HABITŪ table (希慎廣場)

营业中

休息中

又一間多年沒有去的連鎖大型店舖, 今次再度訪尋絕對是為了IG上漂亮美麗的玫瑰蛋糕而踏足、 星期六中午十二時多已差不多全店爆棚， 選擇上我們還是要求門外座位、 因為沒有大大的嘈吵音樂反而對於我們 一邊用膳一邊傾計，感覺還是要更好。。。花花碌碌之蛋糕完全在店鋪門外的玻璃櫃上呈現得表露無遺, 吸睛程度絕對是亮點、 斯斯然坐下便跟妹妹各自選上一碟食品加上咖啡，便開始了一個雞啄唔斷的週末午膳~先來的Rose latte 在於他們身上其實都可以算是招牌貨， 我所認識想當年便是他們和 agxxs b兩間悄悄的帶入香港市場、 所以可以講絕對是冇得輸，玫瑰糖漿的份量剛剛好融入咖啡身上、 在咖啡身上你可以感受到玫瑰幽香味道，絕對是一種女生們的大愛~另一杯Rose milk Latte 是妹妹所叫的， 我就沒有嘗試過、但聽說奶味比例較為重，但不失有花香味道, 兩者知份量亦不可看輕 絕對是可以一邊坐一邊飲閑談半朝 ~由於叫上pizza 妹妹意見 ,不用吃到太飽還是選取一份較為輕食、 故此來了一份Caesar salad雞肉羅馬沙律菜， 雞肉部份不多面層碎碎粒脆多士絕對令整份沙律增添多一份口感、 沙律醬汁是用上

一直都覺得habitu的咖啡不錯 偶然誠品買了書後 下午茶都會去飲杯咖啡 坐下睇書。今日同朋友都想吃一個light dinner 加上想去誠品 便決定來這裏吃個early dinner。 6點未夠入座 餐廳客人不算多，但侍應服務不算勤快 點餐更是等了快10分鐘 叫兩次才有人理會我點了一個烤雞肉Caesar salad, 朋友則點了一個素食的All day breakfast。份量上不算很多 剛好滿足了我們想light dinner 的欲望。Caesar salad 不過不失 可惜烤雞做得非常乾和硬 吃到最後喉嚨都乾了也吃不完All day breakfast 味道不錯，不過同樣面包較乾及硬身 又無牛油 有點難吃完。再帶一讚的是 yogurt 很好吃 不過甜 有點像Greek yogurt 加上底下的果醬中和了餐點的油膩感不過因為送餐點時沒有付上小匙羹吃yogurt，問侍應拿時還遭黑面 感覺不太良好..如果只係為飲咖啡 我絕對會再來，但如果吃飯則要再考慮了.. 食物質素有待改善 更重要的是侍應服務態度差 令人不再想回來...

喺希慎廣場行完街，想搵個地方坐下食下野抖下，俾呢間「HABITŪ table」嘅裝潢吸引咗入嚟，充滿書卷味。由於想食肉，所以冇揀到all day breakfast或者甜品，反而揀咗豬肋骨。·👑 煙燻慢烤豬肋骨（$188）賣相一流，同menu上嘅冇大分別。至於味道方面，豬肋骨嘅煙燻味過重，感覺好似食緊overcooked、好燶嘅肉味，而番茄仔就好酸，整體味道都唔太ok，試一次就夠。· 服務方面亦需要改善，落咗單好耐食物都未到，但隔近嘅枱都上晒菜，唔知係咪漏咗我哋嘅單，同咗職員講，都係例牌話「幫你跟跟」，又要再過多一排先有野食。·食物同服務都唔算ok，呢個價錢再收「加一」，唔太值。

放工行完誠品想搵間就腳既地方食晚飯, 所以見habitu唔太多人等位就決定係呢度食。因為我同男朋友都唔係太肚餓, 所以只係叫左carbonara同埋烤厚切豬柳扒。Carbonara HK$138芝士味夠濃, 意粉軟硬程度剛好, 唔會煮到腍哂但略嫌太多汁, 不夠creamy, 而且價錢偏貴,烤厚切豬扒 HK$198本身對豬肉冇咩好感, 因為覺得味道唔及牛肉, 滑又唔及雞肉..不過今次第一次試就有D驚喜, 因為肉質非常鬆軟,亦都juicy唔會乾身, 經調味後烤散發陣陣香草味整體而然價錢就稍貴, 但野食的確唔錯, 而咖啡以前飲過都幾好飲架, 不過今次唔肚餓所以冇叫到了。

