湯架喎（shocking)(究竟係我去錯左時空定佢失左憶？）餐牌明明寫有湯 佢自己問我地飲咩湯到最後店員尷尬一笑補回兩個蕃茄湯對的。。。我沒打錯。。。補回餐湯也是錯的。。。應該是一白湯一蕃茄好的 不要緊 店員可能新黎的 算吧3）吃完很鹹質素很差的主餐後我們點餐飲 另一名店員來替我們落單友人想點mocha 這店細心提醒原來mocha是要用原價購買 餐飲不包 非常貼心但餐牌卻完全冇提 幸好有這店員想點熱檬蜜 店員卻說要加八元（真係海鮮價 餐牌又係冇寫） 但點熱奶茶就不用加錢 頓時。。。（i m totally shocked.）明明熱奶茶正價同熱檬蜜相差一蚊點解點熱奶茶吾洗加錢

與男友在商場買了東西，不知不覺就下午了，正好就是下午茶時間，經過見到這間位於商場平台的餐廳，可以看見海的呢。雞扒配北海道360牛乳滑蛋多士 $35雞扒有孜然的香味，幾嫩滑，滑蛋煮得剛好，滿有牛乳香，然而多士偏乾身，有點硬。蕃茄湯餐肉滑蛋通粉 $38蕃茄湯幾厚身，吃到蕃茄肉，滑蛋同樣都做得幾滑，餐肉、通粉普通啦！以一個下午茶的價錢，可以坐著欣賞到眼前的海景，呢個下午茶可說是超值！

是日夜晚係油塘食～ 一出地鐵站呢間擁有海景晚餐廳開左好耐，都係第一次黎試。平時見人流都少，依家明白點解會偏少😂😂😂環境其實唔錯，望出去仲有海景，食物就..可以更好1）麵分量適中,基呼沒有松露，味道偏咸，食到咸味同少量松露香2）外貌幾好，上堂熱Lak Lak, 好新鮮，好有期望。南瓜係好淋好甜，但汁太少，重點係魚柳太鞋，偏硬3）呢個應該係3個之中最好的整體黎講，食物好一般

放工與好友往油塘大本型Grove cafe食蝦蘋果沙律，七成西冷扒和羅宋湯，蘋果蝦沙律好鮮甜；西冷扒外表雖然生生地，但配燒汁好好味；而羅宋湯酸酸甜甜好好飲，唯獨是張AIA 九折coupon 用不到，明明coupon未到期但職員說已不能使用，好灰。

約了好友食晚飯，佢比嘅條件係，要在佢嗰區食，本來想搵間新開嘅韓燒，點知佢爆滿，之後佢叫我去呢間西餐廳，唔使等位，去到環境幾特別，廣場上好大地方有間玻璃屋，門口有室外座位坐低食！不過廣場嘅人會無遮蔽咁睇住你食，所以都係坐室內，室內窄窄長長，西餐廳格局，裝修幾舒服，盡頭係吧枱，另外一邊係張大枱！我哋坐一張四人枱，枱布乾淨，又闊落，可惜冷氣超大風，係吹到枱面啲水會震！要即加披肩！仲吹凍晒啲食物！兩個人叫兩個晚餐分享，食物好快上，又會等我哋完成一免費：黑醋麵包：法包嘅硬邊，麵包較乾硬，中央都唔鬆軟，點黑醋都幫助唔到！加上黑醋雖然酸但唔香！跟餐：蕃茄湯，同飲緊茄汁無分別！雖然好滑，但無其他味道，好寡！跟餐：自製刁草三文魚配粉紅珍珠：三文魚新鮮，刁草汁無乜味！無乜香草嘅味，好似浸過油嘅三文魚咁，肉質彈牙！粉紅珍珠即蟹籽！新鮮卜卜脆，沙律新鮮爽脆！醬汁酸酸地清爽跟餐：清新田園沙律配自選沙律汁，賣相靚，可惜菜太老，加上無醬汁（餐牌我事後先見到，話可以自選醬汁，店員又無問，我哋又唔知！Too bad!，結果我哋自己加麵包嘅黑醋當汁！）無汁整體較乾！A:西班牙黑毛豬風乾火腿，紅蝦及菠菜意大利飯/意粉($9

1. 蕃茄湯。蕃茄湯？根本係蕃茄醬溝水，超酸超咸，係咪落糖變落鹽？裡面又無料，真係純蕃茄醬，超唔掂。飲左4啖，放棄左。2. 上餐速度。遲黎先上岸，整完幾個薄餅都未出到到我碟意粉，如果你話薄餅係預先整定，咁我無野講囉。仲要，第1次上係俾錯左隔離再隔離張台碟粉。3. 服務。禮貌係ok, 不過唔夠醒目。我叫2人餐，黎左碟拼盤後，要舉手先識俾2隻碟我。食完叫左餐飲，又唔識收台。埋單時之前d碟仲響度。4. 食物。質素係ok的，除左之前個湯之外，其他食物賣相味道都唔錯。唔通真係慢工先出到細貨？唉。5. 環境。哩個無得講，因為望住個海(雖然係工廠景)所以係靚的。只係。。。唔該其他野配合返呀唔該。結論，無下次。sorry.

已經第三次食，可惜今天真的很失望。佢一放低隻蝶，俾我見到污糟左就叫佢換個俾我。食完頭盤，等左好耐都無餐湯，我等左好耐，之後追佢先有餐湯到左三次都得一款“南瓜湯”一味杰加咸，飲完個湯又係超耐都無嘢食，我有耐心等，等到我頂唔順，今次老公追佢，等左一陣到左，我的鵝肝牛柳凍的。很失望，食完快快走。

環境氣氛好好嘅西餐廳, 有海景有candle, 仲有熱情嘅餐廳經理, 介紹下今晚有咩推介, 食完又會問下今晚d野啱唔啱食, 好似去咗高級餐廳咁, 好適合飲野傾偈, 但食物方面選擇唔多, 份量唔多, 沙律同三文魚就略嫌唔夠新鮮。