Häagen-Dazs

营业中

休息中

唔知點解次次嚟皇室堡就算唔好雪糕都會入咗Häagen-Dazs度坐...呢個月影迷情（$120）可以自選三款雪糕，我揀咗士多啤梨芝士餅、焦糖脆餅同曲奇；雪糕底部有約10粒brownies；另外有焦糖香蕉🍌、waffle脆餅、士多啤梨、朱古力醬同杏仁碎🤤兩個人share做甜品都食唔哂😆😆！最抵讚係佢地會將brownies擺喺雪糕下面做墊底，所以就算雪糕溶緊都可以滲入去brownies度☺️！

於銅鑼灣同友人食完晚飯，於附近行逛咗一會兒，決定去食個甜品，途經皇室堡，於是就去食雪糕😋。今次選擇了堂食，坐位寛闊，坐得舒服，純白裝修，氣氛悠閒放鬆。餐牌種類好多，對於我呢d有選擇困難症嘅人要用好耐時間決定選哪款。最後選了朱古力嘉年華。可以挑選四球雪糕口味，我同友人選了綠茶，黑朱古力，夏威夷果仁雲呢拿同埋曲奇味。甜品以一個大嘅類似波璃酒杯盛裝，相當吸引。綠茶味雪糕感覺清新，黑朱古力味雪糕，朱古力味濃，帶少少甘苦味，good ，夏威夷果仁粒粒有口感而奶味香濃，曲奇雪糕有好多餅碎，友人至愛。除了雪糕仲有多款配料如棉花糖，brownie粒，杏仁脆餅，杯底仲有香濃朱古力醬，相當豐富滋味。

最近天氣好熱，天氣一熱就好想食雪糕，食完之後先至覺得有正常嘅體溫。成日會買便利店嘅雪條、雪糕。不過今日放工行左一陣，已經覺得好熱，等唔切去便利店降溫，所以見到Häagen-Dazs，即刻入去買番一杯雪糕降降火先。我最鍾意食呢度嘅雪糕，因為口味選擇特別多，而且有時候會有限定嘅口味，有新意得黎又唔會覺得成日食嗰幾隻味好悶。今次揀咗傳統口味士多啤梨味，哈哈哈，雖然唔係特別既口味，但士多啤梨味係最容易入口，果肉酸尾尾，加上雪糕真係好好食！

假期最鍾意帶小朋友去公園玩，去完熱啦啦梗係嘆番杯雪糕啦，最近維園嗰間雪糕店就係響皇室堡啦，咁啱嗰日做緊特價，外賣係買一送一，不過我哋想坐低堂食，又唔想食啲咁貴，點左一杯新出品藍梅雪糕飲品，有得飲又有得食。你杯藍莓薰衣草特飲係新出品，薰衣草味唔算突出，藍梅雪到冰，飲落去特別透心涼，加埋梳打水，一杯已經降溫，價錢仲要60幾蚊真係最扺嘅飲品呢！

遇上八達通優惠，可以氹下阿寶呢隻雪糕控。坦白講，如果唔係有優惠，都唔會幫襯買一送一優惠好吸引，加上收銀效率好低，平均一個 Order 要take at least 3分鐘令隊排隊條龍好長。strawberry + raspberry sorbet酸酸甜甜，啱阿寶呢隻士多啤梨控strawberry cheesecake + mixed berries 一向麻麻地雪榚，食完都無助我改觀。頭一啖係有果味，但之後餘韻都係好甜，完全係糖精味道⋯ 多食，就算唔癡肥都恐怕會有糖尿病

帶囡囡去皇室堡玩下，行下，因為有玩具反斗城同埋冒險樂園，亦有好多唔同品牌既幼兒鋪頭，行到好累，我地入左Haagen Daz 食雪糕，原來雙球雪糕做緊買一送一優惠，我地好口渴所以點了兩杯飲品，一杯鮮奶咖啡，一杯熱朱古力，慢慢坐係到食。我地買了兩杯雙球雪糕，老婆點了薰衣草藍莓雪糕加抹茶雪糕，薰衣草味好香好濃，亦有粒粒藍莓果肉，抹茶雪糕奶味比較重，而我點了比利是朱古力雪糕加 焦糖脆餅雪糕，焦糖脆餅大量焦糖脆餅粒粒，比利是朱古力雪糕一直都係我至愛，行到咁累，終於差返電啦。

其實$68一杯雙球係唔平，最近買一送一，不時見到在不同的門市也有一家大細出動的情況，看來50% off之後才是一般家庭接受的價錢。我今次食既2杯，味道分別係比利時朱古力配士多啤梨芝士餅，同埋冧酒提子乾配藍莓。講下味道啦 --- 比利時朱古力夠滑身，味道有層次，唔係得個甜字，所以如果一時諗唔到想食乜，我就會揀佢。士多啤梨芝士餅係我對呢個品牌既favor味道，有得咬，味帶少少酸令成件事fresh左，係好野來。冧酒提子乾係我兒時favor味道之一，時不時回味也不錯。藍莓... 其實係穩陣之選，冇咩特別既。

踏入夏日第一件事,就是食雪糕!早前凍凍地的時候,真的沒有意欲想食,但只是開始熱的話,已經聽到雪糕叫我的召喚。可惜去到專櫃的新款口味並不多,想試試新口味都沒有,唯有買了單球的冧酒提子味道。喜歡它帶著少許的酒味,再加點提子,口味比較有層次感,而且也有口感咬下。再配上這個草莓醬再加碎杏仁,食下去好味一點,也有著草莓的酸酸的味道。不過這樣一球和甜筒已經51元,略為少貴,不過偶爾一次半次放縱一下給自已,也算給自己一個特權吧...嘻嘻...