玫瑰咖啡，玫瑰 crepe Cake, green tea tart, 好很OK，對女生而言，單單外表已經滿分。玫瑰咖啡加了糖，甜味剛剛好，但友人認為太甜，所以各人口味不一樣。玫瑰Crepe Cake 玫瑰味濃，可是crepe 比較淋身，個人比較喜歡crepe 皮有質感一些的。綠茶tart 外表精美，不太甜，比玫瑰crepe cake 好吃，友人不愛食甜的都覺得好食，但是份量很迷你，$4x, 一點都不便宜。友人得點了冧酒味的咖啡，確實很香酒味，咖啡味也濃郁，重口味之選。

今日係銅鑼灣想食西餐lunch 於是揀左呢間餐廳 有少少難搵 因為得𨋢直到 如果用扶手電梯就要穿過成層書店先到達太餓掛住食唔記得左相機食先 哈哈 動左手食左d先記得🤪我地無叫lunch set 單點左carbonara同香蒜蜆肉扁意粉 仲有杯earl grey latte Carbonara好cheesy 同埋偏油 味道好食既 不過都幾重口味 食得多會好漏 感覺上食左好多脂肪落肚 哈哈 蜆肉意粉有少少辣 蜆係連殼既 意粉質感都ok 但味道比較單一 雖然見到有蒜粒 但蒜味唔重 整體麻麻地 分量都唔算多 杯earl grey latte我叫左skimmed milk 因為係latte既緣故 所以咖啡味唔會重 toppings仲有少少earl grey tea leaves

好朋友生日當然要買番一個襯得起佢嘅尊貴蛋糕，而且佢係一個玫瑰控，habitu 嘅 rose cake 就岩曬佢口味！原來habitu 可以網上預訂，可以指定要邊款同去邊間分店攞，仲可以寫啲特別嘅句字添，不過須要三日前預訂。今次太last minute， 唯有打電話去留左個蛋糕，下次會識預早訂。整個玫瑰蛋糕淨睇個樣就已經不得之了，壽星女超級鐘意！面上面堆滿玫瑰味朱古力片，整個蛋糕係粉紅色嘅雲石紋加乾玫瑰花碎，食落口一啲都唔膩，淡淡嘅玫瑰花味係口中到爆發，唔會死甜，非常好食，所以呢個蛋糕唔單止睇得仲食得呀！ ！ ！ ！ ！ ！

有日等緊FD 又未夠鐘, 黎左呢度KILL TIME~咁岩佢地做緊新PROMOTE, 我係沖著個CAKE 而黎呢度坐既..可惜我LUNCH 食得太飽, 充其量只可叫到飲品~~~ SO SAD!睇完一輪, 樣樣都係粉紅色, 揀邊款好呢?! 真係好難諗.XDDD最後叫左呢杯 玫瑰蘋果乳酪飲. $60賣相好靚, 初時睇會覺得會唔會係伏呢?不過飲落OK 冇事, 唔會好甜, 飲完重口喝個D, 佢唔係家~係清新既, 都好夠飽肚家XDDD HEA 一個下午都冇問題!

深圳朋友南下工幹，行完誠品，一齊到飲下coffee 。遇啱有個玫瑰下午茶set ... 但一陣仲要食晚飯，都係叫左個簡單set 好啲玫瑰花千層蛋糕🍰一個字靚，唔太甜，但一般般好食玫瑰🌹咖啡拉出心形🧡花好吸引，每一啖都滲玫瑰花香玫瑰凍奶泡咖啡粉紅色泡層次分明，濃濃玫塊味，唔太甜

由細到大，我都自認唔係讀書嘅材料，成日一見到書都會眼瞓。但係因為而家上進修班，諗住去誠品書店搵一啲參考書，點知睇左一陣就已經開始肚餓，真係三歲定八十，點解可以由細到大都咁貪食貪訓。方便就腳，去咗誠品書店嘅「隱藏餐廳」。呢間caffe habitu人流唔算好多，可能因為唔會太多人特登穿過書店而走去呢度食飯，大部份嘅食客都係去完誠品書店就過嚟用餐。我叫左呢個漢堡，真係非常之咁邪惡。上面有煙肉，漢堡上面又有一層芝士，根本冇乜可能成個包夾住黎食，因為實在太厚太多料！肉都算幾juicy, 不過如果芝士嘅份量在多啲就好啦，如果唔係，成個包整體會比較乾身。薯條啱啱炸好，又熱又香脆，真係食十分過癮！打完書釘嘅朋友過嚟呢度食返餐飯，都係一個唔錯嘅選擇。

