HABITŪ table (ELEMENTS圓方) (已結業)

HABITŪ table (ELEMENTS圓方) (尖沙咀)尖沙咀柯士甸道西1號ELEMENTS圓方火區1樓1001號舖野菌椰菜花不是飯（$148）本身以為係純素之選～但同店員確定後～係有落忌廉煮，同之前食過粒粒分明既椰菜花飯有分別，雖然外表一般～不過食落有驚喜！🤩椰菜花飯有陣陣嘅松露味～而且雜菌分量十足！忌廉份量落得比較多～食到最後覺得有少少濟純牛芝士漢堡（$178）漢堡包上台個樣幾靚仔～麵包望落脆而挺身～漢堡扒夠晒厚身～可惜食落很失望～漢堡扒冇牛肉味，而且好鞋身～口感就是一舊舊肉碎拼成的肉碎漢堡～而且煙肉整得細細塊，芝士份量亦偏小～相比呢個價錢，顯得性價比唔高啊！~紅菜頭泡沫豆奶（$52）淺粉紅色嘅豆奶適合打卡，因為見周圍隔離枱好多人都叫紅菜頭泡沫豆奶，好奇地order 黎試吓，未能飲得出紅菜頭味～淨係飲得出蜜糖味同埋豆漿味～不過表面嘅奶泡都打得幾細滑嘅！

難得放假，諗住去element 飲杯咖啡輕鬆吓。見到呢間咖啡店做緊promotion 用指定信用卡可以買一送一於是就分別同友人分別叫咗一杯飲品雖然話係買一送一姐，但應該都要有返少少誠意嘅我揀咗只可以堂食飲嘅焦糖咖啡之前飲過，印象中係覺得好正嘅，因為上面嘅焦糖係好夾下面既咖啡，而且好靚，好值得打下卡嘅點知.......一黎到.....我見到個樣就唔開胃個表面係火星表面，凹凸不平，同我上次飲個杯完全唔同於是，我同侍應講係咪平時都係咁？如果唔係，可唔可以換過杯俾我。咁佢都好好咁換左杯俾我嘅(圖2)，不過其實都係差唔多囉......Anyway.....可能嗰日我咁啱咁唔好彩啦

Brunch來這裡算不錯選擇，但waitress 都幾忙，很難先叫到人落單，點了沙津、粟米片及兩杯咖啡，起初以為會唔夠食，一定要叫多份甜品，點知最後飽了大半天。來elements 圓方有個好處，就係消費後有免費泊車優惠👍🏻

呢間野講真真係冇可能收呢個錢 150蚊一個pizza細到冇人有 我從來唔寫食評但今次忍唔住我同一個9歲小朋友黎 兩人食左400蚊 離譜叫拒比杯 超小杯 話水一定係小杯 有冇病呀？

在西九行到累，便回Elements 飲杯嘢，休息吓。以前Habitu 門前一定有條長長人龍，見無乜人，便直入。店舖裝修冇乜大改，座位寬敞，始終是老店，讓我同老公懷念疫情前在這裡看電影及進食的日子。它逢星期六丶日及公眾假期都有最低消費，每人$80，即不可齋飲。😝 我同老公各自叫了杯飲品，加一個鷄肉墨西哥芝士餡餅。以前Habitu 的咖啡是出名香濃的，今日叫了熱Flat White（$44），不外如此，有點失望。無疑有咖啡味，但不香濃，感覺只比Starbucks 好少少，對比於Lady M，已經失色。🙁🙁🙁老公叫了杯哈蜜瓜桃茶（$52），一陣糖水味，甚為難飲。😤😤😤鷄肉墨西哥芝士餡餅（$108）味道還可以，皮很薄及脆，鷄肉份量亦多，夾埋菠菜及芝士，味道唔錯。加埋有兩款醬汁可選，味道上可以有變化。只是雞肉略為嚡口，口感差一點兒。😋不過，今次之後，Elements 的Habitu肯定不會是我留連的地方。

Waited at the door and no queue and no one attend to us staff playing with mobile phone. Went in later ordered a nachos a salad and a pizza. Nachos and salad arrived. Pizza didn't turn up. Asked for help no one bothered after we finished the nachos and salad. Pizza still haven't arrived all other tables after us were served. Thereafter we asked for the manager. The manager told us to wait or cancel. We waited. 5 mins later he came with a nachos and not the pizza!!!! . We were forced to cancel an