Ice Cream Cake Tasting Set It includes Golden Sweetness, Royal Coronation, Rosy Love and Rose Whisper.I think this cake was mixture and layers at once. Also, Haagen-dazs of ice cream were specially since you feel fragrance from ingredients. This cake' taste will not over sweet. I like "Golden Sweetness" because it used Belgium chocolate.Moreover, this set will offer a cup of Ice Cream Latter which can choose the different taste.I try drink ice cream latter of belgium chocolate, it is good taste.

每年都想食一次雪糕火鍋，今年都唔例外，今晚晚飯專登食少d，就係為左個甜品！雪糕火鍋$368，用citibank信用卡有9折。雪糕味道係指定嘅，無得自由選擇。每個雪糕火鍋有32球迷你雪糕球，再有一盤蛋糕水果，真係要4個人先食得晒！冰凍嘅雪糕加上熱朱古力，一凍一熱變左脆皮朱古力，真係好好味！不過乾冰唔夠力維持到最後，之後d雪糕慢慢開始溶，食到後尾已經整唔到脆皮喇！呀，原來cash coupon係唔可以用黎食雪糕火鍋架！

兩個人來Haagan-Daz嘆雪糕，叫了杯有兩球雪糕的雪糕新地，名字忘記了。一杯$68，因為有一張$50 coupon，所以只付了$18。選了最愛的士多啤梨及比利時朱古力。新地裹的雪糕球太小，其他是cream，三塊小脆餅乾在底，及一塊大ruffle餅乾插在雪糕上。Cream比雪糕還多，總之買兩球雪糕還抵。

係Haagen Dazs既雪糕火鍋呀😍😍呢款火鍋係啱啱新岀廣告賣到行曬比佢燒咗同fd去食💸💸💸佢既賣店係每款雪糕有4糕再加一啲配料去食 (極度建議點完朱古力點nuts🤤🤤) 佢既鍋底有分抹茶🍵或者朱古力🍫 味道好濃但食到有小小膩🤢🤢但overall黎講朱古力味道太濃遮咗好多既雪糕味 再加上雪糕太易溶 朱古力未沾上去已經溶反落去🤢😂 所以都係比適合貪玩或者影相呃like既你🤣🤣 如果追求味道 實在d直接買算la😂 而且唔好睇佢好小咁，2個人食完係好膩好飽😂😂

公司送嘅coupon換外賣自取咖啡一杯。個女侍應全程黑面，家陣爭你錢？！就係我攞咖啡期間，外面有個女職員係櫃檯整理糖包，我冇位置落糖，男朋友幫我扶住隻杯係比櫃枱面低少少嘅斜枱落糖。入邊個女職員瞪大眼睛話：“小心d果度斜o架！”我話“佢幫我扶住隻杯”然後依然係黑面冇笑容冇答話，好似我已經倒瀉左杯咖啡影響左佢一樣。態度堪比某d茶記阿姐。咁嘅服務態度真係對唔住你嘅價錢，好食嘅雪糕大把，真係毋需要幫襯呢間。咖啡還算不錯，奶味唔夠。外賣加左杯套依然覺得辣手

之前食過幾次都好失望，死因係一味死甜，掩過食材原味。用上最後一張voucher，依舊唔信邪，點咗中過幾次伏嘅水果系列—柑橘柚子。門市嘅新口味，加上少見呢隻味嘅雪糕，所以忍唔住點佢。另一隻味揀咗保險啲嘅黑朱古力杏仁味。初頭會食到香濃牛奶味，柑橘就係口腔留下清甜餘韻。建議再多啲果皮，混一啲酸味較重嘅柚子雪糕，令雪糕賣相、味道昇華。黑朱古力杏仁味明顯比較實。有唔少chocolate chips，杏仁相對較少。朱古力味濃陏，但既然出咗咁多隻chocolate，呢隻以dark choc為賣點嘅不妨選用更苦嘅chocolate，滿足返揀呢隻味嘅顧客嘅合理期望。

呍呢嗱、焦糖、朱古力、蛋糕，大家都一定食過呢四種食物，但原來將呢四種口味加加埋埋變成雪糕去食，真的可以話配合得天衣無縫! 當你的舌頭正品嘗呍呢嗱嫌佢唔夠甜的時候，哈，法式的焦糖味道馬上排隊準備衝擊你活躍的味蕾; 當你開始有貪念想大啖大啖咁食，你做得對，因為朱古力蛋糕係絕對可以滿足到你邪惡的貪念，令你食雪糕都可以有d野趙下!女士們下次食雪糕唔一定再只吃士多啤梨，男士們亦請跳出單純朱古力或咖啡味道的框框。情侶檔的話不妨試下呢款新口味，話唔定大家試完之後，跟對方也可以重新培養番一種新鮮感，不過小弟要繼續被享受單拖的浪漫….