為咗朋友生日驚喜，早幾日特登搵日收工去㨂禮物同預備驚喜。朋友既東亞信用卡有優惠飲品買一送一，本身好抵不過呢間有最低消費，最低消費要每人六十蚊。所以我哋每人叫咗一杯嘢飲，然後再叫咗一個煙三文魚PIZZA一齊SHARE。伯爵茶咖啡好濃郁既伯爵茶，面頭仲加咗啲伯爵茶作為點綴。為咗諗驚喜計劃既我哋提吓神。焦糖咖啡薄薄的一片燒過既焦糖在咖啡上面，不過可能因為面頭嗰層焦糖既關係，飲起上黎偏甜咗啲。我會比較推薦伯爵茶咖啡／玫瑰咖啡，因為真係出面難試到既味道。煙三文魚PIZZAPIZZA既底好香脆，每塊都有煙三文魚同芝士，唔飽肚既不過啱晒我哋本身已經飽飽哋只想飲杯嘢。 我哋坐到十一點鐘，全程都無侍應出黎催我哋交枱，呢度好啱同朋友行完街，想搵個地方座吓飲杯嘢。

之前有Friend介紹過Habitu既Carbonara話覺得係最好食既Carbonara見佢講得咁誇張就去試下啦Weekend大概12:30左右到都唔係好full大概仲有1/3既檯未有人兩個人叫左個Carbonara叫左個豬扒Carbonara一上檯覺得比想象中浠但係食落唔會覺得淡 依然係好creamy好濃味果然係冇介紹錯 而且佢個意粉唔會煮到太淋 剛剛好唯一既唔好處就係份量唔大豬扒比我想像中好食佢既肉質好淋而且醬汁好正佢d汁唔會太重味搞到cover曬d肉味而且唔會太鹹 配落去就好適合但佢d配菜就偏淡 唔太好食另外仲叫左杯Earl Grey Latte呢個超好飲 佢既咖啡都超香而且原來earl grey同咖啡係咁夾架

夜晚行行下銅鑼灣肚餓，搵下食咩好，剛好行到禮頓中心sasa，見到左手邊有間好隱蔽既餐廳，望入去唔多人，見餐牌幾吸引就入左去坐。環境唔錯，枱與枱之間有適當既空間感，播住輕音樂，感覺好舒服，好適合同朋友傾計既地方。餐牌好似本雜誌咁首先上左兩杯咖啡，伯爵茶咖啡幾重伯爵味，味道唔錯。另外一杯焦糖咖啡，面頭有層薄脆，飲落都不過不失。依個手製意粉值得推介麵既靭度做得好好，醬汁味道帶少少甜，加上香腸蕃茄，整體來說好味豬柳扒夠厚，但略為有少少燶，醬料有少少咸，加上配料有南瓜，薯仔，菇，整體黎講都唔錯最後加左個香辣肉醬焗雙色粟米片，肉醬好好味，混埋牛油果醬同酸忌廉，好適合同朋友一起路傾計一路食

在誠品無意間買到一本似乎很合心意的書、又不想立ち読む、就想起上樓時看到這家餐廳 — 時間剛剛是晚餐，店裏人不多，瞄一眼店外的菜單覺得有的選就進來坐坐吧。服務人員蠻親切的、也很耐心。菜單上選擇並不是特別豐富，是有選擇恐懼症的患者朋友的福音。裝潢還算溫馨、有自己的風格。開在書店旁似乎自然融合了書香氣息、讓人坐下來倍感沉靜。至於菜品嘛，量不算大，但也還算色香味俱全。希望改進的地方是果汁🍹、如果是廚房現點鮮榨的話會更可口吧！嗯、總結下來下次碰到心儀的書等不及閱覽時、還回再來。

The serving time is around 1 hour. Meals do not come all together, so my friends had to wait for my dish to arrive whilst theirs got eventually cold. Waiters are always busy (or at least pretend to be). The food was mediocre. Really saddened by this dining experience.