已經不是第一次幫襯Habitu Table，個人覺得此餐廳的咖啡水準一直都非常穩定，在城中要找一些比他好味的肯定隨便數到好幾間，可是論穩定性來說，Habitu Table每次、每所分店的咖啡味道、溫度各樣都接近100%相同，非常穩定。這一次光顧，我點了一個all day breakfast、一個烏龍茶千層蛋糕切件以及一杯cappuccino 。all day breakfast和cappuccino一如往常都是很穩定的，此回的亮點是那件烏龍茶千層蛋糕：不太甜，茶的味道很好，千層蛋糕的質地和口感十分軟綿綿，吃完之後想立即再多點一件！  

朝早10點幾响圓方搵食選擇並唔多，想搵個有卡位嘅餐廳同朋友嘆個靚早餐，最後選左呢度。🍴環境餐廳位於溜冰場上方，坐靠邊位置可以睇到溜冰場，位置開揚，餐廳佔地大。🍴餐點叫左兩份All Day Breakfast，都幾貴！仲要唔包飲品，連埋加一⬇️💰1份早餐連飲品盛惠$210😵🍴食物質素食物份量正常，有蕃茄仔，菇，沙律菜，炒蛋，腸，茄汁豆，煙肉、煙三文魚同兩片法包。👎法包～好硬，似擺左幾日。👎炒蛋～無蛋香，炒得太熟。 建議落d牛油同奶落去炒，味道會更好。👎菇～超乾，無味無道，一d都唔好味。最失色的一樣食物。👍煙三文魚～👍好味，唔太咸（最怕食好咸嘅煙三文魚）呢個價錢🤷‍♀️呢個質素🤷‍♀️唔值得再回頭！🤦‍♀️

今日專程來試這餐廳，雖然是公眾假期，但晚上六時多仍有很多座位，我們幸運地坐到好闊落的卡位，更可凝望下面的溜冰場，非常寫意。 芒果牛油果醬墨西哥脆片做得非常出色，脆片幾薄而且香脆，牛油果醬配合番茄醬汁和帶微酸的乳酪，做出很清新天然和開胃的感覺。 美中不足的是芒果含量太少。 這個水牛芝士薄餅餅底做得很薄，圓邊位置焗得很脆但燶得很厲害。芝士很香滑而且佈置得很均勻、厚薄適中，與新鮮的番茄和羅勒做出化學作用，整個薄餅吃起上來味道很豐富。玫瑰奶茶很香滑，玫瑰和奶味濃沃，但茶味不足。座位之間的距離算寬闊，感覺衛生清潔。

今日食評有✍🏻Habitu @elements 試食指數⭐️⭐️⭐⭐店舖衛生⭐️⭐️⭐侍應態度⭐️⭐️⭐️⭐((每項5⭐️為滿分)) · 下午茶時段點了1️⃣茄汁肉醬闊條麵，夠熱上枱已經好吸引，配料豐富，份量適中，一人前剛剛好，讚2️⃣椰菜花不是飯，淨係個名都覺得好吸引，係輕食選擇，白汁椰菜花配搭新鮮，賣相也不錯，讚3️⃣熱紅菜頭豆奶，冇紅菜頭味但係有豆奶味，顏色擺設賣相吸引，甜度適中，讚·店員殷勤有禮當日約咗朋友傾啲嘢所以想坐卡位一有卡位吉岀佢哋就即刻安排我哋轉過去·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

復活節假期後送小孩番學，有小小私人時間，可以食一個舒服又安靜的午餐，再去買家中日用品。坐下就點了一個set lunch ，坐卡位可以望下溜冰場，寧靜的下午，心情舒暢。Set lunch餐單選擇好多好豐富，有輕盈沙律，有意粉亦都有全日早餐。太陽蛋烤牛肉多士 $108Beef Salad tartine with sunny side up 牛肉烤得幾香，大小適中，配上泰式汁好開胃，雞蛋煎得半生熟，蛋黃有小小流汁。面包烤得脆脆的。侍應見我食了一半就送上飲品，剛剛好。

𝘏𝘢𝘣𝘪𝘵𝘶̄悠閒寧靜café 適合約會/同朋友小聚嘆下午茶🍰-Buffalo mozzarella（💰148）超足料嘅水牛芝士薄餅🍕因為係薄批所以食到烤得脆卜卜嘅餅皮 加埋番茄同新鮮嘅羅勒菜 仲有海量嘅芝士撒上面 絕對食得好滿足😋(˶‾᷄ ⁻̫ ‾᷅˵)推薦指數: 8/10.Broccoli Orecchiette（💰98）又嚟試貓耳朵意粉 份量嚟講都足夠 食到有好香橄欖油味🍝可惜係味道偏淡 調味唔太夠 並未有好驚豔嘅感覺(˶‾᷄ ⁻̫ ‾᷅˵)推薦指數: 7/10.Rose latte（+💰16）玫瑰latte可以話係必點嘅🌹聞落去有淡淡嘅玫瑰清香但唔會搶左濃郁嘅咖啡香 味道方面雖然偏甜 但啱啱好中和左咖啡嘅苦澀味 值得一試☕️(˶‾᷄ ⁻̫ ‾᷅˵)推薦指數: 8/10

每次黎睇戲之前都會食呢間消磨一下時間,因為野食岩食,坐得好舒服.環境又好之前係叫開all day,今日想改變下,點左份香煎三文魚egg benedict,平時食開用三文魚配答都係煙三文魚,第一次試香煎既三文魚.其實都唔係好夾. 所以我....分開左食...但佢既三文魚煎得好香 好乾身 好好食.無太多調味..食得好舒服.同樣地我走左荷蘭醬,真係怕肥.但蛋方面就麻麻地. 唔夠流心. 偏熟.另外叫左份意粉.咸到呀媽都唔認得. 我另外食上面煙肉+汁又唔係太咸架喎會唔會烚意粉時用鹽份量多左??不過真係好小意粉會整到咁咸..多數都係汁出事...但汁幾多, 好掛汁.最後叫左巴西莓Latte同iced latte.兩杯都好好飲..

週五晚約了朋友食飯，因為要方便泊車的關係，所以嚟咗Elements商場。疫情期間呢個商場非常冷清，8點幾嚟到，好多商店都已經關門，只有少量食肆仲有開門。唔少餐廳都係行高檔路線，價錢偏貴，咁最終我地就揀左呢間餐廳食。點了四樣野，首先食磨菇Pizza。賣相正常，味道偏咸，上菜時已經唔熱。雞翼。味道正常，但都係唔算熱，唔知係咪落單時都比較夜，加上餐廳根本無乜人，所以咁樣。蘋果配豬。豬扒味道唔錯，有咬口，蘋果都幾好食，幾清香。最後點了兩杯飲品：抹茶豆奶Latte同薑黃豆奶Latte，個人覺得後者真係超好飲，好香好暖胃，適合女仔冬天飲。食後分享：1. 圓方泊車優惠幾抵，有車一族係方便既，不過就唔好太夜先嚟，成個商場無乜人氣，感覺無咁好。2. 餐廳位於溜冰場上方，第一次去會有Ｄ難搵，最好問商場職員指路。3. 餐廳位置坐得好舒服，適合傾計。不過不設洗手間，最好去完廁所先入座，因為最近的廁所喺下一層樓，行過去都幾遠下。

在圓方 shopping, 肚子餓了想醫肚, 又不失預算, Habitu係一個好選擇談起Habitu, 我第一時間會想起的是 Rose Latte, 有一次經過Habitu 覺得那玫瑰花味很香, 沒想到原來是配咖啡, 以前飲咖啡會怕苦, 所以玫瑰味正好中和左濃烈既咖啡味, 但現在口味已經不同了,  完全不需要放糖, 點 Rose Latte 要指定少甜才可以入口, 淡淡的玫瑰香反而不會搶去咖啡的濃郁味道食物方面, 我試過很多種, 但要推介的話, 我覺得Carbonara 是值得一試的, 因為蛋香味重和芝士味濃郁, 意粉好"掛汁", 非常惹味, 不過一個人吃的話會有點膩, 最好2人或以上可以share牛菌鵝肝意大利飯, 比想像中口感好, 意大利飯吸收左鵝肝同牛菌既香味, 仲有好濃既牛油芝士味, 有驚喜!也試了法包牛油果沙律, 性價比來說, 不太高呀! 沒什麼驚喜, 平平無奇題外話, 圓方因為都是高級食店為主, Habitu相對來說, 是比較平民化的選擇, 而且坐位和景觀也很好, 沒疫情的時候, 還可以看人溜冰呢